Новости за 29.04.2020

Пейсахова Анна,                                                                                                      "Кавказ.Реалии" 16 шарахь набахтехь а Iийна, маьршавала везачу дийнахь Черкесскера вахархо жоьпе озийна Шемарчу гIеранашна ахчанца гIодарна. Набахтехь такха кхин а 15 шо тоха тарло цунна. Санашоков Аслан, Черкесскера вахархо, зуьйш ву Оьрсийчоьнан бехктакхаман кодексан 208-чу артиклан 1-чу декъо буьллучу бехкаца доьзна. ФСБ-н Ставропол-махкарчу урхалло чIагIдарехь, 2014-чу шарахь террорхошца уьйрехь волчу цхьана стаге... Читать дальше...

Скворцов Глеб,                                                                                                "Кавказ.Реалии" Доьхна некъаш а, дакъазъяьлла коммуналан система а - ишта беха нах БуьритIерачу бошмашлелорхойн юкъараллех хиллачу ярташкахь Къилбаседа ХIирийчоьнан коьрта шахьарна гонах, еа а агIор, лаьтта бошмашлелорхойн юкъараллаш – аьлча а, ярташ. Уьш кхоллаелла Советан заманахь, амма шорйина шира Iедал доьхначул тIаьхьа тIебаьхкинчу бахархоша. Оцу "бошмех" тоьлла кIошташ хилла хIинца, гIалара хьелаш цигахь дацахь а. Читать дальше...

Нохчийчуьра COVID-19, онкодиспансерехь вирус, ца ларъен бакъонаш, Хьабибан кхайкхам

Коронавирусан инфекцица къийсам латточу ГIалгIайчуьрчу лоьрашна орца кхаьчна Москвара. Методикан гIоьнна Оьрсийчоьнан коьртачу шахьарера кхо говзанча веана ГIалгIайчу аьлла, хаам бина "Кавказ.Реалии" портале республикан могушаллин министраллан зорбанчаша. "Дарбан хIусамашкара гIирс толлуш, цомгашчийн диагностика а, дарбадар а муха ду хьовсуш, толлуш ду цара", - аьлла кхетийна урхаллехь. Инфекцийн лоьрашна а, пульмонологашна а лерина мастер-классаш дIахьур ю Москварчу говзанчаша. Мехкан куьйгалхочун... Читать дальше...

Израилерчу Яффехь беха бусалба нах ламазаш деш бу машенаш хIитточу меттигашкахь. Кху шарахь Рамадан-бутт нисбелла дуьненахь дIайоьдуш коронавирусан эпидеми а йолуш. И бахьана долуш маьждигаш дIакъевлина ду. Ламазаш дан магийна майданашкахь, кхерамзалла а ларъеш, вовшашна юьккъехь метар сов меттиг а юьтуш, юьхь къовлуш туьтмIаьжиг а йолуш.

ТIаьххьарчу дийнахь-буса Къилбаседа Кавказехь коронавирусан уьнах велла 8 стаг, вирус кхетта кхин а 425 вахархочух. Оперативан штабан зерашца, Ставрополан кIоштахь велла 4 пациент, Дагестанехь а, ГIалгIайчохь а, Краснодаран кIоштахь а, ГIебарта-Балкхаройчохь а цхьацца кхелхина. Верриг а коронавирусан инфекцех Къилбаседа Кавказехь велла 77 стаг. Яхначу буса Къилба ХIирийчохь вирусца 121 пациент тIекхетта Къилба-ХIирийчоь+121 (эпидеми иккхичхьана верриг а 763) Дагестан +84 (1231) Краснодаран... Читать дальше...

Iамеркан Цхьаьнатоьхначу Штаташа хаам бина, шайн пачхьалкхехь 1 миллионал сов ву коронавирусан ун даьлларг аьлла. COVID-19 вирусах белла нах Въетнаман тIамехь байинчарал а алсам бу - 58 эзар сов пациент. Къаьсттина дукха нах белла Нью-Йорк штатехь. Таханалерчу дийнахь дарба хилла 142 эзар вахархочунна. Шайн пачхьалкхехь ун даьлла нах тIехсов хиларан бахьана ду, боху Iамеркан президенто Трамп Доналда, Цхьаьнатоьхначу Штаташкахь "тесташ яр кхечу пачхьалкхашкахьчул а дика хиларна". Кхаарин Iуьйранна Iорадаьхначу терахьашца... Читать дальше...

ГIалгIайчохь коронавирусан уьнах цIанвелла 102 стаг. Республикехь эпидеми яьржичхьана бинчу талламашца, 633 вахархочуьнца хааеллера COVID-19 вирус. 19 пациент велла. Дарбан хIусамашкахь охьавиллина ву 448 стаг, царлахь цамгар тIечIагIйина 288-нна. Чолхечу хьолехь ву 60 пациент, 13 ИВЛ аппаратна тIетесна ву, яздо РБК агенталло.

Дагестанан латархочо, UFC-н чемпионо Нурмагомедов Хьабиба дIахьедина, коронавирусан пандеми бахьана долуш хIоьттинчу хьолаца бегаш бан мегар дац аьлла. Цо кхайкхам бина махкахошка изоляцин раж ларъе аьлла. Спортхочунна хетарехь, яьккхина паника хиларна а, лоьраша дечу хьехарийн адамаша ледарло ярна а "цамгар маса яьржина". Цомгаш нах цIеххьашха алсамбовларна а, дарбан хIусамаш юьзна хиларна а лоьраш а, молханаш а тоаме дац боху Нурмагомедовс. Дагестанехь, тIаьххьарчу хаамашца, 1147 стаг ву коронавирусан ун даьлла, 11 пациент велла. Читать дальше...

Малхбалерчу Европан а, Юккъерчу Азин а пачхьалкхийн а, Оьрсийчоьнан а Iедалхоша COVID-19 пандеми бахьана долуш репрессеш лелош, адамийн бакъонаш хьоьшуш ю. Цу кепара дIахьедар дина кхаарин дийнахь арахецначу шен «Восточная Европа и Центральная Азия сталкиваются с COVID-19: Ответы и обязанности» цIе йолчу рапортехь бакъонашларъяран Amnesty International организацино, хаам бина "Голос Америки" зорбан гIирсан оьрсийн сервисо. "Регионехь коронавирусан хьоле хьаьжжина, дукхахболчу Iедалхошна, хетарехь... Читать дальше...

Нохчийчуьра онкологин диспансеран химиотерапин дакъа изоляцина дIакъевлина, церан пациентаца коронавирусан ун гучудаьллачул тIаьхьа, хаам бина шинарин дийнахь "Новости" агенталле диспансеран пресс-гIуллакххоша. "Дийнахь-бусий еш хилла химиотерапи цхьана ханна юкъахъяьккхина, процедураш еш хилла дакъа дIакъевлина, коронавирус шеца йолу пациент кхузахь хиллачул тIаьхьа. Боллу лоьраш а, цомгаш болу нах а изоляцехь бу",- аьлла онкологин диспансеран зорбанчаша. Ун даьлла зуда инфекцийн дарбан цIийне хьажийна... Читать дальше...

COVID-19 диагноз хIоттийна хилла кхин а цхьа пациент велла Нохчийчохь. Верриг а уьнах велларг ворхI ву хIинца, хаамбо REGNUM агенталло.  Шинарин сарахь тIаьххьара бечу хаамехь дина цу кепара дIахьедар могушаллла Iалашъяран министро Сулейманов Эльхана. Эпидеми яьржичхьана 79 стагана дарба хилла. Чолхечу хьолехь хиларца дарбан хIусамехь ИВЛ аппаратана тIетесна ву 11 вахархо. Кхин а 185 пациент ву кислородан гIоьнца латтош. Нохчийчохь COVID-19 вирус кхетта верриг а 447 вара, тIаьххьарчу буса царна тIекхетта кхин а 18 стаг. Читать дальше...