Новости за 27.12.2018

Сауд Арабиясынын падышасы Салман бин Абдулазиз өкмөттө ири кадрдык өзгөрүүлөрдү жасады. 27-декабрда белгилүү болгондой, падыша тышкы иштер, маалымат жана билим берүү министрликтери сыяктуу бир катар өкмөттүк мекемелерге жаңы жетекчилерди дайындады. Ошондой эле Саудиянын экономика жана коопсуздук тармактарын тескеген эки жогорку кеңешинде кадрлар алмашты. Бул эки мекемени тең Саудиянын мураскер ханзадасы Мухаммед бин Салман жетектейт. Жаңы кадрдык өзгөрүүлөр анын ыйгарым укуктарын чектеген жок. Читать дальше...

Президент Петро Порошенко аскердик абал алынганы тууралуу 26-декабрда Улуттук коопсуздук кеңештин жыйынында билдирди. Армия Керч кысыгындагы инциденттен кийин толук даярдыкка келтирилген.

Ооганстанда "Ислам мамлекети" экстремисттик тобуна ыктаган согушкерлердин маалыматын таратып келген адам дрон соккусунан мерт болду. Султан Азиз Азам бир күн мурда өлкө чыгышындагы Нангархар провинциясына караштуу Пачирагам районунда өлтүрүлгөнүн ооган армиясы 27-декабрда билдирди. "Чалгын кызматтарынын маалыматынын негизинде иш алып барган дрондор Ооганстандагы радикал топтун негизги пропагандачысын бутага алды",-деп айтылат армиянын билдирүүсүндө. Ооган Ички иштер министрлигинин басма сөз өкүлү Насрат Рахиминин айтымында... Читать дальше...

Укук коргоочулар Орусиядагы чет өлкөлүк жарандарды убактылуу кармоочу жайда мигранттарды күзөтчүлөр ур-токмокко алып, мазакташарын айтып, коңгуроо кагышууда. Египеттин эки мурдагы президенти сот залында жолугушту. АКШ президенти Дональд Трамп күн мурунтан жарыялабай туруп, күтүүсүз Иракка барды.

2019-жыл да эшик кагып, кирип келгени калды. Сиз дагы кимге эмне белек берсем деп, чөнтөгүңүз менен кеңешип турган чыгаарсыз.

2018-жылы Жогорку Кеңештин дарегине сын көп айтылды. Айрым бир депутаттардын демилге-сунуштары кызуу талкуу жаратты. "Азаттык" буга байланыштуу депутаттардын өздөрүнүн пикирине кызыкты.

Президент Сооронбай Жээнбеков соттук-укуктук реформаны үзгүлтүккө учураткан жетекчилер катуу жазаланарын билдирди.

2019-жылы Орусиянын экономикасынын өсүү темпи солгундап, өлкөдө инфляция көтөрүлүшү мүмкүн. Бул тууралуу "Reuters" жаңылыктар агенттиги экономисттер менен финансисттердин арасында жүргүзгөн сурамжылоосуна таянып кабарлады. Анда Батыш өлкөлөрүнүн жаңы санкциялары, рублдын алсызданышы жана орус өкмөтүнүн салыктарды көтөрүү планы орус экономикасына терс таасирин тийгизген себеп катары көрсөтүлгөн. Маалыматка ылайык, Орусиянын ички дүң жыйымы кийинки жылы 1,4 пайызга гана өсүшү мүмкүн. Бул 2018-жылдагы көрсөткүчтөн 0,3 пайызга азыраак. Читать дальше...

Бишкектин Биринчи май райондук соту мурдагы биринчи вице-премьер-министр Аскарбек Шадиевди он жылга сырттан эркинен ажыратып, үй-мүлкүн конфискациялоо тууралуу чечим чыгарды.

Президент Сооронбай Жээнбеков соттук-укуктук реформаны үзгүлтүккө учуратып же ага кайдыгер мамиле жасаган жетекчилер катуу жазаланарын билдирди. Мамлекетте реформага баруудан башка жол жоктугун айткан президент, жаңы жылдан тарта күчүнө кирип жаткан кодекстерге жана мыйзамдарга өзгөртүү киргизүүдө айрым мамлекеттик органдар кайдыгерлик кылган же саясий эрксиздигин көрсөткөн учурлар бар экенин белгиледи. Өкмөттүн өкүлдөрү жаңы жылдан ишке кирише турган укуктук жаңы ченемдерге өтүүгө даяр экенин айтып... Читать дальше...

АКШ президенти Дональд Трамп алдын ала эскертпестен, Иракка күтүүсүз келди. Бул анын президенттик эки жылында чыр-чатак аймагындагы өз аскерлеринен биринчи жолу кабар алышы.

Сербияда жана Боснияда 21 жаштагы студент Давид Драгичевичтин табышмактуу өлүмүн иликтөөнү талап кылган нааразылык акциялары уланууда. Шаршемби күнү жүздөгөн адамдар серб баш калаасы Белградда жана Босниянын Сараево жана Баня-Лука шаарларында жүрүшкө чыгышты. Драгичевичтин сөөгү быйыл март айында Босния жана Герцеговинанын курамындагы Серб автономдук республикасынын иш жүзүндөгү борбору саналган Баня-Лукада табылган. Студенттин атасы Давор Драгичевич уулун уурдап кетишип, кыйнап өлтүрүшкөнүн... Читать дальше...

Чүй облусуна караштуу Ысык-Ата районунун Ивановка айылында күйөөсү атып алган келин ооруканага жаткырылды. Ал өзүнө келип, жандандыруу бөлүмүнөн чыкты. Бул тууралуу “Азаттык” радиосуна Чүй облустук милициясынын басма сөз кызматынын өкүлү Нургүл Нусупова кабарлады. Маалыматка караганда, 25-декабрда А.В. аттуу 35 жаштагы адам достору менен спирт ичимдигин ичип отуруп, куралдан ок чыгарган. Натыйжада ок аялынын көкүрөгүнө тийген. - Учурда ок кандай куралдан атылганы такталып жатат. Кылмышка шектүү убактылуу тергөө абагына камалып... Читать дальше...

Бишкек шаарынын мурдагы мэри Кубанычбек Кулматов 31-декабрга чейин тергөө абагында калтырылды. Бул тууралуу Жогорку Соттун пресс катчысы Сюита Соурбаева "Азаттыкка" билдирди. Маалыматка ылайык, Жогорку Соттун соттук коллегиясы айыпталуучу Кубанычбек Кулматовду тергөө аяктаганча абакта калтыруу боюнча Биринчи май райондук сотунун токтомун жана шаардык соттун аныктамасын күчүндө калтырды.  Бишкектин мурдагы мэри Кубанычбек Кулматовдун иши боюнча тергөө 17-декабрда аяктап, ага Кылмыш-жаза кодексинин... Читать дальше...

Ошентип 2018-жыл саясий шакабалар менен азилдерге бай жыл болду деп айтсак жарашчудай. Бул жылы Кыргызстандын бүйүр кызыткан саясий турмушу куудулдар менен сатириктердин, пародисттер менен шайыр тапкычтардын башкы темаларына айланды.

Индонезиянын бийлиги Анак-Крактау жанар тоосу атылып жатканына байланыштуу мурдагы эскертүүсүн дагы күчөтүп, бардык аба компанияларын бул аймактагы каттамдарын токтотуп турууга чакырды. "Reuters" жаңылыктар агенттиги кабарлагандай, бийлик ошондой эле жанар тоо жаңы цунамиге себеп болушу мүмкүндүгүн эскертип, жергиликтүү тургундарды жээктен оолак болууга, бардык коопсуздук эрежелерин сактоого үндөдү. 22-декабрда жанар тоо атылгандан кийин өлкөнүн Ява жана Суматра аралдары ортосундагы кысыкта цунами башталып... Читать дальше...

Талас университетинде кыргыз-түрк факультети ачылат. Буга байланыштуу эки тараптуу келишимге 26-декабрда Талас мамлекеттик университетинин ректору Айбек Упенов жана Түркиянын Кастамону университетинин ректору Сейит Айдын кол коюшту. Келишимге ылайык, Кастамону университети Талас мамлекеттик университетинин базасында талапка жараша бөлүмдөрдү ачат. Факультеттеги билим берүү төрт жылдык бакалавр системасы боюнча түзүлөт. Болочок студенттер Кыргызстандын жана Түркиянын дипломдорун алышат. Талас мамлекеттик... Читать дальше...

Орусиянын Хабаровск шаарында бейшемби күнү бир киши граната жардырып, андан өзүнүн өмүрү кыйылды. Дагы үч адам жаракат алганын орусиялык маалымат каражаттары жазып чыгышты. Жергиликтүү бийлик өкүлдөрүнүн айтымында, шектүү шаардагы өндүрүш базасындагы павильондордун бирин тоноп жатканда аны базанын кызматкерлери көрүп калышкан. Алар шектүүнү кармоого аракет кылышканда ал гранатасын жардырып жиберген. Бул окуядан жаракат алган эки эркек жана бир аял ооруканага жеткирилди. Жергиликтүү полиция аймакты курчоого алды. Читать дальше...

Нарын районунун Миң-Булак айылында 300дөй киши чогулуп, Солтон-Сары алтын кенин иштетүүгө каршы жыйын өткөрдү. Ага миңбулактыктардан сырткары Эмгекчил, Он-Арча айылдарынын тургундары катышты. Алар бийликке "кенди иштеткен компания ишин токтотуп, чыгып кетсин" деген талап коюшту. Ага Нарын районунун акими Семетей Черикбаев жана саясатчы Адахан Мадумаров катышты. Солтон-Сарыда кен казуу жана чалгындоо иштерин жүргүзүш үчүн кытайдын “Jhong ji Mining” компаниясы Мамлекеттик геология агенттигинен лицензияны... Читать дальше...

Орусиянын Тышкы иштер министрлигинин расмий өкүлү Мария Захарова АКШнын күчтөрү чыгарыла турган Сирия аймактары Дамасктын көзөмөлүнө өткөрүлүп берилиши керек деп билдирди.

Украинанын президенти 26-декабрда өлкөдөгү 30 күндүк коменданттык саат аяктаганын кабарлады.

АКШнын президенти Дональд Трамп Ирактагы күтүүсүз сапарынан кийин Германиядагы америкалык базага келди. Анын учагы 27-декабрда Рамштайн аба базасында конду. Трамп базада ондогон америкалык аскерлер менен учурашып, сүрөткө түштү. Бир күн мурда президент Трамп жана анын жубайы Мелания Трамп алдын ала жарыяланбаган сапары менен Ирактагы Ал-Асад аскердик базасына барган. Бул Трамптын согуш токтобогон аймактагы алгачкы сапары болуп калды. Ал Ирактагы америкалык аскерлердин алдында сүйлөп жатып,... Читать дальше...

Шаршемби күнү Мухаммед Мурсинин иши боюнча Каирдеги соттук териштирүүдө Хосни Мубарак күбө катары көрсөтмө берди. Мурдагы президент Мурси жана башка “Мусулман агайындар” кыймылынын мүчөлөрү 2011-жылдын башында “Араб жазы” окуяларынын маалында "полиция кызматкерлерин өлтүрүшкөн", "камактан качышкан" жана "башамаландыкка жол беришкен" деп айыпталып жатышат. Бул окуялардан улам өлкөнү отуз жыл башкарган Хосни Мубарактын бийлиги кулатылып, өлкө башына “Мусулман агайындар” келген. 90 жаштагы Мубарак... Читать дальше...

Жогорку Кеңештин вице-спикери кызматына КСДП фракциясынан Аида Касымалиева шайланды. Анын талапкерлигин депутаттардын 91и колдоду, 16 киши каршы добуш берди. Добуш берүү бюллетень аркылуу жашыруун добуш берүү аркылуу өттү.  Буга чейин 14-декабрда КСДП фракциясы кезексиз жыйынга чогулуп, ушул орунда иштеген Асел Кодуранованы кызматтан алган. Бул сунушту көпчүлүк депутаттар колдоп беришкен. Жогорку Кеңеш төрагасынын эки орун басары бар. Анын бири - “Өнүгүү-Прогресс” фракциясынын өкүлү Мирлан Бакиров. Читать дальше...

Жогорку Кеңеште Кыргызстан менен Эл аралык өнүктүрүү ассоциациясынын ортосундагы "Digital CASA - Кыргыз Республикасы" долбоорун каржылоо тууралуу макулдашуу боюнча ратификациялык мыйзам долбоору каралып, үчүнчү окууда добуш берүүгө жөнөтүлдү. Маалыматтык технологиялар жана байланыш комитетинин төрагасы Бакыт Шаршембиевдин айтымында, “Digital CASA” долбоору 2019-жылдан тарта ишке ашырыла баштайт. Долбоордун алкагында, санариптик маалыматтардын баары дата-борбордо сакталат. Анын операторлору сынак аркылуу тандалып алынат. Читать дальше...