Новости за 02.11.2021

Şu günler Türkmenistanda maska režimini bozan, öý hojalyk hyzmatlarynyň töleglerini tölemedik we aliment bergisi bolan raýatlar mejbury pagta we şugundyr ýygmaga ugradylýar. Polisiýa pagta ýygmakdan boýun gaçyran raýatlary rezin dürre bilen urýar. Bu ýagdaýlar türkmen hökümeti tarapyndan sebitde gowaça ekmegi bes etmek barada karar kabul edilen we döwlet harmanyna iň az mukdarda pagta hasylyny tabşyrýan Balkan welaýatynda bolup geçýär. Bu ýagdaýlaryň jikme-jikleri barada waka şaýat bolan balkanlylar... Читать дальше...

Türkmenistanda häkimiýetleriň girizen koronawirus çäklendirmeleri sebäpli ýitgä galan we girdejisini ýitiren telekeçilere maddy basyş güýçlenýär. Azatlygyň habarçylaryna görä, resmi salgytlar bilen bir hatarda, barlagdan aman çykmak üçin soralýan paralaryň möçberi hem ýokarlanypdyr. Telekeçilerden salgyt tölemek baradaky talaplar şu günler ýurduň ähli welaýatarynda edilýär. Hususy kärhanalaryň we dükanaryň eýelerine barlag geçirilýändigi we bidüzgünçilikleriň üstüniň açylandygy duýdurylýar, şeýle-de ýagdaýy düzetmek üçin para talap edilýär. Читать дальше...

BMG-niň klimat boýunça Şotlandiýanyň Glazgow şäherinde geçýän sammitiniň dowamynda, 2-nji noýabrda dünýäniň 100-den gowrak lideriniň tokaýlaryň çapylmagyny togtatmagy we bu prosesi 2030-njy ýyla çenli yza gaýtarmagy göz öňünde tutýan dokumente gol goýmagyna garaşylýar. Britaniýanyň premýer-ministriniň edarasynyň 2-nji noýabrda ýaýradan beýanatyna görä, COP26 sammitiniň çäginde bu bilelikdäki beýanata dünýäniň tokaýlarynyň umumylykda 85%-ni emele getirýän döwletleriň liderleri gol goýarlar. Bu döwletleriň hataryna Braziliýa... Читать дальше...

20-nji oktýabrda Russiýada Moskwanyň eteginde ýaşaýan türkmen oppozisiýa aktiwisti Azat Isakow ýitirim boldy. Bu barada 2-nji noýabrda “Türkmenistanyň Hronikasy” neşiri 37 ýaşly Isakowyň habarlaşan “Türkmeniýa, obýedenýaýemsa” (“Türkmenistan, birleşiň”) atly oppozisiýa toparynyň ýolbaşçysy Çemen Öräniň sözlerine salgylanyp habar berdi.

Türkmenistanda azyk krizisi barha agyrlaşýar. Ýurduň köp ýaşaýjysy üçin çörek we un satyn almak gaty kyn meselä öwrüldi. Käbir sebitlerde un satylmaýar, köp wagtlap una garaşýan adamlar dükanlara üýşüp nobatda durýar, paýtagtda bolsa gijelerine çörek satylýar. Azatlygyň habarçylary we çeşmeleri Lebapdaky we Aşgabatdaky soňky ýagdaýlar barada habar berýärler.

Türkmenistandaky koronawirus we karantin barada goşgy ýazan YouTube bloggeri, 48 ýaşly Myrat Öwezow geçen ýylyň tomsunda bäş ýyl möhlet bilen türme tussaglygyna höküm edildi diýip, turkmen.news neşiri aýdýar. Neşir 1-nji noýabrdaky habarynda öz çeşmelerine salgylanyp, Öwezowa “kezzapçylyk” aýyplamasynyň ýöňkelendigini, emma aslyýetinde ondan sosial ulgamyndaky çykyşlary üçin ar alnandygyny belleýär. Azatlyk Radiosy häzirlikçe bu maglumatlary öz çeşmelerine tassykladyp ýa inkär etdirip bilmedi. Читать дальше...

Owganystanyň Kabuldaky iň iri harby keselhanasynda azyndan iki partlama boldy, soňundan hem ýaragly atyşyk ýüze çykdy. “Talybanyň” wekiliniň Reuters gullugyna aýtmagyna görä, 2-nji noýabrdaky wakada azyndan 15 adam ölüpdir, başga-da 34 sanysyny ýaralanypdyr. Wakanyň bolan ýerinden paýlaşylan suratlarda 400 adama niýetlenen Mohammad Daud Han adyndaky harby keselhanadan çykýan goýy tüssäni görse bolýar. “Talybanyň” hökümetiniň wekili keselhananyň girelgesiniň golaýynda bolan partlamalaryň sebäbiniň entek belli däldigini aýtdy. Читать дальше...

Türkmenistanda dowam edýän ýiti ykdysady çökgünligiň arasynda, ýurduň Mejlisi geljek ýyl üçin döwlet býujetini kabul etdi. 30-njy oktýabrda sanly ulgam arkaly ýurduň Milli Geňeşiniň Mejlisiniň altynjy çagyrylyşynyň maslahaty geçirilip, onuň dowamynda deputatlar, Halk Maslahatynyň agzalary, hökümet resmileri, wise-premýer Serdar Berdimuhamedowyň gözegçiliginde taýýarlanan, döwlet býujetiniň taslamasyna garadylar. Resmi maglumata görä, Döwlet býujetiniň hasabyna durmuş ulgamyna bölünip berilýän... Читать дальше...

Koronawirusyň ilkinji gezek 2019-njy ýylyň dekabrynda Hytaýda ýüze çykarylanyndan bäri dünýä boýunça bu wirus sebäpli ölenleriň resmi sany 5 milliondan aşdy. Jons Hopkins Uniwersitetiniň 1-nji noýabrdaky görkezijileri, esasan hem dünýäniň garyp künjeklerinde testleriň azlyk edýändigi we keselhanalaryň daşynda adamlaryň ölýändigi nazarda tutulanda, ýokary ähtimallyk bilen asyl sanlardan has pesdigini alamatlandyrýar. Bäş million adam ölümi bilen birlikde, wirusa ýolugan 247 million adam hem hasaba alyndy. Читать дальше...

Belarusyň sudy bir žurnalisti we onuň adamsyny Facebook-da “ekstremistiki” diýip häsiýetlendiren maglumatlary paýalaşandygy üçin 15 gün tussaglyga höküm etdi. Minskiň sudy Belsat TV kanalynyň wekili Iryna Slawnikawa we onuň adamsy Alýaksandr Loýka 1-nji noýabrda tussaglyk hökümini çykardy. Bu barada adam hukuklaryna gözegçilik edýän Wýasna topary habar berdi. Žurnalistleriň Belarusdaky Assosasiýasynyň başlygynyň orunbasary wezipesinde hem işleýän Slawnikawa 29-njy oktýabrda adamsy bilen Müsürden dolanan pursady saklanypdy. Читать дальше...