Новости за 30.07.2019

Нохчийчуьрчу Девлетгирин-Эвлара 58 шо долу вахархо Айдамиров Султанбек лоьхуш ю Украинин полици, хаам бо Кавказ.Реалиино. Болчу хаамца, и стаг вайна стохка Лахьанан-баттахь. Меттигерчу МВД-н хьастано дийцарехь, Айдамиров лаьцнера Одессехь, тIеман барзакъ доьхна хиллачу наха. Цара иза дIавигина меттиг хууш яц. Полици шеко йолуш ю иза динарш Украинин лерринчу сервисийн белхахой хила мега аьлла, иза Оьрсийчоьне дIавала Iалашо йолуш. Кавказ.Реалиино яздарехь, Украинехь бехачу нохчашна хууш ду Айдамиров лачкъийна хиларх лаьцна. Читать дальше...

Москох бакъонашларъярхоша орцадаьккхина хилла Нохчийчу цIаялийначу 20 шо долчу Сугаипова Заирас болх бийр бу Сугаипова "Грозный" телевизионехь. Цунах лаьцна хаам бина Кавказ.Реалиига цу телевизионан директоро Дудаев Ахьмада. "Мосварчу лоруш йолчу лаккхарчу дешаран меттигехь цо журналистан дешар дешнехь, суна хетарехь, цуьнан зеделларг а, хаарш а тхуна оьшур ду", аьлла Дудаевс. Цкъачунна хууш дац Сугаипова болх бан маца йолалур ю. Сугаипован исторех лаьцна яздира дуккха хан йоцуш Оьрсийчуьрчу зорбанан гIирсаша. Читать дальше...

Гаджиева Зульфия Дагестанерчу ГIизларан кIоштарчу 18 школин директорша ахчанца совгIаташ дина шаьш-шайна. Шайна тIехуларчу хьаькамашца дакъа а дина цхьаболучара. Дешаран урхаллин администрацина ахча юха а луш ГIизларан къоштарчу дешаран урхаллин куьйгалхочунна коррупцина дуьхьалоеш гIодан дарже хаийначу Карагаджиев Гитихьмига а, талламан комитетан векалте а арздина Победовски а, Зареченски а ярташкарчу школийн директорша Каримов Нурудина а, Лугуев Мохьмада а 2018-чу шеран гурахь. Цара яздора... Читать дальше...

Вайнехан доьзалш кест-кеста нахалбовлу шайн берашна тIехь Iазап латторца. ХIун дан деза иштаниг ца нисдалийта?

Некъаца бохам хилла оршотан сарахь 7 сахьт даьллачул тIаьхьа ГIирмехь "Таврида" трасси тIехь Феодосия гIалана гена доццуш, хаам бо "Ньюс медиа" зорбан гIирсо. Ца хуучу бахьанца, Нохчийчуьрчу вахархочо дуьхьал йогIучу МАН машенна кIелкхоьссина ша урхалла дон «ВАЗ-2114» машен. И бахьана долуш иза вийна. Машенна чохь хиллачу шина некъахочух цхьаъ лазийна ву. ГIирмерчу орцаллан министро Шахов Сергейс бинчу хаамца, вийнарг ву 22 шо долу жима стаг. Цо билгалдаккхарехь, лазийна некъахо а ву Нохчийчуьра. Читать дальше...

Эстемирова Ланас шен ненах лаьцна язйинчу книги юкъара дакъа

Загидова Марьям ГIебарта-Балкхаройчохь дIакъевлина полицерчу экономикан кхерамзаллин а, коррупцина дуьхьалояран а урхаллин куьйгалхочунна Куралаев Рустамна а, чоьхьарчу гIуллакхийн министраллин кхерамзалла Iалашъечу декъан шина талламчина Жашуев Рустамна а, Шикляшев Заурбекна а духьал гIаттийна бехктакхаман гIуллакх. Оперативан белхахочунна Бачканов Хьасаншина гIелояр толлуш шеконе эцна бара уьш.  Пхи шо даьлла дов айдина. 2014-чу шарахь лецира вуьйцу кхо полисхо. Ах шарахь латтийра уьш изоляторехь... Читать дальше...

Оьрсийчуьра 38% бахархой дуьхьал бу Путин Владимир 2024-гIа шо дIадаьлча а президентан даржехь висарна. Цунах лаьцна яздо "Ведомости" гаезто, "Левада-центро" бинчу талламна тIе а тевжаш. Кху тIаьхьарчу шарахь цу тайпа жоп деллачу нехан терахь алсамдаьлла 11%. Путин кхин дIа а Кремлехь вита лаам гайтина 54% Оьрсийчуьрчу бахархоша. Жоп муха лур ду ца хууш бисинчу нехан терахь ду цкъа а ца хиллачу кепара лахара 8%. Низамо бакъо ца ло Путин Владимирна моггIара кхозлагIа а президент хIотта 2024-чу шарахь. Читать дальше...

Муха кечдо Кавказехь наркотикашца доьзна гIуллакхаш

Пятигорскера 18 шо долу вахархо жоьпе озийна Iедалша, "Къилбаседа ХIирийчуьрчу "Беллачийн гIала" некрополехь, кара туьта а лаьцна, сурташ дахарна. Полисхошна вуно сиха карийра и жима стаг. Беллачу нехан декъий а, кешнаш а сийсаздарна 15 эзар сом гIуда тоьхна цунна кхело. Девне сурташ арахацнера бехкевечун Instagram-чу агIонехь. ХIинца уьш дIадаьхна ду. Иза хиллачул тIаьхьа Къилбаседа ХIирийчоьнан культуран министралло туристашна дIакъевлира "Беллачийн гIала". КIира даьлча и дехкар дIадаьккхира. Читать дальше...

Оьрсийчоьнан чоьхьарчу гIуллакхийн министраллан Соьлж-ГIаларчу урхаллан керла хьаькам хIоттийна Кадыров Ахматан цIархчу полкан куьйгалхо хилла Ирасханов Аслан. Цу хьокъехь хаам бина Нохчийчоьнан куьйгалхочо Кадыров Рамзана. Ирасханов ву Кадыровн юьртахо. 5 шо дара иза Кадыровн цIархчу полкан коьртехь волу. Ткъа цу дарже Ирасханов кхаьчнера Шуьйтан кIоштан полицин хьакам волчура. Кадыровн полкан куьйгалхо хIоттийна Бенара схьаваьлла Ножа-Юьртан кIоштан ОВД-н штабан хьаькам хилла полицин подполковник Чалаев Замид.

Къен нехан терахь алсамдаьлла Оьрсийчохь. ХIинца иза ду 21 миллион стаг. Кхушара Мангалан баттахь Оьрсийчоьнан вице-премьеро Голикова Татьянас, "Известия" газетана ша еллачу интервьюхь дIахьедар динера 2018-чу шарахь 400 эзар стагана лахделла аьлла къен дахар хьоьгучу нехан терахь. Амма Росстато далочу терахьца, кху шеран хьалхарчу кварталехь (3 бутт) мелхо а къечу нахах дIакхетта кхин а 500 эзар стаг. Цу кепара Оьрсийчохь къен лоруш ву 21 миллион вахархо. Карарчу хенахь Оьрсийчохь хIоранна... Читать дальше...