Aşgabadyň 15-nji orta mekdebinde 9-njy synp okuwçylara 8-nji synplar üçin niýetlenen kitaplar paýlandy. Azatlyk Radiosynyň paýtagtdaky habarçysy bilen söhbetdeş bolan ene-atalaryň ençemesi şu okuw ýylynyň başyndan bäri 9-njy synp okuwçylara ähli ugurlar boýunça sapaklaryň kitapsyz okadylandygyny gürrüň berdi.
Şu günler Mary welaýatynyň Baýramaly şäherindäki orta mekdeplere duýdansyz barlagçylar aýlanýar. Welaýat we etrap bilim bölüminden gelýän bu barlagçylar sapaklara girip, mugallymlaryň öz sapaklaryny doly okadýandygyny ýa okatmaýandygyny barlaýarlar. Bu barlaglar barada mekdep mugallymlarynyň ençemesi Azatlyk Radiosynyň sebitdäki habarçysyna gürrüň berdi.
Şu günler Türkmenistanyň gündogar Lebap welaýatynda pagta plan borçnamasyny ýerine ýetirip bilmedik pagtaçy kärendeçiler prokuratura işgärleriniň basyşlary bilen ýüzbe-ýüz bolýarlar. Bu barada Azatlyk Radiosynyň habarçysy sebitden habar berýär.
Ýewropa Bileleşiginiň agzalarynyň daşary işler ministrleri bileleşigiň gündogar serhedinde migrantlaryň gelmegi bilen baglanyşykly dörän dartgynlylygyň güýçlenýän wagtynda Belarusa garşy täze sanksiýalar toplumyny kabul eder.
Ýurtda dowam edýän pandemiýa çäklendirmeleriniň fonunda Türkmenanatda bir bazaryň işiniň bölekleýin dikeldilmegi söwdagärleri we gyş eşik satyn almakçy bolýan ýerli ýaşaýjylary begendirdi. Bazaryň açylmagy 1-nji noýabrda bazar söwdagärleriniň şäherde geçiren protest çäresiniň yz ýanyna gabat geldi.
Türme ilatynyň sany boýunça dünýäde iň öňdäki orunlary eýeleýän Türkmenistanda dowam edýän ykdysady krizisiň fonunda jenaýat hadysalary artyp, “türmeler dolýan mahaly”, şol bir wagtda, ýurtda täze türmeler açylyp, işe girizilýän wagtynda, ownuk ogurlykda iş kesilýän adamlara tussaglyga derek, administratiw temmi bermek soralýar.
Koronawirus pandemiýasynyň ilkinji gezek ýüze çykan ýurdy bolan Hytaý, keseliň "Delta" görnüşi sebäpli dörän iň uly COVID-19 tolkunyna garşy göreşýär. Häkimiýetler täze syýahat çäklendirmelerini girizip başladylar. “Roýter” habar gullugynyň 14-nji noýabrda beren maglumatlaryna görä, 17-nji oktýabrdan bäri wirusyň ýokaşandygy tassyklanan jemi 1308 adam hasaba alnypdyr. Käbir sebitler ýokançlygyň has çalt ýaýraýan ýeri bolan demirgazyk-gündogardaky Dalian şäheriniň ýaşaýjylarynyň gelmegini çäklendirip başladylar. Читать дальше...
Taýwanyň Daşary işler ministri Jozef Wu Azatlyk Radiosy bilen giňişleýin söhbetdeşlik geçirdi. Ol öz çykyşynda, dünýä ýurtlaryna Pekin bilen gaty ýakyn gatnaşyklardan geljek netijeler, Hytaýdan injek uruş howpy barada duýduryş berdi hem-de Ýewropa saparynyň möhüm ugurlary hakda aýdyp geçdi. Ýewropa ýurtlaryna, şol sanda dünýä derejesinde Hytaý bilen ykdysady we syýasy nukdaýnazardan has ýakyn aragatnaşykda bolýanlara Taýwanyň Daşary işler ministri Jozef Wu: "Olar iki gezek oýlanmaly" diýip, ýönekeý duýduryş bilen ýüzlendi. Читать дальше...
Perparim Ramanyň tarapdarlary, Britaniýada bilim alan käri boýunça arhitektoryň Kosowanyň paýtagty Pristinanyň häkimi wezipesine ýakyndan gözegçilik edilen saýlawlarda gazanan ýeňişini bellediler. 14-nji noýabrda geçirilen saýlawlaryň ikinji tapgyrynyň deslapky netijelerine görä, "Kosowanyň Demokratik Bileleşigi"(LDK) oppozision partiýasynyň lideri öňki saglyk ministri we "Wetewendosje" (Öz-özüňi kesgitlemek) hereketinden Arben Witiýany ýeňipdir. Sesleriň 98 göteriminden gowragy sanalanda, Merkezi... Читать дальше...
"Yslam döwleti" (YD) ekstremist topary Kabulyň şaýy etrapçasynda tanymal owgan teležurnalistiniň ölümine sebäp bolan bombaly hüjümiň jogapkärçiligini öz üstüne aldy. YD guramasynyň bölegi bolan "Yslam döwleti-Horasan" (IS-K) bu barada 14-nji noýabrda öz Telegram kanallarynda beýan etdi. Owganystanyň žurnalistler merkezi 13-nji noýabrda, Kabulyň günbataryndaky Daşt-e Barçi etrabynda mikroawtobusda goýlan bombanyň partlamagyndan birnäçe sagat soň twit ýazyp, partlamada "Ariana" telekanalynda işleýän... Читать дальше...
Täze döredilen korrupsiýa garşy partiýa, bölekleýin resmi netijelere görä Bolgariýanyň umumy saýlawlarynda dörtden bir böleginden gowrak ses alyp, ýeňiş gazandy. Bolgariýaly saýlawçylar bir aýlap dowam eden syýasy kynçylyklary ýeňip geçmek we COVID-19 pandemiýasyna garşy göreşmek, şeýle hem energiýa bahalarynyň ýokarlanmagy we endemiki korrupsiýa garşy göreşmek üçin mejlis we prezident saýlamak üçin saýlawlara bardylar. Emma saýlawlarda hiç bir partiýa aç-açan köplük gazanyp bilmedi. Bu ýyl Ýewropa... Читать дальше...
