Новости за 25.05.2019

Цхьаьнакхеттачу Къаьмнийн Вовшахтохараллан хIордан низамехула йолчу дуьненаюкъарчу трибунало тIедожийна Оьрсийчоьнна, 2018-чу шеран Лахьанан-баттахь ГIирман бердана гергахь лецна Украинин хIордахой маьршабахар. Цунах лаьцна хаам бо "Украинская правда" газетан корреспонденто цу кхелан кхеташонера. Оьрсийчоь хьалхо реза ца хилира дакъалаца цу кхелехь. Москохна цу трибуналан юрисдикци яц аьлла хета Керчан хидоькъелехь хилла и инцидент къасто. Трибуналан сацамна латкъам бан аьтто бу Оьрсийчоьнан... Читать дальше...

Президенте Путин Владимире тешам хилар кхин а лахделла Оьрсийчуьрчу бахархошна юкъахь. ХIинца цуьнан терахь ду 31.7 процент. Иштта жамI ду Оьрсийчоьнан юкъараллана хетарг толлучу центро (ВЦИОМ) бинчу талламан. Иза уггар лахара гайтам бу цу тайпа талламаш болийчхьана. Путине болу тешам бовш бу пенсе воьду хан тIетоьхначул тIаьхьа дуьйна. 2018-чу шарахь Стигалкъекъа-баттахь цу тайппачу талламо гайтарехь Путинна гIортор еш бара 47,4 процент респонденташ. Президенте болу тешам лахлуш бу стохка аьхка дуьйна. Читать дальше...

Оьрсийчоьнан Iедалша лехамашка елла хилла Нохчийчуьра яхархо лаьцна "Чермен" постехь. Цигахь лаьттачу Оьрсийчуьра бахкийтинчу полисхоша автобус а сацийна талламаш бина цу чохь болчу некъахошна. Царна юкъахь йолу 32 шо долу нохчийн зуда, чIагIдарехь, федералан лехамехь йолу. Болчу хаамца, цунна бехке дуьллуш ду сутараллица доьзна нах Ӏехор. Сацийна зуда дIахьажийна ХIирийчуьрчу Пригородни кIоштан полицин декъе, хаам бо чоьхьарчу гIуллакхийн министраллан Къилбаседа Кавказехула урхаллан зорбанан сервисо.

ХIинжа-гIалара Бакох лелар ю "буьйсанан экспресс" цIерпошт. Цунах лаьцна хаам бина Дагестанан куьйгалхочуьнца хиллачу цхьаьнакхетарехь Къилбаседа Кавказерчу аьчкан некъийн хьаькамо Пястолов Владимира. Цо дийцарехь, Азербайджанан коьртачу гIала керла маршрут болх бан йолалур ю кхушара гурахь. Пясталовс билгалдаккхарехь, ерриг а вуьжу вагонаш (СВ) керла а хир ю, аьхна а хир ю.

Нохчийчоьнан парламентан куьйгалхочо Даудов Мохьмада комментари йина Кадыров Рамзан даржехь лакхаваккха, ткъа ша цуьнан метта республикан куьйгалхо хIотто мегаш ву аьлла пIераскана дийнахь цхьамогIа зорбанан гIирсаша баржийначу хаамна. "Нохчийчоьнан Республикан куьйгалхо шен меттехь ву, вуно жоьпаллица Оьрсийчоьнан президенто а, халкъо а шена тIедехкина декхарш кхочуш деш а ву. Со, тешаме белхан накъост, Рамзан Ахматовичан ваша, берриг а ницкъ а, хаарш а, зеделларг а дIалуш кхочуш деш ву цо сох тешийнарг а... Читать дальше...

ТIебогIучу Мангалан-беттан 4,5,6-гIа мукъа денош кхайкхийна Нохчийчохь, Мархийн бутт чекхбаларца доьзна. Цу хькъехь указ арахецна, Кадыров Рамзана садоIучу юкъана, республикан куьйгалхочун декхарш кхочуш дечу Хучиев Муслима. И сацам бина Хучиевс, Нохчийчоьнан муфтиятан дехарца, динех лаьцначу Оьрсийчоьнан федералан низамна ("О свободе совести и о религиозных объединениях") тIе а тевжаш.

Нохчийчоьнан куьйгалхочо Кадыров Рамзана "цахилларг" ду аьлла, шен долчуьнан метта Оьрсийчоьнан министрийн кабинетехь дарж лур ду бохург. Оццу хенахь, цо ган а гуш, харц ца деш дитина ша Нохчийчоьнан куьйгалхочун дарж дарж хийца мега бохург. "Суна, олуш ма хиллара, рогIера зуда ялийна. Со а воцуш! Со лакхавоккхуш ву, карьеран ламина тIехула. Цхьаьнаметта Къилбаседа Кавказан федералан гонан векалан а, Оьрсийчоьнан вице-премьеран а даржашка хIоттош ву со", - яздина Кадыровс Telegram каналехь пIерасканан сарахь. Читать дальше...