Новости за 02.09.2018

Полшано байначу беттан тIаьххьарчу дийнахь Оьрсийоьне дIавелла Байдуев Азамат Нохчийчохь лачкъийна вигина. Фейсбукерчу шен агIон тIехь бо и хаам HumanRightsAnalysisCenter организацин куьйгалхочо Гисаев Ахьмада. Шалаже Азаматан деваша вехачу хIусаме баьхкина хилла шоьтан буьйса юкъал тIехъяьллачу хенахь герзашца нах. ТIехь ницкъ а бина, стенга вуьгу а ца хоуьйтуш, къайлаваьккхина цара Байдуев Азамат. "Лаца баьхкинчу ницкъахоша цIена оьрсийн мотт бара буьйцург", -яздо Гисаевс. 2007-чу шарахь тховкIело еллера цунна Полшано... Читать дальше...

Криминалан гонашкара "низамашкара къуй" шайн лидер Домбаев Ахьмад (Шелара Ахьмад) набахтера араваларае сатуьйсуш бу. Дукха хан ца йисина иза маьршаваккха. Лаьцначуьра мукъабевлла нохчийн "низамашкара къуй" Нохчийчохь охьахевшина. ТIаьххьара царех дIакхийтира колонера араваьлла Алиев Гилани (Къоьжа Гилани ). Цкъачунна шаьш болчахь тийна Iаш бу уьш, амма дийцарехь, кеста хьал хийцадала там бу, Домбаев араваларца. Домбаев спортаца гергарло долуш, динехь стаг ву. Маларшца воьзна хилла вац иза цкъа а. Читать дальше...

Нохчийчохь 11 керла доьшийла схьайиллина кху деношкахь, хаамбо шен "ВКонтактерчу" агIонехь мехкан куьйгалхочо Кадыров Рамзана. Цо чIагIдарехь, уггар мехала ю царлахь коррекцин школа. Республикехь 4-гIа ю и кIезиг таронаш йолчу берашна лерина йиллинчу доьшийлех. Спортан майданаш, логопедан а, психологан а, лоьран а чоьнаш йолуш кечйина ю школа. Iедалхоша официалехь дIахьедарца, кху шарахь Нохчийчохь ерриг а болхбан йолаелларг 477 школа ю. ТIаьхьарчу кхаа шерачохь 50 школа дIахIоттийна махкахь, болчу хаамашца.