Новости за 05.11.2023

თურქეთის პოლიციამ ცრემლსადენი გაზი გამოიყენა საპროტესტო აქციის მონაწილეების წინააღმდეგ, რომლებიც შეეცადნენ, შეჭრილიყვნენ აშშ-ის ინჯირლიკის ავიაბაზის ტერიტორიაზე, ქალაქ ადანის მახლობლად. როგორც თურქული ტელეარხი NTV იუწყება, ჯგუფმა, რომელიც ღაზაში ისრაელისა და აშშ-ის მოქმედებების წინააღმდეგ გამოდის, ავიაბაზის დახურვა მოითხოვა. ტელეარხის ცნობით, აქციის ზოგიერთი მონაწილე ადანაში ჩავიდა სტამბოლიდან, მათ შეუერთდნენ სხვა ქალაქების მოსახლეები. პოლიციამ ავიაბაზის მახლობლად ქუჩები და გამზირები გადაკეტეს. Читать дальше...

საქართველოს ძიუდოისტთა ნაკრებმა საფრანგეთში გამართულ ევროპის 2023 წლის ჩემპიონატზე ოთხი ვერცხლის მედალი მოიპოვა. ტატო გრიგალაშვილმა (81 კგ), ლაშა ბექაურმა (90 კგ), ილია სულამანიძემ (100 კგ) და გურამ თუშიშვილმა (+100 კგ) ფინალის გზაზე ყველა მეტოქეს აჯობეს. საჩემპიონო ბრძოლაში კი ოთხივე დამარცხდა. ევროპის ჩემპიონატის საერთო გუნდურ ჩათვლაში საქართველოს ძიუდოისტთა ნაკრები მეცხრე ადგილზე გავიდა.

საქართველოს ყოფილი პრეზიდენტი, მიხეილ სააკაშვილი, სოციალურ ქსელში გამოეხმაურა ორი დღის წინ სასამართლო პროცესზე გაკეთებულ საკუთარ განცხადებას და თქვა, რომ ის მაღალი წარმოდგენისაა „ერთიანი ნაციონალური მოძრაობის“ ყოფილ თავმჯდომარეზე, ნიკა მელიაზე, და მის გუნდზე. „იმათ საყურადღებოდ, ვინც ჩემი გამოსვლა გაიგო, როგორც ნიკა მელიას და მისი გუნდის კრიტიკა. მე მაღალი წარმოდგენის ვარ ნიკა მელიას დამსახურებაზე და მის შესაძლებლობაზე. მე ვსაუბრობდი პარტიის მდგომარეობაზე და პერსპექტივებზე, ხოლო ჩემი პრიორიტეტი უცვლელია... Читать дальше...

უკრაინის თავდაცვის მინისტრმა რუსტემ უმეროვმა თავდაცვის სამინისტროს მთავარ ინსპექციას დაავალა ჩაატაროს „სრული შემოწმება“ ზაპოროჟიეს ოლქში იმიერკარპატეთის 128-ე ცალკეული სამთო-მოიერიშე ბრიგადის სამხედრო მოსამსახურეების დაღუპვის შესახებ. მანამდე უკრაინულმა მედიამ და შემდეგ ხელისუფლების წარმომადგენლებმა განაცხადეს, რომ რუსეთის მიერ დაბომბვის შედეგად დაიღუპა და დაიჭრა უკრაინის ათობით ჯარისკაცი, რომლებიც ფრონტის ხაზის მახლობლად იყვნენ შეკრებილი დაჯილდოების ცერემონიაზე. „მომხდარის ყველა გარემოება გაირკვევა“... Читать дальше...

პალესტინის ავტონომიის პრეზიდენტმა მაჰმუდ აბასმა 5 ნოემბერს აშშ-ის სახელმწიფო მდივან ენტონი ბლინკენთან შეხვედრაზე მოითხოვა ისრაელის მიერ ცეცხლის დაუყოვნებელი შეწყვეტა. ბლინკენი, რომელმაც არაერთხელ უკუაგდო ცეცხლის შეწყვეტის მოწოდებები, ვინაიდან, მისი თქმით, ეს „ჰამასს“ გაუწევდა დახმარებას, წინასწარ გამოუცხადებელი ვიზიტით ჩავიდა მდინარე იორდანეს დასავლეთ ნაპირზე. ახლო აღმოსავლეთში ბლინკენის ტურნეს მიზანია, ხელი შეუშალოს რეგიონში კონფლიქტის გავრცელებას. ბლინკენთან შეხვედრაზე აბასმა ასევე თქვა,... Читать дальше...

გერმანიის ქალაქ ჰამბურგის აეროპორტში დასრულდა მცირეწლოვანი ბავშვის მძევლად აყვანასთან დაკავშირებული ინციდენტი, რომელიც 18 საათს გაგრძელდა. გერმანიის პოლიციის თანახმად, მამაკაცი, რომელიც ბავშვთან ერთად თურქეთში გამგზავრებას ითხოვდა, საბოლოოდ ხელისუფლებას ჩაბარდა „წინააღმდეგობის გარეშე“, ის დაპატიმრებულია. როგორც პოლიცია იტყობინება, ბავშვი უვნებელია. მანამდე ჰამბურგში აეროპორტი დაიკეტა და ყველა ავიარეისი გაუქმდა, მას შემდეგ, რაც შეიარაღებული მამაკაცი ავტომობილით შეიჭრა აეროპორტის ტერიტორიაზე. Читать дальше...

თბილისის საქალაქო სასამართლომ სამჯერ დაახარვეზა 7-9 მარტის აქციების მონაწილის, ლაზარე გრიგორიადისის ადვოკატების სარჩელი. ამ სარჩელით გრიგორიადისი მორალური ზიანის ანაზღაურებას და ბოდიშის მოხდას სთხოვდა პრემიერ-მინისტრ ირაკლი ღარიბაშვილისა და "ქართული ოცნების" თავმჯდომარეს, ირაკლი კობახიძეს. მორალური ზიანი სიმბოლურად, 15-15 ლარის ოდენობით იყო შეფასებული. სარჩელი პირველად გრიგორიადისის ადვოკატებმა სასამართლოში 26 ივნისს შეიტანეს.  როგორც რადიო თავისუფლებას უთხრა გრიგორიადისის ერთ-ერთმა ადვოკატმა, დიმიტრი ნოზაძემ... Читать дальше...

უკრაინის პრეზიდენტ ვოლოდიმირ ზელენსკის თქმით, მას არ მიაჩნია, რომ ფრონტზე ჩიხური ვითარება შეიქმნა. ამით ის ირიბად შეეწინააღმდეგა უკრაინის შეიარაღებული ძალების მთავარსარდალს, ვალერი ზალუჟნის, რომელმაც ზუსტად ასეთი შეფასება გააკეთა ჟურნალ The Economist-ში ახლახან გამოქვეყნებულ სტატიაში. შაბათს კიევში, ევროკომისიის ხელმძღვანელ ურზულა ფონ დერ ლაიენთან ერთად გამართულ პრესკონფერენციაზე, ზელენსკიმ სიტყვასიტყვით თქვა: „ეს არ არის ჩიხური ვითარება“. პრეზიდენტის თქმით, უკრაინის შეტევა ნელია იმის გამო, რომ „რუსეთი აკონტროლებს ცას“. Читать дальше...

გაეროს ჰუმანიტარულ საკითხთა კოორდინაციის ოფისი იუწყება, რომ ღაზის სექტორის მილიონ-ნახევარმა მცხოვრებმა დატოვა სახლები და გახდა „ადგილნაცვალი პირი“. მათგან 710 000-ზე მეტი თავს აფარებს დაწესებულებებს, რომლებსაც აკონტროლებს გაეროს პალესტინელ ლტოლვილთა უწყება. ეს არის სკოლები და საავადმყოფოები, ასევე დროებითი ბანაკები. ისინი ყველას ვერ იტევს, ბევრი ადამიანი იძულებულია ღამე ქუჩაში გაათიოს.   ეგვიპტე კვლავაც უარს ამბობს ღაზის სექტორიდან ლტოლვილების მიღებაზე. მას შემდეგ, რაც 3 ნოემბერს რამდენიმე ასეული... Читать дальше...

გორში, ერთ-ერთ ბავშვთა სახლში არასრულწლოვნებზე სავარაუდო ფიზიკური და სიტყვიერი ძალადობის ფაქტების შესახებ გამოძიება დაიწყო.  ბავშვთა სახლის ბენეფიციარები პედაგოგებისა და დაწესებულების ხელმძღვანელობის მხრიდან სიტყვიერ და ფიზიკურ შეურაცხყოფაზე, დამამცირებელ მოპყრობასა და მწირი კვების რაციონზე საუბრობენ. ბავშვთა სახლი ჯანდაცვის სამინისტროს და ზრუნვის სააგენტოს მიერ ერთობლივად შექმნილი დაწესებულებაა, რომელსაც ადგილობრივი ორგანიზაცია მართავს.  სამართალდამცავებმა ფაქტთან დაკავშირებით გამოკითხეს სავარაუდო ძალადობის მსხვერპლები. Читать дальше...

ისრაელის პრემიერ მინისტრმა ბენიამინ ნეთანიაჰუმ განუსაზღვრელი დროით შეუჩერა საქმიანობა მემკვიდრეობის მინისტრ ამიხაი ელიაჰუს, რომელმაც დღეს ღაზის სექტორში ბირთვული ბომბის ჩამოგდებაზე ისაუბრა. ულტრამემარჯვენე პარტიის წევრმა ელიაჰუმ რადიო „კოლ ბერამასთან“ ინტერვიუში თქვა, რომ ღაზის სექტორში ბირთვული ბომბის ჩამოგდება "ერთ-ერთი ვარიანტია". მისი თქმით, "მშვიდობიანი მოსახლეობა ღაზაში არ არსებობს". "მათ შეუძლიათ ირლანდიაში ან უდაბნოებში წავიდნენ, ურჩხულებმა ღაზაში გამოსავალი თვითონ უნდა იპოვონ" – თქვა ელიაჰუმ. Читать дальше...

რუსეთის ახალმა ატომურმა წყალქვეშა ნავმა "იმპერტორ ალექსანდრე მესამემ" წარმატებით გამოცადა საკონტინენტთაშორისო ბირთვული ბალისტიკური რაკეტა "ბულავა" - ინფორმაცია რუსეთის თავდაცვის სამინისტრომ 5 ნოემბერს გაავრცელა. "ბულავას" მოქმედების სიშორე 8 ათასი კილომეტრია. პირველად ის 2005 წელს გამოცადა რუსეთმა. როგორც მაშინ, ისე ახლა, რუსეთი ამბობს, რომ ბირთვული რაკეტა თეთრ ზღვაში მყოფი წყალქვეშა ნავიდან გაუშვეს კამჩატკის ნახევარკუნძულის მიმართულებით. რაკეტის გამოცდის ფონია რუსეთის პრეზიდენტის, ვლადიმირ პუტინის მხრიდან 2 ნოემბერს ხელმოწერა კანონზე... Читать дальше...

ისრაელის თავდაცვის ძალების თქმით, ღაზის სექტორში სახმელეთო ოპერაციის დაწყებიდან 2 500-ზე მეტ ობიექტზე მიიტანეს იერიში.  მათივე განმარტებით, 4 ნოემბრის ღამით ჩრდილოეთ ღაზაში ჰამასის მებრძოლებთან სახმელეთო დაპირისპირება განაგრძეს.   ალ ჯაზირა წერს, რომ ღაზისკენ ჩრდილოეთიდან ორ სვეტად მოძრაობენ ჯავშანტექნიკა და მექანიზებული ქვედანაყოფები დაახლოებით 6 კილომეტრიან ფრონტის ხაზზე. ისრაელის არმიის მეორე კოლონა კი ხმელთაშუა ზღვის სანაპიროების გასწვრივ გადაადგილდება.  სახმელეთო ოპერაციის პარალელურად... Читать дальше...

უკრაინის შეირაღებულმა ძალებმა საჰაერო იერიში მიიტანეს ოკუპირებულ ყირიმის ქალაქ ქერჩში გემთსაშენზე - ინფორმაციას ადასტურებს როგორც რუსული, ისე უკრაინული მხარე.  რუსეთის ინფორმაციით, უკრაინულმა ძალებმა ქარხნის მიმართულებით 15 ფრთოსანი რაკეტა გაისროლეს, რის შედეგადაც ერთი გემი დაზიანდა.  გავრცელებული ცნობებით დაზიანებული ხომალდი არის რუსეთის შავი ზღვის ფლოტის ერთ-ერთი ყველაზე თანამედროვე გემი "კალიბრი," რომელიც ფრთოსანი რაკეტების გადასაზიდად გამოიყენებოდა.  "საჰაერო თავდაცვის სისტემამ ჩამოაგდო 13 რაკეტა" - აღნიშნავს რუსული მხარე. Читать дальше...

გერმანიის ქალაქ ჰამბურგის აეროპორტი დაიკეტა და ყველა ავიარეისი გაუქმდა , მას შემდეგ, რაც შეიარაღებული პირი ავტომობილით აეროპორტის ტერიტორიაზე შეიჭრა. შემთხვევა 4 ნოემბერს ღამით მოხდა (თბილისის დროით დაახლოებით 23:00 საათზე). გერმანული მედიის მიხედვით, ავტომობილის მძღოლმა, რომელიც აეროპორტის ასაფრენ-დასაფრენ სივრცეში შეიჭრა, სავარაუდოდ, ცეცხლსასროლი იარაღით ორჯერ გაისროლა. გავრცელებულ ვიდეოკადრებში მისი ავტომობილი თვითმფრინავის წინ დგას და მეხანძრეები ირგვლივ ცეცხლის ორი კერის ჩაქრობას ცდილობენ. Читать дальше...

შაბათს პალესტინელთა მხარდამჭერი საპროტესტო დემონსტრაციები გაიმართა ლონდონში, ბერლინში, პარიზში, ანკარასა და სტამბოლში. მისი მონაწილეები მოითხოვდნენ ღაზის სექტორში ცეცხლის შეწყვეტას და მათ დაგმეს ისრაელი, რომლის სამხედროებმაც გააძლიერეს „ჰამასის“ წინააღმდეგ შეტევა. Reuters-ის თანახმად, ლონდონში საპროტესტო გამოსვლების მონაწილეებს ეჭირათ პლაკატები წარწერებით „თავისუფლება პალესტინას“ და სკანდირებდნენ „ცეცხლის შეწყვეტა ახლა“ და „ჩვენ ათასობით, მილიონობით ვართ, ჩვენ ყველანი პალესტინელები ვართ“. პოლიციის ცნობით, დაკავებულია 11 ადამიანი. Читать дальше...