Новости за 05.03.2020

Коронавирусан ун даржар бахьана долуш, шайн пачхьалкхехь массо а школа, университеташ а итт денна дIакъовларх хаамийн гIирсашкахь яьржина информаци тIечIагIйина  Италин Iедалхоша. Эпидеми кхин дIа ца яржийта некъаш карон дийцаредина кхааридийнахь министрашца хиллачу цхьанакхетарехь. Вирус яьржинчу къилберчу регионашкара школаш а, лакхара доьшийлаш а совцийра болх бечуьра Италехь хьалхо. Цхьа могIа гIаланашкахь карантин кхайкхийна. Дуьненчуьрчу могушаллаIалашъяран организаин (ВОЗ) зерашца, таханалерачу дийнахь Итали... Читать дальше...

Мансурна 135 чов йина, ГIалгIайчохь гIаттамхо вийна, хьешашна чугIиртина, Канделаки къинтIера яккхина (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Абдулаева Зайнаб Шайн цIенна хьалха гIишло яр низамехь дац аьлла, протесте ваьллачу Дербентерчу Амаханов Темирханна йиттина полисхоша. Иза бахьана долуш Iонжар дIадаьккхина лоьраша, дов айдина полицина дуьхьал. Амаханов Темирхана ша дийцира "Кавказ.Реалиига" шена хилларг. 2015-чу шарахь массех гIатах лаьтта цIа дан долийна иза вехачу куьпахь. Бахархой аьрзнашка бевлла, иза харцо ю, аьлла.  Хан генаялале тIехьовсучу урхаллаша сацам тIеэцна цIа дар низамехь дац, аьлла. Амма ца сацийна болх гIишло ечу хьукмато. Читать дальше...

Калифорнин хиллачу губернаторо, Голливудан актеро Шварценеггер Арнольда латкъамбина оьрсийн Promobot компанина, шен вастехь робот кхолларна. TMZ таблоидо бина цунах лаьцна хаам, искан чулацам бевзинчул тьхьа. Кэиерон Джеймсан "Терминатор" кино чохь роботан-киллеран рол ловзийначу Шварценеггера  дIахьедина, шен вастах пайдаэца ша бакъо елла яцара, шена 10 миллион долларшкахь компенсаци охьайилла аьлла. Компанин векало "Говорит Москва" радиостанцина еллачу интервьюхь дIахьедина, Promobot-е иск хIинца а кхаьчна яц... Читать дальше...

Стохка Заздоккху-баттахь хIиттийначу митингийн хьокъехь ГIалгIайчоьнан полисхоша меттигера ши вахархо дIалаьцна аьлла, "Интерфакс-Юг" хьостане хаамбина. "Iедалхойн векалшна дуьхьал ницкъбаьккхина аьллачу артиклехь диллина гIуллакх толлучу гурашкахь кхаа эвлахь: Наьсарахь а, ТIой-Юьртахь а, Сурхо-хитIехь а талламаш дIабаьхьна. Лаьцна Чахкиев Ахьмад а, Дугиев Ахьмад а", - аьлла, дийцина  хьостане. КхоалгIа лоьхуш хилларг цIахь ца карийна, иза лаца кхайкхийна. 2018-чу шарахь юьйлаеллера протестхойн акцеш... Читать дальше...

Пейсахова Анна 32 шо долу стаг лаьцна Карабулакехь, цо меттигерчу яхархочуьнгара, ша иза оьздангаллах йоьхна лелаш яьккхина видео яржор ю, ахча ца лахь, бохуш, хьийзорна. Бехкевечунна дуьхьал гIуллакх айдина (Бехктакхаман кодекс, 163.1). Хан тоха тарло набахтехь такха 4 шаре кхаччалц. Оцу стага санна, зударшна дуьхьал бозбуанчаллаш лелорна хьалхо лийцира ГIалгIайчуьрчу Эккаж-Къоьнгийн Юьртара вежарий АльтемировгIар, Хьасан а, Iиса а. Нехан цIентIера зударий шайца эвхьаза а бохий, оцу хьолехь видео а язйой... Читать дальше...

"Зенитан" инарла директоро Медведев Александра комментари йитина, Соьлжа-гIаларчу "Ахматан" фанатийн Питерерчу тобан хьовсархошца, цара тIехулара кучамаш дIаяьхначул тIаьхьа, хиллачу инцидентех. "Стадионан кхерамзалла Iалашъечу белхахойн гIоьнца конфликте ца долуш дирзина гIуллакх. Хьешийн трибуни тIехь фанаташа кучамаш дIаяхаро эргIадбахийтинера меттигера фанаташ, хIунда аьлча, церан гIиллакхашца догIуш дац - дегI гайтар. Шаьш тIеоьцучу мехкан ламасташ а, гIиллакхаш а довза а деза, лара а деза. Читать дальше...

Соьлж-ГIаларчу стадионехь «Зенитан» фанаташа шайна тIера кучамаш яхар ца тайна меттигерчу «Ахматан» хьовсархошна. Иккхина дов бахьанехь ловзар ца сацийча ца велира арбитр.

Шемахь катоьхна шен эскарш чIагIдеш ю Оьрсийчоь. ХIордатIехула а, хIаваэхула а дIсалелачу кеманех яьржинчу информацина тIе а тевжина, бо цунах лаьцна хаам Reuters агенталло. Тахана, Заздоккху-беттан 5-чохь Туркойчоьнан а, Оьрсийчоьнан а президентийн ЭрдогIан Реджепан а, Путин Владимиран а цхьанакхетар хуьлучу юкъанна зорбане яьккхина и публикаци. Шемарчу Идлиб провинцехь, Оьрсийчоьно гIо а латтош, Асад Башаран эскаро оппозицин тобанашна тIелатар дича, ситуаци иръеллачу муьрехь вовшахкхета лерина ши президент. Читать дальше...

ГIалгIайчуьрчу Сунжа кIоштарчу полисхоша кхааридийнахь дIаяьхьначу операцехь вийна гIаттамхо аьлла, хаамбо ТАСС агенталло. Шаьш меттигерчу бахархоша боху, тIаьххьарчу хенахь хьонка боккхуш дуккха а бевзаш боцу нах гулбелла шайн кIоштахь. Ишта хаамийн гIирсашкахь яздо, вийнарг Дагестанера вахархо хилла бохуш. Цуьнан дегIах герз а, тIеман гIирс а, юург а  хилла, дуьйцу агенталлан хьостано. Карарчу хенахь вийначух информаци ю гулъеш, цуьнан агIончаш хиллий хьовсуш бу талламчаш.

2017-чу шарахь далийначу терахьашца, хIора йийна 10-гIа зуда Оьрсийчуьра нисло боху кризисан "Анна" центро Iораяьккхинчу рапортехь. Оьрсийн зударшна тIехь ницкъбарна леринчу рапортехь дуьйцу, ООН-н урхалло динчу зерашца, 2017-чу шарахь 87 эзар сов зуда йийна дуьненчохь. Оцу юкъанна, оьрсийн официалан статистикаца зуламаш а деш байина Оьрсийчохь 8,6 эзар зуда. Документ тIехь билгалдоккху, "лурчаха оьрсийн зударий уггар а кIезиг бакъонаш йолуш" лерина хилар. Москвара "Анна" кризисан центр болхбан йолаелла 1993-чу шарахь дуьйна. Читать дальше...

ММА-н латархочо Емельяненко Александра шена къинтIера яьккхина де хьалха ша "юьззина Iовдал ю" аьлла, "Матч ТВ" телеканалан продюсер Канделаки Тина. Нохчийчоьнан куьйгалхочо Кадыров Рамзана а, спортхочо Емельяненкос а бехк цабиллар дехна, латархочо иза аьшнашъярна. Канделакис шен Твиттере хIоттийна видео. Гоьваьллачу оьрсийн латархочо Емельяненко Александра шогачу кепехь жоп делира, "МатчТВ" каналан продюсеро Канделаки Тинас шех лаьцна зорбане яьккхинчу артиклна. "Канделаки Тина оццул Iовдал ю аьлла цкъа а дагадеана дацара суна"... Читать дальше...

300 полисхочух лаьтта тIеман полицин батальон юхайирзина Нохчийчу, Шемахь декхарш кхочушдинчул тIаьхьа, яздо ТАСС агенталло. Къилбан ТIеман Гонаша бинчу хаамашца, кхаа баттахь Шемахь Оьрсийчоьнан коьрта объекташ Iалашъеш, цигахь къепе латтош, маьршачу нехан кхерамзаллана гIаролехь лаьттина полисхой, гуманитаран ковраш дIасайоьлхучу хенахь ха а латтош. ХIора кхоккха бутт мел болу хуьйцуш ю нохчийн батальон, ГIалгIайчохь а, Дагестанехь а вовшахтоьна батальонаш а санна.

Коронавирусах ларлуш, ламазаш маьждигашкахь дар ханна юкъахдаьккхина Таджикистанехь

Оьрсийчоьнан кубок къовсуш, Соьлжа-гIаларчу  "Ахмат" тобан а, Санкт-Петеребургерчу "Зенитан" а матчехь ловзар юкъахдаьккхинера, стадионехь къепе йохорна. Матч ерза 6 минот йисинчу заманчохь, командин чот 1:1 йолуш, Санкт-Петербургерчу фанаташа тIехулара кучамаш (футболкаш) дIаехира, меттигера фанаташ эргIадбохуьйтуш. Хьешийн ховшучу секторе дIахьедира бIе стаг. Масех минотана ловзар сацон дийзира арбитран. ГIуллакх латаре дерза тарлора, нагахь санна ОМОНхой а, стюардаш а юкъа ца гIоьртинехь.... Читать дальше...