Новости за 04.05.2023

Mary we Lebap welaýatlarynda şu ýyl orta mekdebi tamamlaýan okuwçylara harby gulluga bellige alyş bölümine çagyryş haty gowşurylýar. Bu barada garaşsyz neşir "Turkmen.news" öz ýurt içindäki çeşmelerine salgylanyp, 2-nji maýda habar berdi. "Orta mekdepleriň soňky synplarynda okaýan okuwçy oglanlar lukmançylyk barlagyndan geçirilýär. Oglanlardan harby bölüme barmazdan öň, gan we peşew tabşyrmak, deri-wenerologiki dispanserden resminama almak, öýkeniňi rentgene düşürtmek, EKG barlagyndan geçmek talap edilýär. Читать дальше...

Lebap welaýatynda 29-njy aprel güni öýlän adam pidalaryna getiren ýol hadysasy boldy. Bir awtoulagyň öňünden bir topar düýäniň garaşylmadyk ýagdaýda çykmagy netijesinde ýüze çykan ýol hadysasynda iki adam heläk boldy.

Ýyllarboýy erkin sözi basgylaýan Türkmenistan Serhetsiz reportýorlar guramasynyň metbugat azatlygy boýunça ýyllyk hasabatynda 180 ýurduň arasynda 176-njy orny eýeledi.

Türkmenistanyň býujet edaralarynda gazet-žurnallara 2023-nji ýylyň ikinji ýarymy üçin mejbury abuna ýazylmak möwsümi başlandy. Häkimiýetler berk döwlet gözegçiligindäki neşirleriň hem onlaýn, hem-de kagyz görnüşlerine ýazylmagy talap edýärler. Şol bir wagtda, bu mejburlyk sebäpli çykdajylarynyň artýandygyny aýdýan işgärler, ozal tölegini geçiren gazet-žurnallaryň özlerine gowşurylmaýandygyny belleýärler.

Öten agşam Çehiýanyň ikinji uly şäherinde bolan ýangynda sekiz adam ýogaldy diýip, polisiýa 4-nji maýda habar berdi. Ýangyn paýtagt Praganyň 200 km günorta-gündogarynda ýerleşýän Brno şäherinde, ýarygijeden soň başlandy. Çehiýanyň jemgyýetçilik telewideniýesi ýangynda ölenleriň penahanalarda ýaşaýan öý-öwzarsyz adamlar bolmagynyň ähtimaldygyny aýtdy. Halas edijiler ýaralanan adamlary tapmandygyny aýtdy. Polisiýa we ýangyn söndürijiler ýangynyň sebäbini derňeýärler.

Mary welaýatynyň çäginde ýene güýçli, gurak we tozanly ýel turdy. 2-nji maýda irden sagat 11-den soňra başlan şemal soňy bilen güýçli ýele öwrülip, 3-nji maýda öýläne çenli dowam etdi. Tozanly ýel miweli baglara zeper ýetirip, köp daýhanyň maddy zyýan çekmegine getirdi. "Ähli ýerler çäge ýagan ýaly örän tozanly boldy. Şäher ýerlerinde baglyklaryň azlygy sebäpli, oba ýerleri bilen deňeşdirilende, has-da tozanly boldy. Tozan zerarly köçelerde köp adamyň maska geýendigini görse bolýar. 3-nji maýda öýlän howa kadalaşyp başlady. Читать дальше...

Mary welaýatynyň döwlet edara-kärhanalary işgärlerden ýene pul ýygnaýar. Adam başyna 60 manat möçberinde kesgitlenen nobatdaky pul ýygymlarynyň sebitiň çäginde ýerleşýän gowaça meýdanlarynyň otag işlerine harçlanjakdygy aýdylýar. “Bu gezek gowaçalaryň otag işlerine çagyrylýan hakyna tutma işçilere 20 manatdan pul tölenýär” diýip, Azatlyk Radiosynyň habarçysy 4-nji maýda Mary welaýatyndan habar berdi. Gowaça meýdanlaryna häkimiýetler tarapyndan iberilýän hakyna tutma otagçylaryň tölegleri sebitiň býujet işgärleriniň üstüne ýüklenýär. Читать дальше...

Türkmenistanyň häkimiýetleri daşary ýurtlaryň ýokary okuw jaýlarynda bilim alýan türkmen talyplaryna pul geçirmek bilen baglanyşykly ýene bir talaby güýje girizdiler. Täze talaba laýyklykda, türkmen banklary daşary ýurtlarda bilim alýan raýatyň okuwa kabul edilendigi baradaky resminamanyň asyl nusgasyny talap edýärler.

Geçen hepdäniň aýagynda Daşogzuň Köneürgenç etrabynyň iki sany daýhan birleşiginde degişlilikde arzan bahadan satylýan subsidirlenen önümleriň eýýäm ençeme aý bäri goýberilmeýändigine garşy protest geçirildi. Bu barada ilkinji bolup habar beren “Türkmenistanyň Hronikasy” neşiriniň maglumatyna görä, nägilelik çäresine 100-den hem aşa ýaşaýjy gatnaşypdyr. Bu wakany tassyklatmagy başaran Azatlygyň habarçysy protestçiler bilen sebite gelen polisiýanyň arasynda ýakalaşygyň bolandygyny, 15 töweregi adamyň hem saklanandygyny anyklady. Читать дальше...

Aşgabatda düýn "Halkara ulag-üstaşyr geçelgeleri: özara arabaglanyşyk we ösüş-2023" atly halkara maslahaty öz işine başlady. Bu maslahatyň gapdalynda ýöriteleşdirilen sergi hem açyldy. “Bu wekilçilikli forum hyzmatdaşlygymyzyň mundan beýläk-de ösmegine we sebitleýin ulag infrastrukturasy üçin ygtybarly binýadyň döredilmegine möhüm itergi berer” diýip, türkmen prezidentiniň II halkara konferensiýa we sergä gatnaşyjylara iberen ýüzlenmesinde aýdylýar. Iki günlük maslahat "Halkara ulag we logistika... Читать дальше...

Döwlet departamentiniň metbugat sekretary 3-nji maýda ABŞ-nyň Türkiýäniň “Ermeni howaýollarynyň” uçuş rugsadyny togtatjakdygy barada beren habaryndan "lapykeç" bolandygyny aýtdy. "Iki ýurduň arasyndaky howa aragatnaşygyny gaýtadan dikeltmek babatynda biraz öň gazanylan ylalaşyk diňe iki ýurduň arasynda däl, eýsem sebit durnuklylygy babatynda hem möhüm ynam dörediş çäresi boldy" diýip, metbugat sekretary Wedant Patel brifing wagtynda aýtdy. "Türkiýe bilen Ermenistanyň ykdysady gatnaşyklary we... Читать дальше...

Özbek kazyýeti serhet ýakasyndaky hususy emläklerde bikanun gazylan ötük arkaly Gyrgyzystandan haryt getiren we ol ýere haryt geçiren birnäçe adama garşy jeza hökümlerini çykardy. Fergana sebitindäki kazyýet 3-nji maýda üç adamy alty ýyldan ýedi ýyla çenli aralykda azatlykdan mahrum etdi. Aýyplanýanlaryň beýleki üçüsine şertli tussaglyk hökümi çykaryldy. Özbek häkimiýetleri 2022-nji ýylyň iýul aýynda, Rişton şäherinde ýerleşýän bir hususy jaýda Merkezi Aziýanyň iki ýurduny birleşdirýän ötügiň girelgesini tapanlaryndan soň... Читать дальше...

Serdar Berdimuhamedow 1941-1945-nji ýyllaryň urşuna gatnaşan türkmenistanylara Türkmenistanyň prezidentiniň adyndan 200 manat möçberinde pul sowgadyny hem-de gymmat bahaly sowgatlary gowşurmak baradaky karara gol çekdi. Adat bolşy ýaly, öňki SSSR-iň düzümine giren ýurtlarda gitlerçi Germaniýa bilen bolan urşa gatnaşanlara 9-njy maýda bellenilýän Ýeňiş baýramynyň öňünden hormat-sylag edilýär. Sowet propagandasyna laýyklykda “Beýik Watançylyk urşy” diýlip atlandyrylýan urşuň gutaranyna şu ýyl 78 ýyl dolýar we oňa gatnaşanlaryň... Читать дальше...