Новости за 07.08.2019

Gyrgyzystanyň ýörite güýçleri 7-nji awgustda ýaşaýan ýerine baryp, ozalky prezidenti tussag etmäge synananda, Almazbek Atambaýewiň tarapdarlary bilen çaknyşdy. Azatlyk/Azat Ýewropa radiosynyň habarçylary paýtagt Bişkekigň golaýyndaky kaşaň howlularyň birinde turan ýangyny we ozalky prezidentiň tarapdarlarynyň ony başga bir otagda polisiýadan gizleýişlerini görkezýän wideoýazgy etdiler. Ýangyn öçürildi, emma garpma-garşylyk dowam etdi.

Döwlet migrasiýa gullugynyň Daşoguz şäherinde ýerleşýän bölüminde biometriki pasport almak üçin ýüzlerçe raýat nobata ýazylýar; "biometriki pasporty" çykardyp almak prosesiniň wagty Daşoguzda indi 4 aýdan hem aşýar.

Soňky günlerde Aşgabatda howanyň aşa gyzmagy bilen baglylykda, şäheriň bazarlarynda adamlaryň saglyk ýagdaýynyň ýaramazlaşmagy we Tiz kömek ulaglarynyň köpçülikleýin çagyrylmagy bilen bagly ýagdaýlaryň ýüze çykandygyny, Azatlyk Radiosynyň paýtagtdaky habarçylarynyň biri 6-njy awgustda habar berdi.

Türkmenistanyň häkimiýetleri ýurduň daşynda gazanç edýän raýatlary barada maglumat toplamak işini ýene-de güýçlendirdiler.  Azatlyk Radiosynyň habarçylarynyň sözlerine görä, häzirki wagtda hususan-da Mary welaýatynda polisiýanyň işgärleri ýaşaýyş jaýlara aýlanyp, daşary ýurtlardaky raýatlar barada maglumat toplaýarlar we olaryň garyndaşlaryny polisiýa "söhbetdeşlige" çagyrýarlar.  - Şu gün Mary welaýatynda polisiýanyň işgärleri, has takygy etrap polisiýasynyň ýerli bölümleriniň işgärleri hojalyklara aýlanyp... Читать дальше...

Owganystanyň Türkmenistan bilen araçäkleşýän Jöwüzjan welaýatynda howpsuzlyk şertleri ýaramazlaşýar.

Orsýet ABŞ-nyň Moskwadaky ilçisi Jon Hantsman Kiçiniň işlän wagtynda Waşington bilen gatnaşyklaryň gowulaşdyrylmak mümkinçiliginiň elden giderilendigine gynanç bildirdi.

Türkmenistanda we dünýäniň beýleki musulman ýurtlarynda Gurban baýramynyň golaýlamagy bilen, gurbanlyk mallaryň nyrhlarynyň geçen ýyl bilen deňeşdirilende tas iki esse gymmatlandygyny, Azatlyk Radiosynyň Mary we Daşoguz welaýatlaryndaky biri-birinden garaşsyz iki habarçysy habar berýär.

Ukrainanyň prezidenti Wolodimir Zelenskiý 7-nji awgustda, gündogar Ukrainadaky oka tutmalarda dört ukrain esgeri öldürilenden soň, rus kärdeşi Wladimir Putin bilen telefonda gürleşendigini aýdýar. "Men oňa gyssagly jaň etdim. Men oňa munuň bizi parahatçylyga golaý getirmeýändigini aýtdym” diýip, Zelenskiý Kiýewdäki metbugat brifinginde aýtdy we Putini Moskwa tarapyndan goldanylýan separatistler bilen gürleşmäge, olardan “biziň adamlarymyzy öldürmeklerini bes etmeklerini soramaga” çagyrdym diýdi. Читать дальше...

58 ýaşyndaky rus raýaty Birleşen Ştatlarda Orsýete bikanun ýarag böleklerini eksport etmekde aýyplandy we günäli tapylsa, 20 ýyla çenli türme tussaglygy bilen ýüzbe-ýüz bolar. Birleşen Ştatlaryň Nýu-Ýorkuň günorta etrabyndaky prokuratura edarasy güman edilýäniň adyny Wladimir Kuznetsow diýip tanatdy, ol ABŞ-nyň green kardynyň eýesi bolup, 2011-nji ýyldan bäri ABŞ-da ýaşaýar. “Kuznetsowyň, iberilýän ýarag bölekleriniň atlaryny dogry gökezmän, Orsýete ok atýan ýaragyň böleklerini, şeýle-de olary... Читать дальше...

Orsýetiň Sibir regionynda tokaý ýangynlaryny öçürmek tagallalary 163,100 gektar meýdany öz içine alýar diýip, TASS habar gullugy Howa gorag gullugyna salgylanyp, 7-nji awgustda habar berdi. Ýangyn Irkutsk we Krasnoýarsk, şeýle-de Ýakutiýa, Burýatiýa, Amur, Tomsk we Çukotka sebitlerinde şindi hem möwç alýar. “Tokaý ýangynlaryny öçürmek işine 3,800-e golaý adam çekildi” diýip, TASS habar berdi. Irkutsk, Ýakutiýa we Krasnoýarsk sebitlerinde adatdan daşary ýagdaý saklanyp galýar. Burýatiýada hem bir etrapda adatdan daşary ýagdaý yglan edildi.

Aziýa ösüş bankynyň (AÖB) Türkmenistan boýunça direktorynyň wezipesine Si Si Ýo bellenildi diýip, bankyň resmi saýtynda habar berilýär. Ol AÖB-nyň Türkmenistan babatdaky işlerine ýolbaşçylyk eder, bankyň hyzmatdaşlyk edilýän ýurt boýunça 2021-nji ýyla çenli döwri öz içine alýan strategiýasyny durmuşa ornaşdyrar. Esasy üns ýurduň transport we energiýa pudaklarynyň mümkinçiligini ýokarlandyrmaga, şeýle-de saglygy saklaýyş, bilim we azyk önümleriniň howpsuzlygy meselelerine gönükdiriler diýip, habarda aýdylýar. Читать дальше...

7-nji awgustda Kabuldaky polisiýa stansiýasynyň daş işiginde partladylan ulag bombasy azyndan 18 adamy öldürdi, 145 adamy bolsa ýaralady diýip, Owganystanyň Jemgyýetçilik saglygy ministrligi aýtdy. Ir sagat 9-töwereginde bolan hüjümiň pidalarynyň arasynda aýallar we çagalar hem bar diýip, Içeri işler ministrliginiň sözçüsi Nusrat Rahimi aýtdy. Partlaýjy madda awtoulag barlag nokadynda, polisiýa stansiýasynyň daş işiginde saklananda partlady diýip, Rahimi sözüniň üstüni ýetirdi. Hüjümiň jogapkärçiligini “Talyban” öz üstüne aldy... Читать дальше...