Баларш а, теракташ а: набахтехь, некъашца а
Челябинскерчу колонехь вийначу Исраиловн гергарчарна компенсаци лур ю; ФСБ: Къилбаседа Кавказехь 15 теракт юкъахдаьккхина; Некъан бохамашкахь дукха ле Нохчийчохь
Челябинскерчу колонехь вийначу Исраиловн гергарчарна компенсаци лур ю; ФСБ: Къилбаседа Кавказехь 15 теракт юкъахдаьккхина; Некъан бохамашкахь дукха ле Нохчийчохь
Роспотребнадзоран урхалхочо Попова Аннас цхьа могIа Оьрсийчоьнан субъекташ емалйина, коронавирусна дуьхьал баьхна барамаш ларбеш цахиларца доьзна. "Халахеташ делахь а, ши кIира хьалха пачхьалкхан коьртачу санитаран лоьро арахецна омра цхьайолчу Оьрсийчоьнан субъекташкахь лардеш дац. 50 процент бахархой юкъарчу транспорта тIехь а, яккхийчу туьканашкахь а масканаш лелош бац. Кхарачой-Чергазийчохь а, ГIебарта-Балкхаройчохь а, Пензан кIоштахь а низамаш лардеш цахиларх информаци ю тхоьгахь",- аьллачу Попован дешнаш далийна Новости агенталло. Читать дальше...
Колонехь лелийначу Iазапех веллачу Исраилов Султанан гергарчарна компенсаци кхачош сацамбина Нохчийчуьрчу Ленинскан кIоштан кхело. Ши миллион сом кхачор ду цуьнан доьзална аьлла, хаамбина Кавказ.Реалиига "Зона права" юкъаралллан координаторо Мухамеджанов Булата. ГIело а йина, шайн вийначу стагах компенсаци яккха ИсраиловгIар хьийза пхи шо а дара: 2015-чу шарахь хилла инцидент ю иза. Исраилов Султанан кхалхар Челябинскерчу лоьмар 2 йолчу колонехь хиллашехь, цо суицид йина аьлла, набахтен белхахой дIадерзон гIиртинашшехь... Читать дальше...
Оьрсийчуьрчу къайлахчу сервисаша (ФСБ) хаамбина, доьдучу 2020-чу шарахь Къилбаседа Кавказехь терроран кепехь 15 зулам юкъахдаьккхина шаьш аьлла. "Шо доладелчхьана Къилбаседа Кавказехь дан лерина 15 терроран зулам юкъахдаккха аьтто баьлла", - аьллачу ФСБ-н урхалхочун Бортников Александран дешнаш далийна РБК агенталло. Къайлахчу сервисийн белхахоша тIемалой бара аьлла, 35 стаг вийна, кхин а 53 лаьцна ву. Дуьненаюкъарчу террорхойн организацийн 23 гара хIаллакдина шо доладелчхьана аьлла, тIетоьхна цо. Читать дальше...
Оьрсийчоь машарбархой хIажош ю Ломан Карабахе. Путин Владимира а, Алиев Ильхама а, Пашинян Николас а цхьаьне барт бина, оцу регионехь тIемаш сацош. Ткъа Бакухь толам базбеш хиллехь а, Ереванан бахархоша ямартло санна тIеэцна шайн премьеро бина сацам.
ТIаххьарчу 24 сахьтехь Къилбаседа Кавказехь коронавирусан эпидемих велла 21 дархо, ун къаьстина кхин а 952 стагаца. Вирус ца яржийта Iалашонца вовшахтоьхначу оперативан штабан зерашца, ворхI стаг кхелхина Дагестанехь, Краснодаран кIоштахь ялх, Ставрополан махкахь виъ, ГIебарта-Балкхаройчохь кхоъ, Нохчийчохь цхьаъ. Верриг а Къилбаседа Кавказехь пандемин муьрехь велла COVID-19 вирусах 3 214 стаг. ТIаьххьарчу дийнахь-буса къаьсттина дукха бу ун даьлларш Ставрополан махкахь - 201 стаг: Ставрополан... Читать дальше...
Кху беттан 9-чохь Воронежерчу эскархойн декъехь хиллачу кхийсаршкахь байъинчу салтишлахь ву ГIалгIайчуьра вахархо. "Воронежан кIоштарчу тIеман аэродромехь салтичо тIелатар дина вийна кхо эскархо. Царлахь ву тхан махкахо Акталиев Микаил",- хаамбина республикан урхалхочо Калиматов Махьмуд-Iелас "Интерфакс" агенталле. Агенталло чIагIдарца, вуьйцург ву Наьсаран кIоштарчу Экажево эвлара 1997-чу шарера Акталиев Микаил. Хиллачунна тIекхиа Iалашонца цуьнан гергара нах Воронеже бахана, иштта, велларг дIаволла цIа а валош. Читать дальше...
Карарчу шарахь некъан бохамашкахь нах дукха беллачу регионех хIоттийначу рейтингехь хьалхара ю Нохчийчоь, яздо REGNUM агенталло. Махкарчу некъаш тIехь зен хиллачу цхьа эзар нахалахь 284 стаг велла. Иштта ду Новости агенталло 2020-чу шеран исс баттахь динчу зерийн жамIаш. Кхинйолу Къилбаседа Кавказан федералан гонашкара субъекташ а ю оцу тептарехь. Масала, ГIалгIайчохь хиллачу аварешкахь велла 163 стаг, ГIебарта-Балкхаройчохь 146, Дагестанехь 136, Кхарачой-Чергазийчохь 110. Къилбаседа ХIирийчохь а, Ставрополан кIоштахь а 87 вахархо.
Ломан Карабахе хьажийна Оьрсийчоьнан машарбархой тIехь болу Ил-76 транспортан ялх кема. Цунах лаьцна хаам бина Оьрсийчоьнан тIеман министралло. Верриг а оцу регионе хьажор волуш ву 1960 эскархо а, 470 техника а. Уьш дIатарбеш бу оцу регионехь Оьрсийчоьнан а, Азербайджанан а, Эрмалойчоьнан а хьлханчаша бинчу бартаца. Хьалхо оршотан дийнахь социалан машанашкахь гучудевлира Ульяновскерчу "Восточный" аэродроман даьхна сурташ. Цу тIехь гуш дара Ил-76 олу 10 транспортан кема. Оршотан сарахь Оьрсийчоьнан а... Читать дальше...
Нохчийчоьнан куьйгалхочун Кадыров Рамзанан администрацин урхалле хIоттийна 28 шо долу Кадыров Хас-Мохьмад. Мехкан куьйгалхочун цIийнах стаг ву иза. "Чечня Сегодня" агенталло бина цунах лаьцна хаам. Кхул хьалха Нохчийчоьнан экономикан кхерамзаллан Кхеташонан секретарь вара Кадыров Хас-Мохьмад. 2012-чу шарахь, цуьнан 20 шо долчу хенахь, Соьлж-ГIалин мэран гIоьнча вахийтира иза. Цул тIаьхьа пхи шо даьлча чоьхьарчу гIуллакхийн министралле дехьаваьккхира иза, ткъа 2019-чу шарахь юьхьанца Устрадин мэр хIоттийра... Читать дальше...
Ломан Карабахехь тIемаш совцорах лаьцна дIахьедарна тIе куьйгаш таIийна Оьрсийчоьнан а, Азербайджанан а президенташа а, Эрмалойчоьнан премьер-министро а. Цунах лаьцна уггар хьалха хаам бинарг вара Эрмалойчоьнан премьер-министр Пашинян Никол. Фейсбукехь цо хаам бира, шайн халкъана "чIогIа лазаме" долчу дIахьедарна ша тIе куьгтаIийна хиларх лаьцна. Ша и сацам бина фронтехь хIоьттина хьал тидаме а эцна. "Иза толам а бац, эшам а бац", - яздо Пашиняна. ТIаьхьо дIахьедрна тIе куьг таIор тIечIагIдира Оьрсийчоьнан президенто Путин Владимира а. Читать дальше...