Францехь талор динчух лаьцна хууш дерг вовшахтоьхна Маршо Радионо Шоьтан сарахь Парижехь, наханна урс а карахь тIеллетта, цхьа вахархо вийна, веанна чевнаш йина жимчу стага. Талор динарг, Нохчийчуьра схьаваьлла, 21 шо хилла Азимов ву францойн телеканалашкахь а, газетийн агIонаш тIехь а вуьйцуш. Азимов Шерипан воI Хьамзат вина Устрада-ГIалахь (Аргун). 4 шо долуш дIавигина дас-нанас шайца Франце. АзимовгIар махкахбовлар дузу Нохчийчохь лаьтташ хиллачу тIамца, нах лоьцуш Iедал хьийзина хиларца, доьзал Европе паргIат дахар лаха бахарца. Читать дальше...
Мархийн Рамадан баттахь шайн кеманаш тIехь дIасалелачу пассажирашна хьалялан даарш хилийта Iалашо ю Utair авиакомпанин. Некъан билеташ оьцучу хенахь бахархойн таро хир ю utair.ru сайт тIехь шайна езза юург еха. Iуьйранна семга чIераца кечдина бепиг, ливанхойн хумус, зефир хир ю. Делкъанна аравийцаша санна кечдина котаман жижиг, хумус, зефир, бежана жижигах йина кебаб, бепиг хир ду. "Нагахь юучуьнца диета ларъешверг нислахь, цунна лерина хьалялан хилла ца Iаш, вегетарианийн даарш а, берашна кечйина юург а цхьана хир ю. Читать дальше...
"Чеченэнерго" компанин белхахоша рейдаш дIаяьхьна оршотдийнахь тоьках ахча схьагулдеш. Талламаш бечара декхар охьа ца диллахь, шаьш чуьра бахам схьабоккхур бу бохуш, кхерамаш тийсина. Маршо Радионо яздира, бюджетан белхахошка шайна тIехь коммуналан декхар цахиларан тоьшаллаш-кехаташ дан дезар тIедиллина куьйгалхоша аьлла. Тоьшалла ца деанчуьна алапа сацор ду я балхара дIавоккхур ву бохуш, тIедожийнера, белхахоша дийцарехь. "Рейдаш дIаяьхьначу цхьана дийнахь 300 эзар сом декхарш гулдина оха. 80... Читать дальше...
Iамеркан Израилера векалалла Тел-Авивера Къудсе дехьаяккхарна мостагIий хилла ца Iаш Вашингтонна критика еш бу цуьнан бертахой а. Британин премьер-министран Мэй Терезин зорбанан секретаро дIахьедар дина, шаьш реза дац Цхьаьнатоьхначу Штаташа шайн векалалла Къудсе дехь а яьккхина, иза Изараилан коьрта гIала хилар даре дарна, Гергарчу Малхбалехь хIоьттина машар а боцуш аьллла. Францин президенто Макрон Эммануэла емал дина Газа Асанехь Израилан салташа 50 сов палестинахо а вуьйш, ницкъ бар. Макрона... Читать дальше...
Стохка Барселонехь а, Камбрильсехь а дина теракташ толлучу юкъанна полицино Францехь лаьцна 6 Нохчийчоьнан вахархо, хаамбо France Info-с шайн полицерчу хьостанна тIе а тевжина. Цо бахарехь, Лахарчу Рейнан, Жирондан, Лакхарчу Гароннан департаменташкахь хилла лецарш. Дахначу шоьтадийнахь Парижехь Азимов Хьамзата динчу тIелатарца боьзна бац хIара талламаш аьлла, билгалдаьккхина полицин векало. Стохка аьхка Барселонерчу Лас-Рамблесан адамаш дIасалелачу ураме йоккха машен хахкаран бахьанашца вийра 13 стаг, 100 чевнаш йира. Читать дальше...
КIиран сарахь Венехь яйнера 7 шо долу нохчийн йоI Хадижат. Иза лаха арабевлла лийлира дуккха а нах а, полици а. ТIаьххьара а доьзал бехачу цIенна уллерчу нехашкхуьсийлехь дIаккхоьссина карийра йоьIан дакъа. Зулам толллуш полицино лаьцна лулахь веха 16 шо долу кIант. Хиллачо вуно йиш йохийна шина а вовшашца гергарлонехь баьхначу мухIажирийн доьзалан. Таллам дIахьош, полице бигинера кIентан берриг а доьзал, амма дIахецна, ша иза воцург. Воьхна хьийзачу дас, Кагиров Хьасана, хилларг довзийтира Маршо Радиона.
Соьлжа-ГIаларчу "Мемориалан" куьйгалхочунна Титиев Аюбна наркотикаш тесна ю аьлла тешна бу бакъонашларъярхой. Нохчийчохь йийначу Эстемирова Наташин йоьIан Ланин а яц цу тIехь цхьа а шеко.
Шоьтадийнахь Парижехь нахана уьрсаца тIелеттера жимстаг. Цхьаъ вийра, веанна чевнаш йинера. Полисхоша герз тоьхна вийра зуламхо. Нохчийчуьра схьаваьлла 20 шо долу Азимов Хьамзат хиллера иза, 2010-чу шарахь дуьйнна Францин вахархо волу. Шен телеграм-каналехь Нохчийчоьнан куьйгалхочо Кадыров Рамзана яздира, тIелатар динчух жоьпалла Францина тIехь ду, иза церан пачхьалкхехь хаьлакхиина хиларна аьлла. Францин арахьарчу гIуллакхийн министраллан хьаькамо Ле Дриан Жан-Ива жоп деллера Кадыров Рамзана динчу дIахьедарна... Читать дальше...
Нохчийн йоI ерна шеконашкахь латтош ву 16 шо долу лулара кIант Роберт, хаамбина журналисташка Венерчу полицин векало Хаймедер Герхарда. Талламчийн зерашца, йоIана вевзаш хилла ша йийнарг, шина доьзалан лелош доттагIаллин юкъаметтигаш а хилла, цундела шайга морожни яа йола аьлча, дуьхьало а ца еш, церан хIусаме яхана хилла Хадижат. Луьйчуш волчу чохь урс хьаьхкна кIанта цунна. Бехкевечо мукIарло дина. Иштта цо дIахьедина, иза ен шен цхьана а кепара бахьана ца хиларх а. "Цхьа кIира зама яра ша оьгIазе лела... Читать дальше...
Зазадоккхучу - баттахь Нохчийчуьра еддачу кхаа йоIа чIагIдо, шаьш шайн лаамехь арадевлла хилар махкара. "Кавказ.Реалии" порталан каракхаьчна нотариус теш а хIоттийна, мехкарша яздинчу кехатийн бух. Хьалхо зудаберийн гергарчара чIагIонаш йора, цхьана Iамеркан бакъонашларъяран организацин гIоьнца дIабахна шайн йоьIарий бохуш. Полицига хаам бира дайша-наноша, цул тIаьхьа федералан лехамашка а белира байнарш. "Кавказ.Реалиин" корреспонденте бакъонашларъярхоша дийцарехь, и зудабераш цIера довдаран бахьана ... Читать дальше...
Дахначу мукъаденошкахь Нохчийчохь хиллачу Дагестанан коьртачу шахьарерчу дешархошна iPhone X телефонаш елла совгIатна мехкан куьйгалхочо Кадыров Рамзана. Инстаграмерчу шайн агIон тIехь бина и хаам ХIинжа-гIаларчу лоьмар 18 йолчу школан 7-чу классера дешархоша. Кхиазхоша дийцарехь, кIирандийнахь Соьлжа-гIалин урамехь буьйлабелла лела хIорш Нохчийчоьнан куьйгалхочун Кадыровн кортежа тIеIиттабеллера ларамза. Кадыровс рэперан Тиматин бургерийн кафе чу кхайкхинера уьш хьошалла дан. ТIаьхьо куьйгалхочун... Читать дальше...
Дуьненан футболан чемпионат йолалучу хенахь Дуьненаюкъарчу бакъонашларъяран Human Rights Watch (HRW) организацино Оьрсийчохь адамийн бакъонашца долу хьал телхина догIуш хиларх рапорт арахецна. Къаьсттина стадионаш ечу гIишлошъярхойн бакъонаш йохийна хиларна тIе тидам бохуьйту бакъонашларъярхоша. Human Rights Watch (HRW) хаамашца, белхалошна алапаш хьедо, церан белхан хьелаш кхерамзалла Iалашъеш нисдина а дац. Кху шеран зерашца, байначу баттахь дуьненан чемпионатна кечамаш бечу гIишлошъяран майданахь 21 белхало велла. Читать дальше...
Нохчийчоьнан куьйгалхо некъ бан лууш ву Гуьржийчу, амма Тбилисина иза оьшуш бац
Венехь еха нохчийн 7 шо долу йоI ерна шеконашца нах лецна яхначу буса полисхоша. "Кавказ.Реалии" портале Венерчу полисхойн декъехь бинчу хаамца, лецнарш бу йийначу йоьIан Хадижатан лулара нах. Церан цIераш цкъачунна йовзуьйтуш яц. Къаьстинарг ду, и доьзал Азербайджанера орамаш долуш хилар. Шиъ кхиазхо-доьзалхо а ву церан шайн а. Лецначийн хIусамех хьаьвсина полисхой, церан петар мухIар тоьхна, дIакъевлина. Маршо Радионо яздира шен агIонехь, Австрин зорбанашна тIе а тевжаш, пIерсакана сарахь дуьйна яйна... Читать дальше...
Оршотдийнахь Оьрсийчоьнан президенте Путин Владимире кехат дахьийтина наркотикашца лаьцна аьлла, бехкевечу Соьлжа-гIаларчу "Мемориалан" офисан куьйгалхочунна Титиев Аюбна дуьхьал айдинчу гIуллакхан хьокъехь. 60 стага, шайлахь журналисташ а, бакъонашларъярхой а, Iилман а, искусствон а гIуллакххой а, Iеламчаш а болуш, куьйгъяздина кехат-дехарна бухахь. Стагехьа гIодаккхар вуон гIуллакх дац аьлла, кехат яздинчарна жоп лучу Кадыровс, амма дуьйцург бакъдерг хила деза. "Оцу кехат тIехь чIагIонаш йо... Читать дальше...
Францин арахьарчу гIуллакхийн министраллан хьаькамо Ле Дриан Жан-Ива жоп делла Кадыров Рамзана Нохчийчуьра схьаваьллачу Азимов Хьамзата Парижехь уьрсаца нахана динчу тIелатаран хьокъехь дIахьедарна. "Шен регионехь адамийн бакъонаш хьоьшуш волчу диктаторан хьехарш тхуна оьшуш дац. Цул совнах, "Исламан пачхьалкх" шех олучу тобанехь эзарнашкахь нохчий буйла хууш волчун", - аьлла Ле Дриана Лондонерчу AFP-н агенталлан корреспонденте, Великобританин арахьарчу гIуллакхийн министрца Джонсон Борисца цхьанакхетар дирзича. Читать дальше...
Мисарарчу ницкъаллийн структураша лецна Дагестанера бахархой гергарчу хенахь Оьрсийчу дIахьовсор бу. "Керланаш" агенталле бина и хаам Мисарарчу Оьрсийчоьнан консуло Абакаров Юсупа. "24 стаг ву и верриг а. Царех 18 вахархочун хьокъехь сацам бина баьлла уьш даймахка дIабохуьйтуш. Новкъа баха кечбеш бу уьш, цхьаболучера кема маца ду а билгалдаьлла. Кхин а 6 стаг а, диъ бер а кхеле ладоьгIуш Iа ", - хаамбина консуло. Байначу беттан тIаьххьарчу деношкахь лецначийн гергарчара бакъонашларъяран "Мемориал" центре дийцинера... Читать дальше...
Нохчийчоьнан къоман политикан, арахьарчу уьйрийн, зорбанан, информацин министро Умаров Джамбулата дуьйцу, хIунда дала деза республикан куьйгалхочо арахь бехачу нохчех жоп.