Новости за 28.11.2023

ნატოს გენერალური მდივნის, იენს სტოლტენბერგის თქმით, ის მოელის, რომ შეერთებული შტატები გააგრძელებს უკრაინის დახმარებას რუსეთის ჯარების შეჭრის წინააღმდეგ ბრძოლაში, მიუხედავად ზოგიერთი რესპუბლიკელი კანონმდებლის წინააღმდეგობისა, რომლებიც ეჭვქვეშ აყენებენ ვაშინგტონის მხრიდან კიევის დახმარებას.    სტოლტენბერგმა ეს განცხადება 28 ნოემბერს გააკეთა ალიანსის 31 წევრი ქვეყნის შეხვედრაზე. მისი თქმით, ნატოს წევრებმა უკრაინას უპრეცედენტო დონის სამხედრო დახმარება აღმოუჩინეს მას შემდეგ, რაც 2022 წლის თებერვალში დაიწყო ქვეყანაში რუსეთის სრულმასშტაბიანი შეჭრა. Читать дальше...

სავალდებულო სამხედრო სამსახურის გადავადებასთან დაკავშირებულ კანონპროექტზე ილაპარაკა პარლამენტში „მინისტრის საათის" ფარგლებში სიტყვით გამოსვლის დროს განათლების მინისტრმა გიორგი ამილახვარმა. ოპოზიცია დაინტერესდა, დისტანციური პროგრამების სტუდენტებს, რატომ არ გადაუვადებენ ჯარში გაწვევას, მაშინ, როდესაც ამას სხვა სტუდენტები შეძლებენ. ოპონენტებს ამილახვარმა უპასუხა, რომ დისტანციურად სწავლა გახდება სავალდებულო სამხედრო სამსახურიდან თავის არიდების ახალი მიმართულება და ამიტომ საჭიროა, ცვლილებების მიღება. „რაც შეეხება დისტანციურ სწავლებას... Читать дальше...

ისრაელის რამდენიმე სამხედრო მოსამსახურე მსუბუქად დაიჭრა ღაზის სექტორის ჩრდილოეთ ნაწილში „ჰამასის“ მიერ ცეცხლის შეწყვეტის რეჟიმის დარღვევის შედეგად. ამის შესახებ ისრაელის თავდაცვის არმია იტყობინება. ისრაელის სამხედროთა ცნობით, ორ სხვადასხვა ადგილას სამი ასაფეთქებელი მოწყობილობა აფეთქდა ისრაელის ჯარების სიახლოვეს. ერთ-ერთ ინციდენტში სამხედროებს სროლა დაუწყეს და მათ საპასუხო ცეცხლი გახსნეს. ისრაელის არმიას არ გადაუკვეთია ზავის ვადებში შეთანხმებული საზღვრები, აღნიშნულია ისრაელის თავდაცვის ძალების განცხადებაში. Читать дальше...

პარლამენტში, „მინისტრის საათის“ ფორმატში განათლების მინისტრმა გიორგი ამილახვარმა უპასუხა შეკითხვას, რომელიც სტატუსშეჩერებულ სტუდენტებს ეხებოდა. როგორც მინისტრმა განაცხადა, ვალების ჩამოწერის პროგრამიდან გამომდინარე, 2023 წლის ოქტომბრიდან საქართველოში 4000-მდე სტუდენტმა მყისიერად აღიდგინა სტატუსი და სასწავლო პროცესს დაუბრუნდა. გიორგი ამილახვრის განცხადებით, 2-3 თვეში ყველა უნივერსიტეტს ჩაერიცხება განსაზღვრული თანხა. 2023 წლის 1 აგვისტოს მდგომარეობით, გადასახდელი სწავლის საფასურის ჩამოწერის (განულების)... Читать дальше...

ოკუპირებულ ცხინვალის რეგიონში, სოფელ წნელისში 15 ოქტომბერს უკანონოდ დაკავებული საქართველოს მოქალაქე ვასიკო ქენქაძე დე ფაქტო სასამართლო პროცესის შემდეგ გაათავისუფლეს. 27 ნოემბერს ქენქაძე ახალგორის ე.წ. სასამართლომ დამნაშავედ ცნო რუსეთის ფედერაციის სისხლის სამართლის კოდექსის [ოკუპირებულ ტერიტორიაზე რუსეთის კანონმდებლობით ხელმძღვანელობენ] 322-ე მუხლის პირველი ნაწილით (სახელმწიფო საზღვრის უკანონო გადაკვეთა) დანაშაულის ჩადენაში და 50 000 რუსული რუბლით დააჯარიმა. როგორც დე ფაქტო უშიშროების კომიტეტმა განაცხადა... Читать дальше...

ირანის ხელისუფლებამ შეათანხმა რუსეთში ნაყიდი სამხედრო ტექნიკის ირანში ჩატანის ვადები. ამის შესახებ სააგენტო „Tasnim“-ს უთხრა თავდაცვის მინისტრის მოადგილემ, გენერალმა მაჰდი ფარაჰიმ. ეს მოსკოვის მიერ თეირანისთვის შეიარაღების ოფიციალურად მიწოდების პირველი შემთხვევაა საბჭოთა კავშირის დაშლის შემდეგ. ირანმა მიიღო მრავალმიზნობრივი გამანადგურებლები Su-35, მოიერიშე ვერტმფრენები Mi-28 და სასწავლო-სამხედრო თვითმფრინავები Yak-130. სექტემბრის დასაწყისში იტყობინებოდნენ, რომ ეს უკანასკნელები უკვე ჩაიტანეს ირანში. Читать дальше...

მოსამართლე თამარ მჭედლიშვილმა, ქალზე ძალადობასა და ნარკოტიკული საშუალების შეძენა, შენახვის ბრალდებით დაკავებულ მომღერალს, კაბუს (კახა აბუაშვილი), 27 ნოემბერს აღკვეთის ღონისძიების სახით ნაცვლად პროკურატურის მიერ მოთხოვნილი პატიმრობისა, 10-ათასლარიანი გირაო შეუფარდა, რაც იმას ნიშნავს, რომ როგორც კი კაბუ ამ თანხას გადაიხდის, ის საპატიმროს დატოვებს. მართალია, საქმე ამით არ სრულდება, გამოძიება გრძელდება, სასამართლოს სხდომები ორ თვეში განახლდება და თუკი კაბუს წაყენებული ბრალი დაუმტკიცდება, მას ერთიდან ექვს წლამდე პატიმრობა ემუქრება... Читать дальше...

ფინეთი ხურავს რუსეთის საზღვარზე დარჩენილ უკანასკნელ საკონტროლო-გამშვებ პუნქტს, რათა შეაჩეროს თავშესაფრის მაძიებლების შედინება რუსეთის ტერიტორიიდან, განაცხადა ფინეთის მთავრობამ სამშაბათს. გადაწყვეტილება ოთხშაბათს ღამით, 30 ნოემბერს შედის ძალაში. ფინეთის შინაგან საქმეთა მინისტრმა მარი რატანენმა დააზუსტა, რომ თავშესაფრის მიღების თაობაზე განაცხადის შეტანა შესაძლებელი იქნება ნავსადგურებსა და აეროპორტებში. როგორც პრემიერ-მინისტრმა პეტერი ორპომ განაცხადა პრესკონფერენციაზე, ხელისუფლებას სურს შეაჩეროს... Читать дальше...

საქართველოში ბევრი ეძებს თავისი ოჯახის ხანდაზმული წევრის ან ახლობლისთვის ადგილს, სადაც მას „ღირსეულად მოუვლიან“. თუმცა, ასეთი ადგილის პოვნა რთულია. ხანდახან - შეუძლებელიც.

უკრაინაში ცხოვრების ექვსი წლის განმავლობაში, დაღესტნელი აჰმად აჰმედოვი ცნობილი გახდა, როგორც კიკბოქსინგის მწვრთნელი - ის ხელმძღვანელობს უკრაინის კიკბოქსინგის ფედერაციას, გარდა ამისა, როგორც მოხალისე ჯარისკაცი, აჰმედოვი ჩართულია უკრაინის დაცვაში რუსეთის თავდასხმის პირველივე დღეებიდან.

სამშაბათს ცნობილი გახდა, რომ ბალტიის ქვეყნები ბოიკოტს გამოუცხადებენ სკოპიეში ეუთოს საგარეო საქმეთა მინისტრების საბჭოს შეხვედრას, რომელსაც რუსეთის საგარეო საქმეთა მინისტრი სერგეი ლავროვი დაესწრება. ამას იუწყება „ინტერფაქს-უკრაინა“ ერთობლივ განცხადებაზე დაყრდნობით, რომელიც ესტონეთის საგარეო საქმეთა სამინისტრომ გამოაქვეყნა. ჩრდილოეთი მაკედონია ნატოს წევრი პირველი სახელმწიფოა, სადაც ლავროვი ჩავა უკრაინაში ომის დაწყების შემდეგ. „დიდად ვწუხვართ გადაწყვეტილების შესახებ, რუსეთის საგარეო საქმეთა მინისტრ... Читать дальше...

უკრაინის თავდაცვის სამინისტროს დაზვერვის მთავარმა სამმართველომ ოფიციალურად დაადასტურა მანამდე მედიით გავრცელებული ინფორმაცია, დაზვერვის ხელმძღვანელის, კირილო ბუდანოვის ცოლის, მარიანა ბუდანოვას მძიმე მეტალებით მოწამვლის შესახებ. დაზვერვის სამმართველოს წარმომადგენელმა ანდრი იუსოვმა რადიო თავისუფლების უკრაინულ სამსახურს განუცხადა, რომ მედიით გავრცელებული ცნობები სიმართლეა. იუსოვის თანახმად, მარიანა ბუდანოვა მძიმე მეტალებით მოწამვლის გამო გადის მკურნალობის კურსს, რომელიც დასრულების ეტაპზეა. უკრაინის სამხედრო დაზვერვის სამსახურში აცხადებენ... Читать дальше...

თბილისში, ვაზისუბნის დასახლების მეოთხე მიკროში კაცს ბეტონმზიდმა მანქანამ გადაუარა. დაახლოებით 65 წლის კაცი ადგილზე დაიღუპა. საქმეზე გამოძიება დაიწყო შინაგან საქმეთა სამინისტრომ სისხლის სამართლის კოდექსის 276-ე მუხლით. ჯერ არის ცნობილი დააკავეს თუ არა მძღოლი. დამატებითი ინფორმაციის მოძიების შემთხვევაში მასალა განახლდება.

ბიზნესმენ დავით ხიდაშელის კომპანიას, შპს "ეიჩ ჯი კაპრა კაუკასიკას", გარემოს ეროვნულმა სააგენტომ რაჭაში სამონადირეო მეურნეობის ლიცენზია გაუუქმა. განცხადებაში, რომელსაც სააგენტო ავრცელებს, აღნიშნულია, რომ შესაბამისი ლიცენზია ძალადაკარგულია. "კომპანიის "ეიჩ ჯი კაპრა კაუკასიკა" მიერ სალიცენზიო ვალდებულებების შეუსრულებლობის გამო, შესაბამისი ადმინისტრაციული სამართალდარღვევის ოქმები გარემოსდაცვითი ზედამხედველობის დეპარტამენტის მიერ მიმდინარე წლის მაისში იქნა შედგენილი. ლიცენზიების და ნებართვების კანონი... Читать дальше...

მოსკოვის ლეფორტოვოს რაიონის სასამართლომ ორი თვით, 2024 წლის 30 იანვრამდე, გაუგრძელა პატიმრობა ამერიკული გამოცემა The Wall Street Journal-ის ჟურნალისტს, ევან გერშკოვიჩს, რომელიც საგამოძიებო იზოლატორში იმყოფება ჯაშუშობის ბრალდებით. ამის შესახებ იტყობინება მოსკოვის საერთო იურისდიქციის სასამართლოების პრესსამსახური. მთლიანობაში გერშკოვიჩს წინასწარ დაკავებაში 10 თვის განმავლობაში მოუწევს ყოფნა. ევან გერშკოვიჩი 29 მარტს დააკავეს ეკატერინბურგში. მომდევნო დღეს მოსკოვის სასამართლომ ის საგამოძიებო იზოლატორში გაგზავნა. Читать дальше...

ევროკავშირის წევრმა ბულგარეთმა თავისი საჰაერო სივრცის გამოყენების უფლება მისცა თვითმფრინავს, რომლითაც რუსეთის საგარეო საქმეთა მინისტრი სერგეი ლავროვი უნდა ჩავიდეს ჩრდილოეთ მაკედონიის დედაქალაქ სკოპიეში. ლავროვმა მონაწილეობა უნდა მიიღოს ეუთოს წევრი ქვეყნების საგარეო საქმეთა მინისტრების სხდომაში. ევროკავშირის წევრმა სახელმწიფოებმა რუსეთის თვითმფრინავებს საჰაერო სივრცე დაუხურეს 2022 წლის თებერვლის, უკრაინაში რუსული არმიის ფართომასშტაბიანი შეჭრის შემდეგ. რადიო თავისუფლების ბულგარული სამსახური საგარეო საქმეთა სამინისტროზე დაყრდნობით წერს... Читать дальше...

უკრაინის თავდაცვის სამინისტროს დაზვერვის მთავარი სამმართველოს ხელმძღვანელის, გენერალ კირილო ბუდანოვის ცოლი მარიანა მძიმე მეტალებით მოწამვლის გამო საავადმყოფოშია, სადაც მკურნალობის პირველი ეტაპი გაიარა. ამის შესახებ ადგილობრივი გამოცემები „უკრაინსკა პრავდა“, „ბაბელი“ და „რბკ-უკრაინა“ წერენ, სპეცსამსახურებში ანონიმ, ინფორმირებულ წყაროებზე დაყრდნობით. წყაროთა ცნობით, გარკვეული დროის განმავლობაში მარიანა ბუდანოვა თავს შეუძლოდ გრძნობდა, რის გამოც სამედიცინო გამოკვლევა ჩაუტარდა და ანალიზმა მის ორგანიზმში მძიმე მეტალის კვალი დაადასტურა. Читать дальше...

კონკურენციის სააგენტომ ბათუმში გამოავლინა კვების 9 ობიექტი, რომლებსაც მენიუ ქართულ ენაზე არ ჰქონდათ. დადგინდა, რომ დაწესებულებებში შესულ მომხმარებლებს არ შეეძლოთ სახელმწიფო ენაზე მკაფიოდ და გასაგებად მიეღოთ ინფორმაცია. სააგენტომ შეისწავლა სულ 11 ობიექტში არსებული მდგომარეობა. მათგან დარღვევა გამოვლინდა შპს „ქიზილ 2023-ის", შპს „გრილ ფუდის“, შპს „ჰარვიდენტის“, შპს „დარიას“, ი/მ ანდრეი ხარბედიას, ი/მ ვლადისლავ კირიაკოვის, ი/მ ალექსანდრ ვასილევის, შპს "ინვესტ ინ ჯორჯიას" და ი/მ მარია კალუსტიანის კუთვნილ დაწესებულებებში. Читать дальше...

ავიაკომპანია Georgian Airways-ი 10 დეკემბრიდან თბილისსა და სანქტ-პეტერბურგს შორის პირდაპირ ფრენებს იწყებს. ავიაკომპანიის ვებგვერდზე ბილეთები უკვე იყიდება. პირდაპირი რეისები კვირაში ორჯერ შესრულდება - ოთხშაბათს და კვირას. ფრენების დაწყების შესახებ ინფორმაცია გაავრცელა სანქტ-პეტერბურგის პულკოვოს აეროპორტის ოპერატორის, შპს „Воздушные ворота северной столицы-ის" პრესსამსახურმაც. ავიაკომპანია Georgian Airways-ს, საქართველოსა და რუსეთის ოფიციალურ უწყებებს ახალი რეისების დაწყების შესახებ ინფორმაცია არ გაუვრცელებიათ. Читать дальше...

ამერიკის შეერთებული შტატების სახელმწიფო მდივანი ენტონი ბლინკენი ტელეფონით ესაუბრა აზერბაიჯანის პრეზიდენტ ილჰამ ალიევს და სომხეთის პრემიერ-მინისტრ ნიკოლ ფაშინიანს. უმთავრესი თემა იყო ორ ქვეყანას შორის სამშვიდობო შეთანხმების მიღწევა. ბლინკენსა და ალიევს შორის 27 ნოემბერს გამართული საუბრის ფონია აზერბაიჯანის უარი, მონაწილეობა მიეღო სომხეთთან მოლაპარაკებაში, რომელიც 20 ნოემბერს ვაშინგტონში უნდა გამართულიყო. შეხვედრამდე 4 დღით ადრე, აზერბაიჯანის საგარეო საქმეთა სამინისტრომ აშშ დაადანაშაულა სომხეთთან... Читать дальше...

რუსეთის მიერ ოკუპირებული აფხაზეთის ე.წ. შინაგან საქმეთა სამინისტრომ „რუსეთის ფედერაციასთან სასაზღვრო ტერიტორიებზე“ უსაფრთხოების ზომები გაამკაცრა. ამის მიზეზია 28-30 ნოემბერს რუსეთის ტერიტორიაზე, მეცნიერებისა და ხელოვნების პარკ „სირიუსში“, ახალგაზრდა მეცნიერთა III კონგრესის გამართვა. გარდა ამისა, დე ფაქტო შინაგან საქმეთა სამინისტროს ინფორმაციით, საგზაო ტრანსპორტის უსაფრთხოების უზრუნველსაყოფად და საგზაო მოძრაობის წესების დარღვევის პრევენციის მიზნით, მიმდინარე წლის 28 ნოემბრიდან გაიხსნება საგზაო-საპოლიციო პუნქტი „ხოლოდნაია რეჩკა“. Читать дальше...

რამ შეიძლება შექმნას სიღარიბის მეტნაკლებად რეალისტური სურათი - რას აჩვენებს სხვადასხვა ქვეყნის სტატისტიკა და რეალობა? რა არის ის ირიბი მაჩვენებლები, რაც უფრო მეტად სრულფასოვნად წარმოაჩენს სიღარიბის დონეს საქართველოში? - ამ საკითხებზე მოისმენთ მსჯელობას ჩვენს დღევანდელ რუბრიკაში.

უკრაინის თავდაცვის ძალებსა და რუსეთის საოკუპაციო ძალებს შორის გასულ 24 საათში 84 საბრძოლო შეტაკება მოხდა. ამის შესახებ დღეს დილით იუწყება უკრაინის შეიარაღებული ძალების გენერალური შტაბი. ერთი დღით ადრე 63 საბრძოლო შეტაკება იყო. გენშტაბის თანახმად, უკრაინის თავდაცვის ძალებმა ხარკოვის ოლქის ქალაქ კუპიანსკის მიმართულებით 3 შეტევა მოიგერიეს. დონეცკის ოლქში, მარინკის მიმართულებით მოგერიებულია 9 შეტევა, ხოლო ლიმანის მიმართულებით - 12. უკრაინის გენერალური შტაბის მონაცემების მიხედვით, ყველაზე ინტენსიური... Читать дальше...

„ოცნების“ ხელისუფლება გამარჯვების მასშტაბურ ზეიმს ამზადებს იმ დღისთვის, როცა საქართველოს კანდიდატის სტატუსზე ევროპულმა საბჭომ საბოლოო გადაწყვეტილება უნდა გამოაცხადოს. პრემიერ-მინისტრმა, ირაკლი ღარიბაშვილმა განაცხადა, რომ ეს იქნება ხალხის ისტორიული გამარჯვება და ხელისუფლების მუშაობის შედეგი.