Новости за 27.05.2021

Еарин дийнахь Францин президент Макрон Эммнуэла къинтIерабовлар дийхира руандахошка 1994-чу шарахь 800 эзар тутси къоман наханна тIехь гIаттийна геноцид юхаяккха шен пачхьалкх цагIортарна. Руандин Кигали шахьарахь, геноцид бахьанехь велла 250 эзар стаг дIавоьллинчу дагалацаман комплексехь къамел деш Макрона элира, ша къинхетам боьху 1994-чу шарахь Iазап лайначу нахе. Цо бохура, Францино тIеоьцу ша конфликт йижош тоъал дакъа ца лацарна тIехьарчийна бехк, амма шен пачхьалкх ца хьийзира геноцид хIотто аьтто беш. Читать дальше...

ТIьаххьарчу дийнахь-буса Къилбаседа Кавказехь коронавирус кхетта хилар билгалдаьллачу нахах велла 24 пациент, цомгуш хиллар кхин а 273 стаг. Уьнна дуьхьалоечу оперативан штабан хаамца, Краснодар-махкахь COVID-19 цамгарх велла 12 стаг, Ставропол-махкахь – 5, Кхарачой-Чергазийчохь, Къилбаседа ХIирийчохь – шишша, ГIалмакхойчохь, Дагестанехь, Адыгейхь – цхьацца. Пандемин муьрехь верриг а велларг ву уьнах Къилбаседа Кавказехь 10 178 стаг. Уггаре дукха бу дийнахь буса цамгар кхеттарш Краснодар-махкахь, уггаре к1езиг – Къилбаседа Х1ирийчохь. Читать дальше...

Тула гIалина гергахь вехачу @andrey_bushmelev_2021 ник йолчу кхин а цхьана блогеро дехна Нохчийчоьнан куьйгалхочуьнга Кадыров Рамзане шена къинтIеравалар. Цо хьалхо иза "шайтIа" ду, шен Iожаллах лийр волуш вац, шеца тапча лелор тоьлу цунна, аьллера хьаькамах лаьцна. ТикТокехула блогеро ша Кадыровна лер дуьйзира ша "метта чоьнна тIе мелла" хиларца. Хинца еллалуш яц цуьнан аккаунт, амма "eldit.net" инстаграм-агIонехь хьажало цуьнан видеога. Хаам бина ма-хиллара, Нохчийчоьнал арахьарчу нохчийн диаспорашкахь нах бу Нохчийчоьнан куьйгаллина... Читать дальше...

Къилбаседа Кавказера схьаваьлла виъ стаг лаьцна Францехь

Нохчийчоьнал арахьа диаспорашкарчу нохчаша лоьху Оьрсийчоьнан бахархойх болу, шайн мехкан куьйгаллина а, Кадыров Рамзанна а, цуьнан доьзална а вон дешнаш олуш нисло бахархой. Оцу хьокъехь дийцина URA.ru агенталле юкъараллин жигархочо Мамаков Салавдис. Регионашкахь болу Нохчийчоьнан векалш декхаребо Нохчийчоьнан куьйгалхочух вониг олуш верг зен а, схьакаро а, боху хьалха и болх ша а бина волчу Мамаковс. Лоьхург сихха схьакарорхьама лехамийн декъаузу низамхойн хьукматаш, церан гIоьнца сихха схьакарабо ишта нах. Читать дальше...

Францин Лахара Рейн департаментехь лаьцна Къилбаседа Кавказера схьаваьлла виъ вахархо. Талор дан кечбаларх йолчу шеконца лецна уьш, хаам бо le Parisien газето. DGSI урхаллерчу (чоьхьарчу талламийн хьукмат) полисхоша лецна уьш Стигалкъекъа-беттан 26-чохь террорхойн тобанаш Iорайохучу Халкъан антитерроран прокуратуро (Pnat) дIахьочу зерашца доьзна. Веаннах кхоъ ву кхаизхо (16-17 лет) шераш, 18 шо ду цхьаьннан. Кхоъ ву царех нохчо. Хьалхо хаам баьржира 39 шо долу Нохчийчуьра схьаваьлла Гантемиров Якъуб лацаран хьокъехь... Читать дальше...

Ессентуки гIалин кхело юхабаьккхина гIалгIайн хьалханчех волчу цхьанна, Погоров Ахьмадна, цIахь лаьцна сацо магош бина хилла сацам – юха а изоляторе хьажийна иза. Бахьана карийна, адвоката Гагиев Мохьмада дицарехь, экстремистийн тобанца хиларна иза бехкевеш хиларца: хIинццалц цунна бехкедийриг дара Iедалан векалшна гIелояр. Бехктакхам толлуш ю федералан гонан Къилбаседа Кавказехула йолу Коьрта талламан урхалла.  “Карарчу ханна соьгахь яц официалан цхьа а информаци, цхьа кехат, кхел ладегIаршка гуллуш ца хаийтина тхуна... Читать дальше...