Оьрсийчоьнан Федералан таIзарш кхочушдон сервисан центр кхоьллина Нохчийчохь. Цунах лаьцна омра дина федералан Iедало. Цу кехатца а догIуш, цу центран дехкхар хир ду тутмакхашна дина нуьцкъала болх байтарх лаьцна таIзарш кхочуш дар. Цу урхаллехь болх беш хир ву 25 стаг. Ахча лур бу федералан бюджетера.
Кмузов Беслан Летаршца а, сардамаш дехарца а марсабевлла хилла гIебартойн-балкхаройн къовсамхой герзаш детташ дIасалаьхкина полицино Канжал лома тIера охьаяьлла, Элбрус ломанна гергарчу балкхаройн Кенделен юьрта кхача еза 30 дошлочух лаьтта ковра ларъеш Iен 1000 гергга гIебарто, ирх герзаш а, тIе гIожамаш а етташ, дIасалаьхкина кхаарийн сарахь. Бахарехь, йиллинчу меттехь латта кенделенхошкара пурба даьккхина хилла гIебартоша. Амма, церан векалша дийцарехь, барт бохийна юьрто – чу ца битина дошлой. Читать дальше...
ХIора а шарахь балкхарой бехачу Канжал лома говршкахь боьлхучу гIебартоша кхушара арабаьккхина некъ девнашка боьрзуш лаьтта. Канжална гергахь девла девнаш кхаьчна Нальчике – кхаарийн сарахь вовшахлетта меттигера гуламхой а, полисхой а.
Европера адамийн бакъонашкахула йолу кхел (Страсбург) листа дагахь ю 2000-чу шарахь Нохчийчуьрчу Котар-Юьрта бомбанаш йиттина маьрша адамаш дайарца боьзна рогIера латкъам. Цунах лаьцна яздо "Кавказский узело". Цуьнца доьзна цхьамогIа хаттарш хьажийна кхело Оьрсийчоьнан Iедалшка. 2019-чу шеран Дечкен-беттан 18-гIа де тIекхачале царна жоп дала дезаш ю Оьрсийчоь, хаам бина "Мемориало". Котар-Юьрта бомбанаш йиттира Оьрсийчоьнан тIеман кеманаша Чиллан-беттан 4-7-чу деношкахь. И бахьана долуш вийра лаххара а цу эвлара 46 вахархо. Читать дальше...
Instagram-н администрацино дIаьяьккхина Тиматина а, Крида Егорна а критика еш Нурмагомедов Хьабиба арахецна пост. МостагIе къамелаш а, симболш а йогIуш яц шайн (Community Guidelines) кепашца, аьлла ду цу социалан машанан администрацино динчу дIахьедарехь. Нурмагомедовс шен агIонехь дIахIоттийна цу дIахьедаран скриншот, шен пост дIаяьккхина инстаграмо аьлла, йоза а дуьтуш.
2017-чу шарахь кху дуьнентIехь цIеххьана лахделла теракташ яр. Коьрта бахьана ду Иракъера йоккха территори шен Iуналлехь латтош хилла "Исламан пачхьалкх" тоба эшор. Цунах лаьцна дуьйцуш ду Iамеркин Пачхьалкхан департаменто арахецначу дIахьедарехь. Iамеркерчу говзанчаша далочу терахьашца, стохка кху дуьнентIехь хилла 8584 теракт. И терахь 23 процентана лахара ду 2016-чу шарахь хиллачул а. Цу терроран тIелатаршкахь вийна 19 эзар стаг. 2017-чу шарахь теракташ хилла 100 гергга пачхьалкхехь. Царах дукхах ерш йина ОвхIанистанехь а... Читать дальше...
Оьрсийчоьнан харжамийн Коьртачу комиссин куьйгалхочо Памфилова Эллас, харц лара деза Приморьехь губернатор хоржуш къастаделла жамI, аьлла шен хьукматан кхеташонехь, хаамбо Интерфаксо. Памфиловас бахарехь, цуьнан урхалло динчу зераша гойту, харжамашкахь "административан ресурсах пайда а оьцуш, йоккха харцо лелийна хилар". Владивостокерчу Советский къоштарчу 13 куьпахь юхадаьхна харжамийн жамIаш. "Мел кхаьжнаш хьангахьа бу хьаьжжина (Тарасенко я Ищенко), хьал хийца таро хилла цигахь", цундела кхо... Читать дальше...
Оьрсийн "Би-би-си" гIирсан статистикаца, Нохчийчоьнан урхаллан йоллу система бохург санна йоьзна ю Кадыровца а, цуьнан гергарчаьрца а. Нохчийчуьрчу 158 баккхийчу хьаькамашлахь 30 процент Кадыровн гергарнаш бу. Бевзий шуна уьш цIерашца я юьхь-сибатца?
Балкхарой бехачу Кенделене эвлахь гIебартлошна а, меттигерчу бахархошна а юкъахь шина дийнахь лаьттина дов дехьадаьлла Налчике а, Баксане а, хаам бо «Регион Онлайн» сайто. Цигахь хилларг гинчу наха социалан машанашкахула яржош ю шаьш яьхна видеош. Царах цхьанна тIехь гуш ду еарин буса Боксанехь герзаш диттина хилар. Болчу хаамца, иттаннаш къепедацаршкахь дакъалаьцна нах лецна полицино Нальчикехь. Дов даларан бахьана ду 300 сов шо хьалха хилла боху хилам. ГIебартоша чIагIдарехь, цу къомах болчу... Читать дальше...
Алтамиров Ахьмадан адвокаташа Цхьаьнакхеттачу Къаьмнийн Вовшахтохараллан адамийн бакъонашкахула йолчу комитете латкъам бина Боснин а, Герцеговинин а юстицин министралло цунна экстрадици ян сацам барна. Цунах лаьцна яздо Кавказ.Реалиино, "Vayfond" (Швеци) юкъараллан векална Садулаева Аминина тIе а тевжаш. Адвокаташа иза дина Европера адамийн бакъонашкахула йолу кхел шозза реза ца хилча Алтамиров Оьрсийчоьно дIавалар сацор хьокъехь 39 бакъонах пайд аэца. "Иза мичча хенахь дIахьажо мегаш ву Оьрсийчу", - билгалдаьккхина Садулаевас.
