1-nji iýundan başlap “Türkmendemirýollary” agentligi ýolagçylar üçin online bilet satyn almak hyzmatyny ýola goýdy. Şol bir wagtyň özünde, Azatlyk Radiosynyň habarçylarynyň we türkmenistanlylaryň ençemesi bu hyzmatyň kadaly işlemeýändigini habar berýär.
Türkmen hökümetiniň ykdysady üstünlikleri yglan edip, beren nobatdaky hasabatynyň fonunda paýtagtyň we welaýatlaryň ilatynyň esasy azyk önümlerini satyn almakda kynçylyk çekmegi dowam edýär. Azatlyk Radiosynyň Türkmenistandaky habarçylarynyň sözlerine görä, Aşgabadyň döwlet dükanlarynda şu günler çäkli mukdarda satylýan şekeriň gapdalyndan möhleti geçen harytlar goşulyp satylýar. "Käbir dükanlarda, meselem "Laçyn" dükanynyň bir bölüminde 1 kilogram şekeriň gapdalyndan möhleti geçen margarini 2.5 manada goşup satýarlar" diýip... Читать дальше...
Düýbi Latwiýada ýerleşýän garaşsyz Meduza habar saýtynyň tanymal derňewçi žurnalisti Iwan Golunow Moskwada tussag edildi we urlup-ýenjildi. Ol, hamala, bikanun neşe satmak synanyşygynda aýyplanýar diýip, onuň aklawçysy we işgäri aýtdy. Ol tanymal rus žurnalistiniňbu aýyplamalary ret edýändigini hem sözüne goşdy. Golunowyň aklawçysy Dmitriý Džulaý Meduza polisiýanyň öz müşderisini 6-njy iýun güni öýlän Moskwanyň merkezinde tussag edendigini, biraz soňra onuň arka sumkasyndan içinde neşe bardygy çaklanylýan haltajygyň "tapylandygyny" aýtdy. Читать дальше...
Türkmenistanyň we türkmenistanlylaryň durmuşy bilеn bagly gyzykly pursatlary şekillendirýän fotosergi.
Türkmenistanyň welaýatlarynyň ençemesinde A-95 markaly benzin tapdyrmaýar. Benzin gytçylygy Balkanda iki hepdeden, Daşoguzda bir hepdeden we Maryda üç günden bäri dowam edýär.
Aşgabatda häkimiýetler orta mekdebi şu ýyl tamamlaýan 18 ýaşly okuwçylary mekdepden harby gulluga çagyrýar.
Saud Arabystany, Birleşen Arap Emirlikleri we Norwegiýa BMG-niň Howpsuzlyk geňeşinde golaýda BAE-niň kenarlarynda dört nebit tankerine edilen hüjümleriň “çylşyrymly we utgaşdyrylan” bolup, bu operasiýanyň “döwlet aktýory” tarapyndan amala aşyrylana meňzeýändigini aýtdy. Bu sözlerde, şol sanda 6-njy iýundaky brifinge degişli dokumentlerde Eýran agzalmady, emma saudlylar we Birleşen Arap Emirligi, Pars aýlagy ýurtlarynyň ýakyn ýarany ABŞ Tährany ýa-da onuň “agentlerini” 12-nji maýdaky hüjümleri amala aşyrmakda aýyplady. Читать дальше...
ABŞ-nyň Ýakyn Gündogardaky harby serkerdesi olaýda bu sebitdäki amerikan harby güýçleri kuwwatlandyrylandan soň, Tähranyň Pars aýlagyndaky ABŞ güýçlerine hüjüm etmek meýlinden yza çekilendigini, emma Tährandan abanýan wehimiň “örän real” bolup galýandygyny aýdýar. General Frank MakKenzie 6-njy iýunda Tähran görnetin hüjüm taýýarlyklaryndan soňra “yza çekilmek we täzeden hasaplamak” ugruny saýlap aldy diýdi. Emma ol özüniň şindi hem Eýranyň mümkin bolan argessiýasyndan alada galýandygyny aýtdy. Читать дальше...
Amerikalardaky ýurtlaryň regional bileleşigi halkara jemgyýetçiligini Wenezuelanyň ýaranlaryna, şol sanda Orsýete Günorta Amerikan ýurdunda çuňlaşýan krizisi çözmekde we onuň “bikanun” hökümetini aýyrmak kömeginde has kän basyş etmäge çagyrdy. “Lima Group” 6-njy iýunda çap eden beýanatynda “Nikolas Maduronyň bikanun hökümetini goldaýn ýurtlar, hususan-da Orsýet, Hytaý, Kuba we Türkiýe bilen aragatnaşygy çuňlaşdyrmagyň, olary regiona barha kän täsir ýetirýän krizisi çözmegiň bir bölegine öwrülmäge çagyrmagyň ähmiýeti” nygtalýar. Читать дальше...
Türkmenistanyň hökümet delegasiýasy Halkara ykdysadyýet forumyna gatnaşmak üçin Sankt-Peterburga geldi diýip, TASS habar gullugy habar berýär. Delegasiýa ýurduň wise-premýeri, daşary işler ministri Reşit Meredow ýolbaşçylyk edýär. Neşir daşary işler ministrligine salgylanyp, türkmen delegasiýasynyň forumyň plenar sessiýasyna gatnaşjakdygyny, Türkmenistanyň beýleki ýurtlar we halkara guramalary bilen hyzmatdaşlygy pugtalandyrmak üçin birnäçe ikitaraplaýyn duşuşyk geçirjegini habar berýär. 2019-njy... Читать дальше...
Türkmenistanyň prezidenti Gurbanguly Berdimuhamedow ýylyň bäş aýynyň netijelerine bagyşlanan hökümet mejlisinde kanagatlanarly ösüş sanlaryndan doly hasabatlary diňläp, sebäibini anyklaşdyrmazdan, birnäçe resmä käýinç yglan etdi.
