Новости за 30.12.2018

АКШнын батыш жана түндүк штаттарында бир нече күндөн бери тынбай жааган кардан улам жети киши каза болду. Алардын көбү калың карда жол кырсыктарына кабылып, көз жумганын маалымат каражаттары 30-декабрда кабарлашты. Соңку бир нече күндө Кошмо Штаттардын түндүк жана батыш аймактарына түшкөн кардын калыңдыгы 30 см жеткен. 27-декабрдан бери жүздөгөн авиакаттам токтотулуп, көбү башка маалга жылдырылган. Катуу шамал менен басылбай жааган кардан улам Түндүк Дакотка, Түштүк Дакота, Миннесота, Канзас жана Айова штаттарында кан жолдор жабылды. Читать дальше...

Англиянын түштүк-чыгыш жээгинен Ла-Манш каналын кесип өткөн алты ирандык жаран табылды. Британ ички иштер министрлигинин маалыматына ылайык, 30-декарбда ирандыктар каналды желим кайык менен сүзүп өтүшкөн. Аларга биринчи медициналык жардам көрсөтүлгөндөн кийин иммиграциялык уюмдардын карамагына  жөнөтүлдү. Өткөн ай башынан бери ушул эле канал аркылуу Франциядан Англияга 220 киши өткөн. Желим кайык менен каналдан өтүү кооптуу экенин айткан эки өлкөнүн бийлиги тынчсыздануусун билдирип жатышат. Франциянын... Читать дальше...

Бурятиянын борбору Улан-Удэ шаарына жакын жерде менчик тик учак кырсыктап, бортундагы төрт кишинин тең курман болду. Окуя 30-декабрда жергиликтүү убакыт боюнча эртең мененки саат ондордо болгон. Кырсыктын себептери азырынча белгисиз. Күбөлөрдүн айтымында, тик учак асманда бир нече жолу айланып жүрүп, анан кулап түшкөн. Алдын ала маалыматка караганда, тик учак Бурятиядагы белгилүү ишкер Сергей Роговго тиешелүү болчу. Ал дагы курман болгондордун арасында экени маалымдалды. Рогов үч досу менен тик учакта балык уулоого баратканы айтылды. Читать дальше...

Ооганстанда 2019-жылдын апрелине белгиленген президенттик шайлоо 20-июлга жылдырылды. Бул тууралуу Борбордук шайлоо комиссиясынын башчысы Абдул Бади Сайад 30-декабрда билдирди. Ал ошондой эле президенттик шайлоо менен кошо жергиликтүү бийликке жана Газни провинциясынын кеңешине шайлоо чогуу өтөөрүн кошумчалады. Мурдараак Боршайкомдун өкүлдөрү техникалык маселелерден жана талапкерлердин кеч катталышынан улам шайлоонун мөөнөтүн жылдырууну караштырып жатышканын билдиришкен. Талапкерлерди каттоо 22-декабрда башталып, 2-январда аяктамак. Читать дальше...

Дүйнөлүк басма сөзгө баяндама.

Аскарали Ражабалиев элеттик интеллигенциянын бараандуу өкүлү. Студенттик жылдарын албаганда, жазуучу бар чыгармачыл өмүрүн Баткен районунда жашаган.

Беларус президенти Александр Лукашенко орус президенти Владимир Путинге жаңы жылдык белек катары төрт кап картөшкө жана чочконун майын (сало) белекке жиберди. Бул тууралуу Беларус президентинин басма сөз катчысы Наталья Эйсмонт маалымдады. Лукашенко КМШнын башка өлкө башчыларына колго жасалган оюнчук балатыларды белекке жиберген. Ал эми Путин Лукашенкого эмне белек кылганы айтылган жок.  Лукашенконун Путинге белеги тууралуу маалымат 29-декабрда Москвада эки лидердин жолугушуусунан кийин чыккан. Читать дальше...

31-декабрда айрым аймактарда кар, жаан жаайт. Нарын, Ысык-Көл облустарынын кээ бир райондорунда кар жаайт. Жолдор тайгак жана тоңголок болот. Шамалдын багыты өзгөрүп турат, ылдамдыгы секундасына 2-7 метрге жетет. Абанын температурасы: Чүйдө түнкүсүн -2...-7, күндүз 0...+5, Таласта түнкүсүн -3...-8, күндүз 0...-5, Ысык-Көлдө түнкүсүн -4...-9, күндүз -4...+1, Баткенде түнкүсүн 0...-5, күндүз +2...+7, Ошто, Жалал-Абадда түнкүсүн 0...-5, күндүз +2...+7, Нарында түнкүсүн -18...-24, күндүз... Читать дальше...

Ички иштер министрлигинин басма сөз кызматы министрдин орун басары Сүйүн Өмүрзаков жөнүндө Интернетте пайда болуп жаткан маалыматтар жалган экенин жана курулай каралоо болгонун билдирди. Маалыматка ылайык, Интернеттеги "Тelegraph" (telegra.ph) булагында "министрдин биринчи орун басары Сүйүн Өмүрзаковдун коррупциялык иштерге тиешеси бар экени жана иликтөө башталган учурда Өмүрзаков эмгек өргүүсүнө чыгып, чет өлкөгө кетип калганы" айтылат.  Ички иштер министрлиги милициянын жогорку кызмат адамдары... Читать дальше...

Жаңы жыл майрамына карата милиция күчөтүлгөн тартипте кызмат өтөп жатат. 31-декабрда “Ала-Тоо” аянтынын кире беришине көзөмөл пункттары орнотулат. Мындай текшерүүлөр эс алуучулардын аянтка ар кандай катуу буюмдарды, куралдарды алып кирбеши үчүн жасалып жатат. Бул тууралуу шаардык ички иштер башкармалыгынан кабарлашты. Милиция шектүү буюмдарды көргөн учурда 102 номерине чалып, кабар берүүнү өтүндү. Ошондой эле шаардыктарды майрамдоо учурунда балдарды кароосуз калтырбоого чакырууда.    Мындан... Читать дальше...

Бразилиялык мушкер Аманда Нунис UFC уюмунун тарыхында кыздар арасында биринчи жолу эки салмак категориясында чемпион болду.

2019-жылдын 1-январынан тарта Жазык-процесстик кодекстин жаңы редакциясы күчүнө кириши керек.

Бишкек Жылуулук электр борборундагы (ЖЭБ) аварияга жана ишкананы модернизациялоого байланыштуу коррупцияга айыпталып жаткан мурдагы премьер-министр Жантөрө Сатыбалдиевдин, парламенттин депутаты, мурдагы энергетика жана өнөр жай министри Осмонбек Артыкбаевдин жана “Улуттук энергохолдинг” компаниясынын мурдагы төрагасы Айбек Калиевдин абактагы мөөнөтү 2019-жылдын 13-февралына чейин узартылды. Мындай чечимди Биринчи май райондук соту чыгарды.  Быйыл кыш чилдеде ЖЭБ бузулуп, Бишкек бир нече күн бою жылуулуксуз, бир топ жери жарыксыз калган. Читать дальше...

28-декабрда Швециянын прокуратурасы теракт жасоону пландаган деп шектелип жаткан Борбор Азия өлкөлөрүнүн үч жаранына айыбын угузду. Бул тууралуу "РИА новости" агентиги кабарлады. Өлкөнүн прокуратурасы шектүүлөр пландаган теракт ишке ашып калса, көптөгөн жоготууларга алып келмек деп маалымдаган.    Шектүүлөр “адамдарды өлтүрүү максатында ири өлчөмдөгү химиялык жана башка заттарды сактап жүргөн” деп айыпталууда. Терактты пландоого шектелип жалпысынан алты киши кармалган. Аларга “терроризмди каржылаган” деген айып коюлуп жатат. Читать дальше...

Ырчы жана активист Зере Асылбек кызы 29-декабрда "Асанбай борборунда" концерт берди. Анын адам укуктарын урматтоого чакырган "Кыз" аттуу клиби быйыл күзүндө жарыяланып, коомчулуктун кызуу талкуусуна түшкөн. Клипти Интернеттен өчүрүүнү талап кылгандар аны "өлтүрүп кетебиз" деп коркутушкан. Концерт ошол талкууга түшкүн “Кыз” ыры менен башталды.

Ырчы жана активист Зере Асылбек кызы 29-декабрда Бишкектеги "Асанбай борборунда" концерт берди. Концерт Зеренин буга чейин Интернетте кызуу талкууга алынган "Кыз" аттуу ыры менен ачылды. Ошондой эле Зеренин кыздардын укуктары жөнүндө ырлары жаңырды. Концертке эки жүзгө жакын киши келди. "Асанбай борборунда" коопсуздук чаралары күчөтүлгөн режимде иштеди.  Ырчынын концертин өткөрүүгө Бириккен Улуттар Уюмунун (БУУ) Аялдар программасы көмөк көрсөттү. Буга чейин Зере Индияга кетип жатканын, ал жакта мектепте ыктыярчы болуп иштей турганын... Читать дальше...

Мамлекеттик деп эсептелген маалымат каражаттарын бюджеттен каржылоо маселеси Жогорку Кеңеште кызуу талкууну жаратты.

Египетте полиция экстремисттердин базасына рейддерди уюштурду. Ички иштер министрлигинин маалыматына ылайык, рейддердин жыйынтыгында кырк киши өлтүрүлдү. Операциялар Гиза районунда жана Синай жарым аралында ишемби күнү эртең менен жүргүзүлдү. Гизада отуз, Эль-Ариште он экстремист жок кылынды. Полициянын маалыматында экстремисттер туристтер көп топтолгон жерлерге жана чиркөөгө, аскер кызматкерлерине чабуул уюштурууга даярданып жатышкан.   Буга чейин Египетте туристтик автобус жарылып, Вьетнамдын жарандары жана жергиликтүү гид набыт болгон.

Мамлекеттик бажы кызматынын коррупцияга шек саналып жаткан мурдагы башчысы Адамкул Жунусовду 2019-жылдын 4-февралына чейин камакка алуу чечими чыкты. Бул тууралуу Жогорку соттун басма сөз кызматы маалымдады. Маалыматка ылайык, Адамкул Жунусовдун ден соолугу начарлап №1 шаардык ооруканага жаткырылган. Ага 29-декабрда көчмө сот отуруму уюштурулду.  Адамкул Жунусов 28-декабрда Кыргызстанга алып келинген. 10-декабрда Азербайжандын соту аны Кыргызстанга экстрадиция кылуу жөнүндө чечим чыгарган.... Читать дальше...

Кыргызстанда 2018-жылы кадрдык олуттуу өзгөрүүлөр, күтүүсүз кызматтан алуулар жана дайындоолор болду.

Абдимитал Камаловдун аңгеме, повесттери 70-жылдардан бери чыгып келатат, окурмандарга ал негизинен кара сөзчү катары таанылган.

Жаза аткаруу кызматында 58 аймактык жазык аткаруу инспекциясы бар. Инспекция бир жыл ичинде жаза өтөп чыккан 1921 кишиге иш таап берүүгө, ал эми 1975 кишиге паспорт алууга жардам беришкен. Алардын тизмесине беш миңдей жаза өтөп чыккан киши катталган. Бул тууралуу Жаза аткаруу кызматынын жыл жыйынтыктаган жыйынында айтылды.   2019-жылдын 1-январынан баштап, жаңы кодексттер боюнча жазык аткаруу инспекциясында пробация кызматы түзүлөт. Пробация кызматы абактагылардын абалын жакшыртып, аларды коомдун... Читать дальше...

Белгилүү мамлекеттик жана коомдук ишмер Абдыганы Эркебаев жакында “Азаттыктын азаптуу жолу”, "Айтматов өз элинин абийири", “Адабият жана илим дүйнөсүндө” аттуу үч китеп чыгарып, анда эгемен Кыргызстандын өзү аралашкан саясий, адабий жана илимий калыптануу, өнүгүү жолуна баа берген. Абдыганы Эркебаев менен Бурулкан Сарыгулова “Азаттыкта” сыябан-маек куруп, эгемен өлкөнүн саясий сапарындагы оош-кыйыштары, мамлекеттик башкаруудагы катачылыктар менен аракеттер тууралуу суроолорго жооп алды.

Биринчи май райондук соту мурдагы өкмөт башчы Сапар Исаковдун камактагы мөөнөтүн 2019-жылдын 13-февралына чейин узартуу тууралуу чечимин чыгарды. Бул тууралуу жактоочулары маалымдады. Алар чечимди жогорку инстанцияга арызданууну пландап жатышат.  18-декабрда Бишкек шаардык соту мурдагы өкмөт башчы Сапар Исаковдун камактагы мөөнөтүн 2019-жылдын 5-январына чейин узартуу тууралуу Биринчи май райондук сотунун чечимин күчүндө калтырган. Анда Исаковду камакта кармоо мөөнөтүн узартуу тууралуу өтүнүчтү... Читать дальше...