Маршо Радион тIаьххьара керланаш
Шен кIанта туркойн кино чохь дакъалацарх дийцина Кадыровс, ГIалгIайн студенташ чохь буьтуш сацамбина Мисарарчу кхело, Нохчийчуьрчу суьдхочо 10 миллион тIедожийна хаамийн гIирсашна.
Шен кIанта туркойн кино чохь дакъалацарх дийцина Кадыровс, ГIалгIайн студенташ чохь буьтуш сацамбина Мисарарчу кхело, Нохчийчуьрчу суьдхочо 10 миллион тIедожийна хаамийн гIирсашна.
Грозненск кIоштан талламан декъо зуьйш ду лийча вахна 14 шо долу кIант Терк чу вахана валар. Болчу хаамашца, кху дахначу кхааридийнахь ЧIаьнти-юьртан йистерчу Терк хи чохь луьйчучу заманчохь дIатакхийна хилла и кхиазхо. Цунна орцах вала воккханиг цхьа а ца нисвелла уллохь. Нохчийчуьрчу орцан министраллан белхахошна карийна цуьнан дакъа. Изза бохам Iоттабелла цул а де хьалха, шинаридийнахь ТIехьа-МартантIерчу Закан-юьртахь. Iам чохь луьйчу 17 шо долу кхиазхо хи чу вахнера цу дийнахь. Ший а гIуллакх тергоне эцна... Читать дальше...
Кремло дагалаьцнарг Telegram-каналашкахула тергалдало, ткъа иза тида аьтто ло Нохчийчоьнан куьйгалхочо ша йохучу гIулчашца
"Оьрсийчоьнан сийлахь цIераш" аьлла, дIаяьхьначу конкурсехь къастийначу Оьрсийчуьрчу 40 аэропортан цIераш хуьйцучу омрана куьйгъяздина пачхьалкхан президенто Путин Владимира. Бакъонан информацин официалан порталехь зорбане даьккхина документ. Москварчу Шереметьево аэропорто Пушкин Александран цIе лелор ю, Калининградскерчу Храброво аэропорт паччахьан Елизавета Хьалхарчун цIарах хир ю. Николай ШолгIачун цIе лелор ю Мурманскерчу аэропорто. Пулковон аэропортан цIе хийцанза юьсу. Стохка ГIуран-баттахь... Читать дальше...
ГIалгIайчуьрчу Iедало тIаьххьарчу шина шера чохь шозлагIа дIакъовла кхайкхийна махкара Тайпанийн Кхеташо Кхаа баттанна болх дIасацийна ГIалгIайчоьнан юстицин министралло махкарчу Тайпанийн Кхеташонан. Оцу хьокъехь "Кавказ.Реалиига" хаамбина юкъараллах ханна куьйгалла дечу Даскиев Мурада. "Пригородан кIошт а, кхидолу гIалгIайн латтанаш а Къилбаседа ХIирийчоьне, я Оьрсийчоьнан кхечу регионе дIадаларх долу низам къобал ма дойла цхьаммо а", аьлла, Тайпанийн Кхеташоно шен сайтехь бина кхайкхам бу юстицин хьукматна дехкар дан бахьана делларг. Читать дальше...
Юккъерчу Iамеркара Цхьанатоьхначу Штаташка низамаш хьоьшуш чуоьху мигранташ Мехико нагахь санна совца ца бахь, гергарчу деношкахь Мексикера чукхоьхьучу сурсатех ял йоккхур ю аьлла, дIахьедина Iамеркан президенто Трамп Доналда. КарабогIучу беттан 10-чохь дуьхьалйоккхур ю аьлла, массо а Мексикан кхачан-сурсатех 5 процент ял йоккху пакет, дIахьедо Трампа. ХIора баттахь дIадолийна гуьйрене кхаччалц пхиппа процент тухуш мах хьала а боккхуш, 25 процент тIехь совцур ду шаьш аьлла президенто. Iамеркан... Читать дальше...
Шереметьево аэропортехь кеман чохь веллачу Дагестанерчу Искандеров Наврузан гергарчарна 1 миллион сом ахча делла республикан Iедалхоша, яздо ТАСС агенталло. "Даьгначу кеман чохь веллачу Каякентскан кIоштарчу Искандеров Наврузан гергарчарна миллион сом дIакхачийна оха тахана", - аьлла Дагестанан вице-премьеро Джафаров Рамазана. "Кавказ.Реалиино" яздира шен агIонашкахь, ша винчу Каякентскан кIоштарчу Усмикентехь Искандеров дIаволларх. Цуьнан юьртахоша сацамбина, цо дешначу школана а, эвларчу урамна а цуьнан цIе тилла. Читать дальше...
Соьлжа-ГIалин Заводской кIоштан кхелахочо Даркин Игора шен сий а, белхан репутаци а Iалашъярхьама латкъамбина кхеле "Клерк" интернет-хьостана. 10 миллион сом тIедожийна цо, яздо "Новая газетано", адвокатан Беньяш Михаилан информацина тIе а тевжина. "Карарчу хенахь къаьстинарг ду, Дауркина хаамийн 6 хьостанна арздина хилар 5 миллионна тIера 10 миллион соьме кхаччалц компенсаци тIейожош царна", - аьлла адвокато. Кхелахочунна цатайнарг ду, Нохчийчоьнан бахархошна 9 миллиард сом декхар дуьтуш ша сацамбина аьлла, зорбанашкахь яржийна артиклаш. Читать дальше...
2016-чу шарахь пачхьалкхехь карчамбан гIортарна бехкевинчу Туркойчуьрчу 74 тIеман гIуллакхдархочунна белла дIабовллалц набахтехь такха хенаш тухур ю аьлла, хаамбина Anadolu агенталло. Царех 56 стаг луьрчу хьелашкарчу набахте хьажор ву. Верриг а Анкарахь оцу пачхьалкхехь хийцам бан гIортарца доьзначу гIуллакхна шеконашкахь латтош ву 151 стаг. 31 вахархо бехказвоккхуш сацамбина кхелахоша. Суьдхойн хьесапашца, оцу къепедацаршкахь закъалте лаьцна Туркойчоьнан Инарла штабан хилла хьаькам Акар Хулуси... Читать дальше...
ТIеман хьелашкара яла гIерта Иракъ. Кхидерг а санна, ца тоьу бахархошна белхан меттигаш. Цундела мехала ду Рукъайа Мохьаммада сабанаш ден меттиг схьаеллар а, цига нах балхаэцар а, махко цуьнан сабанаш оьцуш хилар а.
"Воскресший Эртугрул" туркойн кино чохь шен кIанта Адама дакъалацарх комментари йитина Нохчийчоьнан куьйгалхочо Кадыров Рамзана. Цо дIахьедарца, "Iаламат доккхачу жоьпаллица тIеэцна хилла цо рол ловзор". "Суна дика бевза и кино яьккхинарш а, цу чуьра актераш а, Туркойчохь цхьанакхеттера со цаьрца, Нохчийчохь хьошалла а дина ас царна. Доккха баркалла ала лаьа суна Боздаг Мехметна, дика болх цо барна. Оцу филмо муьлххачу пачхьалкхерчу кегийрхошна гойту шен даймахках жоьпалла хIоранна а тIехь дуйла", - яздина Кадыровс социалан машанехь. Читать дальше...
Экстремизмна бехкевина 4 студент чохь вуьтуш кхин а 15 денна хан дIаяхйина Мисаран Iедало аьлла, хаамбина церан гергарчара. Байначу беттан 9-чохь Мисарахь лаьцначу ГIалгIайчуьрчу кегийрхошна бехкаш дехкира, цара экстремизм а, шпионаж а лелийна, иштта церан даIишца уьйраш хилла аьлла. Оццу беттан 29-чохь студентийн гергарчара хаамбира, ехха кхайкхийна мацалла хьегарна церан могушаллина эшам хилла аьлла. Цул тIаьхьа КъахIирерчу набахтин дарбан хIусаме охьабехкинера уьш. Стохка аьхка Мисарахь дIалецира гIалгIайн пхи студент. Читать дальше...
Теркйистан кIоштарчу Iелин-Юьртахь микрорайон схьайиллина еаридийнахь Кадыров Ахьмадан цIарах. Барамехь дакъалоцуш хилла мехкан куьйгалхо Кадыров Рамзан а. Токхамаша хIусамаш йохийначу Горагорскерчу нахана лерина йина ю и микрорайон. Керлачу цIеношка дIакхалхийна 963 стаг. Дерриг а хьаладинарг ду 128 цIа. Маршо Радионо яздира, Нохчийчуьрчу парламентан куьйгалхочо Даудов Мохьмадан инициативаца Нохчийчуьрчу Хоси-Юьртан цIе Кадыров Ахьмад-Хьаьжин сий деш хийцарх. Цунах лаьцна цо яздинера Инстаграмерчу шен агIонехь. Читать дальше...