Новости за 02.06.2019

Куьйгайина (СВУ) оьккхуьйтург чохь йолу автобус эккхийтина Кабулехь. ОвхIанистанан коьртачу шахьаран полисхойн 5-гIа дакъа лаьттачу кIоштахь дина зулам. Khaama Press хьостано дийцарехь, цхьа стаг вийна цу эккхийтарехь, 10-нна чевнаш йина.  Tolo News телеканалан информацица, студенташ хилла автобус чохь боьлхурш. Ишта билгалдоккху, шолгIа кхи цхьа эккхийтар а хилла цигахь бохуш, амма цунах лаьцна кхачаме хаамаш бац. Цкъачунна динчу эккхийтаран жоьпалла цхьана а террорхойн организацино шена тIелаьцна дац.

2020-чу шарахь Токиохь дIахьондолчу Олимпикан ловзаршка ца йита тарло Оьрсийчоь, кхоссавалархочо Лысенко Данилас антидопинган низамаш дохийна хиларца доьзна.The Sunday Times хьостан информацица, спортхочо низамаш дохийний хаарал а совнах, яйчу атлетикан Ерригоьрсийчоьнан федерацин хьаькамаша гIо дина спортхочунна уьш хьулдан а. Карладоккху, стохка аьхка Дуьненаюкъарчу яйчу атлетикан ассоциацино (IAAF) цхьана ханна къовсадаларшна юкъарваьккхира 2017-чу шарахь дато мидал яьккхина кхоссавалархо Лысенко Данила. Читать дальше...

Шайца уьйрашкахь йолчу пачхьалкхийн арахьарчу гIуллакхийн министрашка кхайкхамбина Украинан арахьарчу гIуллакхийн министралло (МИД), Оьрсийчоьнна Iаткъамбар доьхуш, Керчан гечонехь доза хадийна аьлла, бехкебен украинхойн хIордахой цIаберзорхьама. "Тхайн партнерашка а, доттагIаллийн уьйрашкахь болчу мехкийн арахьарчу гIуллакхийн урхаллашка а дехар дина оха, Гамбургерчу Дуьненаюкъарчу трибуналан сацам кхочушбайта Оьрсийчоьнна тIетаIа аьлла", - яздина Твиттерехь Украинан чоьхьарчу гIуллакхийн министро Климкин Павела. Читать дальше...