Новости за 15.12.2021

Farap etrabynda Milli Howpsuzlyk Ministrliginiň işgärleri ýerli mekdepde bolan ýangyn barada maglumat ýaýradýan çeşmeleri gözleýärler. Garaşsyz habar beriş serişdelerinde Farap şäherindäki 1-nji mekdepde ýangynyň bolandygy barada habar berlenden soň, MHM-niň işgärleri telefonlara VPN programmalaryny gurnap berýän ussalara garşy we şeýle programmalary ulanýanlary anyklamak boýunça reýdleri geçirýärler. Habarçylarymyzyň maglumatyna görä, 14-nji dekabrda Farap etrabynda Internet baglanyşygy kesildi.

Öz giňişliginde koronawirusyň ýokdugyny öňe sürýän Türkmenistan, çap bolan täze halkara hasabatynda epidemiýa taýynlyk derejesi boýunça Merkezi Aziýa ýurtlarynyň arasynda dördünji orny eýeledi. Emma Türkmenistan alan görkezijileri boýunça sebitdäki goňşularyndan tapawutlylykda sanawyň soňuna golaý ýerleşýär we diňe Täjigistandan öňe çykýar.

15-nji dekabrda 100-den gowrak telekeçi we alyjy Mary welaýatynyň Baýramaly etrabynyň merkezi bazarynyň öňüne ýygnandy. Polisiýa bazaryň açylmagyny umyt edip, bu ýere üýşen adamlaryň tas ählisine pul jerimesini ýazdy. Jerimäni töläp gaýtadan bazara üýşen telekeçileri resmi edaralaryň wekilleri köşeşdirmäge çalyşdy. Ýöne bazar gaýtadan açylmady. Bu wakanyň jikme-jikleri barada Azatlyk Radiosynyň habarçysy sebitden maglumat berýär.

Türkmenistanyň prezidenti Gurbanguly Berdimuhamedow Birleşen Ştatlaryň prezidenti Jo Baýdene ýurduň Kentukki ştatynda bolup geçen, köp sanly şikes ýetmelere we ýitgilere getiren güýçli harasat zerarly, gynanç hatyny iberdi. Bu barada Türkmenistanyň döwlet habarlar agentligi (TDH) 14-ni dekabrda maglumat berdi.

Soňky bir hepdäniň dowamynda Mary welaýatynyň Baýramaly etrabyndaky käbir obalara aýlanyp, ýaşaýjylara it we eşek etlerini satyn alýandyklaryny aýdýan adamlar köpelýär. Bu habarlaryň arasynda, şu günler sebitde ilatyň işigindäki itleriň we eşekleriň ogurlanmagy bilen bagly wakalar hem artýar. Bu ýagdaýlaryň jikme-jiklikleri barada Azatlyk Radiosynyň habarçysy sebitden maglumat berýär.

Maryly pensioner Ogulnur eje (ady üýtgedildi), Türkmenistandaky ykdysady kynçylyklaryň arasynda, ogluny daşary ýurda okamaga iberip, onuň bir gün ýokary hünär alyp gelmegine, ene-atasynyň we doganlarynyň daýanç-diregi bolmagyna garaşan türkmen eneleriniň diňe biri. Ol Azatlygyň ýerli habarçysy bilen duşuşyp, özi ýaly agyr güne düşen adamlaryň az däldigini aýdyp, maşgalasynyň hal-ahwaly hakynda jikme-jik gürrüň berdi.

“Amnesty International” guramasy “Talybanyň” awgust aýynda Owganystanda häkimiýeti ele geçireli bäri gynamalar we bikanun jezalandyrmalar esasynda öldüren adamlaryny hasaba alandygyny aýdýar. "Talyban" agzalary "etniki we dini azlyklary, Owganystanyň öňki Milli Goranyş howpsuzlyk güýçleriniň esgerlerini we hökümete duýgudaşlyk bildiren diýip hasaplanan adamlary gynap öldürdi" diýip, Halkara günä geçiş guramasynyň 15-nji dekabrda çap eden hasabatynda aýdylýar. "Subutnamalar häkimiýetiň, “Talybanyň” aýdyşy ýaly... Читать дальше...

Türkmenistan 14-nji dekabrda Owganystana azyk, dokma, hojalyk harytlaryndan, şeýle-de nebit önümlerinden ybarat ynsanperwer kömegini ugratdy. Türkmenistanyň prezidenti Gurbanguly Berdimuhamedowyň 10-njy dekabrdaky buýrugyna laýyklykda, bu gezekki kömegiň 1,200 tonna barabar azyk, senagat harytlaryndan, nebit önümlerinden doldurylan 20 sany demirýol çeleginden ybaratdygy aýdylýar. Bu kömek Owganystanda durmuşyň barha gymmatlaýan wagtynda geldi.

Öz giňişliginde koronawirusyň ýokdugyny öňe sürýän Türkmenistan, çap bolan täze halkara hasabatynda epidemiýa taýynlyk derejesi boýunça Merkezi Aziýa ýurtlarynyň arasynda dördünji orny eýeledi. Emma Türkmenistan alan görkezijileri boýunça sebitdäki goňşularyndan tapawutlylykda sanawyň soňuna golaý ýerleşýär we diňe Täjigistandan öňe çykýar. Epidemiýa taýynlygynyň halkara reýtinginde Merkezi Aziýa ýurtlarynyň arasynda Gazagystan 55-nji, Gyrgyzystan 68-nji, Özbegistan 82-nji, Türkmenistan 119-njy, we Täjigistan 140-njy ýerde ýerleşýär. Читать дальше...

Türkmenistan 14-nji dekabrda Owganystana azyk, dokma, hojalyk harytlaryndan, şeýle-de nebit önümlerinden ybarat ynsanperwer kömegini ugratdy. Türkmenistanyň prezidenti Gurbanguly Berdimuhamedowyň 10-njy dekabrdaky buýrugyna laýyklykda, bu gezekki kömegiň 1,200 tonna barabar azyk, senagat harytlaryndan, nebit önümlerinden doldurylan 20 sany demirýol çeleginden ybaratdygy aýdylýar. Ynsanperwerlik ýüküniň gowşurylmagyna bagyşlanan dabaradan soň, Owganystanyň Akina şäherçesinde türkmen tarapynyň... Читать дальше...

Türkmenistanyň prezidenti Gurbanguly Berdimuhamedow ikinji gün Birleşen Ştatlaryň prezidenti Jozef Baýdene ýurduň Kentukki ştatynda turan güýçli harasat zerarly çekilen ýitgiler we ejir çekenler babatda gynanç hatyny iberdi. Döwlet baştutany gurban bolanlaryň maşgalalaryna, dogan-garyndaşlaryna hem-de ýakynlaryna türkmen halkynyň we hökümetiniň adyndan, şeýle-de hut öz adyndan çuňňur gynanç bildirip, medet beriji sözleri aýtdy, ejir çekenleriň tiz wagtda sagalmaklaryny arzuw etdi diýip, TDH-nyň habarynda aýdylýar. Читать дальше...