Türkmenistandaky maliýe kynçylyklary, hususan-da daşary ýurtlarda okaýan çagalaryna pul iberýän ene-atalaryň ýüzbe-ýüz bolýan çäklendirmeleri we emeli bökdençlikleri dowam edýär diýip, Azatlygyň ýerli habarçylary habar berýärler.
Orsýetiň adatdan daşary ýagdaý resmileri günorta Sibire gelen we ýüzlerçe adamyň ewakuasiýa edilmegine getiren weýrançylykly sil netijesinde ölenleriň sanynyň bäşe ýetendigini, azyndan alty sany ilatly nokat bilen aragatnaşygyň şindi hem dikeldilmändigini aýtdylar. Adatdan daşary ýagdaýlar ministrligi 29-njy iýunda sil netijesinde 350 çemesi adamyň ýaraly bolandygyny, 100 adamyň hassahanalarda bejergi alandygyny aýtdy. Ministrlik IL-76 uçarynyň 29-njy iýunda giçlik bu sebite adatdan daşary ýagdaý ýüklerini alyp gelendigini hem habar berdi. Читать дальше...
Albaniýalylar dolandyryjy we oppozisiýa partiýalarynyň arasyndaky ýokary dartgynlylyk, ýurduň prezidenti bilen premýer-ministriniň arasyndaky çekeleşmeler arasynda ses berýärler. Esasy oppozisiýa 30-njy iýundaky munisipal saýlawlaryny boýkot edýär. Premýer-ministr Edi Ramanyň sosialistleriň ýolbaşçylygyndaky hökümeti ses berişligiň geçirilmegini talap etdi, ýogsa prezident Ilir Meta, howpsuzlyk aladalary sebäpli, ony oktýabra çenli soňa goýmak kararyna gelendigini aýtdy. Oppozisiýa hepdeläp protest bildirdi... Читать дальше...
ABŞ-nyň prezidenti Donald Tramp Demirgazyk Koreýanyň topragyna aýak basyp, iki Koreýanyň aralygyndaky Harbysyzlaşdyrylan zonada Phenýanyň lideri Kim Jong Un bilen duşuşdy. Iki erkek iki Koreýanyň aralygyndaky serhet çyzygyndan aňyrda elleşip görüşdi we Tramp Demirgazyk Koreýanyň içine birnäçe ädim girdi. Ol şeýle iş eden ilkinji ABŞ prezidenti boldy. Ýene bir el gysyşmadan soň, Tramp we Kim bilelikde Günorta Koreýanyň territoriýasyna geçip, Günorta Koreýanyň prezidenti Moon Jae-iniň ýanyna geldi. Читать дальше...
Katarda ABŞ-nyň Owganystan boýunça parahatçylyk wekili Zalmaý Halylzad bilen talyban gepleşikçileriniň arasynda gepleşikler başlandy diýip, “Talybanyň” sözçüsi tassyklady. Sözçi Zabiullah Mujahid 29-njy iýundaky twitinde “Dohada ABŞ wekilleri bilen Yslamçy emiratyň gepleşikçiler toparynyň arasyndaky gepleşikleriň ýedinji tapgyry başlandy” diýip ýazdy. Mujahid AP habar gullugyna gepleşikleriň başda Kataryň paýatagty Dohada, jeňçi toparyň ofisiniň ýerleşýän ýerinde irden başlanylmagynyň planlaşdyrylandygyny... Читать дальше...
Daşary ýurtly we ýerli işgärleriň arasynda turan dawa-jenjel netijesinde günbatar Gazagystandaky iri nebit-gaz ýatagy taslamasynyň onlaraça işçisi ýaralandy. Sosial mediada peýda bolan wideolar we suratlar 29-njy iýunda günortana golaý ýüzlerçe kaskaly we iş eşikli işçiniň Gazagystandaky iň uly Tengiz nebit ýatagynyň alkymynda toplanandygyny görkezýär. Işçileriň biri AÝ/AR-yna dawa-jenjeliň daşary ýurtly işçileriň arasynda paýlaşylan surat üstünde turandygyny, ýerli gazak işçileriniň muny masgaralaýjy hasaplandygyny gürrüň berdi. Читать дальше...
Dünýä Türkmenleri gepleşiginiň bu sany türkmen-owgan hyzmatdaşlygy we Türkmenistanyň häkimiýetleriniň owgan halkyna, şolaryň hatarynda Owganystanda ýaşaýan etniki türkmenlere berýän wadalaryna we iş ýüzünde amal edilýän işler baradaky söhbetlere gönükdirilýär.
