Маршо Радион тIаьххьара керланаш
Газах дIовш даьлла йоI яларна бехкево Нохчийчуьра да, Муцураевн эшаршка ладогIа лаахь кийча хила гIуда такха.
Газах дIовш даьлла йоI яларна бехкево Нохчийчуьра да, Муцураевн эшаршка ладогIа лаахь кийча хила гIуда такха.
Екатеринбургерчу Свердловн кIоштан кхело бехказваьккхина меттигерчу криминалан гонашкахь дош лелаш хилла Арутюнян Ашот верна цхьана шарахь сов изолятор чохь латийна Веданара Хасаев Мовсар. Цуьнан гIуллакх шен тергонехь латтош бара кIоштарчу нохчийн диаспоран векалш. Цара кехаташ яздинера Оьрсийчоьнан президенте а, ницкъаллийн структурийн куьйгалхошка а, Хасаевн алиби хилар а дуьйцуш. Бехктакхаман кодексан 105-чу артиклца (стаг вер) гIуллакх айдина Свердловск кIоштан Талламан комитето динчу зуламна дуьхьал. Читать дальше...
Кадыров Ахьмадан васт дестош схьадогIу махкара Iедал. Урамашна, маьждигашна, футболан клубна тиллина ца Iаш, ярташна а тахка йолийна Кадыров-воккхахчун цIе.
Украинан кхерамзаллан Урхалло (СБУ) миграцин хьукматна хьоьху гIалгIана Мейриев Русланна тховкIело цаялар. Йоьдучу кхелан кхеташонехь дIахьедина цунах миграцин хьукматан векало. "Оцу органах ца теша цхьа а бух бац тхан", - аьлла цо, Мейриевс шена дуьхьалоярх латкъамбар толлучу Киеверчу суьдехь. Адвокато Лапин Александра бахарехь, процессан декъашхошна керла хIумма а дацара миграцин хьукмате СБУ-н куьйгалло дахьийтинчу кехат тIехь. 2017-чу шарахь а даийтира цара Мейриевна мухIажиран статус ма ло аьлла, изза кехат. Читать дальше...
UFC-ца хиллачу контрактех мукъаваьлла нохчийн латархо Эдилов Iабдул-Керим, хаамбо Fight Time спортан хьостано. "25 шо долу латархо Эдилов Iабдул-Керим, 2017-чу шарахь шолгIачу раундехь хиллачу техникан нокаутехь Михайлович Боян эша а веш, UFC-н баннер бухахь цкъа бен летта вац", - хаабо интернет-хьостано. UFC-хь кхиамаш баха таро ца хилира нохчийн спортхочун иза лазорна а, 2016-чу шарахь допинг-тестех чекх ца валарна а. Fight Time хьостано дийцарехь, билггал информаци яц, Эдилов юкъарваьккхина, йа шен лаамехь контаркт хадийна цо. Читать дальше...
Таджикистана Кувейтерчу векало Зубайдзода Зубайдуллос дахначу шерашкахь 88 таджикийн бобер юхадалийна ДАIИШ-exь xIаллакъхилла шайн дай, наной схьабевплачу махка – Таджикистане. ХIинца цуьнан барт хилла уьш санна долу бераш Шемара а дIадига. Оцу Iалашонца Зубайдзода деношкахь цхьаьнакхийтира Кувейтан арахьарчу rIуллакхийн министран гIовсца Аk - Сабахь ал - Мухьаммад Ахьмад Нассерца а, цхьамога кечу дипломаташца а.
"Исламан пачхьалкх" шех олучу тобанан могIаршкахь хилла ву аьлла, терроризмна бехкевина, лоьхуш хилла Ахмадов Имампаша кхаарин Iуьйранна Москва кхачийна. Оьрсийчоьнан дехарца экстрадици йина цунна Брюсселан Iедалша. Дагестанера схьаваьлла ву 32 шо долу Ахмадов. 2014-чу шарахь Шема дIавахна даIишхойх дIакхеттера иза. Цул тIаьхьа цхьан хан яьлча Бельги юхавеанера. Стохка дIалецира иза Белгин къайлахчу сервисаша Оьрсийчоьнан дехарца, ткъа цаьрга дIавала сацам кху деношкахь хилла. Ишта къаьстина, Ахмадов... Читать дальше...
Романова Софья Нохчийчуьрчу Iедало эвлаяъ веш лаьтта Кадыров Ахьмадах Кадыров Ахьмадан васт дестош схьадогIу махкара Iедал. Урамашна, маьждигашна, футболан клубна тиллина ца Iаш, ярташна а тахка йолийна Кадыров-воккхахчун цIе. Муфтий ваьхначу ЦIоьнтарах Ахмат-Юрт баха деза хIинцачул тIаьхьа. Иза дар "Пайхамаран суннат" ду боху цхьаболучара. Пайхамарийн могIарахь Махкахь президент лаьттинарг сийлаллин Iарше ваьккхар – тоххара бирзина баьлла болх бу Нохчийчуьрчу Iедална. Бусалбанашна даIваташ... Читать дальше...
Меттигерчу 40 шо долчу вахархочунна дуьхьал гIуллакх долийна Нохчийчохь, ларамза чохь газ дIаихна цуьнан йоI яларна, хаамбо REGNUM агенталло, регионерчу Талламан комитетан информацех пайда а эцна. Кху шеран Дечкен-баттахь луьчучу чохь угаран газах садукъделла еллера 15 шо долу йоI. Талламчаша къасторехь, газ латто система йоьхна хилла цу хIусамехь. Хи дохден гIирс ша дIахIоттийна хилла хIусамдас, цундела инструкци тIехь долчуьнца догIуш ца хилла монтаж яр.Оцу бахьанашца бехкеозийна да. Дагестанехь... Читать дальше...
Европан Кхеташонан Парламентан ассамблейно (ПАСЕ) Оьрсийчоьне кхайкхамбина, политик Немцов Борис вер таллар юхадоладе аьлла. Литван делегацин декъахочо Зингерис Эмануэлиса лерина кечйинчу рапорт тIехь билгалдаьккхина, оппозицин политик верах бакъдерг хIинца а къаьстина дац аьлла. Талламаш дIахьочу юкъанна хIиттийначу камераша дIаяздинарг карийна дац, оцу зуламан цхьаболу тешаш лебина а бац, доккхачу декъанна. Цул совнах, ПАСЕ-с тергойина, дов хоттучу хенахь коьртачу тешийн тоьшаллаш бIостане хиларан а... Читать дальше...
Iамеркехь кхелхина 97 шо долу бакъонашларъярхо, Human Rights Watch организаци кхоьллина хилла Бернштейн Роберт. The New York Times хьостано бина и хаам, цуьнан кIанта Питера динчу дIахьедарца. 1944-чу шарахь Гарвард чекхъяьккхина, дуьненан ШолгIа тIом бирзинчул тIаьхьа Simon&Schuster гIирсца болх Iамон волавеллера Бернштейн. Дуьненчохь а уггар йоккхачу книгашна зорба тухучу «Рандом Хауз» компанин куьйгалле хIоттийра иза 1966-чу шарахь. 1973-чу шарахь бакъонашларъяран болх бан волавелира Бернштейн. Читать дальше...
2017-чу шарахь Ибицехь Австрин вице-канлер хиллачу Штрахе ХIанс-Кристианца "оьрсийн олигархан гергара ю" ша аьлла цхьанакхеттачу зудчун цIе хаа аьтто баьлла хаамийн гIирсийн. Австрин Die Kronen-Zeitung газетано яздарехь, Боснин студент хилла иза. И видео йоккхуш къахьегарна 7 эзар гергга евро луш хилла цунна цхьана дийнахь. Журналистийн информацица, Штрахен дахарх цхьацца информаци хиъначул тIаьхьа билгалъяьккхина хилла и йоI олигархан гергарчун рол ловзо. Хиллачу цхьанакхетарехь йоIа дийцаредо... Читать дальше...
Одессан кIоштахь губернатор лаьттинчу Саакашвили Михаилна Украинан вахархочун бакъо юхаелла пачхьалкхан президенто Зеленский Владимира. Украинхойн куьйгалхочун сайт тIехь бина цунах хаам. Омрана куьйгяздинчул тIаьхьа Саакашвилис дIахьедина, кхааридийнахь ша Киеве вогIур ву аьлла. Политик тIетайна президентна Зеленский Владимирна, иштта шен дегайовхо хиларх дIахаийтина цо, "Слуга народа" шен партино хинболчу парламентан харжамашкахь толам боккхург хиларх а. Иштта чIагIдо Саакашвилис, Украинехь политикан карьера дIаяхьа лаам бац шен бохуш. Читать дальше...
Iамеркан Цхьанатоьхначу Штатийн пачхьалкхан департаменто бехкбиллина Димаьшкъна а, Москвана а Шемара конфликт марсаяккхарна. "Маьршачу бахархошна а, юкъараллан инфраструктурана а - школашна а, базаршна а, дарбан хIусамашна а тIе бомбанаш еттар могуьйтийла дац", - аьлла, дIахьедина пачхьалкхан департаментан пресс-секретаро Ортагус Моргана. Стигалкъекъа-бутт карабеачхьана ситуаци марсаяьлла Идлиб провинцехь. Доккхачу декъанна, Вашингтоно емалдо Асадан эскарша химин герз лелорна. ТIемаш а, тохарш... Читать дальше...
Нохчийчуьрчу Шелковск кIоштан кхело гIуда тоьхна меттигерчу вахархочунна, социалан машанехь бардан Муцураев Тимуран иллеш даржорна. Дахначу оршотдийнахь 1500 сом гIуда тоьхна цунна экстремизме лерина, федералан тептаре даьхна иллеш "Одноклассники" машанехь зорбане дахарна. Прокуратуран белхахоша Интернетехь мониторинг дIахьочу заманчохь гучудаьлла дихкина иллеш даржош хилар. "Кавказский узел" агенталлан зерашца, дахначу шарахь оццу артиклца бехкевинарг мел лахара а итт стаг ву.