Новости за 14.07.2021

Шемарчу Идлибехь евзаш йолчу тIемалойн "ХIайат ТахIрир аш-Шам"* тобано декхаревина нохчо, баьчча Шишани Муслим шен тобанца шайна юкъаваха. Реза ца хилахь, цунна тIедожийна махкара аравалар. "ХIайат ТахIрир аш-Шам" тIеман тобанийн альянс ю шен коьртехь террорхойн "Ал-Къаида"* тобанехь лаьттина дакъа "ДжабхIат Фатхь аш-Шам"* а долуш. Британехь ехачу Шемарчу тIамехь дакъалоцу кавказхой тергалбечу аналитика Паращук Джоаннас дийцарехь, эшначул тIаьхьа бухабисина ницкъаш цхьаьнатоха гIерта и тоба.... Читать дальше...

Нохчийчохь коронавирусан ун даьржинчу юкъанна мехкан Iедалхоша юха а дозанаш тоьхна дIасалеларна. Карахь прививка ярх тоьшалла дацахь, нохчийн коьртачу гIала чувуьтуш вац оршотан дийнахь дуьйна. Оцу юкъанна, Iедалхоша дIахьедина, цхьа раьгIнаш а яц, цхьаьнгга а хоьттуш кехаташ а дац аьлла

Нохчийчохь коронавирусан ун даьржинчу юкъанна мехкан Iедалхоша юха а дозанаш тоьхна дIасалеларна. Оршотан дийнахь дуьйна, нагахь санна, карахь прививка яран тоьшалла дацахь, шахьара чу вуьтуш вац, ишта бехкамаш бу кIошташна юкъахь дIасалеларехь а. Кавказ.Реалиин дехарца корреспондент гIоьртира Соьлжа-ГIала а, кхин а Нохчийчоьнан масех кIошта а кхача. Кху беттан 12-чохь дуьйна Соьлжа-гIала чу вуллучохь Iуьйранна дуьйна яккхий машенийн раьгIнаш ю – хIора машенлелорхочуьнгара кехаташка хьуьйсуш. Юкъарчу транспорта тIехь дIасаваха аьтто бу... Читать дальше...

Къилбаседа кавказехь тIаьххьарчу 24 сахьтехь динчу зерашца, 57 дархо велла COVID-19 уьнах, кхин а тIе цомгаш хилла 1114. Iедалхойн хаамашца, Краснодаран кIоштахь велла 24 стаг, Норхчийчохь – итт, Ставропол-махкахь – ворхI, ГIебарта-Балкхаройчохь – виъ, Кхарачой0Чергазийчохь а, Адыгейхь а, Дагестанехь а – кхоккха, Къилбаседа-ХIирийчохь – шиъ, ГIалмакхойчохь – цхьа дархо велла. Верриг а Къилбаседа Кавказехь пандеми юкъаяьлчхьана велла COVID-19 вирусах 11 963 стаг. Къаьсттина дукха буу н даьлларш... Читать дальше...

Нохчийчохь Невран-кIоштахь Терка чу вахна 15 шо долу къиазхо. Цуьнан дакъа карийна дац хIинца а. Мехкан прокуроро Абдул-Кадыров Шарпуддис талла долийна гIуллакх аьлла, дIахьедина прокуратуран пресс-гIуллакххоша, яздо REGNUM агенталло. Билгалдаьккхина, лийча магийна йоцучу меттигехь Терка чу ваьлла хилла ши кIант, лийча дагахь. "Уллохь орцах вала баккхийчех стаг цахиларна цуьнан доттагIчун аьтто ца баьлла кхиазхо кIелхьарваккха", - хаам бина Оьрсийчоьнан Талламан комитето. Прокуратуран векалша бахарехь... Читать дальше...

"Спутник V" вакцина кхоьллинчу Гамалеян цIарахчу Центран куьйгалхочо Гинцбург Александара хаам бина, 12 шарера 17 шаре кхаччалц хан йолчу берашна COVID -19-на дуьхьал вакцинация яр долор ду аьлла Оьрсийчохь Гезгмашин-беттан (сентябрь) 20-гIа де тIекхачале. Цо дийцарехь, кхиазхошна юкъахь алсамдаьлла и цамагар кхин а хала такхар, хаам бо Свобода Радионо. Ткъех сов берийн дарбан цIийнашкахь кхиазхошна тIехь зуьйш ю "Спутник V" вакцина. Оцу талламехь дакъалоцуш ду 100 бер. Кху, Товбеца-беттан 6-хь царах 21-нна тоьхна вакцинан хьалхара компонент.

Иракъерчу Насирия гIалахь дарбан цIийнехь цIе яьлла беллачийн терахь кхиъна 92-нне, хаам бина зорбанаша дахначу шинарин дийнахь. БIеннал сов бу оцу цIергахь чевнаш хилларш. Хьалхо яздарехь, коронавирус кхетта дархой Iохкучу декъехь кислородан баллон иккхина, яьлла ю цIе. Могушалла Iалашъяран векалша дIахьедира, цIе дIа а яйина, нах лоьхуш белхаш болийна аьлла. Премьер-министран Мустафа ал-Казымис дIахьедира, министршца ша цхьанакхетарш дIадаьхьна, цхьа могIа могушалла Iалашъяран сферера хьаькамаш дIа а леца... Читать дальше...

Американ Цхьаьнатоьхначу Штатийн пачхьалкхан департаменто собаре хиларе кхайкхина Куба, дIадаханчу кIиранан дийнахь, кху тIаьхьарчу иттаннаш шерашкахь ца хиллачу кепара, коммунистийн Iедалшна дуьхьал цигахь шуьйра акцеш хиллачул тIаьхьа. Цуьнах лаьцна яздо Американ Аз зорбан гIирсо "Оха кхайкхам бо сатухуш хиларе, ткъа емал до маьршачу демонстранташна муьлххачу а кепара ницкъбар. Оха иштта кхойкху Кубин Iедале, маьрша дуьхьалонан акце арабовлар бахьана долчу лецнарш маьршабахаре", - дIахьедина... Читать дальше...

Карарчу беттан 12-чохь "Кузьминки" метрона гергахь хиллачу летаршкхаь дакъалаьцначу ялханна чохь даккха 15 дей-буьйсий тоьхна. Уьш бехке бина гуламаш, митингаш, демонстрацеш дIаяхьаран къепе йохорна, яздо ТАСС агенталло. Кеп-кепарчу хаамашца, 50-на тIера 200-на тIекхаччалц болчу Юккъерчу Азин къинхьегаман мигранташна юкъахь нисделлачу летаршна тIехула полицино лаьцна бIе сов стаг. Масех уьрсашца чевнаш йина хилларш дарбан хIусаме кхачийна. Iедалца дага ца бовлуш,хIоттийначу митингехь дакъалацарна бехке бина ца Iаш... Читать дальше...

Терроризмна тIехула дохку бехкаш тIелаца бохуш, полисхоша ницкъбинчу Нохчийчуьрчу Оразбаев Эльдара а, Зулькарнаев Муслима а, Сатабаев Тимура а, Чапанов Iумара а латкъам бинера Европерчу адамийн бакъонашкахула йолчу кхеле (European Court of Human Rights-ECHR - ECHR). 2002-2006-чу а шерашкахь ницкъхоша гIело хьегийтинчу веанна 170 эзар евро компенсаци яла еза аьлла сацам бина кхелахоша. Иза бовзийтина ECHR-н сайта тIехь шинарин дийнахь. Европан адамийн бакъонашкахула йолчу кхело бакъ дина, Оразбаевн а... Читать дальше...