Новости за 10.11.2023

აშშ-ში პირველი საცდელი ფრენა განახორციელა პერსპექტიულმა სტრატეგიულმა ბომბდამშენმა B-21 Ryder-მა( Northrop Grumman). ამ მოვლენის ამსახველი კადრები თვითმხილველის მიერ სოციალურ ქსელებში გამოქვეყნდა. სააგენტო Reuters-ის ცნობით, თვითმფრინავი 10 ნოემბრის დილით, ლოს-ანჯელესიდან დაახლოებით 100 კილომეტრში მდებარე,აშშ-ს საჰაერო ძალების 42-ე ქარხნის აეროდრომიდან აფრინდა. საჰაერო ძალებმა წინასწარ არ გამოაცხადეს ამ ფრენის შესახებ, მაგრამ, სააგენტოს ცნობით, დახურულ ფრენას დაახლოებით სამი ათეული საავიაციო ენთუზიასტი და მოყვარული ფოტოგრაფი ადევნებდა თვალს.

კანადის საგარეო საქმეთა სამინისტრომ სანქციების სიებს დაამატა რუსეთის ექვსი კომპანია და ცხრა ფიზიკური პირი, მათ შორის მსხვილი მედია. კანადის ხელისუფლება მიიჩნევს, რომ ისინი ჩართულნი არიან იმ დეზინფორმაციისა და პროპაგანდის გავრცელებაში, რომელიც მხარს უჭერს რუსეთის მიერ უკრაინაში შეჭრას. სანქცირებულ რუსულ მედიას შორის არიან გაზეთი "იზვესტია", "საპარლამენტო გაზეთი, სატელევიზიო არხი REN-TV და არხი, ასევე პროექტი Russia beyond media, რომელიც ბეჭდურ დანართებს აკეთებს რუსეთის შესახებ გავლენიანი მსოფლიო გაზეთებისთვის. Читать дальше...

თამარ ჩერგოლეიშვილი 11 ნოემბერს ოფიციალურად გააკეთებს განაცხადს იმის შესახებ, რომ “ევროპული საქართველოს” წევრი ხდება - პარტიის პრაიმერიზში გამარჯვების შემთხვევაში ის 2024 წელს პარლამენტში მოსახვედრად იბრძოლებს. გადაწყვეტილების გამოცხადებამდე ერთი დღით ადრე რადიო თავისუფლებასთან ინტერვიუში ის ლაპარაკობს პარტიის რეორგანიზაციის პროცესზე, ქართულ პოლიტიკურ ველსა და იმ პროგრამაზე, რომელზეც “ევროპული საქართველო” მომავალი არჩევნებისთვის მუშაობს.

ჩეჩნეთის ხელმძღვანელის, რამზან კადიროვის, უფროსი ვაჟი ახმატი ფიზიკური კულტურის, სპორტისა და ახალგაზრდული პოლიტიკის საკითხებში რესპუბლიკის მინისტრის პირველ მოადგილედ დაინიშნა. 8 ნოემბერს ახმატი 18 წლის გახდა. მისი ამ დანიშვნის შესახებ ცნობილი გახდა მას შემდეგ, რაც რამზან კადიროვმა ახმატის ახალი პოზიცია მიუთითა თავის ტელეგრამის არხში გამოქვეყნებულ პუბლიკაციაში, რომელშიც იგი ჩეჩნეთში დაჯილდოებულ პირებზე, მათ შორის, თავის შვილებზეც, საუბრობს.   როგორც საიტი "კავკაზ.რეალიი" აღნიშნავს, ეს პოზიცია ადრე ჰუსეინ აბდულკარიმოვს ეკავა. Читать дальше...

გოგა რაზმაძე, შინაგან საქმეთა სამინისტროს თანამშრომლელი, რომელიც უწყებას დისკრიმინაციაში ადანაშაულებდა, ამბობს, რომ სამსახურიდან გაათავისუფლეს. „ჩემი რამდენიმეთვიანი ბრძოლა ჩემი სამსახურიდან გათავისუფლებით დასრულდა“, - წერს ის საკუთარ ფეისბუკ გვერდზე. რაზმაძის ცნობით, შსს-ს გენერალურმა ინსპექციამ ჩათვალა, რომ სისტემის შიგნით არსებულ პრობლემებსა და მის შევიწროებაზე საჯაროდ საუბარი მინისტრის მოადგილისა და ადამიანის უფლებათა დაცვის დეპარტამენტის ხელმძღვანელების დისკრედიტაციას და სამინისტროს რეპუტაციის შელახვას ისახავდა მიზნად. Читать дальше...

31 ოქტომბერს ცნობილი გახდა ადამიანის უფლებების დაცვის სამოქმედო გეგმა. ამ დოკუმენტში მთავრობამ ლგბტქ+ ჯგუფი გამოტოვა. შემთხვევით თუ მიზანმიმართულად? რა საფრთხეს უქმნის ეს ცვლილება სექსუალურ უმცირესობებს საქართველოში?

რუსეთმა უნდა აღიაროს, რომ, როგორც ნებისმიერ სხვა ქვეყანას, აქვს საზღვრები, განაცხადა საქართველოს პრეზიდენტმა სალომე ზურაბიშვილმა პარიზის მშვიდობის ფორუმზე.  პანელზე „მულტიკრიზისებიდან მულტიკონფლიქტებამდე: როგორ შევაჩეროთ მანკიერი წრე“, ზურაბიშვილმა თქვა, რომ ქართველების უმრავლესობა ევროკავშირში გაწევრიანების მომხრეა უსაფრთხოების გამო. პრეზიდენტის თქმით, რუსეთმა ახლახან მოკლა საქართველოს მოქალაქე, კიდევ ერთი მძევლად აიყვანა, ასევე, ოკუპირებულ აფხაზეთში შავ ზღვაზე სამხედრო ბაზას აშენებს საკუთარი ფლოტისთვის. Читать дальше...

ამერიკულმა ტელეარხმა CNN-მა და საერთაშორისო სააგენტო Associated Press-მა (AP) შეწყვიტეს თანამშრომლობა ფოტოგრაფ ჰასან ესლაიასთან, რომელმაც 7 ოქტომბერს გადაიღო შეიარაღებული დაჯგუფება „ჰამასის“ (შეერთებული შტატებისა და ევროკავშირის მიერ ტერორისტული ორგანიზაციების სიაშია შეტანილი) ისრაელში შეჭრის მომენტი. ეს მოხდა მას შემდეგ, რაც ორგანიზაცია HonestReporting-მა, რომელიც აცხადებს, რომ მისი მიზანია ისრაელის დაცვა მედიის მიკერძოებისგან, - ეჭვქვეშ დააყენა AP-ისა და Reuters-ის მიერ გამოქვეყნებული იმ ფოტოების ეთიკურობა... Читать дальше...

თეოდორ პელინი ჩაბნელებულ ეკლესიის ზის, სადაც 19 წლის განმავლობაში ატარებდა წირვებს და სიტყვებს ფრთხილად არჩევს.

სომხეთის პრემიერ-მინისტრი, ნიკოლ ფაშინიანი მიესალება საქართველოსთვის ევროკავშირის წევრობის კანდიდატის სტატუსის მინიჭებაზე რეკომენდაციას. „მივესალმები ევროკომისიის გადაწყვეტილებას, საქართველოსთვის ევროკავშირის წევრობის კანდიდატის სტატუსის მინიჭების რეკომენდაციაზე. ვფიქრობ, ეს ძალიან მნიშვნელოვანია“, თქვა ფაშინიანმა პარიზის მშვიდობის ფორუმზე და დაამატა: „მნიშვნელოვანი პროცესია და ყურადღებით ვადევნებთ თვალს, რა ხდება. საქართველოს წარმატებას ვუსურვებთ“. ფაშინიანი ქართველ კოლეგასთან, ირაკლი ღარიბაშვილთან... Читать дальше...

საქართველოს ინტერესია გრძელვადიანი მშვიდობა და სტაბილურობა, განაცხადა პრემიერ-მინისტრმა ირაკლი ღარიბაშვილმა პარიზის მშვიდობის ფორუმზე. ღარიბაშვილი სომეხ კოლეგასთან, ნიკოლ ფაშინიანთან ერთად მონაწილეობს პანელზე, „თანამშრომლობა მეტოქეობით სავსე მსოფლიოში: მშვიდობის შექმნა და უფრო უსაფრთხო მსოფლიოს შენება“. პრემიერის თქმით, რეგიონში გამოწვევად რჩება სომხეთ-აზერბაიჯანის ურთიერთობა და საქართველოს ოკუპირებული ტერიტორიები. ირაკლი ღარიბაშვილმა ხაზი გაუსვა საქართველოს მთავრობის „სტრატეგიული მოთმინების პოლიტიკას“. Читать дальше...

11 ნოემბერს პოლონეთის ძირითადი ოპოზიციური პარტიების წარმომადგენლებმა ხელი მოაწერეს კოალიციურ შეთანხმებას. "შეთანხმება არის სახელმძღვანელო მითითებები ჩვენი თანამშრომლობისთვის მას შემდეგ, რაც ქვეყნის პრეზიდენტისგან მთავრობის ფორმირების შესაძლებლობას მივიღებთ", - თქვა „სამოქალაქო პლატფორმის“ ლიდერმა და პრემიერ-მინისტრის პოსტზე სავარაუდო კანდიდატმა დონალდ ტუსკმა. ტუსკის პარტიის გარდა, კოალიციაში შევიდნენ „მესამე გზა“ და „ახალი მემარცხენეები“. 7 ნოემბერს პოლონეთის პრეზიდენტმა ანჯეი დუდამ მთავრობის ფორმირება ამჟამინდელ პრემიერ-მინისტრს... Читать дальше...

8 ნოემბერს გავრცელდა ინფორმაცია, რომ აფხაზეთში, გულრიფშის რაიონის სოფელ აზანთასთან, შეამჩნიეს კარგად შეიარაღებული და აღჭურვილი დივერსიული ჯგუფი, რომელიც სოხუმისკენ მიიწევდა და, რატომღაც, ისედაც ნანგრევებად ქცეულ აეროპორტში ინფრასტრუქტურის განადგურებას გეგმავდა.

ყაზახეთში ვიზიტის შემდეგ, რუსეთის პრეზიდენტი ვლადიმირ პუტინი მოულოდნელად ჩავიდა დონის როსტოვში, სადაც სამხრეთ სამხედრო ოლქის შტაბს ეწვია და სახელმწიფო მედიის თანახმად, მოისმინა ცნობები "სპეციალური სამხედრო ოპერაციის" (ასე უწოდებს კრემლი უკრაინაში ფართომასშტაბიან ომს. რედ.) მიმდინარეობის შესახებ. პუტინთან ერთად იყვნენ რუსეთის შეიარაღებული ძალების გენერალური შტაბის უფროსი ვალერი გერასიმოვი, თავდაცვის მინისტრი სერგეი შოიგუ და სხვა ხელმძღვანელი სამხედრო პირები. შტაბში სახელმწიფოს მეთაურს ასევე აჩვენეს "სამხედრო ტექნიკის ახალი ნიმუშები". Читать дальше...

თბილისის საქალაქო სასამართლომ უვადო პატიმრობა მიუსაჯა კაცს, რომელიც გენდერული ნიშნით, ბიძაშვილს რამდენიმე საათის განმავლობაში სცემდა და ელექტროშოკით აწამებდა. ახალგაზრდა ქალი მიყენებული დაზიანებებით გარდაიცვალა. შემთხვევა 2023 წლის 28 აპრილს თბილისში, ჰუალინგის დასახლებაში მოხდა. "მკვლელობამდე ცოტა ხნით ადრე, ბრალდებული დაზარალებულის ბინაში საცხოვრებლად გადავიდა და გადაწყვიტა ეკონტროლებინა ბიძაშვილის ცხოვრება, მისი ურთიერთობები ოჯახის წევრებთან, მეგობართან", - წერია პროკურატურის გავრცელებულ ინფორმაციაში. Читать дальше...

რუსეთის პრეზიდენტის პრესმდივანმა დიმიტრი პესკოვმა განაცხადა, რომ რუსეთში მძიმე დანაშაულისთვის გასამართლებული პირები უკრაინის ფრონტზე "სისხლით გამოისყიდიან თავიანთ დანაშაულს“. ასე უპასუხა კრემლის მოხელემ რადიო "კომერსანტის" კითხვას ერთ-ერთი მსჯავრდებულის, ვლადისლავ კონიუსის შეწყალების შესახებ. მას 17 წლით თავისუფლების აღკვეთა ჰქონდა მისჯილი ვერა პეხტელევას მკვლელობისთვის, მაგრამ უკრაინის ომში მონაწილეობის შემდეგ გაათავისუფლეს სისხლის სამართლებრივი პასუხისმგებლობისგან. პესკოვმა ოფიციალურად პირველად... Читать дальше...

საქართველოდან რუსეთში კონიაკის დისტილატის იმპორტი შესაძლოა გამარტივდეს, რათა თავიდან აიცილონ სასმლის საწარმოებლად საჭირო ნედლეულის დეფიციტი. როგორც „იზვესტია“ წერს, ამის შესახებ ნათქვამია რუსეთის ფინანსთა სამინისტროს ალკოჰოლისა და თამბაქოს ბაზრების კონტროლის ფედერალური სამსახურის (Росалкогольтабакконтроль) განმარტებაში. რუსეთის ფინანსთა სამინისტროში განაცხადეს, რომ საქართველოდან დისტილატის იმპორტის გამარტივების საკითხს მთავრობაში ახლა განიხილავენ. ამჟამად, რუსეთში იმპორტირებული ქართული ნედლეული... Читать дальше...

საქართველოს სახალხო დამცველის აპარატი აქვეყნებს ეუთო/ოდირისგან მიღებულ დასკვნას ე.წ. კარვების აკრძალვის კანონთან დაკავშირებით. დასკვნაში ნათქვამია, რომ კანონპროექტით "გათვალისწინებული შეზღუდვის საფუძვლები ფართოა და ნათლად განსაზღვრული არ არის, რამაც ხელისუფლების მხრიდან შესაძლოა მისი თვითნებური ან დისკრიმინაციული გამოყენება გამოიწვიოს". "პირდაპირ არის მითითებული, რომ კანონპროექტი არ უნდა იყოს მიღებული... ზოგიერთ შემთხვევაში, პროტესტის კონკრეტულმა სახემ და ფორმამ, მაგალითად, კარვების დროებითმა ბანაკებმა... Читать дальше...

რიგაში სასამართლომ რვა-ნახევარი წლით პატიმრობა მიუსაჯა სეიმის ყოფილ დეპუტატსა და შინაგან საქმეთა ყოფილ მინისტრ იანის ადამსონსს. ის დამნაშავედ ცნეს რუსეთის სასარგებლოდ ჯაშუშობაში. ამის შესახებ LSM-ი იტყობინება. ამ საქმეში მეორე დამნაშავეა კგბ-ს თანამშრომელი გენადი სილონოვი, რომელსაც შვიდი წლით პატიმრობა მიესაჯა. არცერთმა ბრალდებულმა არ აღიარა დანაშაული, ისინი განაჩენის გასაჩივრებას აპირებენ. სასამართლოს თანახმად, ადამსონსი „მიზანმიმართულად აგროვებდა დახურულ ინფორმაციას“ და სილონოვის გზით გადასცემდა ფსბ-ს. Читать дальше...

საოკუპაციო ძალების უკანონო პატიმრობიდან 9 ნოემბერს გათავისუფლებული ლევან დოთიაშვილი მედიასთან მოჰყვა 6 ნოემბერს სოფელ კირბალის მიმდებარედ ლომისის წმინდა გიორგის ეკლესიის ნიშთან მომხდარის შესახებ. დოთიაშვილმა აღწერა ვითარება, როგორ დაიწყო რუსმა სამხედრომ სროლა, რის შედეგადაც სასიკვდილოდ დაიჭრა თამაზ გინტური. ლევან დოთიაშვილის თანახმად, მან და თამაზ გინტურმა დაინახეს რუსი სამხედრო, რომელიც რაციით ლაპარაკობდა. „თავიდანვე რომ მოვიდა, გამაფრთხილებელი გაისროლა. იმის მერე ვისაუბრეთ“, - ამბობს ლევანი. მისი თქმით... Читать дальше...

როგორი უნდა იყოს ბავშვზე ორიენტირებული სწავლა-სწავლების პროცესი და რატომ არის მნიშვნელოვანი მასწავლებლებს ჰქონდეთ სოციო-ემოციური უნარების განვითარების კომპეტენცია? რა კავშირშია ეს ბავშვის მიღწევებთან სხვადასხვა საგანში? ლიკა ქურციკიძე, ფსიქოლოგი, ინკლუზიური განათლების სპეციალისტია რუბრიკის სტუმარი.

„ძალიან ბედნიერი ვარ, რომ საქართველოს ეს შანსი მიეცა - ალბათ ქართველები კიდევ უფრო ბედნიერები ხართ. ეს მართლაც წარმოუდგენელი რამეა, ორი წლის წინ ამას ვერაფრით წარმოვიდგენდით“.

ბრიანსკის ოლქში უცნობმა პირებმა სასაზღვრო პოლიციის მანქანას ცეცხლი გაუხსნეს. თავდასხმის შედეგად სასიკვდილოდ დაიჭრა ფსბ-ს ოფიცერი. ამის შესახებ იტყობინებიან ტელეგრამის არხები „ბაზა“ და Wargonzo. „ბაზის“ ინფორმაციით, სოფელ ულიცის მიდამოებში გუშინ შუადღისას თავს დაესხნენ უაზ „პატრიოტის“ მარკის ავტომობილს, რომელშიც ფსბ-ს თანამშრომელი იმყოფებოდა. უცნობმა პირებმა მანქანას ავტომატური იარაღიდან გაუხსნეს ცეცხლი და შემდეგ მიიმალნენ. Wargonzo-ს ინფორმაციით, დაღუპული პოლკოვნიკის სახელი და გვარია სერგეი შატი. Читать дальше...

ანექსირებულ ყირიმში ხუთშაბათს ღამით განადგურებულია რუსეთის ჩქაროსნული კატარღები. ამის შესახებ განაცხადა უკრაინის თავდაცვის სამინისტროს დაზვერვის მთავარმა სამმართველომ. მან გამოაქვეყნა ვიდეო, რომელშიც სავარაუდოდ ნაჩვენებია საზღვაო უპილოტო აპარატის მიერ ერთ-ერთი კატარღის განადგურება. უკრაინული მედიასაშუალებების ცნობით, რომლებიც უკრაინის თავდაცვის სამინისტროს დაზვერვის მთავარ სამმართველოს ეყრდნობიან, თავდასხმის შედეგად განადგურდა პროექტ 11770-ის („სერნა“) ორი კატარღა. ირწმუნებიან, რომ მასში იყო ეკიპაჟი და ჯავშანტექნიკა. Читать дальше...