Новости за 16.12.2021

Ýewropa Parlamentiniň 300-den gowrak wekili "türkmenleriň we uýgurlarlaryň gulçulygynda öndürilen" önümleriň Ýewropa Bileleşiginiň çägine import edilmegini gadagan etmäge çagyrdy diýip, “Turkmen.news” Ýewropa Komissiýasynyň prezidenti Ursula fon der Leýene iberilen hata salgylanyp ýazýar. Hatyň awtorlarynyň nygtamagyna görä, Ursula fon der Leýen 2021-nji ýylyň 15-nji sentýabrynda Ýewropa Parlamentinde eden çykyşynda mejbury zähmet arkaly öndürilýän önümlere gadaganlyk girizjekdigini wada berdi. Читать дальше...

Türkmenistanda azyk paýlarynyň ilata satylyşynyň daşyndaky aljyraňňylyk baýramçylygyň öňýany güýçlenýär. Ilaty subsidirlenen bahalardan azyk bilen üpjün etmegiň häzirki tertibi geçen ýyldakydan tapawutlanýar. Paýtagtda önümleriň belli bir möçberi öýlere eltilýär. Welaýatlarda ilatyň azyk paýlaryny almak tamasy başa barmady, subsidirlenen bahalarda azyk önümleri öýlere-de eltilmeýär, dükanlarda hem satylmaýar. Şu günki gün Aşgabatda subsidirlenen bahadan ösümlik ýagyny, ýumurtgany we hatda towuk etini hem satyn alyp bolýar. Читать дальше...

Lebap welaýatynda mekdepler, keselhanalar, saglyk öýleri, şol sanda oba saglyk öýleri prezident Gurbanguly Berdimuhamedowyň ýaňy-ýakynda köpçülige ýetiren goşgusy ýazylan plakatlary hem-de prezidentiň täze portretlerini satyn almaly edildi. Bu barada Azatlyk Radiosynyň habarçysy sebitden habar berýär. Talap edilýän plakatlaryň ini 1 metr, uzynlygy 2,5 metr bolup, olarda Gurbanguly Berdimuhamedowyň “Ýaşasyn parahat durmuş!” atly goşgusy şöhlelenmeli. Azatlygyň Lebapdaky habarçysyna görä, plakat... Читать дальше...

“Serhetsiz reportýorlar” (RSF) guramasy 1-nji dekabra çenli dünýäde 488 žurnalistiň we metbugat işgäriniň tussag edilendigini, munuň topar 25 ýyl gowrak mundan ozal metbugat azatlygy boýunça ýyllyk hasabatyny çap edip başlaly bäri iň agyr görkeziji bolandygyny aýtdy. Öz ýerine ýetirýän işleri bilen baglylykda tussag edilen metbugat işgärleriniň sany geçen ýylyň degişli döwri bilen deňeşdirilende, hususan-da Mýanmada, Belarusda we Hoňkoňda metbugat işgärlerine görkezilýän basyşlar sebäpli, 20% artdy diýip... Читать дальше...

Internetdäki söz azatlygy rus we hytaý senzurasy sebäpli howp astynda diýip, Angliýanyň “Financial Times” gazeti Britaniýanyň Milli kiber howpsuzlygy merkeziniň strategiýasyna salgylanyp ýazýar. Kiber giňişligini kadalaşdyrýan düzgünler baradaky jedeller açyk jemgyýetlere esaslanýan ulgamy saklamak isleýän ýurtlaryň arasynda, Moskwa we Pekin ýaly bäsdeşleriň mysalynda, yzygiderli bäsleşlik meýdanyna öwrüler. Strategiýany taýýarlaýanlaryň tassyklamagyna görä, Russiýa we Hytaý internetde döwlet... Читать дальше...

Rus we hytaý liderleri, iki ýurduň Günbatar bilen barha dartgynlaşýan gatnaşyklarynyň arasynda, bitewi fronty görkezmäge synanyşyp, 15-nji dekabrda geçirilen wideomaslahat wagtynda iki ýurduň arasyndaky gatnaşyklaryň hiliniň "nusgalyk" derejä ýetendigini bellediler. Iki goňşy ýurduň Günbatar bilen gatnaşyklary soňky ýyllarda bir topar mesele sebäpli ýaramazlaşdy we ABŞ-nyň prezidenti Jo Baýdeniň geçen hepde geçiren demokratiýa sammitine olaryň hiç biri çagyrylmady. Kreml rus prezidenti Wladimir... Читать дальше...

Aşgabatda ilata gribe garşy waksina etmek çäreleri ýokary depginde dowam edýär. Habarçylarymyz ýurtda COVID-19 bilen bagly ýagdaýyň asuda bolmagynda galýandygyny, ýöne muňa garamazdan, Türkmenistanda tomus paslynyň ahyrynda girizilen berk karantin çäklendirmeleriniň öz güýjünde saklanýandygyny aýdýarlar. Habarçylarymyzyň sözlerine görä, köp adam çäklendirmeleriň 15-nji dekabrda gowşadylmagyna garaşýardy. Aşgabatdaky habarçymyz 65 ýaşdan ýokary raýatlara gribe garşy Günorta Koreýanyň waksinasynyň mugt sanjylýandygyny aýdýar. Читать дальше...

Täjigistanyň prezidenti Emomali Rahmon 15-nji dekabrda üçünji gyzy Ruhşona Rahmonowany ýurduň Angliýadaky ilçisi wezipesine belledi. Dokuz çaganyň atasy bolan Rahmonyň başga-da birnäçe ýakyn garyndaşy möhüm resmi wezipeleri eýeleýär ýa-da Merkezi Aziýanyň iň garyp post-sowet respublikalarynyň biri bolan Täjigistanda girdejili kärhanalara gözegçilik edýär. Rahmon Täjigistany 1992-nji ýyldan bäri dolandyrýar. Hukuk toparlary we garşydaşlary onuň başgaça pikirlenýänlere çydamaýandygyny we tankytçylaryny basyp ýatyrýandygyny aýdýarlar. Читать дальше...

Ýewropa Bileleşiginiň liderleri 16-njy dekabrda Brýusselde toplanyp, Belarus, COVID-19, energiýa we rus-ukrain serhedindäki dartgynlyklar barada maslahat edýärler. Orsýetiň ukrain serhediniň alkymynda goşun jemlemegi we çozmak ähtimallygy sammitiň gün tertibindäki baş meseleleriň biri bolup durýar. ÝB Russiýany dartgynlyklary gowşatmaga, täzelenen diplomatiýanyň çäginde gündogar Ukrainadaky ýedi ýyllyk konflikti çözmek tagallalaryna girişmäge çagyrdy we, islendik görnüşde hüjüm edilen ýagdaýynda... Читать дальше...