Новости за 16.11.2020

Шайна хьалха кхелан сацамашца тоьхна хенаш Воронежерчу №3 набахтехь токхуш воллучу 5 стага вовшахтоьхна терроризман маша ша Iора а баьккхина, оцу наханна юха а ехха хенаш йиттина, хаам баржийна Оьрсийчоьнан къайлахчу сервисо (ФСБ). Кхелан сацам хилла Лахьан-беттан 13-чу дийнахь. Тоьхна хенаш ю 8,5 шарера 24 шаре кхочуш. Бехктакхаман кодексан пхи артикл талхор бехкедо Бугаков Русланна, Гатджибаибов Герьясна, Чаусов Русланна, Степанов Максимна, Мухаметзянов Сергейна. Царех массарел воккхахчун ду 49 шо, жимахчун – 31. Читать дальше...

Талламан комитето нохчийн жигархо Тепсуркаев вар талла долийна; ГIалгIайчоьнан полицехь болх бина стаг вийна. Тайпанашна юкъайоьлла чIир хила тарло бахьана; Литвиненкох йисинчо Европан кхелехула 3,5 милллион евро компенсаци йоьху Оьрсийчоьнера

Швецехь йоьдучу кхелехь хазийна блогер Абдурахманов верна луш хиллачу ахчан барам. Ша вен везарг тергалвеш хьийзарна, видеоца иза гайтарна, шена 10 000 евро караделлера, новкъанна ахча а делира, кхин а 40 эзар доллар тIедала дезаш а дара, аьлла Абдурахманов вен гIортарна жоьпе озийначу Мамаев Руслана. Цо кхелехь дина дареш довзийтина ша Абдурахманов Тумсос шен ютуб-каналехула. "Цо шен юьхьанца со вен 1алашо яцара боху. Амма тIаьхьо цунна со вен лиина, шена 50 эзар евро лучу даьлча", – д1ахьедина блогера. Читать дальше...

ТIьаххьарчу дийнахь-буса Къилбаседа Кавказехь коронавирусах велла, Оьрсийчоьнан уьнна дуьхьалоечу оперативан штабан хаамца, 13 пациент, керла цомгуш хилларг ву цунах 992 вахархо. Краснодар-макахь 5 стаг кхелхина, ГIебарта-Балкхаройчохь, ГIалмакхойчохь – кхоккха, Дагестанехь, Нохчийчохь – цхьацца. Пандеми йолаелчхьана цунах велларг ву Къилбаседа Кавказехь 3341 стаг. Мехкашкахь 24 сахьта чохь а, юхьанца дуьйна т1екхиина а долу дархойн терахьаш иштта ду: • Ставропол-мохк + 213 (24592) • Краснодар-мохк... Читать дальше...

Лахьан-беттан 2-чу дийнахь Вена шахьарна юккъехь герз детташ виъ стаг вийра зуламхочо. Ша а вийначул тIаьхьа билгалъелира цуьнан цIе – Австрин а, Къилбаседа Македонин а паспорташ долу жима стаг Фейзулай Куйтим. Терроран бух толлуш лецира 15 стаг, шайлахь 3 нохчо а волуш. Нах байъинарг Нохчийчоьнца цхьана а тайпа зIе йолуш хилла вацахь а, хилларг довзале эладита даьржира, нохчий хила тарло бехкенаш, аьлла. Венерчу Kronen Zeitung газето фейк а яьккхира зорбане, элира, герз детташ хьийзарг Нохчийчуьра схьаваьлла стаг ву.

Соьлжа-юьртахь, кIоштан центрехь, бевзаш боцчара герз тоьхна вийна полицехь болх бина Полонкоев Ислам. Кавказ.Реалиига хаам бинчу хьостано бахарехь, бахьана хила тарло чIир – стохка Iай шина тайпано латта къовсуш Евлоев Асламбер верна бекхам. Цо бахарехь, "карарчу муьрехь "ВАЗ-21114" машен лохуш ю полици – цуьнца къайлабевлла герз тоьхнарш". ЕвлоевгIарий, ПолонкоевгIарий шайна юкъадоьллачу девнехь 2019-чу шеран ГIура-беттан 30-чохь, буса, герзаш диттира вовшашна. Вийра Евлоев Асламбек, лазийра 6 стаг. Читать дальше...

Telegram-каналерчу "1Adat"-пабликан модератор Тепсуркаев Салман лачкъорах долу дIахьедар зен долийна Талламан комитето. "Iазапна дуьхьалояран комитето" бечу хаамца, талламхой Тепсуркаев лаха лерина бац аьлла бакъоларъярхоша динчу орзан лорах бина и сацам. Документо бахарехь, юхьанца талламчаш реза ца хилла стаг вадорца доьзна бехктакхаман дов айдан, амма байначу беттан 2I-чу дийнахь и сацам юха а баьккхина, лехамаш дIаболийна. "Толлуш ду стаг вар, бакъду тхуна хаийтина дац бинчу балхах лаьцна. Читать дальше...

ГIебарта-Балкхаройчуьрчу Баксанан кIоштарчу Атажукино юьрта йистера шира кешнаш аьхкина бевзаш боцчу наха, дIаяьхьина бIеннаш шераш хьалха дIадоьхкинчу декъешца карийна мехала хIуманаш, хаам бо "Кавказский Узел" газето. Мохкталлархочо Котляров Виктора бахарехь, бIешераш хьалхалера ши кешнаш ду Атажукино юьртана гергахь, бIеннашкахь бу дIабоьхкинарш. Цо дийцарехь, иттаннашкахь аьхкина баьрзнаш. "Кешнаш ул-уллехь де, кIоргехь а дац. Уьш тIулган харанаш ю, тIехула экъанаш а лаьцна. Зуламхоша, гарехь... Читать дальше...

Оьрсийчоьнан къайлахчу ницкъашкахь болх бинчу, 14 шо хьалха Лондонехь полони-дIовш даларца вийначу Литвиненко Александрах йисинчу зудчо адамийн бакъонашкахула йолчу Европан кхелехула 3,5 миллион евро доьху Оьрсийчоьне компенсацина, яздо Маршо Радион оьрсийн сервисо. ЦIийнда верах хиллачу цатоманна а, оцу бахьаница доьзална рицкъанца хиллачу эшамна а дуьхьал доьху ахча Литвиненко Маринас. Орзан бухе дуьллу зудчо дина зулам къаьсттина ирча хилар а, и зулам схьадаьллачу меттера кхин дуккха а цунах тера зуламаш схьадевлла хилар а... Читать дальше...

Молдовехь президент хаьржина премьер-министр хилла Санду Майя Молдавехь кIиранан дийнахь хиллачу президентан харжамашкахь шолгIачу муьрехь толам баьккхина Европехьарчу кандидата премьер-министр хиллачу Санду Майяс. Иза гойту оршотан дийнахь харжамийн коьртачу комиссино довзийтинчу жамIаша. Сандуна шайн кхаьжнаш дIаделла 57, 7 процент харжамашкахь дакъалаьцначара. Цу кепара Молдавин исторехь президент хаьржина зуда. Сандуца президентан дарж къовсуш волчу карарчу хенахь оцу даржехь волчу Додон Игора гулдина 42,3 процент кхаьжнаш. Читать дальше...