Новости за 15.01.2018

Ооганстандын коопсуздук агенттиги өлкөнүн батышындагы Герат провинциясында бир өкмөттүк кызматкерди Ирандын пайдасына тыңчылык кылды деген жүйө менен камакка алды. Гераттын губернаторунун басма сөз өкүлү Жилани Фархаддын "Азаттыкка" билдиришинче, Ассадоллах Резаи аттуу киши он күн мурда кармалып, Кабулга тергөө үчүн жөнөтүлдү.  Бул киши Иран менен чектешкен Герат провинциясында эки жылдан бери эксперт катары иштеп келген. Атайын кызмат аны бир канча айдан бери изилдеп жаткан.  Резаи Ирандын чалгын... Читать дальше...

Сербия менен Монтенегро 2025-жылы Европа Биримдигине кошулууга даяр болуп калышы керек. Бул тууралуу Европа комиссиясынын Батыш Балкан аймагы боюнча стратегиясынын долбоорунда айтылат. "Эркин Европа/Азаттык" радиосунун кабарчылары көрүүгө мүмкүнчүлүк алган бул документ 6-февралда ачык жарыяланганы турат.  Долбоорго ылайык, Албания, Босния жана Герцеговина, Косово жана Македония 2025-жылга чейин уюмдун мүчөсү болуу үчүн коюлган талаптардын басымдуу бөлүгүн аткарган болот.  "Батыш Балкандагы өнөктөштөргө... Читать дальше...

Чехияда президенттик шайлоонун биринчи айлампасы өттү. Пхеньян менен Сеул ортосундагы эки жылдан берки алгачкы сүйлөшүүлөр. Кытай-Казакстан чек арасындагы “Хоргос” долбоору эки тарапка тең пайдалуу болуп жатабы? Украинада кызылча оорусу күчөп, кышкы каникул бир аптага узартылды. Бахчисарай ордосундагы оңдоп-түзөө иштери окумуштууларды эмнеси менен кооптондуруп жатат? Астананы бороон каптады, Сахарага кар жаады. Шаарга караганда айылды артык көргөн грузиялыктар баяны.

Орусия менен Түркия АКШнын Сириядагы күрттөр жетектеген кошуундарга 30 миң кишиден турган чек ара күчтөрүн түзүүгө жардам берип жатканын сындап чыгышты.  "АКШ биздин чек аранын айланасында террорчул армияны түзүп жатканын мойнуна алды. Биз бул террорчул армия төрөлгөнгө чейин аны жок кылышыбыз керек",-деп билдирди түрк президенти Режеп Тайып Эрдоган 15-январда.  Сириянын армиясы чек ара күчтөрүнүн түзүлүшүн "өлкөнүн аймактык бүтүндүгүнө жасалган чабуул" катары мүнөздөдү. Президент Башар Асадды... Читать дальше...

Ала-Бука районунун Өрүктү айылынын тургундары алтын казган "Kg M-ltd" компаниясынын жергиликтүү бюджетке карызын доолап, 15-январда нааразылык акциясын уюштурушту. Буга аталган кытайлык компаниянын тыныгуудан кийин ишин кайра жандандырып жатышы себеп болду. Ишкананын өкүлү жергиликтүү тургундардын талабында түшүнбөстүк бар деп эсептеп, "компания талаш-тартышты эки тараптуу сүйлөшүү аркылуу чечет" деп убада берди.

Кыргызстанда мектептерде окуу жылы адаттагыдай 1-сентябрда эмес, 10-сентябрда башташы мүмкүн. Парламент депутаттары менен эксперттер мындай өзгөртүүнү бир нече жолу сунуш кылышкан. Билим берүү жана илим министрлиги адегенде демилгеге макул болбогону менен, кийин иликтеп көрүп, көйгөй жарата турган жагдай жок деген бүтүмгө келип, ата-энелердин пикирин билүү үчүн талкууга чыгарды.

Комуз күүлөрүнүн чебери катары таанымал Эл артисти Фахридин Баяков 12-январда 69 жашында дүйнө салды. Ал чыгармачылык жолунда кыргыздын залкар күүлөрүнүн дээрлик баарын ийине жеткире чертип, күү күйөрмандарынын алкоосуна татып келген. Адистер Баяков өз доорунун беш манжа менен саналган залкар комузчуларынын бири болгонун белгилеп, учурда улут маданиятында мындай таланттар сейрек экенин айтышат.

Ош шаардык соту ырчы жана куудул Жеңишбек Айтиевди Кылмыш-жаза кодексинин 234-беренеси (“Бейбаштык”) боюнча айыптуу деп таап, төрт жылга эркинен ажыратуу жөнүндө чечим чыгарды. Бирок Айтиевге карата 63-берене (“Шарттуу соттоо”) колдонулуп, жыйынтыгында ал бир жылга шарттуу кесилди. Бул тууралуу маалыматты бүгүн, 15-январда Жогорку соттун басма сөз кызматы “Азаттыкка” ырастады. Ош шаардык соту Айтиевге карата өкүмүн 12-январда чыгарган. Айтиев 2016-жылы октябрда 12 жаштагы уулунун өлүмүнө байланыштуу кылмышка шектүүнүн атасы менен чырдашып... Читать дальше...

Бүгүн, 15-январда Бишкек шаардык соту "Бир дүйнө - Кыргызстан" укук коргоо кыймылы менен Улуттук коопсуздук боюнча мамлекеттик комитетке байланыштуу ишти карап, соттук жараян 25-январга жылдырылды. Буга УКМК кызматкеринин ишеним каты туура эмес болуп калганы себеп болду. Бул тууралуу укук коргоо кыймылынын жетекчиси Төлөкан Исмаилова “Азаттык” радиосуна билдирди. Укук коргоочу бир жыл мурда башталган соттук иш атайылап создуктурулуп жатат деп эсептейт.  - Сот УКМК өкүлү Алибек Алибаевдин кагаздарын карап... Читать дальше...

“Ар-Намыс” саясий партиясынын жетекчиси Феликс Кулов 9-январда абакта жаткан саясатчы Өмүрбек Текебаевге барып жолугуп келди. “Азаттыкка” келип саясатчы Өмүрбек Текебаевдин абалы, азыркы оппозиция тууралуу пикирин бөлүшүп, Конституцияга өзгөртүү киргизүүнү колдой тургандыгын айтты.

Орусиянын Юстиция министрлиги оппозициячыл саясатчы Алексей Навальныйдын штабдарынын ишин камсыз кылган фондду жоюуну талап кылып сотко кайрылды. "Жылдын бешинчи мезгили" деп аталган бул фонд боюнча арыз Москванын Мещанский сотунда 22-январда карала турган болду.  Ноябрда Юстиция министрлиги Кремлге ыктаган юрист Илья Ремеслонун арызынын негизинде фонддун ишин текшере баштаган. Юрист Ремесло Алексей Навальный менен анын штабынын жетекчиси Леонид Волковду алдамчылык боюнча айыптаган. Навальныйдын... Читать дальше...

Бишкек шаардык соту парламент депутаты, мурдагы башкы прокурор жана мурдагы юстиция министри "Аида Салянова жүрөк оорусуна байланыштуу бейтапканага жатышы керек" деген дарыгерлердин бүтүмүнө ишенбей, өз алдынча иликтөө жүргүздү. Комиссия эл өкүлүнүн ооруп жатканын ырастады.

4-январда жол кырсыгына себепчи болгон милициянын майору Төлөн Камчыбек уулунун жана анын кесиптештеринин аракети коомчулуктун талкуусуна кабылды.

Түркияда "Боинг 737-800" учагы асманга көтөрүлө электе эле деңизге кулап кала жаздады. Ирактын баш калаасы Багдадда болгон кош жардыруу кеминде 38 кишинин өмүрүн алып, жараат алгандардын саны жүздөн ашты. Орусиянын тышкы иштер министри Сергей Лавров АКШ президентин Иран менен түзүлгөн ядролук келишимге шек келтирүүдө деп айыптады. Чыгыш Кытай деңизинде кырсыкка кабылган Ирандын мунай ташыган кемеси сегиз күндөн кийин сууга чөктү. Эксперттер кемедеги миңдеген тонна майдын экологиялык зыянын иликтөөнү сунуштап жатышат.

Ирактагы кош жардыруу кыркка жакын адамдын өмүрүн кыйды. Анын алдында дагы бир кандуу жардыруу болгон эле. Бул бир ай мурда эле Ирак өкмөтү террорчуларды өлкөдөн сүрүп чыгарганын жарыялагандан кийин болууда.

Пакистан менен Индиянын ортосундагы талаштуу Кашмир аймагында атышуу болуп, андан эки өлкөнүн бир канча аскери окко учканы кабарланууда. Пакистандын армиясы атышуудан төрт аскери окко учканын, Индиянын да үч жоокери мерт болгонун билдирди.  Бирок Индия эч кандай жоготууга учурабаганын 15-январда кабарлап, Кашмирдин Ури деп аталган бөлүгүндөгү башка бир окуяда индиялык аскерлер чек арадан өтүүгө аракет кылган 5 "согушкерди" өлтүргөнүн белгиледи.  Эки тарап 2003-жылы кабыл алынган келишимди кайра... Читать дальше...

Быйыл Европадагы коопсуздук жана кызматташтык уюмунун Парламенттик ассамблеясынын күзгү жыйыны Бишкекте өтөт. Жогорку Кеңештин басма сөз кызматы билдиргендей, бүгүн, 15-январда парламент төрагасы Дастанбек Жумабековдун жетекчилиги менен ассамблеянын күзгү жыйынын өткөрүү боюнча түзүлгөн уюштуруу комитетинин отуруму болду. Ага депутаттар катышып, даярдыктар тууралуу Жогорку Кеңештин аппарат башчысынын орун басары Тажимамат Шаболотов маалымат берди. ЕККУ ПАнын жыйыны алгач ирет Кыргызстанда өткөнү жатат. Читать дальше...

Нарындын Жумгал районунда хоккей боюнча республикалык мелдеш өттү. Хоккей федерациясынын биринчи вице-президенти Мурат Жакыповдун “Азаттык” радиосуна билдиргени боюнча, мелдешке Нарын, Ысык-Көл облустарынан жана Бишкек шаарынан он команда катышты. Натыйжада Жумгал районунун "Нуралы аке" командасы жеңүүчү аталды. 2-орунду Бишкектен барган "Кыргыз темир жолу" ишканасынын командасы, 3-орунду “Жумгал Шортон” командасы алды. 4-орунду ээлеген "Ормон хан" (Кочкор) 10 миң сом акчалай сыйлык алды. Турнирдин жалпы байге фонду 120 миң сомду түздү. Читать дальше...

Бишкек-Ош жолунун 424-чакырымында таш кулап, жолдогу кыймылга тоскоолдук жаралды. Бул тууралуу Өзгөчө кырдаалдар министрлигинен кабарлашты. Маалыматка ылайык, жолдун Жалал-Абад облусунун Кызыл-Бек айылы туштан көп көлөмдөгү таш кулаган. Жабыркагандар жок. Учурда жол тазаланып жатат. (BkA)

Учак кырсыгы ондогон жылдар бою Дача СУ кыштагында жашагандардын көңүлүнөн кетпес кара так болуп калды. Кырсыктан жүрөгү үшүгөн элдин аң-сезиминде калган коркунуч качан токтойт? 16-январь күнү саат 21:30да ЭлТРде “Данистенин” атайын чыгарылышында көрүңүз.

АКШнын президенти Доналд Трамп жекшембиде журналисттердин суроолоруна жооп берип жатып өзүнүн дарегине айтылган расизм боюнча дооматтарды четке какты.  "Жок, мен расист эмесин. Мен сиздер интервью алган эң эле расист эмес адаммын", - деп билдирди Трамп Флоридадагы жеке менчик гольф клубунда жүргөн учурда.  Трамп өткөн аптада Ак үйдө мыйзам чыгаруучулар менен жолукканда Гаити жана Африка өлкөлөрүнөн келген мигранттарды "чыладан чыккандар" деп мүнөздөгөнүн басма сөз каражаттары жазып чыгышкан.... Читать дальше...

16-январда кардын калың түшкөнүнө байланыштуу Кыргызстандын тоолуу райондорунда, Бишкек-Ош унаа жолундагы Төө-Ашуу, Ала-Бел ашуусу жана Чычкан капчыгайында кар көчкү түшүшү мүмкүн. Унаалардын ортосундагы 500 метр аралык кыймыл чектелиши зарыл. 16-январда өлкөнүн айрым аймактарында кар жаашы мүмкүн. Батыштан соккон шамалдын ылдамдыгы секундасына 1-6 метрден, Ысык-Көл акваториясында 15-20 метрге жетет. Абанын температурасы: Чүй, Талас облустарында түнкүсүн -5…-10, күндүз -1…-6 градус, Баткен... Читать дальше...

Түндүк Корея Түштүк Кореянын Пхёнчхан шаарында февраль айында өтө турган Кышкы Олимпиадага 140 музыканттан турган оркестрин жөнөтмөй болду. Бул тууралуу Түштүк Кореянын өкмөтү кабарлады.  Мындай макулдашуу эки тараптын чек арадагы Панмунжом айылында дүйшөмбү күнү өткөн жолугушуусунда кабыл алынды. Ага ылайык, түндүк кореялык музыканттар олимпиада маалында Түштүк Кореянын Сеул жана Ганьнун шаарында өнөрлөрүн көрсөтүшөт.  Өткөн аптада Пхеньян менен Сеул эки жылдык тыныгуудан кийин биринчи жолу сүйлөшүүлөрдү өткөрүп... Читать дальше...

Жогорку Кеңештин депутаты Аида Саляновага байланыштуу Бишкек шаардык сотундагы отурум 18-январга жылдырылды. Буга депутаттын ден соолугу начарлап, ооруканага жаткырылганы себеп болду. Буга чейин ишти караган соттук коллегиянын башчысы, Бишкек шаардык сотунун төрайымы Ирина Воронцова Салянованын илдетинен күмөн санап, ал мажбурлап алып келиниши мүмкүн экенин айткан. Ошондон кийин прокурорлор Аида Салянова көрүнүп жаткан Чүй облустук ооруканасына барып, берилген маалымкаттын чын-бышыгы тууралуу дарыгерлер менен сүйлөшкөн. Читать дальше...

Чехиянын соту Украинанын жараны Анжелина Диашты Прагадагы добушканада чех президенти Милош Земанга "кол салды" деген негизде үч айга шарттуу кести. Сот чечимине ылайык, активист аял Чехиядан депортацияланат жана ага бир жылга өлкөгө кирүүгө тыюу салынат.  Жума күнү президент Земан Прагадагы добушканалардын бирине киргенден көп өтпөй четте күтүп турган аял үстүңкү кийимин чечип жиберип, "Земан - Путиндин сойкусу!" деп кыйкырган бойдон президенттин маңдайына чуркап келген. Жансакчылар аны дароо жерге басып жыгышып... Читать дальше...