Birleşen Ştatlaryň döwlet sekretary Maýk Pompeo Amerikanyň “öňünden şert goýulmazdan” Eýran bilen gepleşik geçirmäge meýillidigini, ýöne oňa edilýän basyşyň dowam etdirjekdigini aýdýar.
Türkiýäniň Kojaeli welaýatynda ten satmaga mejbur edilen 8 aýal, şol sanda Türkmenistanyň bir raýaty tussag edildi. Aýrybaşga bir wakada-da türk polisiýasy Ankara şäherinde neşe maddasyny öndürmekde we satmakda güman edilýän türkmenistanly ýene bir raýaty tussag etdi.
Türkmenistanda zenanlaryň sürüjilik şahadatnamalary almakdaky we täzelemekdäki kynçylyklary dowam edýär. Azatlyk Radiosynyň habarçylarynyň maglumatlaryna görä, hususan-da paýtagtda polisiýa aýallara sürüjilik dokumentini bermekden gönüden ýüz öwürýär. - Aýallaryň sürüjilik dokumentleriniň möhleti gutaranda olara polisiýada täze dokument bermän "aýallara bermeýäris" diýip açyk aýdýarlar - diýip, Aşgabatdaky habarçymyz gürrüň berýär. Onuň sözlerine görä, şeýle-de paýtagtda aýallaryň bar bolan... Читать дальше...
31-nji maýda öýlän tutuş Türkmenistanda iki sagatlap Internet kesildi. Bu barada Azatlyk Radiosynyň ýerli habarçysy howpsuzlyk ýagdaýlary sebäpli gizlinlik şertlerinde 3-nji iýunda habar berdi.
1-nji iýunda türkmen paýtagtynda geçirilen welospiped ýörişi Ginnesiň rekordlar kitabyna girdi. Häkimiýetler býujet işgärlerini welosiped ýörişlerine gatnaşmaga mejbur edýär.
Türkmenistanyň “Türkmenbaşy” döwlet täjirçilik bankynyň Aşgabadyň Azatlyk etrabyndaky edarasynda raýatlaryň VISA plastik bank kartlarynyň möhletini uzaltmak çäresi ençeme sagada çekýär. Bu barada Azatlyk Radiosynyň paýtagtdaky habarçylarynyň biri habar berýär.
ABŞ-nyň prezidenti Donald Tramp Britaniýa üç günlük döwlet saparyny amala aşyrýar. Bu Britaniýanyň Ýewropa Bileleşiginiň düzüminden çykmak baradaky planlarynyň gijikdirilen we premýer-ministr Tereza Maýyň wezipesinden çekilmek baradaky kararyny yglan eden döwrüne gabat geldi. Tramp saparynyň dowamynda Maý bilen hem duşuşyk geçirer.
Gazagystanyň paýtagty Nur-Soltanda onlarça aýal sosýal tölegleriň artdyrylmagyny we kommunal tölegleriň azaldylmagyny sorap, prezident köşgüniň öňünde ýöriş geçirdiler. Bu irki prezidentlik saýlawlaryna bir hepde çemesi wagt galan pursadyna gabat geldi. Protestçiler hökümetiň köp çagaly maşgalalary we perzentlerini ýeke ýetişdirýän eneleri maliýe taýdan goldamak, şeýle-de jaý bilen üpjün etmek baradaky beren wadalarynda tapylmagyny talap etdiler. Demonstrantlar “Çagalarymyzy jaý bilen üpjün ediň!”... Читать дальше...
Twitter Hytaý bilen baglylykdaky tankydy hasaplary togtadandygy üçin ötünç sorady. Bu Pekiniň Tiananmen meýdançasyndaky protestleriň gazaply basylyp ýatyrylmagynyň 30-njy ýyl dönüminiň öňýanynda bolup geçdi. Twitter ulanyjylary sosial ulgamynyň bu hereketine nägilelik bildirdiler. ABŞ-nyň senatory Marko Rubio Twitteriň “Hytaýyň [hökümetiniň] senzurasyna öwrülendigini” aýdyp, twit galdyrdy. Twitter “belli bir möçberdäki hasaplaryň” “platfoma manipulýasiýalaryna” baş goşýan hasaplary nyşana almak... Читать дальше...
Hytaýyň demirgazyk-günbatar sebitindäki “täzeden terbiýeleýiş lagerleri” barada maglumatlary beren, asly hytaýly etniki gazak Saýragül Sauýtbaý, gazak resmileriniň oňa gaçybatalga bermekden ýüz öwürmeginden soň, Gazagystany terk etdi. Saýragül Sauýtbaýyň aklawçysynyň Facebook hasabynda galdyran ýazgysyna görä, onuň müşderisi 3-nji iýunda aýdyňlaşdyrylmadyk başga bir ýurda gidipdir. Aklawçy munuň “dünýäniň iň ösen döwletleriniň biridigini” aýdýar. Sauýtbaý Gazagystandan syýasy gaçybatalga almak ugrunda tagalla edipdi. Читать дальше...
Demirgazyk Koreýanyň döwlet mediasy ýurduň lideri Kim Jong Unuň ýokary derejeli kömekçisi Kim Jong Çoluň jemgyýetçiligiň öňünde peýda bolandygy barada habar berdi. Mundan öň, Günorta Koreýanyň habar serişdeleri ABŞ-nyň prezidenti Donald Tramp bilen geçirilen sammitiň şowsuz tamamlanmagy sebäpli, onuň zähmet lagerine sürgün edilendigi barada maglumat beripdi. Kim Jong Çol fewralda Wýetnamda geçirilen sammitde Kim Jong Unuň esasy araçysy bolupdy. Şol sammitiň netijeleri boýunça hiç hili ylalaşyk baglaşylmandy. Читать дальше...
Katar Saud Arabystanynda Eýran bilen barha artýan regional dartgynlylyklar bilen baglylykda geçirilen adatdan daşary sammitiň netijelerini ret etdi. Saud Arabystany gepleşikleri geçen dynç günleri mukaddes Mekge şäherinde geçirdi. Onuň dowamynda şa Salman Tährany global energiýa üpjünçilerine wehim salýan “terroristik hereketleri” amala aşyrmakda aýyplady. Riýadh Tährany Birleşen Arap Emirlikleriniň kenar ýakalarynda gämilerini sobotaž etmekde, şeýle-de Ýemendäki Eýran tarapyndan goldanylýan... Читать дальше...
