Новости за 16.03.2020

«Хеда Адамовна» ю ша боху интернетехь яьржинчу видео чохь элийн дахар хьоьгу доьзал гойтучу йоIа. Иза шахьарахь еха «маьлхан а, беттан а султанша» ю, цо дийцарехь. Нохчийчоьнан цIарах Пачхьалкхан Думехь депутат волчу, Кадыров Рамзанан кхоалгIа куьг ларалучу Делимханов Адаман йоI ю Хеда. Цуьнга хьаьвсинчу нахах дукхахберш кхаьрда цунах, хIинцале оцу бахьаница дIаяьккхина видео дуккхахйолчу сайташна тIера.

Белхазаллин лидер ю Кавказ, Германера даймахка ваханарг лаьцна Нохчийчохь, Дагестанера Джидде лела кема сацийна (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Covid-19 пандеми бахьанехь дассаделла Европерчу гIаланийн урамаш. Инзаре тийналла лаьтта массанхьа а. Амма Китайрчу Ухань гIалахь, коронавирусан «коьртачу шахьарахь», къардина ларало и ун, шен асане доьрзуш ду нехан дахар – эпидеми чекхъялла.