Новости за 25.06.2019

Маск Илонан SpaceX компанино кхиаме космосе хецна 25 спутник шеца йолу Falcon Heavy еза ракета. Иза дина хIордаца йолчу Канаверал  меттигерчу космодромера шинарин дийнахь Соьлж-ГIаларчу хенаца 9 сахьт 30 минот яьлча. Хьулург оццу хенахь гойтуш дара SpaceX  компанин YouTube-каналехь.    Ракето тайп-тайпанчу орбиташка йоккхур ю Iедалан а, коммерцийн а 3,7 тонн йозалла йолу 24 спутник. Царна юкъахь ю маьлхан гата шеца долу Prox-1 аппарат а, маьлха зIенар моторан метта пайда эца аьтто бийр болу чалх а. Читать дальше...

КIиранан сарахь хаамбина ГIалгIайчоьнан куьйгалхочо Евкуров Юнус-Бека, ша доьхур ду Путин Владимире, шега хенал хьалха дарж дитийтар, аьлла. Цо и къамел дале хьалха республике веана-вахана Къилбаседа Кавказера президентан векал Матовников Александр. Иза дIавоьддушехь дина шен дIахьедар Евкуровс. ГIалгIайчоьнна гонахарчу регионашкахь куьйгалхоша хIинцале хаийтина шаьш хаам тергоне эцнийла. Даржера вуссучуьнга ала догIу дош аьлла ГIебарта-Балкхаройчоьнан, Кхарачой-Чергазийчоьнан, Ставропол-мехкан куьйгалхоша Коков Казбека а... Читать дальше...

Iамеркан махкалла делла Оьрсийчуьра яхархо Аушева Алла а, цуьнан ши бер а дийна Нью-Йоркехь кху беттан 22-чохь. Цунах лаьцна хаам бо ТАСС агенталло, цу гIаларчу полицина тIе а тевжаш. 37 шо долчу Аушева Аллин а, цуьнан шина беран а декъий карийна цхьана хIусамехь, цу тIехула кIур оьхуш гина баьхкинчу полисхошна дIадаханчу шотдийнахь Iуьранна 11-чух ах даьлча (17:30 мск). Уьш кхалхаран бахьана билггала хууш дац. Полицино коьртачу декъана толлуш верси ю "адамаш дайар" аьлла. И бахьана долуш лаьцна ву 36 шо долу Уолкер Шейн... Читать дальше...

Романова Софья Нохчийчоьнан Iедало кест-кеста хIитточу барамашка, балха боьлхуш санна, боьлху Iедалера алапа оьцу лоьраш, хьехархой, коммуналхой, студенташ Оьрсийчоьне шегара бовха безам дIакъадабо Нохчийчуьрчу Iедало муьлхха а дезде тIедеача, я кхин цхьа бахьана хIоьттича. Байракхашца, пачхьалкхан а, мехкан а дайн суьрташца арадоккху халкъ, хастамаш бойту Оьрсийчоьнна а, цуьнан президентна а, цо махканна тIехIиттийначарна а. Делахь а ца дуьсу ца хезаш бюджетерчу белхахойн аьрзнаш. Цара а, студенташа... Читать дальше...

Наггахь бен ца хIутту бурко ю Европехь. Масала, Целсин барамца 40 градусе кхоччуш йовха хир ю Францехь. Хила тарлучу хьовзамашна духьалхIитта кечамбаре кхайкхина президента Макрона лоьраш а, социалан белхахой а. Хьашто а йоцуш, дийнахь арахула цалелар дехна Белгин бахархошка цигарчу Iедало. Малх дегIах ца болийта, фонтанаш чохь луьйчуш го Германера цхьаболу бахархой.

Иттаннаш нахана талу тоьхна маларш даларна а, талораш дарна а шеко йолуш стаг лаьцна полицино Москох. Цунах лаьцна хаам бо "Москва" агенталло, шен хьастана тIе а тевжаш. Baza телеграм-канало бинчу хаамца, лаьцнарг ву 26 шо долу ГIебартой-Балкхаройчуьра схьаваьлла Сабанов Мурат. Керла Басманан урамехь хьешан хIусамехь вехаш хилла иза. Цуьнан чохь талламаш бина полисхоша, цхьацца молханаш а дохуш. Талламхой къастош бу цу стага зулам динчу нехан терахь. Цкъачунна болчу хаамца, цо талу делла хилла 7 стагана. Читать дальше...

Нохчийчоьнан куьйгалхочо Кадыров Рамзана лардина нохчочо дакъалоцуш некъабохамехь зуда а, бер а дийна висинчу Смоленскерчу вахархочун ша делла дош, яздо "Смоленская народная газето" (Smolnarod). Роменков Романа керла машен эцна Кадыровс шена деллачу ахчанах. Роменковн гергарчу зудчо Smolnarod сайтан корреспонденте бинчу хаамца, Кадыровн векал веана хилла иза волчу, ахча а дохьуш. "Ромас керла машен эцна хIинцале а", - аьлла цу зудчо. Дагадоуьйту, кху шарахь Зазадоккху-беттан 25-чохь Можайски шоссехь вовшахкхеттера "Мерседес Гелендваген" а... Читать дальше...

Кхерамаш туьйсуш зударшкара ахчанаш даха гIиртина стаг лаьцна ГIалгIайчохь. Вуьйцург ву Экажево эвлара 47 шо долу вахархо. Чоьхьарчу гIуллакхийн министраллан ГIалгIайчуьрчу урхаллан зорбанан сервисо бинчу хаамца, марехь болчу зударшкара цхьаъ даккхар Iалашонца динна тоба вовшахто а тоьхна, видеош йохуш, уьш нахала йохур ю ша бохуш, кхерамаш туьйсуш ахча даккха гIерташ хилла и стаг. Болчу хаамца, цхьаболчу зударийн гергарчара йиттинчул тIаьхьа, дарбанан хIусаме охьавиллина хилла иза. Зуламан да лаьцна дарбанан хIусамера веддачул тIаьхьа. Читать дальше...

«Рапидо 2.0» лоторейхь коьртачу совгIатан долахо хIоьттина Нохчийчуьрчу школан директор Оздамиров Аслан, яздо "КП" сайто. Кхаж тосучу буса "Столото" сайта тIехь ша эцначу билетана тIе шена гIенах гина терахьш яздина хилла цо. "ТIаьхьо хиира суна, сан кхаж баьлла ца Iаш, ас схьаэцнарг коьрта совгIат хилар! Миллионер хила суна моьттучул а, дуккха а атта хилла", - даладо Оздамировн дешнаш "Столото" сайтан зорбанан сервисо. Цу кепара, 144 107-чу тиражехь Оздамировс даьккхина 3 426 018 сом.  Ша и ахча мича хьажор ду цкъачунна ца хаьа цунна. Читать дальше...

ГIалгIайчоьнан куьйгалхочо Евкуров Юнус-Бека дIахьедар дина, ша балхара дIавола аьлла, 12 шарахь цу республикан коьртехь лаьттинчул тIаьхьа. Цунах лаьцна хаам бо «Интерфаксо», меттигерчу телевизионна тIе а тевжаш. "Ас сацам бина Оьрсийчоьнан президенте дехар дан, хенал хьалха ГIалгIайчоьнан Республикан куьйгалхочуьнан бакъонаш сайгара охьайохкуш", - аьлла Евкуровс ша меттигерчу телевизионехь динчу къамелехь, хаам бо "Кавказ.Реалиино". Евкуров ГIалгIайчоьнан куьйгалле хIоьттира 2008-чу шарахь ГIадужу-беттан 31-чохь... Читать дальше...