Европерчу нохчаша кадамбина Венехь байъинчу нахах; Нохчийчуьрчу газето Charlie Hebdo-на ехкина карикатураш дIаяьхна Инстаграмо; gрезидентан харжамашкахь кхаьжнаш багарбеш ю Америка
Венехь Лахьан-беттан 2-чохь маса топ етташ, 4 стаг вийна, 22 лазийна волу стаг ша а вийра Австрин полицино. Зулам деш лелларг ву боху Iедало 20 шо долу Австрин а, Къилбаседа Македонин а паспорташца ваьхна, хьалха лаьцна Iийна волу Фейзулла Куйтим. Иза схьаваьллачу Къилбаседа Македонерчу Челлопек юьртахь нахаца къамел дина Маршо Радион балканхойн декъо. Юрт Iадийна еха хиллачух.
ТIаьххьарчу 24 сахьта чохь коронавирусах Къилбаседа Кавказехь велла, официалан терахьашца, 22 пациент, цамгар кхетта кхин а 907 вахархочунна. Уьнна дуьхьалоечу оперативан штабан хаамца, Ставропол-махкахь велла 7 стаг, Краснодар-махкахь – 6, Дагестанехь – 5, ГIебарта-Балкхаройчохь – 3, Кхарачой-Чергазийчохь – 1. Регионехь пандеми яьржина лелачу берриг а беттанашкахь COVID-19 цамгарх велларг ву 3107 стаг. ТIаьххаьрчу дийнан а, ерриг хенан а терахьаш: • Ставропол-мохк + 205 (22079) • Краснодар-мохк... Читать дальше...
Сатирикан Charlie Hebdo журнална Нохчийчуьрчу "Вести республики" ("Республикан хаамаш") газето ехкина карикатураш шен контентера дIаяьхна Инстаграмо. Социалан машанан администрацино иза доьзна газето "юкъараллера низамаш дохорца". Газето карикатураш арахецнера Лахьан-беттан 3-чу дийнахь. Иза ша "Малхбузерчу псевдожурналисташна догIуш делла жоп" ду, яздинера "Республикан хаамаша". Американ социалан машанаша шалха стандарташ лелош хилар гойту тоьшалла ду карикатураш дIаяхар, аьлла хета Нохчийчоьнан информацин а... Читать дальше...
Американ Цхьаьнатоьхначу Штаташкахь кхаьжнаш багарбен мур бу карарчу хенахь. Харжамаш чекхбевлла селхана, Лахьан-беттан 3-чу дийнахь, амма 100 миллион гергга наха – харжамхойх дукхахболучара – хенал хьалха тесна кхаьжнаш. Президентан дарж къовсуш ву республиканхо Трамп Дональд а (Пенс Майклца цхьаьна), демократ Байден Джо а (Харрис Камалица цхьаьна). Москвахь 9 сахьт даьллачу хенахь, Лахьан-беттан 4-чохь, харжамийн каппаш дIакъевлина Американ Штаташкахь. ТIаьххьара кхаьжнаш теснарг ю Аляска штат. Читать дальше...
