Новости за 12.01.2021

Хьехархо Пати Сэмюэл вер толлучу юкъанна Францехь шеконаш кхоллаелла лаьцна кхин а ворхI стаг. Терроризмца къийсам латточу декъо а, Коьртачу чоьхьарчу кхерамзаллан урхалло а юкъахь лецна и нах. Францин гIаланашкахь Лионехь а, Тулузехь а, иштта, кхин а шина департаментехь а талламаш бу дIахьош. Лецначарлахь нохчий хилла ца Iа, шеконашка эцначу цхьаболучеран инстаграмехь а, Snapchat олучу машанехь а зIенаш хилла хьехархо вийначуьнца, яздо Le Point ресурсо. Верриг а оцу гIуллакхна тIехула лаьцна ву 14 стаг. Читать дальше...

Соьлж-ГIалара Кабилов ницкъахоша вигина бохуш, чIагIдо цуьнан гергарчара; Нохчийчохь вийначу ТимурзиевгIеран шина вешин гергарнаш маьршабаьхна; нохчийн зударшка никIабаш охьаяхийтинчу муфтийгара Межиев Салахьера бехкбаьккхина Британерчу имамо

Ницкъахоша вигина 27 шо долу Кабилов Ахьмад бохуш, чIагIдо цуьнан гергарчара. Бакъоларъяран "Мемориал" центро бина цунах лаьцна хаам. Шен ненаца цхьана вехаш хилла Кабилов Соьлж-ГIаларчу Заводской кIоштан Андреевская Долина олучу меттигехь. Стохка, ГIуран-беттан 29-чохь Ахьмад а, цуьнан нана Кабилова Лида а Iачу хIусамна чулилхира герзашца, Iаьржа духаршца а, туьтмIаьжгашца а волу пхийттех стаг. "Шаьш муьлш ду а ца хаийтира цара, цхьана а кепара кехаташ а ца гайтинера, Ахьмадан нанас динчу цхьана а хаттарна жоп а ца деллера цара. Читать дальше...

ХьаьжцIа Iумрат дан баха луучу наха коронавирусах привикаш яйта еза. Al-Arabiya каналца хиллачу къамелехь дина иштта дIахьедар СаIуда Iаьрбийчохь хьаждаран а, Iумратан а хеттарш луьстучу министро Бентен Мухьаммад Салехьа. Карарчу хенахь зиярате эхар "кхераме дац" аьлла, тIетоьхна цо.

Дахначу шарахь Нохчийчуьрчу некъаш тIехь 900 эзар гергга меттиг бу низамаш ца лардина. Дуьхьал йогIучу машенийн новкъа буьйлуш, сфетофор латталц ца совцуш а шогаллица барамаш талхабо, доккхачу декъанна. Регионан Iедалхой лерина бу тIейогIучу хенахь некъан низамаш дохочаьрца къийсам латтон, къаьсттина бехк боккхур бу хьаькамашкара а, ницкъахошкара а. Дахначу шарахь некъаца хиллачу бохамех дуьйцучу оперативан штабан кхеташонехь дина оцу кепара дIахьедар Нохчийчоьнан куьйгалхочо Кадыров Рамзана. Яздо REGNUM агенталло. Читать дальше...

Подмосковьехь ша-шена тоьхна велла Москван областан Ступинский кIоштахь туп тоьхначу "Мещерино-I" (№30258) эскархойн декъан командир. Цунах лаьцна хаам бо ТАСС агенталло, низамашлардон органашкарчу хьастана тIе а тевжаш, яздо "Радио Свобода" зорбан гIирсо. Болчу хаамашца, и эскархойн дакъа ду Оьрсийчоьнан Инарлин штабан коьртачу талламан урхаллан (космосан таллам хила мегаш), ГРУ аларца евзаш ю и урхалла. Кхелхинчу командиран цIе йоккхуш яц. Болчу хаамашца, 2017-чу шеран Охан-баттахь дуьйна оцу тIеман декъана куьйгалла деш вара Попов Игорь.

Байначу беттан 28-чохь Соьлж-ГIалахь вийначу ТимурзиевгIеран шина вешин гергарнаш маьршабаьхна. Церан тайпанан векало Султыгов Рамзана бина и хаам. "Тимурзиев Ахьмадхан а, цуьнан хIусамнана а, йоI а цIа бахкийтина, карарчу хенахь ГIалгIайчохь бу уьш", - аьлла, яздина цо яхначу буса фейсбукерчу шен агIонехь. Шина кIиранчохь полисхоша лаьцна латтийра ТимурзиевгIеран Хьасанан а, Хьусейнан  да-нана а, йиша Зарета а. Террорхойн организацешца церан юкъаметтигаш хиллий хьовсуш, зераш дира ницкъаллийн структурийн белхахоша. Читать дальше...

ТIаьххьарчу дийнахь-буса Къилбаседа Кавказехь коронавиусан уьнах велла 34 пациент, ун даьлла кхин а 1 174 стагана. Инфекци ца яржийта Iалашонца вовшахтоьхначу оперативан штабо динчу зерашца, Краснодаран кIоштахь велла 16 дархо, Ставрополан махкахь бархI, Дагестанехь пхиъ, ГIалмакхойчохь шиъ, ГIебарта-Балкхаройчохь а, ГIалгIайчохь а, Адыгейхь а цхьацца кхелхина. Къилбаседа Кавказехь пандеми яьржичхьана велла COVID-19 вирусах 6 231 стаг. Къаьсттина дукха хаабелла ун даьлла нах тIаьххьарчу 24 сахьтехь Ставрополан махкахь – 243 стаг. Читать дальше...

Меттигерчу зударшка никIабаш охьаяхийтинчу Нохчийчоьнан муфтийгара Межиев Салахьера бехк боккхуш видео д1аязйина Британерчу имамо, шейхо Димашкъыйа Iабдурахьама. "Путинан муфтийс, Асад Башаран муфтийс, Кадыров Рамзанан муфтийс сийдоцург далийтина шегара, никIаб тиллина бусулба мехкарий полицино шена т1ебалийча. Цо тIедожийра царна никIаб охьаяккхар, вахабистийн а, Iарбойн а ламаст ду иза лелор аьлла. Шегара бехкаш даьхча, шен дешнаш юхаийцира цо: шена дуьхьалбевлларш шех нийса ца кхетта аьлла. Ша аьлларг "нийса ца гочдина" боху цо. Читать дальше...

ХьаьжцIа Iумрат дан  баха луучу наха коронавирусах привикаш яйта еза. Al-Arabiya каналца хиллачу къамелехь дина иштта дIахьедар СаIуда Iаьрбийчохь хьаждаран а, Iумратан а хеттарш луьстучу министро Бентен Мухьаммад Салехьа. Карарчу хенахь зиярате эхар "кхераме дац" аьлла, тIетоьхна цо. "Sehhaty" апликацехула коронавирусах вакцина эца хьийзачу, Iумрат дан ваха луучу муьлххачо а маха тохийта беза уьнна дуьхьал", - аьлла, дIахьедина Бентена. Цо бахарехь,  18 шарера 50 шаре бевллачу зияртхоша иштта ларъян еза социалан дистанци... Читать дальше...

Американ президенто Трамп Дональда чолхечу хьолан раж кхайкхийна Вашингтонехь (Колумби го), хаам бо "Амеркан озо". Иза яхлур ю Дечкен-беттан 24-чу дийне кхаччалц. Цуьнах лаьцна дIахьедина КIайн ЦIийно, тIедогIучу кIиранах хир йолу хаьржинчу президентан Байден Джо-н наугураци дIайоьдуш кхерамазалла йохо мегаш ю аьлла, Iедалхоша шаьш саготта хиларх лаьцна хийтинчул тIаьхьа. "Рейтер" агенталло бинчу хаамца, Американ Цхьаьнатоьхначу Штатийн президент Трамп Доналд а, вице-президент Пенс Майк а цхьаьнакхетта... Читать дальше...

"IAdat" Telegram-каналан модератор Тепсуркаев Салман лачкъорах бехкзуламан гIуллакх диллина Оьрсийчоьнан Талламан комитето. "Iазапашна дуьхьалояран Комитето" бина цунах лаьцна хаам. Организацин юристаша шайггара талламаш бича, церан каракхаьчначу тоьшаллашца билгалдаьлла, Нохчийчуьра полисхой оцу гIуллакхна гунахь хилар. "Тепсуркаев лачкъочу заманчохь камераша дIаязйина видео дIакхачийна бакъоларъярхоша талламчашка, иштта, иза вадочу нехан машенех информаци а. Юкъаралхойн гIоьнца аьтто баьлла... Читать дальше...