Новости за 29.03.2020

КIирандийнахь Роспотребнадзоро официалехь бинчу хаамца, Нохчийчохь кхин а виъ стаг цомгаш хилла коронавирусан ун даьлла. Шоьтадийнахь урхалло бинчу хаамца, республикерчу меттигерчу шина вахархочун тесто бакъдинера вирус хилар. "Грозный-информ" агенталлан журналистан хеттаршна жоьпаш лучу махкарчу могушаллин министро Сулейманов Эльхана дIахьедира, Нохчийчохь йолчу коронавирус толлучу тесташа 100 процентна нийса жоп ло аьлла. Делахь а, элира цо, цхьана а кепара шеконаш ца йисийтархьама шаьш Роспотребнадзоран... Читать дальше...

Зазадоккху-беттан 29-чу дийнахь дуьненчохь 598 эзар стаг вовшахкхетта COVID-19 коронавирусан ун даьлла. Хопкинс Джонан Университетерчу системан талламийн а, инжиниринган а Центро далийна и терахьаш. Коронавирусах велла 27761 стаг, дарба хилла 131000 сов дархо.

Коронавирусан хьал латтарна Оьрсийчоьнан доллу дозанаш дIакъовла деза карарчу беттан 30-чу дийнахь дуьйна аьлла пачхьалкхан премьер-министро Мишустин Михаила. Автомобилан а, аьчкан некъийн а, бахархойн а, хIордатIехула а дIасалеларшна дозанаш деттар ду. Дипломатех а, церан доьзалхойх а, кеп-кепарчу хIордакеманийн экипажех а, гергара стаг валарца доьзна пачхьалкхера арабовлучу бахархойх а хьакхалур бац и бехкамаш. Оьрсийчохь коронавирусан ун кхетта 1264 стагах. ТIаьххьарчу дийнахь а, буса а кхин а 228 стаг тIекхетта царна. Читать дальше...

Яьржина коронавирусан инфекци бахьана долуш Нохчийчохь шога карантин кхайкхийна Iедалхоша. Туькана юург, я молханаш эца бен аравалар могуьйтуш дац. Шоьтадийнахь бина ишта хаам журналисташка оперативан штабан куьйгалхочо Даудов Мохьмада. "Адам лардархьама шога карантин кхайкхийна республикехь. Туькана, я молханаш эца бен кхи чуьра аравала мегар дац кIирандийнахь дуьйна. ХIинццалц патрулан машенаш яра къепе ларъярхьама, кедачухула бахархошка кхайкхамаш беш, чохь сацар доьхуш дIасалелаш. КIирандийнахь... Читать дальше...