Новости за 10.12.2021

ბოსნიელ სებთა რესპუბლიკის, რეპუბლიკა სრპსკას პარლამენტმა დაამტკიცა ახალი ზომები, რომელთა მიზანია, დასავლეთის გაფრთხილების მიუხედავად, ხელი შეუწყოს სეპარატისტისტულ მისწრაფებას სახელმწიფო ინსტიტუტების დატოვების თაობაზე. 10 დეკემბერს კანონმდებლებმა 49 ხმით 3-ის წინააღმდეგ დაუჭირეს მხარი პროცედურის დაწყებას, რომელიც ითვალისწინებს, რომ ბოსნია-ჰერცეგოვინის შემადგენლობაში შემავალმა რესპუბლიკამ, რომელშიც სერბები დომინირებენ, დატოვოს ბოსნიის არმია, უშიშროების სამსახურები, საბაჟო სისტემა და სასამართლო ხელისუფლება. Читать дальше...

რუსეთის საგარეო საქმეთა სამინისტროს განცხადებაში, რომელიც ეხება რუსეთს, თურქეთს, ირანს, სომხეთსა და აზერბაიჯანს შორის, მინისტრის მოადგილეების დონეზე გამართულ შეხვედრას, ნათქვამია, რომ ეს ქვეყნები დაინტერესებულნი არიან, საქართველო ჩაერთოს „3+3“ პლატფორმის მუშაობაში. ხუთი ქვეყნის წარმომადგენლები აცხადებენ, რომ საქართველოსთვის კარი ღია რჩება. რუსეთის საგარეო საქმეთა სამინისტროს ცნობით,  10 დეკემბერს მოსკოვში შედგა პირველი სხდომა საკონსულტაციო რეგიონული პლატფორმის „3+3“. განცხადებაში მითითებულია, რომ საქართველოს წარმომადგენლებმა... Читать дальше...

სომხეთსა და აზერბაიჯანს შორის დღეს კვლავ იყო სროლა სასაზღვრო რეგიონში, სადაც მხარეები ზედიზედ მესამე დღეა, ერთმანეთს ცეცხლს უშენენ. ერევანი და ბაქო ერთმანეთს აბრალებენ შარშან ნოემბერში მიღწეული საზავო შეთანხმების დარღვევაში. ამ შეთანხმებით დასრულდა მთიანი ყარაბაღის სეპარატისტული რეგიონის გამო ექვსკვირიანი ომი, რომელმაც შარშან შემოდგომაზე იფეთქა. მაშინ, როცა იზრდება შეშფოთება ორ ქვეყანას შორის დაძაბულობის კვლავ ზრდის გამო, 10 დეკემბერს სომხეთის თავდაცვის სამინისტრომ განაცხადა, რომ სომხეთის ერთი... Читать дальше...

რიგ მუნიციპალიტეტებში საკრებულოს სხდომებს ოპოზიციის წევრები პროტესტის ნიშნად არ ესწრებიან ან საპროცედურო საკითხების გავლის შემდეგ ტოვებენ, კვორუმის არარსებობა კი თავმჯდომარეების არჩევის ბარიერი ხდება.

ჯანდაცვის მინისტრის თანამდებობიდან წასვლის შესახებ გადაწყვეტილებაზე ილაპარაკა ეკატერინე ტიკარაძემ ტელეკომპანია „იმედის“ ეთერში. ის უარყოფს პრემიერ-მინისტრ ირაკლი ღარიბაშვილთან დაპირისპირებას, თუმცა მიუთითებს პროფესიული საქმიანობის დროს გამოთქმული აზრის შესახებ. „არანაირი საფუძველი არ არის, რომ ჩვენ ვეძებოთ სკანდალის საფუძველი, ან რაიმე სახის დაპირისპირება. მსგავსი რამ არ მომხდარა. შეიძლება, იყვნენ სრულიად მედია და საზოგადოება მშვიდად. რაც შეეხება გადაწყვეტილების მიღებას, ამასთან დაკავშირებით მე ვიღებ სრულად პასუხისმგებლობას. Читать дальше...

„ჯანმრთელობისთვის სახიფათო“ - ასე შეაფასა კოვიპანდემიის მართვის პროცესი სახალხო დამცველმა. ომბუდსმენის აპარატმა და არასამთავრობო ორგანიზაციებმა 10 დეკემბერს, ადამიანის უფლებათა დაცვის საერთაშორისო დღეს, 2021 წლის პროცესები, მათ შორის კოვიდპანდემიის შედეგები შეაფასეს.  სახალხო დამცველის აპარატი მიიჩნევს, რომ 2021 წელს, ხელისუფლების მიდგომებმა ადამიანების სიცოცხლეს და ჯანმრთელობას რეალური საფრთხე შეუქმნა. არაეფექტური იყო ვაქცინაციის პროცესთან დაკავშირებული კამპანია, რეგულაციების შემოღებასა თუ მოხსნაზე... Читать дальше...

საერთაშორისო ოლიმპიურმა კომიტეტმა (IOC) 2028 წლის ოლიმპიური თამაშების წინასწარი პროგრამა სპორტის სამი ტრადიციული სახეობის: ძალოსნობის, კრივისა და თანამედროვე ხუთჭიდის გარეშე შეავსო. Apnews.com-ის მიერ გავრცელებული ინფორმაციის თანახმად, ამ სამი სახეობის საერთაშორისო ფედერაციებს, ოლიმპიური კომიტეტი წელიწადნახევრიან ვადას აძლევს, აქამდე მოუგვარებელი პრობლემების აღმოსაფხვრელად. "ლოს ანჯელესი - 2028-ის" საბოლოო განაცხადი 2023 წელს გამოქვეყნდება. IOC-ის პრეზიდენტმა თომას ბახმა ძალოსნობისა და კრივის... Читать дальше...

რუსთაველის გამზირზე​ დედაქალაქის მთავარი ნაძვის ხის ანთების ღონისძიებას თბილისის მერი კახა კალაძე და საქართველოს პრემიერ-მინისტრი ირაკლი ღარიბაშვილი ოჯახებთან ერთად დაესწრნენ. პრემიერმა მიმართა ღონისძიებაზე დასასწრებად მისულ მოქალაქეებს. „დამეთანხმებით, რომ საკმაოდ რთული წელი იყო 2021, მაგრამ ეს ამავდროულად იყო დიდი გარდატეხის წელი, ვინაიდან ჩვენ ძალიან ბევრი საქმე გავაკეთეთ, ქვეყანა დავამშვიდეთ, დავაწყნარეთ. მე ახლა მინდა, რომ ყველას კიდევ ერთხელ მოგესალმოთ და გისურვოთ მშვიდობა პირველ რიგში. ჯანმრთელობა თქვენ და თქვენს ოჯახებს... Читать дальше...

დემოკრატიის ვირტუალურ სამიტს, რომელიც ამერიკის შეერთებული შტატების პრეზიდენტის, ჯოზეფ ბაიდენის ინიციატივით იმართება, სიტყვით მიმართა საქართველოს პრეზიდენტმა სალომე ზურაბიშვილმა. პრეზიდენტის ადმინისტრაციის ცნობით, სამიტი აერთიანებს მთავრობების, სამოქალაქო საზოგადოებებისა და კერძო სექტორის ლიდერებს დემოკრატიის განახლებისა და მის წინააღმდეგ არსებული საფრთხეების დასაძლევად. ვირტუალურ სამიტში ასზე მეტი ქვეყნის ლიდერი მონაწილეობს. სალომე ზურაბიშვილმა მიმართვის დასაწყისში აღნიშნა, რომ ეს მართლაც დროული ინიციატივაა... Читать дальше...

ევროპის კავშირი ორშაბათს სანქციებს დაუწესებს რუსეთის კერძო სამხედრო კომპანია "ვაგნერს", სამ სხვა გაერთიანებას და შვიდ ან რვა კერძო პირს. ამის შესახებ Reuters-ი იტყობინება მაღალი რანგის ევროპელ დიპლომატზე დაყრდნობით. გადაწყვეტილებას ბრიუსელში დაამტკიცებენ ევროკავშირის წევრი ქვეყნების საგარეო საქმეთა მინისტრების სხდომაზე. Reuters-ის თანახმად, ცხრაზე მეტი ადამიანი, ვისაც კავშირი აქვს Vagner-თან, ადრე სააგენტოს მოუყვა კრემლის სახელით წარმოებული საიდუმლო სამხედრო მისიების შესახებ უკრაინაში, ლიბიასა და სირიაში. Читать дальше...

საქართველოში მობილურით სარგებლობის უფლებას ყველა კოვიდპაციენტს არ აძლევენ, რაც მათ იზოლაციას კიდევ უფრო აძლიერებს. არც პაციენტის ახლობლებს აქვთ საშუალება, უშუალოდ ოჯახის წევრისგან  შეიტყონ, როგორ გრძნობს თავს და რამდენად კმაყოფილია მედპერსონალის დამოკიდებულებით. ანასტასია სლოვინსკაიამ კოვიდით ინფიცირებული ბებია თბილისში, კლინიკა „ღია გულში“ ნოემბრის დასაწყისში დააწვინა. რეანიმაციაში შეყვანამდე ქალს პირადი ნივთები, მათ შორის მობილურიც გამოართვეს. მას შემდეგ შვილიშვილი სამი კვირის განმავლობაში ბებიის ამბავს მხოლოდ ექიმებისგან იგებდა. Читать дальше...

ჩეხეთის მთავრობამ დაამტკიცა COVID-19-ის წინააღმდეგ სავალდებულო ვაქცინაცია 60 წელზე უფროსებისთვის. ეს მიმავალი მთავრობის ჯანდაცვის სამინისტროს ერთ-ერთი უკანასკნელი ბრძანებულებაა, რომელიც 2022 წლის 1 მარტს შევა ძალაში. ვაქცინაცია ასევე სავალდებულო იქნება სამედიცინო პერსონალისთვის, ექიმებისთვის, სამედიცინო სასწავლებლების სტუდენტებისთვის, პოლიციელებისთვის, მეხანძრეებისა და ჯარისკაცებისთვის. ჯერჯერობით არ არის ნათელი, შეინარჩუნებს თუ არა ამ რეგულაციას ახალი მთავრობა. ოქტომბერში გამართულ საპარლამენტო... Читать дальше...

აშშ-ის პრეზიდენტმა ჯო ბაიდენმა „ბუქარესტის ცხრიანის“, ანუ ნატოს აღმოსალეთის ფლანგის ქვეყნების ლიდერებთან გამართა მოლაპარაკებები და მათთან ერთად განიხილა რუსეთ-უკრაინის საზღვარზე შექმნილი ვითარება. აშშ-ის პრეზიდენტისა და ბულგარეთის, ჩეხეთის, ესტონეთის, უნგრეთის, ლატვიის, ლიტვის, პოლონეთის, რუმინეთისა და სლოვაკეთის ლიდერების მსჯელობის საგანი იყო „რუსეთის მიერ უკრაინის საზღვარზე სამხედრო ძალის თავმოყრა, რაც დესტაბილიზაციას იწვევს, და ნატოს ერთიანი, მომზადებული და მტკიცე პოზიცია მოკავშირეთა კოლექტიური... Читать дальше...

პატიმრობაში მყოფ საქართველოს მესამე პრეზიდენტს მის საქართველოში შემოყვანის საქმეზე შინაგან საქმეთა მინისტრის ყოფილი მოადგილისთვის, გიორგი ლორთქიფანიძისთვის ბრალის წარდგენა რუსეთის დაკვეთა ჰგონია. ასე გამოეხმაურა მიხეილ სააკაშვილი მისი ხელისუფლების დროს შინაგან საქმეთა სამინისტროს მაღალჩინოსნის ბრალეულობაზე პროკურატურის განცხადებას. "გიორგი ლორთქიფანიძე არამხოლოდ საქართველოში შინაგან საქმეთა მინისტრის ყოფილი მოადგილეა, არამედ უკრაინაში, ყველაზე დიდი ოლქის, ოდესის, ჩემი გუბერნატორობის დროს, იყო ოლქის პოლიციის პირველი უფროსი ისტორიაში... Читать дальше...

რუსეთის საოკუპაციო ძალებმა ოკუპირებულ სოფელ წინაგარას მიმდებარედ საქართველოს ორი მოქალაქე უკანონოდ დააკავა. ინფორმაციას სახელმწიფო უსაფრთხოების სამსახური ავრცელებს. ორივე დაკავებული, კახაბერ ნათენაძე და ვალერი კანიაშვილი გორის მუნიციპალიტეტიდან არის. სუს-ის ინფორმაციით, სახელმწიფო უსაფრთხოების სამსახურის მიერ გააქტიურებულია "ცხელი ხაზი", ინფორმირებულია ევროკავშირის სადამკვირვებლო მისია და ჟენევის დისკუსიების თანათავმჯდომარეები. "ოკუპირებულ რეგიონებსა და საოკუპაციო ხაზის გასწვრივ ადამიანის ფუნდამენტური... Читать дальше...

კულტურის სამინისტროსგან ინფორმაციის მიღება ფაქტობრივად შეუძლებელია - სამინისტროს პრესსამსახური არ პასუხობს ჟურნალისტების ზარებს, არ კითხულობს წერილებს, უწყება არ აქვეყნებს დოკუმენტაციას, რომლის გამოქვეყნებასაც კანონი ავალდებულებს.

აშშ-მა ოქტომბერში უკრაინას გადასცა 30 ტანკსაწინააღმდეგო კომპლექსი „ჯაველინი“ და მისი 180 რაკეტა. ამის შესახებ ლაპარაკია აშშ-ის თავდაცვის სამინისტროს წარმომადგენლის, ვიცე-პოლკოვნიკ ანტონ სემელროთის ცნობაში, რომელიც მან სააგენტო ტასს გაუგზავნა შეკითხვის საპასუხოდ. პენტაგონის წარმომადგენლის თქმით, „ჯაველინები“ კიევს გადაეცა უკრაინის 60 მილიონ დოლარის მოცულობის დახმარების პაკეტის ფარგლებში, რომლის შესახებაც აშშ-მა სექტემბერში გამოაცხადა. მთლიანობაში აშშ-მა უკრაინას 2021 წელს 450 მილიონი დოლარი გამოუყო „უსაფრთხოების ამოცანების უზრუნველსაყოფად“. Читать дальше...

დიდი ბრიტანეთისა და ჩრდილოეთ ირლანდიის ეპარქიაში მყოფ მღვდელმსახურს, დეკანოზ ილია (ირაკლი) ჭიღლაძეს საქართველოს საპატრიარქომ მედიაში გაკეთებული განცხადებების გამო მღვდელმსახურება აუკრძალა და "მიეცა დრო სინანულისთვის". ინფორმაციას ამის შესახებ თავად საპატრიარქოს პრესსამსახური ავრცელებს. დეკანოზი ბოლო თვეების განმავლობაში მწვავედ აკრიტიკებდა საპატრიარქოსა და მართლმადიდებელი ეკლესიის მაღალი რანგის სასულიერო პირებს. ეს განცხადებები სინოდურმა კომისიამ აღიქვა სინოდის წევრებისა და სასულიერო პირების მიმართ... Читать дальше...

ლონდონის სააპელაციო სასამართლომ დააკმაყოფილა აშშ-ის იუსტიციის სამინისტროს აპელაცია დაბალი ინსტანციის სასამართლოს გადაწყვეტილების თაობაზე და დაადგინა, რომ პროექტ WikiLeaks-ის დამფუძნებელი ჯულიან ასანჟი შეიძლება ექსტრადირებულ იქნეს შეერთებულ შტატებში. სააპელაციო სასამართლოს გადაწყვეტილება თავის მხრივ შეიძლება გაასაჩივროს დიდი ბრიტანეთის უზენაესმა სასამართლომ, რაც იმას ნიშნავს, რომ ასანჟს, რომელიც ამჟამად ბრიტანეთის ციხეშია, ახლავე არ ემუქრება აშშ-ში ექსტრადიცია. ოქტომბერში, აპელაციასთან დაკავშირებულ მოსმენაზე... Читать дальше...

მინისტრობის 30 თვის თავზე, ჯანდაცვის მინისტრი, ეკატერინე ტიკარაძე თანამდებობას ტოვებს. 9 დეკემბერს, „ქართული ოცნების“ ოფისში, მოულოდნელად დანიშნულ ბრიფინგზე, ჟურნალისტების წინაშე ის სრულიად მარტო, თანაგუნდელებისა და თანაპარტიელების გარეშე წარსდგა. 6 წუთში ჩაატია მისი გამოსამშვიდობებელი სიტყვა - მადლობა სამედიცინო საზოგადოებას, სამინისტროს გუნდს, მოქალაქეებს, რომლებიც „გაგებით ეკიდებოდნენ“ ჯანდაცვის უწყების გადაწყვეტილებებს. ისაუბრა მინისტრობის პერიოდში გადადგმულ ნაბიჯებზე, წარმატებულ პროექტებზე და ბოლოს დაამატა... Читать дальше...

კოალიცია "ინფორმაციული სანდოობისთვის" ჰომოფობიური ჯგუფის - "ალტ-ინფოს" მიერ პოლიტიკური პარტიის დაფუძნების შემდეგ პროკურატურას მიმართავს და შესაბამის სამართლებრივ რეაგირებას მოითხოვს ყველა იმ ქმედებასთან დაკავშირებით, რომელშიც შესაძლოა ეს ჯგუფი ფიგურირებდეს. რამდენიმე არასამთავრობო ორგანიზაციის განცხადებაში გახსენებულია 5 ივლისს ჟურნალისტებზე მასობრივი ძალადობის შემთხვევა, როცა სიძულვილის ჯგუფები ცენტრალურ ქუჩებში "ალტ-ინფოს" წევრების მოწოდების შემდეგ გავიდნენ. "ხელმომწერი ორგანიზაციები მოვუწოდებთ... Читать дальше...

4 დეკემბერს სომხეთში დაბრუნებული 10 ჯარისკაციდან ხუთს ბრალი წაუყენეს სომხეთის სისხლის სამართლის კოდექსის 365-ე მუხლის მე-3 ნაწილით - სამხედრო მოვალეობის ან სამხედრო სამსახურის წესების დარღვევა, რამაც მძიმე შედეგები გამოიწვია. ამის შესახებ სომხეთის საგამოძიებო კომიტეტის პრესმდივანმა ვარდან ტადევოსიანმა რადიო თავისუფლების სომხურ სამსახურს განუცხადა. უწყებამ ტყვეობიდან დაბრუნებული ხუთი სამხედრო მოსამსახურის დაკავების შუამდგომლობები უკვე წარადგინა. აზერბაიჯანის ტყვეობიდან ცოტა ხნის წინ დაბრუნებულმა... Читать дальше...

საქართველოს სახალხო დამცველი ნინო ლომჯარია ამბობს, რომ მას არ აქვს შესაბამისი მტკიცებულებები, რაც ათქმევინებდა, რომ პატიმრობაში მყოფი საქართველოს მესამე პრეზიდენტის მკურნალობა საზღვარ გარეთ უნდა გაგრძელდეს. ნინო ლომჯარიას მიხეილ სააკაშვილის შესახებ ყოველწლიური ანგარიშის წარდგენის შემდეგ ჰკითხეს. "საზღვარგარეთ სამკურნალოდ წაყვანაზე უნდა არსებობდეს ექიმთა დასკვნა. თუ ისინი იტყვიან, რომ მას აქვს ისეთი ჯანმრთელობის პრობლემები, რომელთა რეაბილიტაცია შეუძლებელია ციხის პირობებში და გაიცემა შესაბამისი რეკომენდაცია, შეიძლება ამაზე ვისაუბროთ. Читать дальше...

ყირგიზეთის ჯალალ-აბადის სასამართლომ წინასწარი პატიმრობა შეუფარდა ორ ადგილობრივ მცხოვრებს, რომლებიც იძულებითი ქორწინების მიზნით გოგოების მოტაცებაში არიან ეჭვმიტანილი. როგორც გამოძიება ამტკიცებს, ეჭვმიტანილებმა ცოტა ხნის წინ ამ მიზნით ბაზრა-კორგონის რაიონის ერთ-ერთი სასწავლებლის სტუდენტი, 17 წლის გოგო მოიტაცეს. ამ ინციდენტის შესახებ 8 დეკემბერს ადგილობრივ პოლიციას შეატყობინა თვითმხილველმა, რომელიც შეესწრო, თუ როგორ ჩასვა იძულებით რამდენიმე ბიჭმა გოგო თეთრი ფერის „დეუ მატიზის“ ფირმის მანქანაში. დაზარალებული მშობლებს უკვე დაუბრუნეს. Читать дальше...

ზუგდიდის ახალი მოწვევის საკრებულომ ვერც რიგით მეორე სხდომაზე შეძლო საკრებულოს თავმჯდომარისა და მისი მოადგილეების არჩევა. პროცედურული საკითხების გავლის შემდეგ სხდომა პროტესტის ნიშნად დატოვა „ერთიანი ნაციონალური მოძრაობის” ყველა, 22-მა დეპუტატმა. წინა სხდომისგან განსხვავებით, პარტიის „საქართველოსთვის” 3 წევრს სხდომა არ დაუტოვებია, თუმცა დარბაზში არ იმყოფებოდა 23 დეპუტატი და კვორუმის არქონის გამო სხდომა ისევ ერთი კვირით გადაიდო. დღეს „ქართული ოცნების” 20 დეპუტატიდან სხდომას 19 ესწრებოდა. ერთი, მამუკა ყურაშვილი ავადმყოფობის გამო ვერ გამოცხადდა. Читать дальше...