که څه هم د نړۍ ډېرو برخو نوی کال په اورلوبو پیل کړ، خو ایرانیان د لاریونونو لپاره واټونو ته ووتل. د ایران ولسمشر مسعود پزشکیان، چې یو نسبتا منځلاری شخصیت دی، د خلکو "مشروع غوښتنې" منلي او خبرداری یې ورکړی چې د هغوی له پامه غورځول به اخلاقي ناکامي وي.
د نیویارک لومړني مسلمان ښاروال زهران قوامي ممداني په خپله وینا کې یاده کړه چې دا ښار به د پښتو، کردي،یدیش او نورو ګڼو ژبو، مذاهبو او فرهنګونو د پالونکو ګډ کور وي او همدا خلک به وي چې د نیویارک د نوي فصل داستانونه به لیکي. هغه پرون لوړه وکړه او رسماً یې خپل کار پیل کړ. صفي الله ستانکزی او نور جزییات
د پاکستان د ترهګرۍ ضد محکمې اته تنه خبریالان په عمر بند محکوم کړل. په دوی باندې د ترهګرۍ اړوند جرایمو تورونه لګېدلي چې د پخواني بندي صدراعظم عمران خان په ملاتړ له انلاین فعالیتونه سره تړلي بلل شوي. د راپورونو له مخې دا خبریالان د هغو قضیو په خاطر محکوم شوي چې د ۲۰۲۳ کال د مې په نهمه تر تاوتریخجنو مظاهرو وروسته ثبت شوې وې. په هغو مظاهرو کې د پخواني صدراعظم عمران خان پلویان په پوځي مراکزو په بریدونو تورن شوي. پخوانی صدراعظم او د تحریک انصاف پاکستان رهبر عمران خان د ۲۰۲۳ کال له اګست راهیسې په زندان کې دی.
په نړۍ کې د کرکټ د یو ورځنیو سیالیو په نهو غوره لوبغاړو کې دری د افغانستان دي. د کرکټ نړیوالې شورا پرون د ۲۰۲۵ کال پر مهال د نړۍ د غوره لوبغاړو نوملړ اعلان کړی دی. راشدخان د یو ورځنیو بالرانو لومړی مقام ګټلی. عظمت الله عمرزی په الرونډرانو کې لومړی مقام او محمد نبي بیا په الرونډرانو کې دریم مقام لري. راشدخان همداراز په شل اووریزو سیالیو کې د بالرانو دریم مقام ساتلی دی.
په ننګرهار کې د طالبانو حکومت سیمه ییز چارواکي تایدوي چې، د ملګرو ملتونو د خوړو نړیوال پروګرام (ډبلیو اف پي) په بشري مرستو بار د موټرو کاروان ته یې په تورخم د اوښتلو اجازه نه ده ورکړې.
د امریکا ولسمشر ډونالډ ټرمپ ویلي که ایران مظاهره چیان ووژني دوی به یې ژغورنې ته ودانګي. ټرمپ په خپله تروث سوشیال پاڼه کې نن په دې اړه یو بیان ورکړی. هغه لیکلي:« که ایران سوله ییز لاریونوال ووژني چې دا یې رسم دی، متحده ایالات به د هغوی ژغورنې ته ور ودانګي.» د هغه په خبره امریکا د اقدام لپاره چمتو ده. د راپورونو له مخې په ایران کې چې مظاهرې نن شپږمې ورځې تر رسېدلي لږ تر لږه اوه تنه وژل شوي او لسګونه نور ټپیان دي. د بشري حقونو مدافع ډلو راپور ورکړی چې امنیتي ځواکونو پر مظاهره چیانو ډزې کړي او له تاوتریخوالي یې کار اخیستی. Читать дальше...
د افغانستان د خوست په ګربزو کې هغې کورنۍ ته د نوي کور کیلۍ وسپارل شوې چې مخکینۍ کور یې په تېر نومبر کې، د پاکستان په مبینه ډرون برید کې ویجاړ شوی وو. هغوی ته نوی کور د کرکټ ملي لوبډلې لوبغاړي رحمان الله ګربز د خیریه بنسټ په مالي لګښت جوړ شوی دی. د زیانمنې کورنۍ یوازیني پاتې کس نور اسلم مشال راډیو ته وویل، د کور له ویجاړیدو وروسته په خیمه کې اوسېدی او په خپله یې د کور جوړولو وس نه درلود.
د خیبر پښتوخوا د سوات سېلانۍ سیمې کالام ته ورغلي خلک وايي، د پینځه ورځنۍ مېلې پرمهال یې له واورو او لوبو خوندونه اخیستي دي. ځايي لوبغاړي وايي هلته درې کاله وروسته داسې ښه واوره شوې ده.
د طبیعي پېښو پر وخت د انتظام لپاره د طالبانو حکومتي ادارې د جنورۍ پر لومړۍ نېټه رپورټ ورکړی دی چې په ۱۱ ولایتونو کې سختو بارانونو او سیلابونو خلکو ته ځاني او مالي زیانونه اړولي دي.
په ایران کې د تازه لاریونونو پر مهال لږ تر لږه اوه کسان وژل شوي دي. ځینو رسنیو د اولسو او ځینو نورو بیا د ۳۲ کسانو د ټپي کېدو راپور هم ورکړی. د ازادي راډیو فردا څانګې ته د ور رسېدلو ویډیوګانو له مخې امنیتي ځواکونه په خلکو اوښکی بهوونکی ګاز کاروي او د ډزو غږونه هم اورېدل کېږي. په یوه پېښه کې د فارس نیمه دولتي خبري اژانس په خپله هم تایید کړې چې دری تنه د لُرستان ولایت په ازنا ښار کې د پولیسو یوه مرکز ته د ننوتلو پر مهال وژل شوي. مظاهرې چې د ډالرو او سرو زرو د بیو د بېساري لوړېدو په غبرګون پیل شوې وې نن جمعه شپږمې ورځې ته رسیدلي. Читать дальше...
په سعودي عرب کې د پاچا عبدالعزیز د باز پالنې فېسټیوال روان دی، چې پکې د "الملوح" د ځغل سیالي او د "مزاین" د باز ښکلا سیالي د فېسټیوال اصلي برخه ده. د سیالیو ټول انعامونه تر لس میلیونه ډالرو رسېږي. ګډونوال وايي باز پالنه د دوی د نیکونو میراث دی. ګل اياز د رويټرز اژانس له ويډيو رپورټ جوړ کړی دی.
د ایران د دولت تر واک لاندې رسنیو او د نړیوالو بشري حقونو ډلو د جنوري په لومړۍ نېټه راپور ورکړ چې د امنیتي ځواکونو او لاریون کوونکو ترمنځ د اخ وډب پرمهال لږ تر لږه اووه کسان وژل شوي او په لسګونو نور ټپیان شوې دي. حکومتي رسنۍ معترضانو ته د بلواګرو خطاب کوي او هغوی ملامتوي. ایراني چارواکو تر اوسه دغه راپورونه نه دې تایید کړي، او ازادې راډیو هم ونه شول کولای چې دا راپورونه په خپلواکه توګه تایید کړي. د ایران ولسمشر مسعود پیزشکیان چې د ډیری څارونکو لخوا نسبتا منځلاری ګڼل کیږي د تاوتریخوالي کمولو هڅه... Читать дальше...
د طالبانو سترې محکمې اعلان وکړ چې د نوي میلادي کال په لومړۍ ورځ یې اته تنه په رزګان، بلخ او ننګرهار کې د غلا، لواطت، شخصي حریم ته د ننوتلو، زنا او الحکولي مشروباتو د پلورلو په تور په عام محضر کې په درو وهلي دي. د طالبانو د سترې محکمې په وینا دغو کسانو ته د نهه دیرش درو سربیره هر یو ته تر دوو کلونو پورې د بند سزا ورکړل شوې ده. تر دې مخکې پرون د طالبانو سترې محکمې په یوه بیان کې وویل چې په دوه زره پنځه ویشتم کال کې په افغانستان کې د دوی د دولت له لورې شپږ تنه اعدام شوې دي او یو زر یو سل او اتلس تنه... Читать дальше...
په قطر کې د طالبانو سفیر سهیل شاهین یو ځل بیا له ملګرو ملتو وغوښتل چې د ملګرو څوکۍ د دوی حکومت ته وسپاري. سهیل شاهین د پنجشنبې په ورځ وویل چې د ملګرو ملتو په سازمان کې د افغانستان څوکۍ ترلاسه کول له څو پلوه طالبانو ته مهم دي؛ یو به نړیوال مشروعیت ترلاسه کړي، بل به د افغانستان کنګل شوي پیسې دوی ته وسپارل شي او نړیوالو مرستو ته به لاسرسۍ پیدا کړي. له تیرو څه باندې څلورو کلونو راهیسې چې طالبانو بیاځلي کابل نیولی دی، ورته غوښتنه له ملګرو ملتونو کوي، خو ملګري ملتونه له دوی څخه غواړي چې بشري حقونه په ځانګړي... Читать дальше...
د افغانستان د بېلابېلو ولایتونو یو شمېر اوسېدونکي وایي وروستیو اورښتونو او سېلابونو یې کورونه ویجاړ کړي دي. د طالبانو حکومت د طبیعي پېښو پر وړاندې د مبارزې ملي ادارې هم راپور ورکړی چې په ۱۱ ولایتونو کې سختو بارانونو او سیلابونو خلکو ته ځاني او مالي زیانونه اړولي دي.
ایراني چارواکو نن د ایران په بیلابیلو سیمو کې د اعتراضونو د مخنیوي لپاره چمتوالی نیولی. د اونۍ له پیله په ایران کې د اقتصادي ستونزو له امله خلکو لاریونونه پيل کړې دي. د دولت تر واک لاندې رسنیو او د نړیوالو بشري حقونو ډلو پرون راپور ورکړ چې د اعتراضونو پرمهال د امنیتي ځواکونو او لاریون کوونکو ترمنځ د اخ وډب پرمهال لږ تر لږه اووه کسان وژل شوي او په لسګونو نور ټپیان شوې دي. حکومتي رسنۍ معترضانو ته د بلواګرو خطاب کوي او هغوی ملامتوي. ایراني چارواکو تر اوسه دغه راپورونه نه دي تایید کړي، او ازادې راډیو... Читать дальше...
په افغانستان کې د وروستیو ورښتونو او سیلونو له امله د قربانیانو شمیر اوولسو ته ورسید. په قربانیانو کې د یوې کورنۍ هغه پنځه تنه هم شامل دي چې په هرات ولایت کې د خپلو کور د چت د نړیدو له امله یې د پنجشنبې په ورځ ساه ورکړه. د طالبانو له طبیعي پیښو سره د مبارزې ملي ادارې د پنجشنبې په ورځ په یوه بیان کې وویل چې د ځاني تلفاتو ترڅنګ د ورښتونو او سیلونو له امله دوه سوه څلور اویا کورونه بشپړ ویجاړ شوي او نژدې یو زر پنځه سوه شپیته کورونه په جزیي ډول تخریب شوې دي. په افغانستان کې د تیرو څلورو ورځو په ترڅ کې... Читать дальше...
