Жекшембиде Орусиянын ондогон шаарында президенттик шайлоону бойкоттоого чакырган каршылык акциялары өттү. Анда баш-аягы 250дөн ашык демонстрант кармалды. Полиция кармап кеткендердин арасында бул жүрүштүн уюштуруучусу, оппозициячыл саясатчы Алексей Навальный да бар.
Жекшембиде Орусиянын ондогон шаарында президенттик шайлоону бойкоттоого чакырган каршылык акциялары өттү. Анда баш-аягы 250дөн ашык демонстрант кармалды. Полиция кармап кеткендердин арасында бул жүрүштүн уюштуруучусу, оппозициячыл саясатчы Алексей Навальный да бар.
Рожер Федерер 20 жолу "Чоң шлем" мелдешин уткан алгачкы эркек теннисчи болуп калды. 36 жаштагы швейцариялык спортчу жекшембиде Австралиянын ачык чемпионатынын финалында хорватиялык Марин Чиличти 6-2, 6-7 (5-7), 6-3, 3-6, 6-1 эсебинде жеңип чыкты. Мельбурн шаарында өткөн бул мелдеште аялдардын арасында даниялык Каролина Возняцки чемпион аталды. Ал ишембидеги финалда румыниялык Симона Халепти утуп алды. Теннистин тарыхында үч аял теннисчи гана "Чоң шлем" мелдештерин кеминде 20 же андан көп жолу уткан. Читать дальше...
Түрк президенти Режеп Тайып Эрдоган Түркия Сирия менен бүтүндөй чек арасын "террорчулардан" тазалайт деп убада берди. Ал мындай сөзүн 28-январда өзүнүн "Адилет жана өнүгүү" партиясынын Амасия шаарындагы жыйынында айтты. Эрдоган чек ара согушкерлерден толук тазалагандан кийин учурда Түркияда жүргөн сириялык качкындар өз мекенине кайтса болоорун кошумчалады. Түрк армиясынын Сириянын түндүк-батышындагы Африн аймагында жүргүзүп жаткан аскердик операциясы экинчи жумага аяк басты. Эрдогандын жекшембидеги... Читать дальше...
Орусиянын ондогон шаарларында оппозициячыл саясатчы Алексей Навальный уюштурган жүрүштөрдө кеминде 257 адам кармалды. Бул тууралуу жекшембидеги бүткүл орусиялык каршылык акциясына байкоо салган "ОВД-Инфо" медиа-долбоору кабарлады. Алардын маалыматына ылайык, Чебоксары шаарында 50, Уфада 45, Кемероводо 31, Москвада 16 киши кармалган. Мындан тышкары кармоолор Санкт-Петербург, Нижний Новгород, Новосибирск, Томск сыяктуу ондогон шаарларда да катталган. Орусиянын баш калаасында полиция кармап кеткен... Читать дальше...
Ирандын баш калаасы Тегеранда калың түшкөн кардан улам аэропорттор, мектептер убактылуу жабылды. Эл аралык "Имам Хомейни" жана Мехрабад аэропортторундагы каттамдар убактылуу токтотулганын Ирандын мамлекеттик телеканалдары 28-январда кабарлашты. Мектептердеги окуу Тегеранда гана эмес, өлкөнүн бир катар аймактарында да үзгүлтүккө учурады. Баш калаанын чет жакасындагы жолдордо жүздөгөн автоунаалардын тыгыны пайда болду. Айрым жүргүнчүлөр тогуз сааттан бери тыгында турушканын социалдык тармактарга жазышты. Читать дальше...
Орусиянын бир катар аймактарында президенттик шайлоону бойкоттоого чакырган жүрүштөрдүн ондогон катышуучулары кармалды. Алардын арасында каршылык акциясынын уюштуруучусу, оппозициячыл саясатчы Алексей Навальный да бар. Ал Москванын борбордук бөлүгүндө миңден ашуун адам катышкан бүгүнкү жүрүш маалында кармалганын Твиттердеги барагына жазды. Жекшембиде нааразылык акциясына чыккандар "Шайлоону бойкоттогула", "Путинсиз Орусия" деп кыйкырып жатышты. 26-январда Орусиянын Ички иштер министрлиги шайлоонун... Читать дальше...
Бишкек шаарында ызгаардуу суукта муктаж адамдарга чай, ысык тамак берип, жылуу жайга жайгаштыруу боюнча пункттар жана көчмө чатырлар иштеп жатат.
Катуу суукка байланыштуу Бишкектеги бала бакчалар убактылуу иштебейт. Бул тууралуу калаа мэриясынын басма сөз кызматы кабарлады. Бишкек шаардык билим берүү департаментинин чечимине ылайык, мамлекеттик бала бакчалар 29-30-январь күндөрү иштебейт. Жеке менчик бала бакчалар тууралуу маалымат айтылган эмес. Буга чейин Билим берүү жана илим министрлиги "аба ырайы кескин суук болот" деген эскертүүлөргө байланыштуу Кыргызстандагы бардык мектептерде окуу 26-январдан 30-январга чейин убактылуу токтотулганын билдирген. Читать дальше...
Кабулдагы жанкечти чабуулунан кийин Ашраф Гани 28-январды улуттук аза күтүү күнү деп жарыялады. Өлкөдө жана Ооганстандын башка мамлекеттердеги дипломатиялык өкүлчүлүктөрүндө туу түшүрүлүп, айрым иш-чаралар жылдырылды. Ооганстандын ички иштер министри Ваис Бармак жардырууда каза болгондордун саны 103кө жеткенин билдирди. Анын айтымында, 235 киши жараат алган. Алардын 30дан ашууну аскер кызматкерлери. Жанкечти Тез жардам унаасы менен бир нече көзөмөл пункттардан өтүп барып жарылган. “Талибан”... Читать дальше...
Жалал-Абад облусуна караштуу Ала-Бука районунун тургуну Өзбекстандын чек арачыларынын огунан жараат алды. Ал 27-январда кыргыз-өзбек чек арасына жакын жерде кой жайып жүрүп, Өзбекстандын аймагына өтүп кеткен. Бул тууралуу “Азаттык” радиосуна Ала-Бука районунун акими Сонунбек Акбаралиев кабарлады. - Жергиликтүү тургун тоого кой жайып чыккан экен. Кой өтүп кеткенде айдаганы барып, өзбекстандык чек арачылардын "токто" дегенине карабай качып баратканда ок атылган. Азыр анын акыбалы жакшы, учурда Чуст районундагы ооруканада жатат. Читать дальше...
Бишкектин 3-кичи районундагы көп кабаттуу үйдөн өрт чыкты. Өзгөчө кырдаалдар министрлигинин маалыматына караганда, тилсиз жоо тууралуу маалымат бүгүн саат 11:42де түшкөн. Өрт бир сааттын ичинде өчүрүлдү. Кырсыктан жабыркагандар жана каза тапкандар тууралуу маалымат жок. Учурда себептери такталууда.
Бишкекте көмөккө муктаж шаардыктарды кабыл алуу, ысык чай, тамак менен камсыз кылуу жана жайгаштыруу пункттары иштеп жатат. Учурда борбордо жылынуучу он пункт ачылды. Мындан тышкары, Бишкек мэриясы Өзгөчө кырдаалдар министрлиги менен биргеликте кырк жылуу чатырларды орнотту.
АКШ президенти Дональд Трамп ондогон кишинин өмүрүн алган Кабулдагы жардыруудан кийин дүйнөдөгү бардык өлкөлөрдү “Талибанга” каршы “чечкиндүү чараларды” көрүүгө чакырды. “Мен Кабулдагы бейкүнөө ондогон адамдардын өмүрүн алган, жүздөгөн кишини жарадар кылып, карасанатайлык менен жасалган чабуулду айыптайм. Бул теракт мындан ары биздин ооган өнөктөштөрүбүз менен иштөө нугун өзгөртөт. Эми бардык өлкөлөр талиптерге жана террористтик уюмдарды колдогон тараптарга каршы чечкиндүү кадамдарды жасашы керек, - деди Трамп 27-январдагы билдирүүсүндө. Читать дальше...
Дүйнөнүн көпчүлүк өлкөлөрүндө белгилүү болгон UFCнын (таймаштын аралаш түрлөрү) көзүрлөрүнүн бири орусиялык мушкердин Кыргызстанга келип кетиши спорт чөйрөсүндө кызуу талашка жем таштады.
Бишкек шаарында ызаардуу суукта муктаж адамдарга чай, ысык тамак берип, жылуу жайга жайгаштыруу боюнча пункттар жана көчмө чатырлар иштеп жатат. Шаар мэриясынан кабарлашкандай, 27-январдан 28ине караган түнү кабыл алуу жана жайгаштыруу пункттарына бир нече үй-бүлө жана жеке адамдар кайрылган. Алардын баары мейманканаларга, мектептерге жайгаштырылып, ысык тамак, жылуулук менен камсыз болушту. Мындан тышкары, Бишкек мэриясы Өзгөчө кырдаалдар министрлиги менен биргеликте ысык чай берген 40тай жылуу чатырларды орнотту. Читать дальше...
27-январда кечки саат төрт чамасында Бишкек шаарынын четиндеги Ак-Бата жаңы конушунда 45 жаштагы С.Батыров аттуу жаран аты менен тоңуп турган сууга түшүп кеткен. Бул тууралуу Өзгөчө кырдаалдар министрлигинин маалымат кызматы кабарлады. Куткаруучулар окуя болгон жерге барып, саат 17:20да суудан каза болгон адамды алып чыгып, Тез жардам кызматына өткөрүп беришти. Маалыматка караганда, Окуя Бишкектин четиндеги көк бөрү оюну учурунда болгон. Сууга түшкөн ат чыгып кетип, ээси табылбай калган. Оюнчулар... Читать дальше...
Аб -ырайынан улам бүгүн Жалал-Абад-Бишкек авиакаттамы токтотулуп, билеттер Ошко которулду. Ондогон жүргүнчүлөр уюштуруу иштери начар болуп жатканына нааразы болушту. Айрымдары моралдык чыгым талап кылууну жана Ошко чейин транспорт уюштуруп берүүнү талап кылышты. “Азаттыктын” кабарчысы Санжар Эралиевдин белгилешинче, билеттер Ошко которулганына байланыштуу такси баасы 250 сомдон дароо 400 сомго кымбаттады. Авиакаттамды аткарган “Тез жет” компаниясы каттам аба ырайына байланыштуу токтотулганын... Читать дальше...
Сууктан улам Бишкектеги ооруканаларга кайрылгандар абдан көп болгондуктан, 28-январда Бишкектин үй-бүлөлүк дарыгерлер борборлору кечки саат алтыга чейин иштемей болду. Бул тууралуу Саламаттыкты сактоо министрлиги билдирди. Дарыгерлерден нөөмөт топтор түзүлүп, каалоочулар жакынкы бейтапканадан тийиштүү медициналык жардам алса болот. (BCh)
Лейлек райондук акимчилигинен “Азаттыкка” маалымдашкандай, “Жаш-FM” радиосу азырынча сыноо негизинде обого чыгып жатат. Радио ачуу демилгесин райондук акимчилик сунуштаган. Буга райондо 130 миң калк маалымат менен камсыздоого эки гезиттин жетишпегени себеп болгон. Январь айынан тарта иштеп баштаган радио 104.6 жыштыгында тесттик режиминде эфирге чыгат. Учурда жергиликтүү жаштар радионун ишин үйрөнүп, келечекте район аймагын толук камтуу үчүн онлайн режиминде иштетүү аркеттери жүрүүдө. Радио негизинен жаштарга багытталган... Читать дальше...
Бакма күрптүн түпкү мекени Мезоамерика экени аныкталды. Спортчулар узак жашайт. Таттуунун пайдасынан зыяны көп. Польшалык дыйкандар эмнеге немис фермерлериндей көп киреше албайт?
Бакма күрптүн түпкү мекени Мезоамерика экени аныкталды. Спортчулар узак жашайт. Таттуунун пайдасынан зыяны көп. Польшалык дыйкандар эмнеге немис фермерлериндей көп киреше албайт?
Борбордук шайлоо комиссиясынын маалыматына караганда, саат 10:00го карата жергиликтүү кеңештердин депутаттарын шайлоого 2672 шайлоочу добуш берди. Бул тизмеге кирген шайлоочулардын 6% түзөт. Активдүүлүк айрыкча Ош облусунун Араван районунун С.Юсупов айылдык кеңешинде байкалды. Бул аймакта добуш бергендердин саны 9% жетсе, экинчи орунда 7,5% менен Кара-Суу районунун Ак-Таш айылдык кеңеши турат. Ал эми үчүнчү жолу мөөнөтүнөн мурда шайлоо өтүп жаткан Кара-Балта жана Таш-Көмүр шаарларында добуш бергендер 6% тегерегин түздү. Читать дальше...
