Mary welaýatynda koronawirusyň ýaýramagyna garşy girizilen çäklendirmeleriň saklanyp galmagy, jemgyýetçilik awtobuslaryň kireýleriniň bäş esse gymmatlamagyna getirdi. Mundan başga-da, hususy eýeçilikdäki taksileriň kireý nyrhlary hem 50% ýokarlandy. Bu gymmatlamanyň jikme-jikleri barada Azatlyk Radiosynyň habarçysy Marydan maglumat berýär.
Lebap welaýatynyň käbir etraplarynyň häkimiýetleri 2021-nji ýyl üçin azyk paýlarynyň ilata doly paýlanandygy barada raýatlary ýyllyk paýok kartoçkalaryna gol çekmäge mejbur edýär. Ýöne raýatlar käbir azyk paýlarynyň, şol sanda pagta ýagynyň indi bäş aýa golaý wagt bäri berilmeýändigini aýdýarlar. Bu ýagdaýlaryň jikme-jikleri barada Azatlyk Radiosynyň habarçysy Lebapdan maglumat berýär.
Türkiýede resmi taýdan ýaşaýyş rugsady bolan 117 müň 905 türkmenistanly ýaşaýar. Bu ýurtda ýaşamaga resmi dokumenti bolan daşary ýurtlularyň arasyndaky iň uly ikinji görkeziji bolup, Türkiýede türkmenistanlylardan has köp 40 million ilatly Yragyň raýatlary ýaşaýar. Bu baradaky sanlary Türkiýäniň Migrasiýa boýunça baş müdirligi getirýär.
Lebapda pagta hasyly ýygnalan gowaça meýdanlarynyň çöpüni birugsat çapyp, ýygnaýan kärendeçiler administratiw jogapkärçilige çekilýär we olara jerime salynýar. Bu barada Azatlyk Radiosynyň habarçysy sebitden habar berýär.
Ukraina NATO-ny Kiýew bilen harby hyzmatdaşlygy ösdürmäge hem-de, goňşusyna hüjüm etmezligi üçin, Orsýete garşy sanksiýalary we beýleki çäreleri taýýarlamaga çagyrjakdygyny aýdýar. Bu sözler Günbatar harby bileleşiginiň daşary işler ministrleriniň, rus güýçleriniň ukrain serhediniň alkymyna toplanmagy bilen bagly aladalaryň arasynda, Latwiýada geçirýän duşuşygynyň ikinji gününe gabat aýdyldy. "Eger-de tagallalary birleşdirsek we utgaşykly hereket etsek, biz prezident Putini saklap biljekdigimize... Читать дальше...
Türkiýede resmi taýdan ýaşaýyş rugsady bolan 117 müň 905 türkmenistanly ýaşaýar. Bu ýurtda ýaşamaga resmi dokumenti bolan daşary ýurtlularyň arasyndaky iň uly ikinji görkeziji bolup, Türkiýede türkmenistanlylardan has köp 40 million ilatly Yragyň raýatlary ýaşaýar. Bu baradaky sanlary Türkiýäniň Migrasiýa boýunça baş müdirligi getirýär. Resmi sanlara görä, 2021-nji ýylyň 25-nji noýabryndaky ýagdaýlara laýyklykda Türkiýede ýaşaýyş rugsatly 1 million 267 müň 803 daşary ýurtly bolup, türkmenistanlylar olaryň 9,3%-ni emele getirýärler. Читать дальше...
Türkmen prezidentine 29-njy noýabrda berlen hasabatlarda aýdylmagyna görä, ýurduň gowaça meýdanlaryndaky pagta ýygymy noýabr aýynda hem bölekleýin dowam etdirildi. Sebit häkimleri, şol sanda Balkan, Lebap, Daşoguz, Mary welaýatlarynyň ýolbaşçylary meýdanlarda galan pagta hasylyny doly ýygnap almak işleriniň dowam etdirilýändigini aýtdylar. Emma Ahal welaýatynyň häkimi “gowaça meýdanlaryndaky pagtany ýitgisiz ýygnamak” barada hiç zat aýtmady. Wise-premýer Esenmyrat Orazgeldiýew hem “gowaça meýdanlarynda... Читать дальше...
Onlarça ýurt günorta Afrika ýurtlary bilen aradaky uçar gatnawlaryny gadagan edeninden soň, BSG "giň syýahat gadaganlygynyň" koronawirusyň täze, omikron görnüşiniň halkara derejesinde ýaýramagynyň öňüni alyp bilmejekdigini aýtdy. Bütindünýä saglyk guramasynyň 30-njy noýabrda çap edilen täze gollanmalarynda ýurtlaryň gadagançylygyň ýerine "delilli habardarlygy we töwekgelçilik esasyndaky çemeleşmäni", ýolagçylary gowy barlap geçirmek, synag etmek we karantin çärelerini ulanmak bilen, wirusyň omikron görnüşiniň ýaýramagyny haýalladyp... Читать дальше...
Gyrgyz häkimiýetleri 10 ýyl gowrak mundan ozal oppozisiýa syýasatçysy Medet Sadyrkulowyň janyna kast edilmeginde güman edilýän bir adamy tussag edendiklerini aýdýarlar. Polisiýa bu işi “syýasy kast ediş” hökmünde häsiýetlendirýär. Içeri işler ministrliginiň metbugat sekretary Ernis Osmonbaýewiň 30-njy noýabrda Azatlyk radiosyna beren interwýusynda aýtmagyna görä, 41 ýaşly Sanjar Saparbekow diýlip tanadylan adam hepdäniň ahyrynda tussag edildi. Saparbekow Gyrgyzystanyň öňki prezidenti Kurmanbek... Читать дальше...
Russiýanyň prezidenti Wladimir Putin häzirki möhleti 2024-nji ýylda gutaranda, ýene prezidentlige dalaş edip-etmezlik barada entek belli bir karara gelmändigini aýtdy. Geçen ýyl, Kremliň girizen gapma-garşylykly konstitusiýa üýtgetmelerinden soň, oňa ýene dalaşgär bolmak mümkinçiligi açyldy. 69 ýaşly Putin 1999-njy ýyldan bäri prezident ýa-da premýer-ministr bolup işleýär we tankytçylar 2036-njy ýyla çenli prezidentlikde galmagyna ýol açan kanun üýtgetmeleriniň onuň ömürlik häkimiýet başynda galmagy üçin edilýän tagalladygyny aýdýarlar. Читать дальше...
