Македонияда жекшемби күнү өлкөнүн аталышын өзгөртүү боюнча референдум өтөт. Түндүк Македония деген жаңы аталышка каршы чыккандар өлкө ичинде да, коңшу Грецияда да бар. Бир топ жылдан бери эки коңшу мамлекет ортосунда талаш жаратып келген бул маселе чечилсе, балкан өлкөсүнө НАТОго жана Евробиримдикке кошулууга жол ачылат.
"Руслан Боширов" – Орусиянын Чалгын башкармалыгынын полковниги Анатолий Чепиганын каймана аты экенин Bellingcat жана The Insider иликтөө агенттиктери таап чыкты. Иликтөөчүлөрдүн маалыматына караганда, Британияда мурунку орус тыңчысы Сергей Скрипалды ууландырган полковникке "Орусиянын Баатыры" наамы ыйгарылган. Bellingcat "Бошировдун" тек-жайы ким экенин бышыктаган бир нече булактарына таянат. Ал Хабаровскиде армиянын атайын бөлүгүнүн 14-бригадасында кызмат өтөгөн. Экинчи чечен согушунда маанилүү роль ойноп... Читать дальше...
Жогорку Кеңеш Токон Мамытовду акыйкатчы кылып шайлады. Аны бул кызматка Социал-демократтар фракциясы сунуштаган. Көп жылдардан бери атайын кызматта иштеген 65 жаштагы генерал Мамытовду акыйкатчылыкка шайлоону парламенттин жарандык коомдун пикири менен эсептешпегени катары сындашууда.
Түркмөн өкмөтү 2019-жылдын 1-январынан тарта электр жарыгына, газга, сууга жана тузга акы киргизет. Бул тууралуу “Азаттыктын” түркмөн кызматы “Түркмөнстан хроникасы” маалымат агенттигине таянып билдирди. Президент Гурбангулы Бердымухамедов кол койгон буйрукка ылайык, 2019-жылдан тарта "Түркмөнстандын калкын электр энергиясы, газ, таза суу жана туз менен жеңилдетилген тартипте камсыздоо" жоюлат. Адистер бул кабарды өлкөдөгү каатчылыктын жарчысы дешет. Өлкөдөгү экономикалык каатчылыкты энергетика... Читать дальше...
Кыргыз паспортторуна байланыштуу жыл сайын, ай сайын эле чуулгандуу окуялар катталат, паспорттор мыйзамсыз берилген, жасалма паспорттор деп ондогон кылмыш иштери козголот, ондогон адамдарга айып тагылат. Бирок жыйынтыгы эмне менен аяктаганы, ким кандай жаза алганы көп эле учурда белгисиз бойдон калат. "Ыңгайсыз суроолор" берүүсүнүн бул чыгарылышында биз коомчулукта резонанс жараткан кылмыш иштерин, мыйзамсыз иштер менен кимдер, кантип шугулданганын иликтедик.
Улуттар Уюмунун Ооганстандагы миссиясы аба чабуулдарынан өлгөн карапайым жарандардын саны өсүп баратканына "терең тынчсыздануусун" билдирди. Өткөн апта соңунда эле аба соккуларынан 21 киши каза тапкан. 26-сентябрда Ооганстандагы миссия билдиргендей, Кабулдун батышындагы Майдан Вардак провинциясында бир эле үйгө тийген бомбадан 12 киши, анын ичинде балдар каза тапты. 23-сентябрда бул аймакта өкмөттүк армия аба операциясын жүргүзгөн. Провинциянын жергиликтүү кеңешинин мүчөсү Ахмад Жахвари «Франс... Читать дальше...
Акыйкатчы кызматына ат салышкан “Коомдук анализ институту” уюмунун жетекчиси Рита Карасартова парламенттеги акыйкатчы шайлоонун жыйынтыгын эл өзү тандаган депутаттардын чечими катары туура кабылдоо керек деп эсептейт. Добуш берүүнүн жыйынтыгы белгилүү болгондон кийин ал “Азаттык” радиосунун суроолоруна жооп берип жатып Кыргызстанга парламентаризм керек экенин белгилеп, аны куруунун кезектеги этабы жүрүп жатат деп ишенүү зарыл деген оюн айтты. Ошону менен катар Карасартова акыйкатчыны шайлоонун жыйынтыгы башкачараак болот деп үмүттөнгөнүн... Читать дальше...
26-сентябрда аялдар абагында ичкиликке жана баңгиликке берилгендер психологиялык курстан өткөндөн кийин кармала турган атайын жай ачылды. Жаман адаттардан кутулууга ниеттенген аялдар ал жайда жаза мөөнөтү аяктаганча кармалышат. Мындай аялдар жазасын өтөп бүткөнгө чейин борбордо дарыланып, ичкиликсиз, баңгизатсыз таза жашоону баштагысы келишет.
Кыргызстандын президенти Сооронбай Жээнбеков БУУнун Башкы ассамблеясында экология, суу, терроризм жана экстремизм коркунучу тууралуу сөз сүйлөп, парламенттик демократия кыргыз коомунун табиятына шайкеш келерин белгиледи.
Француз полициясы 18 жаштагы чечен улутундагы жигитти теракт жасоого даярданган деген шек менен кармады. Бул тууралуу "France Bleu" радиосу шаршембиде кабарлады. Кармалган кишинин аты-жөнү айтылбай, полиция аны 18-сентябрда Страсбург шаарында колго түшүргөнү гана маалымдалды. Кабарда айтылгандай, шектүү болсо жөн эле кызыкканынан улам «Ислам мамлекети» террордук уюму тууралуу Интернеттен маалымат издегенин айтып берген. Анын агасы май айында полиция кызматкерлерине бычак менен кол салган Хамзат Азимовдун ишине байланыштуу кармалган. Читать дальше...
Жогорку Кеңештин депутаттары Кыргызстандын акыйкатчысы кызматына Токон (Токтокүчүк) Мамытовду шайлады. Аны КСДП фракциясы көрсөткөн. Жабык добуш берүүнүн жыйынтыгында Токон Мамытовду 79 депутат колдоду. Рита Карасартовага 9, Канатбек Азизге 19, Рыскул Бактыбаевге 6 добуш берилди.
Таласта төө буурчакка тете киреше берген кайналынын баасы быйыл арзандап кетти. Маселен, жыл сайын килограммы 20-25 сомдон сатыла турган бул жемишти быйыл 10-15 сомдон гана сатып жатышат.
Сегиз айлык Абдуллону алып келүүнү өтүнүп туугандары тажик бийлигине кайрылышты. Анын атасы Ирактагы согушта өлгөн, апасы түрмөдө. Орус депутаттары бир добуштан пенсия курагын көтөрүүнү колдошту. Перудагы чакан шаардагы мэр шайлоосунда Гитлер менен Ленин кармашууда. Америкалык белгилүү актер жана куудул мугалимди зордуктаган деп айыпталып кесилди.
Түркияда кыргызстандык жаран уурулукка шектелип, камакка алынды. Бул тууралуу жергиликтүү "Ihlas" кабар агенттиги 26-сентябрда кабарлады. Маалыматка караганда, Кыргызстандын үч жараны Анталия шаарынын Манавгат районунда жайгашкан соода борборундагы дүкөндөн кийим уурдап бараткан жеринен колго түшкөн. "Кыргызстандык Э.К, Д.Д жана А.К дүкөндө сатылып жаткан кийимдердин коопсуздук магниттерин кесип, баштыктарына салып баратканда дүкөндүн кызматкерлерине кармалганы" деп айтылат кабарда. Анталия... Читать дальше...
Жогорку Кеңештин депутаттары Кыргызстандын акыйкатчысы кызматына Токон (Токтокүчүк) Мамытовду шайлады. Аны КСДП фракциясы көрсөткөн. Омбудсмен шайлоо 26-сентябрда өтүп, башында талапкерлер баяндама жасашты. Жабык добуш берүүнүн жыйынтыгында Токон Мамытовду 79 депутат колдоду. Рита Карасартовага 9, Канатбек Азизге 19, Рыскул Бактыбаевге 6 добуш берилди. Акыйкатчылык кызматка Токон Мамытовду КСДП фракциясы көрсөткөн. Рита Карасартова менен Рыскул Бактыбаевди "Бир Бол", Канатбек Азизди "Ата Мекен" фракциялары сунуштаган. Читать дальше...
Германия полициясы "Pussy Riot" тобунун мүчөсү, "Медиазона" басылмасынын негиздөөчүсү, учурда Берлинде ооруканада жаткан Петр Верзиловду жана анын жакындарын кайтарууга алды. Буга алардын артынан шектүү адамдар аңдып жүргөнү тууралуу арызы себеп болгон.
Сириянын Идлиб провинциясынан радикалдуу топтор чыгып кете баштады, бирок бийликте Башап Асад турганда бул өлкөдө тычтык орнотуу мүмкүн эмес. Бул тууралуу Түркиянын президенти Режеп Тайып Эрдоган «Рейтер» агенттиги менен болгон маегинде айтты. 18-сентябрда Орусия жана Түркия Идлиб провинциясында 15-октябрга карата куралдуу оппозиция менен өкмөттүк күчтөр кесилишкен тилкеден 15-20 чакырым ичкери карай демилитаризациялык буфер аймак түзүүнү макулдашкан. Сириянын Орусия жана Иран колдогон өкмөттүк күчтөрү Идлиб провинциясына чабуул жасап... Читать дальше...
Улуттар уюмунун Башкы ассамблеясынын 73-сессиясынын бүгүн жалпы дебаттардын экинчи күнү. Анда кечээ сөз алган АКШ президенти Дональд Трамп дүйнө мамлекеттерин Иран өкмөтүн ал “агрессиялык” деп атаган саясатты улантып жатканы үчүн изоляциялоого чакырса, өз кезегинде Иран президенти Хасан Роухани АКШны “экономикалык терроризм” үчүн айыптады. Трамп 26-сентябрда Иран проблемасын БУУнун Коопсуздук кеңешинин отурумунда төрагалык кылган учурда да көтөрөт деп күтүлүүдө.
Жогорку Кеңештеги КСДП фракциясынын депутаты Нодирбек Каримов Кыргызстанда экстремизге каршы күрөштө күч органдары аша чаап жатканын билдирди. Мындай пикирин 26-сентябрда парламентте акыйкатчы шайлоо алдындагы жыйында айтты. Каримов жарандар Интернеттеги жазган пикирлери үчүн да жоопко тартылган учурлар болуп жатканын айтты: - Көптөгөн ата-энелер балдары Сирия кетип калганы үчүн, ал жакка барбаса да социалдык тармактарга бир нерсе чыгарып койгону үчүн камалып кетип атат. Буга эч ким иштебей жатат. Читать дальше...
Эмгек жана социалдык өнүгүү министрлигинин жетекчилиги дипломатиялык паспортту жеке кызыкчылыгына колдонгон фактылар аныкталганын Башкы прокуратура кабарлады. Учурда аны текшерүү жана министрликтин жооптуу кызматкерлерине юридикалык баа берүү жагы каралып жатат. Башкы көзөмөл органдын басма сөз кызматы 25-сентябрда маалымдагандай, аталган министрликте "Тышкы миграция жөнүндө" мыйзам, Дипломаттык жана кызматтык паспорттор жөнүндө жобо бузулган учурлар болгон. Аталган министрликтин кызматкерлери кызматтык... Читать дальше...
Тийиштүү документтердин жетишсиздигинен улам Райымбек Матраимов менен өкмөткө байланыштуу сот иши 30-октябрга калды. Мындай чечим Бишкек шаардык сотунун 26-сентябрындагы отурумунда кабыл алынды. Бул тууралуу "Азаттыкка" Жогорку соттун басма сөз кызматы билдирди. 25-июлда Бишкектин Биринчи Май райондук соту Матраимовго Мамлекеттик бажы кызматынын төрагасынын орун басарынын кызматына кайра кайтууга уруксат берген чечим чыгарган. Сот органы Матраимов “Мамлекеттик жарандык кызмат жана муниципалдык... Читать дальше...
АКШ президентинин коопсуздук боюнча кеңешчиси Жон Болтон Кошмо Штаттар Евробиримдикке же дагы башка бирөөгө Иранга каршы киргизилген экономикалык санкцияларды кыйгап өтүүгө жол бербесин айтты. Нью-Йоркто өтүп жаткан БУУнун Башкы ассамблеясында Болтон Иранга кашы санкцияларга келгенде АКШ «эч нерсе менен келишкис» экенин баса белгилеп, SWIFT глобалдык банк системасын Тегеран менен кызматташтыгын кайра карап чыгууга чакырды. Европа Биримдиги Иранга каршы киргизилген Вашингтондун санкцияларын... Читать дальше...
Жогорку Кеңеште өлкөнүн акыйкатчысын шайлоо өтүп жатат. Бул кызматка КСДП фракциясы Токон Мамытовду, “Бир Бол” үч талапкерди – Маматурайим Момуновду, Рита Карасартованы, Рыскул Бактыбаевди, “Ата Мекен” фракциясы Канат Азизди сунуштаган. Жогорку Кеңештин депутаты Рыскелди Момбеков айрым талапкерлерге каршы чыкты.
Америкалык белгилүү актер жана куудул Билл Косби он жылга чейин кесилди. Жазанын так мөөнөтү кийинчерээк белгилүү болот. Ал 2004-жылы Тэмпл университетинин мугалимин үйүнө чакырып, маңзат берип, андан соң зордуктап салган деп айыпталды. Косбиден зомбулук көрдүк деп башка аялдар да арызданышкан. Ал 80-жылдары “Косбинин шоусу” аттуу телеберүү менен атагы чыккан. Андагы ролу үчүн белгилүү болуп, “Американын атасы” атка конгон. 81 жаштагы Косби бардык айыптарды четке кагып келет.
Орусияда Мамдума пенсия курагын көтөрүүнү караган мыйзам долбоорун экинчи окууда колдоду. Депутаттар президент Владимир Путин киргизген түзөтүүнү жактырышты. Президент буга чейинки долбоорду жумшартып, аялдар 60, эркектер 63 жашта пенсияга чыгышсын деп сунуш кылган. Добуш берүү өтүп жаткан чакта Думанын имаратынын сыртына пенсия жашын көтөрүүгө каршы болгондор чогулуп, дагы бир жолу нааразылыгын билдиришти. Алардын арасында “Солчул фронттун” лидери Сергей Удальцов жана башка активисттер бар. Ушул тапта Орусияда эркектер 60... Читать дальше...
