Новости за 30.01.2018

Эл аралык олимпиада комитети "Рейтерс" агенттигин Түштүк Кореяда башталчу кышкы оюндардын ачылыш аземине катыштырбайт. Бул тууралуу түштүк кореялык "Рёнхап" агенттиги билдирди. Мындай чечим "Рейтерс" агенттиги 28-январдагы Олимпиаданын отун жандырууга даярдык көргөн иш-чарадан сүрөттөрдү жарыялап жиберген соң кабыл алынган. Агенттик эл аралык комитеттин эскертүүсүнөн кийин дароо сүрөттөрдү өчүргөн.   Оюндун уюштуруу комитети Түштүк Кореянын маалымат каражаттарына кайрылып, Пченхчандагы оюндардын... Читать дальше...

Казак бийлиги жакынкы беш жылда "Диний экстремизмге жана терроризмге каршы аракет көрүү" деп аталган мамлекеттик программаны жүзөгө ашыруу үчүн 286 миллиард теңге (888 миллиондон ашуун доллар) жумшайт. Бул тууралуу "Ченемдик-укуктук акттар" деген интернет сайтка жарыяланды. Программага байланыштуу талкуу да ушул сайтта 6-февралга чейин жүргүзүлөт. 2018-2022-жылдарга белгиленген программанын алкагында республикалык жана жергиликтүү бюджеттердин акчасы жана башка "мыйзам жол берген каражаттын" бардыгы... Читать дальше...

Бишкек Жылуулук борборундагы болгон авария шаар тургундарын кооптуу абалда калтырды. Айрыкча оор абалга социалдык объекттер кабылды. Бишкектеги карылар үйү авария болор замат тыштагы очокко отун-сууларды даярдап, тамак-ашты казанга бышырса, балдар үйлөрүнүн бири ымыркайларды калың кийиндирип, дароо электр жылыткычтарды колдоно баштаган. Мейманканалар да кайдыгер калбай, барарга жери жок калгандарга бөлмө сунуштап, бир топ үй-бүлөнү түнөк менен камсыз кылды.

Бишкектеги жылуулуктун жана ысык суунун үзгүлтүккө учурашына байланыштуу Башкы прокуратура тиешелүү кызмат адамдарына "Шалаакылык" беренеси боюнча кылмыш ишин козгоду.

Оппозициялык саясатчы Өмүрбек Текебаев камалган абакка видеокамера орнотулду.

"Бийликти күч менен басып алууга аракеттенген" деген айып менен камакта отурган Бектур Асанов бүгүнтөн тартып үй-бүлөсү, туугандары менен көрүшүүгө уруксат берилбей жатканына каршылык иретинде "кургак ачкачылык" кармай баштады. Ошондой эле саясатчы соттук териштирүү адилетсиз болуп жатат деп эсептейт. Бул тууралуу "Саясий туткундарды коргоо комитети" бейөкмөт уюмунун мүчөсү Зулфия Марат “Азаттыкка” кабарлады. Бул маалыматты Асановдун туугандары да ырасташты. УКМК азырынча бул боюнча комментарий бере элек. Читать дальше...

Орусиянын президенти АКШ жарыялаган баяндаманы “достукка жатпаган жана АКШ-Орусия алакаларын татаалдаштырып, жалпы эле эл аралык мамилени буза турган кадам” катары баалады. Путиндин басма сөз катчысы Дмитрий Песков болсо Кремл “баяндаманы талдап чыккандан кийин кандайдыр тыянак чыгарарын” айтты. Шейшембиде Кошмо Штаттарда “Кремл баяндамасы” деген документ жарыяланды. “Кремл тизмеси” жана “олигархтар тизмеси” деп аталган баяндамада президент Путиндин жакын чөйрөсүндөгү 114 адамдын жана 96 олигархтын аттары аталган. Читать дальше...

Казак бийлиги Олимпиададан ийгиликтүү кайткан атлеттерине 75 миңден 250 миң доллардан сыйакы бермей болду. Өзбекстандын маркум президентинин тун небереси Ислам Британиядан саясий башкалка сурады. Бир ай мурда ал апасы Гүлнара Каримовага байланыштуу чоң окуя болгонун айтып, документтер даяр болсо эле башпаанек сурай турганын Би-Би-Сиге билдирген. АКШ “Кремль тизмесин” жарыялады. Ага президент Путиндин эң жакынкы чөйрөсүндөгү адамдар жана олигархтар, жалпы 200дөн ашуун адам кирген. Эми Вашингтон аларга санкция салышы да мүмкүн.

Казак бийлиги Олимпиададан ийгиликтүү кайткан атлеттерине 75 миңден 250 миң доллардан сыйакы бермей болду. Өзбекстандын маркум президентинин тун небереси Ислам Британиядан саясий башкалка сурады. Бир ай мурда ал апасы Гүлнара Каримовага байланыштуу чоң окуя болгонун айтып, документтер даяр болсо эле башпаанек сурай турганын Би-Би-Сиге билдирген. АКШ “Кремль тизмесин” жарыялады. Ага президент Путиндин эң жакынкы чөйрөсүндөгү адамдар жана олигархтар, жалпы 200дөн ашуун адам кирген. Эми Вашингтон аларга санкция салышы да мүмкүн.

Азыркы кыз-келиндердин эрмеги эмнеде? "Эже-сиңдилер" ток-шоусунун коноктору хоббиден киреше табуу боюнча кеп-кеңештери менен бөлүшөт.

Ольга Граф Түштүк Кореядагы оюндарга катышууга чакыруу алса да мелдештерге барбайт. Ал мындай чечимге Эл аралык Олимпиада комитети орусиялык коньки тебүүчүлөрдүн командасын оюндардан четтетип салгандан кийин келген. "Мен Эл аралык Олимпиада комитетинин "Орусиянын спортчулары бейтарап желек алдында чыксын" деген чечимине каршымын. Анын үстүнө мен өз өлкөмдүн намысын коргоого даяр болчумун" деп айтылат Графтын билдирүүсүндө. Анын пикиринде спорт "саясий оюндардын куралына айланды". 2014-жылы Сочиде... Читать дальше...

Өзүн Азамат деп тааныштырган жигит Жети-Өгүз районунун Саруу айылында жашайт. Анын тек-жайын тастыктаган эч кандай документи жок. Жашы болжол менен 28-29 жаштарда. Өзүнүн айтымында бир койго сатылып, дээрлик 25 жылдан бери ар кимдин колунда малай болуп келет...

Жогорку Кеңештеги КСДП фракциясынын депутаты Элвира Сурабалдиева Бишкек Жылуулук электр борборун Кытайдын жарандары башкарып жатканына нааразы болду. Бул тууралуу ал парламенттин Отун-энергетика комплекси жана жер казынасын пайдалануу комитетинин 30-январда Бишкек жылуулук борборунда өткөн көчмө жыйынында билдирди. Ал бул тууралуу сөзүн "Facebook" социалдык тармагындагы өзүнүн барагына да жазып чыкты. Сурабалдиева ЖЭБде иштеген кытайлык адистер Кыргызстандын бюджетинен айлык аларын маалымдады.... Читать дальше...

Парламенттин Отун-энергетикалык комплекс жана жер казынасын пайдалануу комитети Бишкек жылуулук борборундагы соңку кырдаал менен таанышып, жеринде көчмө жыйын өткөрдү. Анда депутаттар аталган ишканадагы кырдаалды талкуулап, бул багытта депутаттык комиссия түзүү, маселени Жогорку Кеңештин жалпы жыйынында кароо чечимине келишти. Жыйынга биринчи вице-премьер-министр Аскарбек Шадиев катышып, түзүлгөн кырдаал үчүн бишкектиктерден кечирим сурады. Шадиевдин айтымында, кырдаалды иликтеген өкмөттүк комиссия ишин жыйынтыктаса... Читать дальше...

Сузак районунда орун алган жер көчкүдөн улам Орток айылындагы 112 бала окуган мектеп жабылып, 150дөн ашык адам коопсуз жайларга көчүрүлүп жатат. Бирок жергиликтүү бийликтин көчүрүү талабына баш ийбеген тургундар аймакта кала берүүдө. Айылдыктар болсо кыш чилдеде көчүүнү каалабай, мектепти убактылуу ачып берүүнү талап кылышууда.

Орус президентинин басма сөз катчысы Дмитрий Песков Кремл “баяндаманы талдап чыккандан кийин кандайдыр тыянак чыгарарын” айтты. Ал өзүнүн да Вашингтондун тизмесине кирип калганына маани бербей турганын, ага түшкөндөрдүн баары “АКШнын душмандары” аталганын кошумчалады. Орусиянын Федерациялар Кеңеши болсо “Кремл баяндамасын” орус элитасын “мүдүрүлтүү аракети” деп баалады. Вице-премьер-министр Аркадий Дворкович Ак үйдүн “тизмесине кантип түшпөй калмак элем” деп, америкалыктардын баяндамасы “Орусиянын... Читать дальше...

Бишкектин Октябрь райондук соту  Жогорку Кеңештин мурдагы депутаты, “Адилет” укуктук клиникасынын жетекчиси Чолпон Жакупованын жана журналист Нарын Айыптын камакка алынган мүлкүнө байланыштуу ишти кароону 14-февралга калтырды. Нарын Айып "Азаттык" радиосуна билдиргендей, бүгүнкү жараянда судьялар шаардык сотто апелляциялык арыз каралганга чейин ишти токтото туруу боюнча айыпталуучулардын өтүнүчүн канааттандырды: - Бүгүн Чолпон Жакуповага жана мага байланышкан иштер боюнча эки сот болду. Эки сот тең 14-февралга калды. Читать дальше...

Кыргызстанда 31-январда күн ачык болот. Ош, Жалал-Абад, Баткен облустарынын кээ бир райондорун туман каптайт. Батыштан келген шамалдын ылдамдыгы секундуна 1-6 метрге жетет. Абанын температурасы: Чүй өрөөнүндө түнкүсүн -15...-20, күндүз -4...1; Таласта түнкүсүн -15...-20, күндүз -4...-9; Ош жана Жалал-Абад облустарынын дыйканчылык аймактарында түнкүсүн -4...-9, күндүз -3...2; Баткенде түнкүсүн -4...-9, күндүз -3...2; Ысык-Көлдө түнкүсүн -8...-13, күндүз 0...-5; Нарын облусунда түнкүсүн -17...-22... Читать дальше...

Кошмо Штаттарда “Кремл баяндамасы” деген документ жарыяланды. Расмий эмес “Кремл тизмеси” жана “олигархтар тизмеси” деп аталган баяндамада президент Путиндин эң жакын чөйрөсүндөгү 114 адамдын жана 96 олигархтын ысымдары камтылган. АКШнын Каржы министрлиги түзгөн ал "кара тизмедегилерге" каршы Вашингтон мындан ары санкция киргизиши мүмкүн. Москва АКШнын аракеттерин сынга алды.

Грузиянын Ички иштер министрлиги Тбилиси шаарындагы метро станциянын төбөсү түшүп кетип, андан 14 киши жабыркаганын билдирди.    Окуя метрополитендин “Варкетили” деген станциясында 30-январда болгонун Өзгөчө кырдаалдар министрлиги бышыктады. Жарадар болгондордун арасында полиция кызматкери бар. Алардын баары ооруканага жеткирилди. Полиция менен куткаруучулар метрополитенде калган адамдарды чыгарышты.  Тбилисинин шаардык транспорт полициясы окуя боюнча иликтөө баштады. Шаар башчы Каха Каладзе окуя болгон жерге барып... Читать дальше...

Кыргызстандык суучул Денис Петрашов Люксембургда өткөн "Euro Meet Luxembourg" эл аралык мелдешинде эки алтын, эки коло медалга ээ болду. Бул тууралуу Кыргызстандын сууда сүзүү боюнча улуттук курама командасынын машыктыруучусу  Юрий Захаров "Фейсбуктагы" баракчасына жазды. Маалыматка караганда, Петрашов жаштар арасында 100 жана 200 метрге брасс ыкмасында сүзүп, жеңүүчү аталган. Ушул эле ыкмада ал 50 метрге жарышууда коло байге алган. Ошондой эле чоңдор арасында 100 метрге брасс ыкмасы менен сүзүүдө коло медал тагынып... Читать дальше...

Кыргызстандык суучул Денис Петрашов Швейцарияда өткөн Euro Meet Luxembourg эл аралык мелдешинде эки алтын медалга ээ болду. Мындай маалыматты мелдештин расмий сайты жазып чыкты.  Кыргызстандан аталган мелдешке төрт оюнчу катышкан. Эки алтынды уткан Денис Петрашовдон тышкары, Елизавета Рогожникова дагы эки медал - бир күмүш, бир коло медал тагынды.  17 жаштагы Денис Петрашов 2017-жылы брасс ыкмасы менен 100 метрге сууда сүзүү боюнча Азия чемпиону болгон. Ал 2016-жылы Бразилиянын Рио-Де-Жанейро шаарындагы Олимп оюндарына катышып... Читать дальше...

Сада майрамы Ноорузга элүү күн калганда, чилденин мизи кайткан маалда жаздын келишин утурлай өткөрүлөт. Эл чогулган жерде от жагылып, казан асылып, шаң-тамаша менен коштолот. Сада майрамын тажик бийлиги былтыр Нооруз сыяктуу эле улуттук майрамдардын катарына кошкон. Өлкө президенти Эмомали Рахмон бабалардан калган бул майрамды “От жараткан” же “Жарык менен жылуулуктун булагы” деп атады. Ошол эле учурда Саданын осуяттарынын бири жазгы дыйканчылык, багбанчылык иштерге даярдануу экенин эске салды. Читать дальше...

Былтыр Москвадан Кыргызстанга 197 мигранттын сөөгү жөнөтүлгөн. Алардын 60тан ашууну жол кырсыгында каза болгон. Кыргыз диаспорасынын өкүлдөрү жол кырсыгында жабыркагандарды азайтыш үчүн өкмөт аба жана темир жол каттамдарына көңүл бурушу керек деген ойдо.

Нарын районунун Куланак айылындагы кесиптик лицейде толук кандуу окуу болбой жатат. Лицейдин жетекчилиги сабактар кадимкидей эле жүрүп жатат дегени менен жергиликтүү эл окуу жайда студенттердин карааны дээрлик көрүнбөй калганын айтып жатышат.