Новости за 03.11.2021

Türkmenistanda pagta ýygym möwsümi dowam edýär. Balkan, Mary we Lebap welaýatlaryndan soň, şu günler Ahalyň käbir etraplarynda hem mekdep okuwçylary pagta ýygymyna köpçülikleýin çekilýär. Bu barada habar berýän sebitdäki habarçymyz bu ýyl welaýatda gowaça hasylynyň pes bolandygyny belläp, ekin meýdanlarynda pagtanyň juda azdygyny aýdýar. "3-nji noýabrda ýuwaş-ýuwaşdan ýagýan ýagyşa garamazdan, mekdeplerde okuwlar ýatyrylyp, okuwçylar we mugallymlar pagta meýdanlaryna çykaryldy. Olar kombaýnlardan soňky pagta hasylyny ýygmaga mejbur edilýär. Читать дальше...

Türkmenistanda ilatyň dürli gatlagy koronawirus ýokanjyndan we ykdysady krizisiň açlyk derejesindäki kynçylyklaryndan kösenýän mahaly, ýurtda sosial problemalar barha ýitileşýär. Soňky bir aýyň dowamynda Mary welaýatynda ogurlyk, talaňçylyk, aldaw ýoly bilen adamlaryň puluny almak ýaly wakalar köpelýär. Munuň şeýledigini Azatlyk Radiosynyň sebitdäki habarçysy bilen gürrüňdeş bolýan ýerli ýaşaýjylar we kanun goraýjy edaralaryň işgärleri aýdýar. "Karantin çäklendirmeleri sebäpli ähli ýerler ýapyk dur. Читать дальше...

Adam hukuklaryny goraýjy guramalaryň onlarçasy bilelikdäki beýannama ýaýradyp, türkmen hökümetiniň syýasatlary bilen ylalaşmaýandyklaryny aç-açan beýan edýän we konstitusion hukuklarynyň berjaý edilmegini talap edýän türkmen aktiwistleriniň Türkiýede yzarlanmagynyň öňüni almagy talap etdi. Protestlere gatnaşan we You Tube kanalynda hem-de sosial ulgamlarda aç-açan çykyş eden Türkmenistanyň raýatlary soňky aýlarda Stambulda hüjüme, tussaglyga we ýenjilmelere sezewar edildi, zorlukly wakalaryň biri hut türkmen konsullygynyň binasynda boldy. Читать дальше...

Türkmenistanyň daşary işler ministri Reşit Meredowyň 30-31-nji oktýabr aralygynda Kabula gelip, “Talybanyň” geçiş hökümeti bilen geçiren gepleşikleriniň esasy temasy Owganystanyň we Pakistanyň üsti bilen Hindistana tebigy gaz geçirijisini gurmak baradaky taslamany, TOPH-y durmuşa geçirmek barada boldy.

Türkmenistanyň prezidentiniň içerki sarp edijilere berilýän toguň “netijeli we tygşytly ulanylmagy” üçin, anyklaşdyrmazdan, ähli çäreleriň görülmegine uly ünsüň berilmelidigini aýtmagynyň yzýany, Lebabyň administratiw merkezinde köpçülikleýin ýagdaýda elektrik togunyň üpjünçiligi bilen bagly hyzmatlar çäklendirilip başlandy. Ýerli ilat Gurbanguly Berdimuhamedowyň 15-nji oktýabrdaky çykyşyndan soň amal edilýän çäreleriň, häzir günleriň gysgalyp, gijeleriň hem uzaýan döwründe, özlerine köp sanly oňaýsyzlyklary döredýändigini aýdýar.

Owganystanyň paýtagtyndaky harby hassahana edilen ýaragly we bombaly hüjümde azyndan 19 adam ölüp, onlarça adam ýaralandy.  “Talyban” awgust aýynda häkimiýeti ele geçireli bäri guralan kast ediş hüjümleriniň ýene biriniň jogapkärçiligini “Yslam döwleti” (YD) ekstremist topary öz boýuna aldy.  Owganystanyň iň uly harby hassahanasyny nyşana alan hüjümçiler ilki  iki bomba partladyp, desganyň daşyndan birnäçe tapgyr ok atdylar diýip, resmiler we şaýatlar 2-nji noýabrda aýtdylar. Ýerli metbugat alty hüjümçiniň dördüsiniň öldürilendigini... Читать дальше...

Gürjüstanyň "Bitewi milli hereket" oppozisiýa partiýasynyň lideri Nika Melia 2-nji noýabrda Rustawide, Gürjüstanyň öňki prezidenti Mihail Sakaşwiliniň saklanýan türmesiniň öňünde, onuň boşadylmagyny talap edip, möhletsiz çäräniň başlanjakdygyny aýtdy. "Gürjüstan proteste başlar!" diýip, Melia özüniň Facebook sahypasynda ýazdy. Ol bu çäräniň ýerli wagt bilen agşam sagat 5-de başlanjakdygyny mälim etdi. Oppozisiýa lideriniň sözlerine görä, bu çäre öňki prezident türmeden boşadylýança dowam eder. Читать дальше...

Russiýanyň Içeri işler ministrligi ýurda gireninden soň barmak yzlary alynmaly migrantlaryň kategoriýalaryny giňeltmegi teklip edýär: zähmet migrantlarynyň, şeýle-de rus raýatlygyny alýan ýa-da bu ýurda 90 günden artyk möhlet bilen gelýän daşary ýurtlylaryň barmak yzlaryny almak  meýilleşdirilýär. Bu baradaky maglumatlar kadalaşdyryjy hukuk aktlarynyň taslamalarynyň federal portalynda çap edildi. Kanun taslamasyna laýyklykda, ýokary hünärli işçiler ýa-da daşary ýurt kompaniýalarynyň işgärleri üçin kadadan çykma düzgüni ulanylmaz. Читать дальше...

Özbegistanyň Kun.uz web sahypasy Täjigistan, Gazagystan we Gyrgyzystan bilen aradaky serhet geçelgelerinde özbek raýatlaryndan pul soralýandygyny habar berýär. Neşiriň habarçysynyň ýazmagyna görä, iň ýokary "para" Täjigistan bilen serhetde soralýar. “Oýbek” serhet geçelgesindäki täjik serhetçileri Özbegistanyň raýatlaryndan, serhetden geçmek üçin, 150-200 somoni (150-200 müň som ýa-da 14-20 dollar) möçberinde para alýarlar diýip, neşir habar berýär. "Munuň üçin örän ýönekeý, ýöne ýürege düşgüç usul ulanýarlar" diýip, habarda aýdylýar. Читать дальше...