Новости за 12.09.2018

Оьрсийчоьнан ФСБ-н дехарца Украинан Инарла прокуратурано дIавелла гIалгIа Тумгоев Тимур. "Кавказ. Реалии" портале хаийтина цунах Украинерчу вайнехан диаспоран векало. "Кхаарин Iуьйранна дIавелла аьлла",- дийцина портале. "Харьковн бакъонашларъяран тобано" (ХПГ) билгалдаккхарца, ООН-ан бакъонашларъяран Комитетан экстрадици яр сацаде аьлла, сацам боллушехь дIавелла Тумгоев. Дийцарехь, Тумгоев дIавала магочу кехатна куьйгяздина Инарла прокуроран гIовса Енин Евгенийс. Туркойчуьра веанчуьра Харьковн... Читать дальше...

Маршо Радион таханлера боцца хаамаш

Меттигерчу полисхоша туьйсучу кхерамех ша Iалашъяр дехна бакъонашларъяран центре ГIебарта-Балкхаройчуьрчу яхархочо. "Кавказан узел" агенталло хаамбарехь, йиша Шема дIаяхнера аьлла, полисхоша компьютер а, телефон а цуьнгара дIа а яьккхина, банкан карта дIакъевлина цуьнан. Байначу баттахь прокуратуре арздинера цу йоIа, вевзаш воцчу стага телефон а тоьхна, полисхойн декъе кхайкхина ша аьлла. "Суна ца бевзачу нехан суьрташ а гайтина, ас царна ахчанаш кхехьийтарна шаьш банкера сан картана блок хIоттийна бахар цо, - дуьйцу Налчикерчу яхархочо. Читать дальше...

Нохчийчуьрчу 34 шо долчу вахархочунна Исламна дуьхьал айдина бекхзуламан гIуллакх теллина Грозненск кIоштан кхело. Низамаш дохош, баккхийчу барамашкахь наркотикаш лелорна кхеле валийна иза. Юьртан йистехь кхиинчу кIомалан гIаш даьхна, уьш дакъа а дийна, ша вехачу хIусамехь латтош хилла цо. 208,2 грамм кIомал яьккхина цуьнгара полисхоша. ГIуллакх листинчул тIаьхьа, набахтехь даккха 4 шо кхачийна цунна кхелахоша.

Москохна гергарчу Барвихехь Росгвардин куьйгалхочун кIентан а, невцан а цIартIехь латтанаш а, ара-чу ца баккхалун бахам а хиларх видео Iораяьккхина "Новая газетано". Цара бахарехь, 1, 5 миллиард сом бу цу бахаман мах. Росгвардин куьйгалхочун Золотов Викторан а, оппозиционеран Навальный Алексейн а "дуэль" цу дозанашкахь хIотто еза аьлла, хьехна хьостано. Шен 23 шо долчу хенахь долаяьккхина Золотов Викторан воIа Романа масех миллион долларшкахь мах болу Барвихера меттиг, чIагIдо газетано. Оьрсийчоьнан... Читать дальше...

23 шарахь Нохчийчохь лечкъина ваьхначу стагна набахтехь даккха 8 шо хан тоьхна. Болчу хаамашца, 1995-чу шарахь Астраханехь шен накъостца юкъахь стаг вийна хилла цо. Цуьнан дакъа Волга олучу хи чу а кхоьссина, ведда и шиъ, шолгIачу дийнахь меттигерчу бахархошна карийнера вийначун дакъа. Цхьаъ автобусца Нохчийчу дIаваханера, ша цигара хиларе терра. Шена бевзачу накъосташкахула керла цIе хуьйцуш, кехаташ а даьхна, ваьхна иза хIинццалц. Нохчийчоьнан полисхоша талламаш бечу хенахь, цуьнан пIелгийн лараш схьаэцча, гучуваьллера иза. Читать дальше...

Москохарчу Шереметьево аэропортехь бусулбанашна лерина ламазан чоь схьайоьллур ю гергарчу хенахь. Меттиг хIинцале а билгалъяьккхина. Химки гIалин имаман Маннапов Камилан аэропортан белхахошца цхьана бIаьргтоха аьтто хилла цу хIусамах. Шереметьево аэропортан сайт тIехь бинчу хаамца, Е терминалан 1-чу гIат тIехь йоьллур ю ламазан чоь. Карарчу заманчохь Москохарчу Домодедовон, Внуковон аэропорташкахь йолуш ю ламазан чоьнаш.

Школашкахь дайшка-наношка шайгга оьцуьйтуш ю берашна киншкаш аьлла, социалан машаншкахь яьржина информаци бакъ ца йина дешаран, Iилман министран гIоьнчас Каимов Iабдурахьама. Доьшийлашкахь шаьш талламаш дIабаьхьна, бух болуш ца карийна даржийнарг аьлла цо. Дукха хан йоццуш WhatsApp-ан мессенджерехула хаам баржийра, дайшна-наношна тIедожийна школехь оьшу жайнаш эцар, аьлла. Цул совнах, Йоккхачу АтагIара ю ша аьлла, йовзийтинчу зудчо даредора, нуьцкъаша школано берийн духарш а, канцелярин гIирс а эцийтина шега... Читать дальше...

Оппозиционерах Навальный Алексейх "мутте отбивная" йийр ю ша аьллачу Росгвардин куьйгалхочунна Золотов Викторна тIехIоьттина Нохчийчоьнан куьйгалхо Кадыров Рамзан. Цунна хетарехь, "шен а, ша урхалла дечу Росгвардин эскархойн а, пачхьалкхан а сий динчу Золотовс яхьйоцчуьнга бехккховдор нийса ду". Кадыров тешна ву, Росгвардин куьйгалхо – "Бакъволу къонах ву", ткъа цуьнан оппонент – "чагIалкх" ю аьлла. Ишта Кадыров шеконашкахь ву, Навальный Золотовца къовсалур ву аьлла. "Даим а санна, ша Iехочу кхиазхойн а... Читать дальше...

15 шо ду Умаев Мохьмада дуьйсинчу кеманца Каспийн хIордан чохь чIерий лоьйцу. 45 шо долу Мохьмад – чIерийлецархо ву, амма ша лелориг низамца доций хаьа цунна. Напха латто кхин аьтто бац шен боху цо.

Дагестанехь гоьваьллачу рэперан Элджейн концерте дохка долийна билеташ совцийна. КарабогIучу беттан 5-чохь дIакхайкхийна яра ХIинжа-ГIалахь цуьнан концерт. Super гIирсо яздарехь, Крид Егоран концерт бахьанехь скандал иккхинчул тIаьхьа, билеташ дохкар юкъахдаьккхина. DagArtConcert​-ан векало цкъачунна цхьацца проблемаш ю шайн, уьш йирзинчул тIаьхьа къамел дийр ду вай аьлла журналисташка. Маршо Радионо яздира, кху беттан 9-чу дийнахь рэперан Крид Егоран ХIинжа-гIалахь хила еза концерт юкъахъяккхарх. Читать дальше...

Оьрсийчоьнан Думан депутатна Жигарев Сергейна йиттина аьлла, шеконашца лаьцна Дудаев ИбрехIим чохь вуьтур ву карабогIучу беттан 9 -чу дийне кхаччалц. Москохарчу Таганскан кхело тIеэцна цу кепара сацам. Кхелан пресс-секретаро Сухинина Юлияс "Интерфакс" агенталле аларехь, Дудаев бехкево еттарна а, ахча лачкъорна а. Нагахь бехк тIечIагIбахь, набахтехь даккха итт шо а, 1 миллион сом гIуда а хьарчор ду цунах. Кху аьхка депутатна Жигарев Сергейна тIелатар а дина, йиттинера Москох. И инцидент хиллачул... Читать дальше...