Ростох махкахь нохчаша вовшашна герзаш деттарх хетарг довзийтина Кадыровн векало, Оьрсийчоьнан кхечу регионашкара нохчийн кегийрхой кхетош кхио дагахь ву Кадыров, Курдийн тIеман тобанаш дIаяхана Шемарчу кхерамазаллин асанера (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
БациевгIеран доьзало Ростовн махкахь Чернозубовка кIотарахь шайн байина нах дIабохка дIабаьхьна Нохчийчу, хаам бо "Регион-онлайн" сайто. - Меттигерчу бахархоша буьйцу БациевгIара дукха хенахь дуьйна цу кIоштахь бехаш хилла вуно бакъахьа нах санна. Цхьа а кхеташ вац и тайпаниг муха нисделла бохучух. БациевгIара шайн махкахошца цхьана баьхкина байинарш машенашна чубехкина дIабаьхьира. Церан Iедал ду шайн даймахкахь белларш дIабухкуш, уьш Нохчийчу бахана", - яздо регионерчу зорбанан гIирсаша. Болчу хаамца... Читать дальше...
Сочехь цхьаьнакхеттачу Путин Владимира а, ЭрдогIан Реджепа а дийцаредина Шемин къилбаседанера-махбалера хьал. Курдошна дуьхьал тIеман операци дIахьош бу цигахь туркой. Оьрсийчоьнанний, Туркойчоьнанний президентийн сацам бовзийтина шина а пачхьалкхан арахьарчу гIуллакхийн министраша – Лавров Сергейс а, Чавушоглу Мевлюта а.
RT Arabic телеканало (Раша Тудей Iаьрбийн мехкашкахь), Кадыровгара ша эцна интервью гойтуш, муьлха жоьпаш дитина Оьрсийчуьрчу бахархошна ца довзуьйтуш?
Ерриг а доьшийлашкахь хьехархойн духар хьокъехь билламаш (дресс-код) юкъабаьхна ГIалгIайчохь. Цунах лаьцна хаам бо, Кавказ.Реалиино, республикерчу дешаран министраллан зорбанан сервисна тIе а тевжаш. Арахецначу омрица а догIуш, хьехархой декхарелахь бина, белхан хьелаш тидаме оьцуш, гӀехьа бос болу, мачаш а, духар а лело. Хьехархой васт хила деза "къовламе а, чӀарх-аьлла а". Цара лелочу духарна терго яр тIедожийна доьшийлийн администрацешна. ГIалгIайчоьнан дешаран а, Iилманан а министро Бокова Эсета дийцарехь... Читать дальше...
Шеман къилбаседехьа йолчу кхерамазаллин асанера дIаяхана курдийн тIеман тобанаш. Цунах лаьцна Хонкаре хаам бина Вашингтоно, дуьйцу Reuters агенталло. Туркойн къоман кхерамазаллан министрало дIахьедар дина, цу кIоштахь кхин операци йоло карарчу хенахь оьшуш дац аьлла. Цуьнца цхьаьна Туркойчоьнан арахьарчу гIуллакхийн министро Чавушоглу Мевлюта дIахьедина, Шеман къилбаседехьарчу кIошташкахь тIеман операци ханна сацор дац, иза кхоччуш дIайирзина, ткъа туркойн эскархой цу регионера дIабаха кийча бу бохург. Читать дальше...
Кадыров Рамзан даржах мукъавала мега боху Оьрсийчоьнан президентан гонца цхьаьна Кадыров Рамзан Гергарчу Малхбале вахар цхьаболчу тергамчаша туьду, иза Нохчийчуьрчу даржах мукъа а ваьккхина, Москох дIавига тарлуш хиларца. Кху беттан 20-чохь "Хьалхарчу каналехь" кIирандийнан "Даккхий ловзарш" программехь Кадыровс дIахьедира, шена тайна Эмираташа а, СаIудийн Iаьрбийчоьно а гайтина "догцIеналла, бакъдолу гергарло", аьлла. Малхбалерчу лидерша, СаIудийн паччахьан а, Эмираташна коьртехь болчу куьйгалхойн... Читать дальше...
Оьрсийчоьнан тIеман министро Шойгу Сергейс дIахьедина, шайгахь болчу хаамашца Шеман къилбаседехьарчу набахташкара бевддачу тутмакхийн терахь ду 500 гергга стаг аьлла. Цунах лаьцна хаам бо РИА Новости агенталло. Шойгус дийцарехь, дуккха а чубоьхкинчу нехан бовда аьтто баьлла, гIарол дар цхьана декъана шина дийнахь дIадаьккхина хилар бахьана долуш. CNN телеканало бинчу хаамца, шен агIор Пентагонан куьйгалхочо Эспер Марка дIахьедар дина, Туркойчоьнан тIеман операци дIайолаелла дукха хан ялале... Читать дальше...
Нохчийчоьнан куьйгалхочо Кадыров Рамзана шен Инстаграмехь дIахьедар дина, республикехь хьовха цулла арахьа беха кегийрхой а кхетош кхио ша дагахь хиларх лаьцна. Цуьнан сагаттадо кхечу регионашкахь бехачу нохчийн къомах болчу кегийрхоша. Нохчийчоьнан хьалханчо чIагIдарехь, сих-сиха нисло кхечу регионашкахь бехачу республикерчу схьабевллачу жимачу наха нохчийн къоман сий дойъу хIуманаш лелор. Социалан машанашкахь гучубуьйлучу хаамаша карзахйоккху юкъаралла, ткъа цо декхарелахь до вай цхьаъ дан, боху цо. Читать дальше...
Пхи стаг а вуьйш, Ростох махкахь нохчаша вовшашна герзаш диттина дахаран хьелашца доьзна дов далар бахьана долуш. Цунах лаьцна дIахьедина Нохчийчоьнан куьйгалхочун цу регионехь волчу векало Исраилов Iимрана, хаам бо ТАСС агенталло. "Иза дахаран хьелашца доьзна дов ду. Уьш нохчий бу, бахам лелон ши субъект – инвестор а, болх бийриг а. Кхелашкахула къийсамаш бара церан, суна хетарехь, маситта шарахь дахделлера иза", - аьлла Исраиловс. Чоьхьарчу гIуллакхийн министраллан Ростох махкарчу урхалло бинчу хаамца... Читать дальше...
Дуьненаюкъарчу биржашкахь охьабовлуш бу мехкадаьттан мехаш. Иза гойтуш ду кхаарин дийнахь хиллачу махбаран жамIаш. ГIуран-баттахь дIакхачор долчу (фьючерс) WTI (West Texas Intermediate) маркан мехкадаьтта механа дайделла 0,77%. ХIинца цунах ло $54,06 цхьана черманах. ГIуран-баттахь дIакхачор долчу Brent (Brent Blend) маркин фьючерсийн мах охьабаьлла 0,47%. Цуьнан мах бу хIинца $59,42 цхьана черманах.
