افغان ولسمشر خپل امریکايي سیال ته ویلي چې امریکايي عسکرپه افغانستان کې پاتې کړي. د ایران د پریس ټي وي خبریاله مرضیه هاشمي د امریکا له زندانه خوشې شوې او تهران ته رسېدلې. د امریکا په لویدیځ کې سږ ژمی هوا ډېره سړه شوې او تر اوسه یې ۱۰ کسان مړه کړي ازادي سټودیو د شپې په ۸ بجو له پيشګام ټلویزیون وګورئ
د افغانستان د سولې لپاره د امریکا د بهرنیو چارو وزارت خاص استازي زلمي خلیلزاد نن د جنورۍ ۳۱مه پر ټوېټر لیکلي چې له ترورېزم سره د مبارزې او له افغانستانه د بهرنیو ځواکونو د ایستلو په اړه چې د سولې د موافقې اساسي شرطونه دي، مهم پرمختګ شوی دی. خو د خلیلزاد په لیکنه، دا پهدې معنی نهده چې کار پای ته رسېدلی. زلمي خلیلزاد ویلي چې د بینالافغاني خبرو د پېل او د بشپړ اوربند پر ټینګولو هم باید کار وشي چې حیاتي مسئلې دي. خلیلزاد په یوه بل ټویټ کې لیکلي چې په افغانستان کې وضعیت پېچلی دی او د نورو... Читать дальше...
د امریکا د متحد ایالتونو د بهرنیو چارو د وزارت له لوري د افغانستان د سولې او پخلاینې ځانګړي استازي نن له طالبانو سره...
افغانستان د ایران له لارې له هغه هېواد سره د ارزانه انټرنټ د اخیستلو هوکړه وکړه. د افغانستان د مخابراتو او معلوماتي ټکنالوژۍ ...
د افغانستان د کورنیو چارو وزارت د افغانستان د بیارغونې لپاره د امریکا د سرمفتش ادارې یا سیګار د وروستي راپور په غبرګون کې ویلي چې ...
د هندوستان او نیوزلېنډ تر منځ څلورمه یو ورځنۍ لوبه کوربه هېواد نیوزلېنډ وګټله. دا لوبه چې نن د هامیلټون په لوبغالي کې ترسره شوه پهکې لومړی بېټنګ هندوستان وکړ، خو لوبډله يې یوازې د ۹۲ منډو په جوړولو وتوانېده. کوربه نیوزلېنډ اسانه دا هدف د اتو ویکټو په توپیر په ۱۵ اوور کې پوره او لوبه يې وګټله. دا په داسې حال کې ده چې هندوستان د پنځو یو ورځنیو لوبو څخه درې يې ګټلي او جام يې پهخپل نوم کړی دی. د دغه سیریز وروستۍ یوه لوبه د فبرورۍ میاشتې په درېیمه نېټه ترسره کېږي.
د افغانستان د سکي ملي لوبډله په پاکستان کې د سیالیو د تر سره کولو لپاره هغه هېواد ته رسېدلې ده. د بدني روزنې او ورزش د ریاست ویاند عارف پیمان ازادي راډيو ته وویل، د سکي دا سیالۍ د پاکستان په سوات کې تر سره کېږي. د نوموړي په وینا سیالۍ له تېرې ورځې راهېسې پیل او د فبرورۍ تر څلورمې نېټې دوام کوي. د سکي فدراسیون د معلوماتو له مخې په دغو سیالیو کې د اتو هېوادونو لوبډلې ګډون کوي. فدراسیون وايي، د افغانستان لهخوا په تللي ډله کې پنځه لوبغاړي او یو روزونکی شامل دی.
په فاریاب ولایت کې پر بېځایه شویو کورنیو د یولک بوریو غنم وویشل شول. دغه مرسته شوي غنم مېمنې ښار ته د دغه ولایت له ولسوالیو نه د جګړو او وچکالۍ له امله راکډه شویو کورنیو سره وشوه. د ازادي راډیو خبریال اکرام کرم په همدې اړه ویډیويي راپور جوړ کړې چې ابراهیم صافی یې در اوروي:
د افغانستان د انتخاباتي شکایتونو کمېسیون وايي، د بدخشان ولایت د انتخاباتو په وروستي لېست کې يې د یوې پلان شوې درغلۍ مخه نیولې ده.
د حقیقت څه دی د دې اوونۍ په خپرونه کې د افغانستان کې د کانونو او پټرولیم وزارت له ویاند عبدالقدیر مطفي سره ...
په اروپا کې د بشري حقونو محکمه به نن پنجشنبه د جنورۍ ۳۱مه، له روسیې د ګرجستان د وګړو د اخراج پر پېښه چې په ۲۰۰۶ میلادي کال کې شوې وه، خپله وروستۍ پرېکړه اعلان کړي. ګرجستان ادعا کوي چې د روسیې چارواکو په هغه هېواد کې د مېشتو ګرجیانو د توقیف او د هغوی د اخراج لپاره ځانګړې پالیسي عملي کړې وه چې د بشري حقونو په اړه د اروپايي اتحاديې کنوانسیون تر پښو لاندې کوي. د اروپا د بشري حقونو محکمې په ۲۰۱۴ میلادي کال کې پهدې اړه په حکم کې د ګرجستان ادعا تأیید کړې وه. خو روسیې د استېناف غوښتنه کړې وه. د ګُرجستان... Читать дальше...
د کونړ په څوکۍ ولسوالۍ کې پر ۱۵۰ معلولو خوراکي مواد وویشل شول. معلولین وايي، تل يې په نوم ولایت ته مرستې راځي، خو د دوی پر ځاي يې چارواکي او غیر مستحق کسان ترلاسه کوي، معلولین او د وژل شویو کسانو کورنۍ ترې بې برخې وي.
افغان ولسمشر محمد اشرف غني ډونالد ټرمپ ته په یوه استولي لیک کې له نوموړي غوښتي چې ټول امریکايي ځواکونه دې له ...
د کابل په میربچه کوټ ولسوالۍ کې یو مسافر وړونکی موټر له سړکه اوښتی او چپه شوی او ۱۴ تنه پهکې زخمیان شوي دي. د میربچه کوټ ولسوال، عبدالرحیم راشد نن پنجشنبه د جنورۍ ۳۱مه، ازادي راډیو ته وویل چې دا موټر د افغانستان شمال ته روان و. په پېښه کې زخمیان د کابل اېمرجنسي روغتون ته لېږدول شوي دي. د راشد په وینا، د زخمیانو روغتیايي حالت د اندېښنې وړ و. په افغانستان کې د سړکونو خرابي، د موټرو زیاتوالی او د یو شمېر موټر چلونکو بې احتیاطي د داسې پېښو اصلي عوامل بلل کېږي.
د پکتیا د ځاځي اریوب ولسوالۍ یو شمېر خلکو نن پنجشنبه د جنورۍ ۳۱مه، د ولسوالۍ دفتر ته مخامخ خېمې درولي او د ولسوالۍ کارکوونکي يې له کاره منع کړي دي. اعتراض کونکي ادعا کوي چې د انتخاباتو خپلواک کمېسیون د دوی د ولسوالۍ سمې رأیې باطلې کړي دي. هغوی له کمېسیونه غوښتنه کړې چې د رأیو باطلېدو پرېکړه واخلي یا دې له سره په ځاځي اریوب کې انتخابات وشي. خو په پکتیا کې د انتخاباتو د خپلواک کمېسیون چارواکي وايي چې دوی کره شواهد درلودل چې په ځاځي اریوب او لجې منګل ولسوالیو کې د انتخاباتو په پروسه کې پراخه... Читать дальше...
د پروان ولایت د سیا ګرد ولسوالۍ ولسوال وايي چې د زیاتې واورې د ورېدو له امله د ډېرو کلیو لارې بندې شوي دي. نوراقا سامع نن پنجشنبه د جنورۍ ۳۱مه، ازادي راډیو ته وویل چې د زیاتې واورې د ورېدو له امله د مرکز او کلیو لارې بندې شوي دي او زرګونه کورنۍ له سختو ستونزو سره مخامخ دي. سامع وویل چې د ستونزو د حل هڅې کوي. سیاګرد د پروان په نا امنو ولسوالیو کې ګڼل کېږي.
د افغانستان د فوټبال فدراسیون په ۲۰۱۹ میلادي کال کې د ډېرو لوبو د تر سره کولو لپاره په پروګرام جوړولو کار پیل کړ. د فوټبال فدراسیون څخه په خپره شوي خبرپاڼه کې راغلي چې فدراسیون د روان کال د پلان لپاره دا غونډه له هغې وروسته وکړه چې د فوټبال فني مرستیال ته لويې څارنوالۍ د کار د دوام اجازه ورکړه. فدراسیون وايي، اوس مهال دوی پهدې کار کوي چې د فدراسیون بودجوي ستونزې حل، ملي لوبډلې ته سفرونه برابر او په ولایتونو کې ډېرې سیالۍ تر سره شي. د افغانستان د فوټبال فدراسیون لهخوا د نوي کال پلان له هغې... Читать дальше...
د افغانستان د کانونو او پټرولیم د وزارت مسوولین وايي، توانیدلي چې پهدې وروستیو کې د څه کم ۶۰۰ کانونو د غیر قانوني کیندنو مخه ونیسي.
د کابل د منډوي سراسري شورا او یو شمېر دکانداران وایي، په سوداګریزو مارکېټونو کې اورلګېدنو سوداګرو ته په میلیونونه ډالره ...
د افغانستان د ولسي جرګې اداري پلاوی د سولې په اړه د وسلهوالو طالبانو له وروستي دریځه هرکلی کوي او وايي، طالبان باید دا ...
د افغانستان د ولسي جرګې مرستیال منشي عرفان الله عرفان نن د سولې په اړه د وسلهوالو طالبانو د وروستۍ وینا هرکلی کړی دی. اسوشیټېډ پرېس پرون د وسلهوالو طالبانو د یوه ویاند، سهیل شاهین له خولې وویل چې دوی په افغانستان کې په یوازې سر د ټول واک چلولو غوښتنه نهلري. د افغانستان د ولسي جرګې مرستیال منشي عرفان الله عرفان ازادي راډیو ته ویلي چې پرمختګونه د خوشبینۍ وړ دي، خو طالبان باید خپلې خبرې په عمل کې ثابتې کړي. د افغانستان حکومت بیا هم ټینګار کړی چې دوی باید له طالبانو سره مخامخ خبرې وکړي. ټاکل... Читать дальше...
د افغانستان د سولې عالي شورا پهدغه هېواد کې د سولې د ټینګښت لپاره د جګړې ښکېلو اړخونو ته د سولې ادبیات ډېر مهم بولي...
د افغانستان د متشبثینو عالي بورډ وایي، د کندهارـ هرات پر لار ګڼې نا مسووله اخاذې جوړې شوي چې له سوداګرو پیسې اخلي او سوداګریزې چارې یې له ستونزو سره مخ کړي دي. د دغه بورډ مشر رحم الدین حاجي اغا نن ازادي راډيو سره په خبرو کې اندېښنه وښوده چې له تېرې یوې اوونۍ راپهدېخوا د دغو دوه ولایتونو په لار کې له سوداګرو د دولتي پوستو او سیمهییزو پولیسو په نوم پیسې اخېستل کېږي چې دوی یې له ستونزو سره مخ کړي دي. ښاغلی حاجي اغا له مسوولو چارواکو او امنیتي ارګانونو د دغو ستونزې د هواري غوښتنه کوي.
د هلمند ولایت د کرنې ریاست وایي، د راتلونکي لمریزې میاشتې تر پنځلسمې نېټې پورې به له دغه ولایته په پراخه کچه د سبزیو صادرات وشي. د دغه ولایت د کرنې مشر زلمي الکو نن ازادي راډيو ته وویل، د دلوې میاشتې تر نیمایي پورې به د هلمند ولایت نه زابل، کندهار، نیمروز، کابل او یو شمېر نورو ولایتونو ته په سلګونه ټنه سبزۍ صادرې شي. د نوموړي په خبره، په دغه ولایت کې شاوخوا ۳۰۰ شنې خونې او پلاسټیکي تونلونه جوړ شوي چې د سبزیو د حاصلات په زیاتوالي کې یې د پام وړ مرسته کړې ده. د دغه ریاست د معلوماتو له مخې په... Читать дальше...
افغان چارواکي وايي، په کندز کې یې د طالب وسلهوالو پر اهدافو هدفي عملیاتو کې د دې ډلې د درې قوماندانانو په شمول ۱۱ وسلهوال وژلي دي. د ملي امنیت عمومي ریاست د پنجشنبې د ورځې په سهار په یوې خبرپاڼې کې ویلي، د کندز په خاناباد ولسوالۍ کې پهدې ځانګړو عملیاتو کې د وسلهوالو درې تنه ټپیان شوي او د وسلو او مهماتو درې زېرمې یې هم له منځه وړل شوي. خبرپاڼې په عملیاتو کې حکومتي لوري ته د اوښتې مرګ ژوبلې په اړه څه نه دي ویلي. د ملي امنیت د ریاست خبرپاڼه زیاتوي چې د خاناباد ولسوالۍ څو کلي هم له وسلهوالو پاک شوي دي. Читать дальше...
