Новости за 01.11.2021

Türkmenistanyň Stambuldaky konsulhanasy täze adrese göçdi.  Soňky aýlaryň dowamynda türkmen aktiwistleri türkmen wekilhanasynyň öňünde Türkmenistanyň hökümetiniň syýasatyny tankytlap ençeme protest çäresini geçiripdiler. Türk mediasynyň türkmen resmilerine salgylanyp 1-nji noýabrda beren maglumatyna görä, konsulhana Stambulyň Mimar Sinan etrabyna göçüpdir. Konsulhananyň täze adrese göçmegi, Türkmenistanyň haýyşy esasynda iki türkmen aktiwistiniň tussag edilendigi baradaky maglumatlaryň yzýanyna gabat geldi. Читать дальше...

Aşgabatda howanyň temperaturasy gijelerine käte -3 gradusa çenli ýetýän şu günlerde şäheriň köp gatly ýaşaýyş jaýlaryndaky ýyladyş ulgamy bilen bagly bökdençlikler saklanyp galýar. 31-nji oktýabrda paýtagtyň 6-njy etrapçasynda gyzgyn suwy ýer astyndan geçirýän turbalarda näsazlyk döredi we munuň bilen bagly köçelerde gazuw işleri geçirildi. Hünärmenler ýyladyş ulgamyndaky tehniki ýagdaýlary "weýrançylykly" häsiýetlendirip, bu ýyl gyşyň sowuk boljakdygyny duýdurýarlar.

Aşgabatda howanyň temperaturasy gijelerine käte -3 gradusa çenli ýetýän şu günlerde şäheriň köp gatly ýaşaýyş jaýlaryndaky ýyladyş ulgamy bilen bagly bökdençlikler saklanyp galýar. 31-nji oktýabrda paýtagtyň 6-njy etrapçasynda gyzgyn suwy ýer astyndan geçirýän turbalarda näsazlyk döredi we munuň bilen bagly köçelerde gazuw işleri geçirildi. Hünärmenler ýyladyş ulgamyndaky tehniki ýagdaýlary "weýrançylykly" häsiýetlendirip, bu ýyl gyşyň sowuk boljakdygyny duýdurýarlar. "Lälezar bazarynyň ýerleşýän... Читать дальше...

Koronawirus pandemiýasy sebäpli Türkmenistanda girizilen karantin çäklendirmeleri ýene uzaldyldy. Üç aýal golaý dowam edýän çäklendirmeler ilat üçin dürli kynçylyklary döredýär. Azatlyk Radiosynyň habarçylary Marydaky we Aşgabatdaky ýagdaýlar barada habar berýärler.

Russiýanyň Uzak Gündogaryndaky Ýakutiýanyň käbir ýerlerinde ýaşaýjylaryň köpüsi gazanç etmek üçin sugunlary ösdürip ýetişdirmäge bölekleýin bolsa-da hökümetiň ujypsyz subsidiýalaryna bil baglaýar. Olaryň eklenji däp bolan durmuşlarynyň bir bölegi bolup, ýaşlar has gowy iş gözleginde öz sebitlerini terk edýändigi sebäpli, oňa könelişmek howpy abanýar. (Denis Bewz, Sibir hakykatlary (Siberia Realities), Margot Buff)

Türkmenbaşyda häkimiýetler bikanun VPN we dollar söwdasyna garşy reýd geçirmäge başlady, ýöne olary ykdysady çökgünligiň fonunda güýçlenýän maglumat açlygy has kän ynjalykdan gaçyrýana meňzeýär; bu tijenmeler wise-premýer Serdar Berdimuhamamedowyň 22-23-nji oktýabrda Balkan welaýatyna eden saparynyň yz ýanyna gabat geldi. Şu aralykda hökümet başlygy Maglumata elýeterlilik merkezini döretmek barada edilen teklibi makullady. Emma bu merkeziň haçan döredilip, nähili işlediljegi entek sorag bolmagynda galýar.

30-njy oktýabr gijesi, gije ýarym bolmazynyň öň ýanynda Türkmenabadyň uçar menziline gonan uçar Stambuldan 270 töweregi ýolgaçyny alyp geldi diýip, Azatlygyň Lebapdaky habarçysy habar berýär. Bu uçar gatnawy “Türkmenhowaýollarynyň” ýolagçy uçary arkaly amala aşyryldy we ýurduna dolanan türkmenistanlylaryň arasynda näsaglar, has agyr ýagdaýdaky hassalar we ýaş çagaly eneler hem bar diýip, 31-nji oktýabr güni irden gelen maglumatda aýdylýar.

Britaniýanyň premýer-ministri Boris Jonson 1-nji noýabrda BMG-niň klimat boýunça sammitiniň dowamynda, dünýäniň global ýylanyşyň gerimini haýallatmak boýunça wagtynyň az galandygy barada berk duýduryş bilen çykyş eder. Jonson Şotlandiýanyň Glazgow şäherinde geçýän sammitiň dowamynda dünýä döwletlerine ýüzlenip, ozal gelnen ylalaşyklardan has köp çäreleri geçirmeklerine we global ýylylygy selsiý boýunça 1,5 gradus derejesinde peseltmek baradaky maksatlar ugrunda tagalla etmeklerine çagyryş eder. Читать дальше...

BMG-niň Çagalar gaznasy (ÝUNISEF) Türkmenistanda “ýokanç keselleriniň gözegçiligini üpjün etmek üçin, şeýle hem alnyp barylýan arassaçylyk çärelerini goldamak üçin” 5 müň 400 sany el zyýansyzlandyş enjamlaryny (dezinfektorlaryny) gowşurdy diýip, guramanyň Türkmenistandaky edarasy 28-nji oktýabrda özüniň Instagram hasabynda ýazgy galdyrdy. Maglumata görä, oktýabryň dowamynda ÝUNISEF Türkmenistanyň Saglygy goraýyş we derman senagaty ministrligine 3 müň 400 sany el zyýansyzlandyş enjamlaryny we... Читать дальше...

Türkmen režissýorynyň “Nejep oglan” filmi Türkiýäniň Stambul şäherinde geçiriljek “Gorkut ata Bütindünýä türk film festiwaly” atly gözden geçirilişiň bäsleşik meýilnamasyna girizildi. Bu barada 31-nji oktýabrda türkmen resmi metbugaty habar berdi. 8-12-nji noýabr aralygynda geçjek festiwalyň çäginde Azerbaýjandan, Gazagystandan, Gyrgyzystandan, Özbegistandan, Tatarystandan we beýleki türki ýurtlardan barjak kinematografçylar taryhy we häzirki zaman fantastikasy žanrynda surata düşürilen eserlerini görkezerler diýip, resmi habarda aýdylýar. Читать дальше...

Gazagystanda tussaglykdaky oppozisiýa aktiwisti Bagdad Baktybaýewiň özüniň türmä basylmagyna garşy protest hökmünde demir çüýleri ýuwudandygy aýdylýar. Düýbi Almatyda ýerleşýän adam hukuklary boýunça “Ar, Ruh, Hak” toparynyň öňdebaryjy agzasy Bahytjan Toregožinanyň 1-nji noýabrda Azatlyk Radiosyna aýtmagyna görä, mundan bir gün öň oňa Baktybaýewiň çüýleri ýuwudyp özüni şikesländigi we häzir oňa gyssagly medisina kömeginiň zerurdygy barada maglumatlar gowuşypdyr. Toregožinanyň bu meseläni 31-nji... Читать дальше...