Новости за 01.02.2018

АКШнын администрациясы 7 миң сириялыктын атайын статусун дагы 18 айга узартты. Муну менен алар согуш жүрүп жаткан мекенине кайтпай, Америкада убактылуу кала алышат. АКШнын ички иштер министри Кирстен Нилсендин 31-январдагы билдирүүсүндө Сириядагы кырдаалды эске алуу менен ошол кишилердин "убактылуу коргоодогу адамдар" деген статусун узартуу боюнча чечим кабыл алынганы айтылат. Чечим чыкпаса, марттан кийин сириялыктар үйлөрүнө кайтууга мажбур болмок. Бирок бул чара АКШга 2016-жылы же ага чейин баргандарга гана тиешелүү. Читать дальше...

Орусиянын президенти Владимир Путин орус спортчуларынан кечирим сурады. Кызытма чырынан улам Эл аралык Олимпиада комитети Түштүк Кореяда өтчү кышкы оюндарга 169 спортчуга гана уруксат берген.

Орусиянын президенти Владимир Путин орус спортчуларынан кечирим сурады. Кызытма чырынан улам Эл аралык Олимпиада комитети Түштүк Кореяда өтчү кышкы оюндарга 169 спортчуга гана уруксат берген. Ал ортодо Спорт боюнча арбитраждык сот мелдештерден өмүр бою четтетилген 43 орус спортчусунун арызын карап жатат.

Орусиянын БУУдагы элчиси Иран Йемендеги хусит козголоңчуларга курал-жарак берип жатканы боюнча Вашингтондун колунда жетиштүү далилдер бар экенине Москва ишенбей турганын айтты.  Элчи Василий Небензя АКШнын башкалаасына барып ракеталардын бөлүктөрү сыяктуу далилдерди көрүп чыккан. Вашингтондун маалыматы боюнча, ал далилдер хуситтер былтыр ноябрда Сауд Арабиясынын аймагына ракета аткандан кийин топтолгон. Американын БУУдагы миссиясынын башчысы Никки Хейли Коопсуздук кеңешине кирген 14 өлкөнүн элчилерин ошол далилдерди көрүп чыгууга чакырган. Читать дальше...

Орусиянын БУУдагы элчиси Иран Йемендеги хусит козголоңчуларга курал-жарак берип жатканы боюнча Вашингтондун колунда жетиштүү далилдер бар экенине Москва ишенбей турганын айтты.  Элчи Василий Небензя АКШнын башкалаасына барып ракеталардын бөлүктөрү сыяктуу далилдерди көрүп чыккан. Вашингтондун маалыматы боюнча, ал далилдер хуситтер былтыр ноябрда Сауд Арабиясынын аймагына ракета аткандан кийин топтолгон. Американын БУУдагы миссиясынын башчысы Никки Хейли Коопсуздук кеңешине кирген 14 өлкөнүн элчилерин ошол далилдерди көрүп чыгууга чакырган. Читать дальше...

Жогорку Кеңештин депутаты Кенжебек Бокоев Кыргызстандын бүт аймактарындагы жылуулук тармагын текшерип чыгууну сунуш кылды. Ал бул тууралуу 1-февралда парламент жыйынында Бишкектеги жылуулук маселеси талкууланып жаткан учурда кеп козгоду.  - Сапаты жок жылуулук берилсе, ага акы төлөнүшү керекпи же жокпу? "Азаттык" радиосунда ушул маселедеги берүүнү уктум. Бардык жерде сапатсыз экен. Эл соттошсо да, айла жок соттун чечими менен төлөп жатат. Бул Кыргызстан боюнча маселе. Ошондуктан жылуулукка "канааттандырарлык эмес" деген баа берүү туура болот.

Кыргызстанда 2-февралда жаан-чачын болбойт. Жолдорго муз тоңот. Батыштан соккон шамалдын ылдамдыгы секундуна 3-8 метрге жетет. Абанын температурасы: Чүй өрөөнүндө түнкүсүн -5...-10, күндүз 3...8, Талас жана Баткен облустарында түнкүсүн -4...-9, күндүз 3...8, Ош менен Жалал-Абадда түнкүсүн -3...-8, күндүз 3...8, Ысык-Көл дубанында түнкүсүн -4...-9, күндүз 0...5, Нарын жергесинде түнкүсүн -20...-25, күндүз -6...-11, Бийик тоолуу аймактарда түнкүсүн -23...-28, күндүз -8...-13° болот. Бишкек шаарында жаан-чачын жок. Читать дальше...

Кыргызстан кен чыккан аймактарда жергиликтүү эл менен инвесторлордун чыр-чатактарын жөнгө салуунун жолдорун издеп жатат. Бул максатта атайын колдонмо даярдалды.

Польшанын Сенаты поляктардын Холокосттогу терс ролу тууралуу сөздөр үчүн жазаны караштырган талаштуу мыйзам долбоорун кабыл алды. Өлкөнүн аброюн коргоону максат кылган мыйзам АКШ менен Израилдин сынына карабай жактырылды. Бүгүн жогорку палатада колго салынган документте нацисттердин концлагерлерин “поляк өлүм лагерлери” деп атагандарды жана Польшаны "нацисттердин кылмыштарына жардам берген" деп айыптагандарды үч жылга чейин түрмөгө кесүү же айыппул салуу каралган. Долбоор эми президенттин кол коюусуна жөнөтүлмөкчү. Читать дальше...

Режиссер Садык Шер-Нияздын “Курманжан датка” тасмасы казак тилине которулуп, Казакстандын "Астана" телеканалында элге көрсөтүлдү. Январдын соңунда эфирге берилген фильмди ушул күндөрү соцтармактарда казакстандыктар кызуу талкуулап жатышат. Көбү кино жогорку деңгээлде тартылганын белгилеп, жылуу пикирин билдирүүдө. "Курманжан датка" тасмасын тартууга мамлекеттик казынадан 70 млн. сом сарпталган. 2014-жылы экранга чыккан тарыхый тасма буга чейин бир канча фестивалда алкоого арзыган.

2017-жылы АКШдан кыргызстандык 17 жаран депортацияланды. 2016-жылы 16 кыргызстандык өлкөдөн чыгарылган. Бул тууралуу АКШнын Миграция жана бажы кызматы тараткан баяндамада айтылат.  Маалыматта 2017-жылы 14 казакстандык депортация болгону, 2016-жылы өлкөдөн 19 казак жараны чыгарылганы жазылган. Ошондой эле 2017-жылы 15 өзбекстандык, 9 тажикстандык депортацияга кабылган, бир жыл мурун 28 өзбек жараны, 8 тажик жараны чыгарылган.

Жогорку Кеңештеги "Ата Мекен" фракциясынын депутаты Аида Саляновага берилген мамлекеттик жактоочуга 12 томдук иш менен таанышып чыгууга уруксат берилген жок.  Бүгүн, 1-февралда Бишкек шаардык сотунда соттук жыйын уланууда. Саляновага жаңы дайындалган мамлекеттик жактоочу Саня Ахмаметова иш менен таанышууга судьядан убакыт сурады, бирок судья Ирина Воронцова аны канааттандырган жок. Буга Аида Салянова да нааразылык билдирип, 12 томду бир күндө окуп чыгуу мүмкүн эмес экенин айтып, сотко ишенбөөчүлүк көрсөттү. Читать дальше...

31-январда Москвада адамдардын укуктары жана негизги эркиндиги үчүн күрөшкөн журналисттер менен коомдук ишмерлерге Сахаров атындагы сыйлык тапшырылды. Алардын ичинде маркум журналист Алишер Саиповго "Эрдик үчүн" ордени ыйгарылды.

Диний ишмер Адахамжан Хакимов билим алуунун зарылдыгы, экстремизмдин тамырлашынын себептери тууралуу "Азаттыкка" ой бөлүштү.

Жогорку Кеңештеги "Ата Мекен" фракциясынын депутаты Каныбек Иманалиев спикер Дастанбек Жумабеков өкмөт башчыны коргоого аракет кылып, парламенттин аброюна шек келтирип жатат деп сындады. Мындай пикирин 1-февралда жалпы жыйында сүйлөп, 31-январь күнү Бишкектеги Жылуулук борборуна байланыштуу маселе каралып жатканда өкмөттү сындаган депутаттарга парламент төрагасы комментарий берип, бир канча жолу премьер-министрге сын айттырбаганга аракет кылганын белгиледи: - Мурун да спикерлер өкмөт башчыга каршы болгон эмес... Читать дальше...

Жогорку Кеңештеги "Ата Мекен" фракциясынын депутаты Каныбек Иманалиев спикер Дастанбек Жумабековду "өкмөт башчыны коргоого аракет кылып, парламенттин аброюна шек келтирип жатат" деп сындады. Мындай пикирин ал 1-февралда жалпы жыйында сүйлөп, 31-январь күнү Бишкектеги Жылуулук электр борборуна байланыштуу маселе каралып жатканда өкмөттү сындаган депутаттарга парламент төрагасы комментарий берип, бир канча жолу премьер-министрге сын айттырбаганга аракет кылганын белгиледи:  - Мурун да спикерлер өкмөт башчыга каршы болгон эмес... Читать дальше...

Кыргызстандыктардын көпчүлүгү өлкө светтик багытта өнүгүшү керек деп эсептейт. Диний кырдаалды изилдөөгө алган социологиялык сурамжылоонун жыйынтыгы ушундай экенин “Азаттык” радиосуна Бириккен Улуттар Уюмунун Өнүктүрүү программасынын адиси Артур Букалаев билдирди. Анын айтымында, сурамжылоодо “Сиз мамлекет менен диндин ортосундагы мамилени кандай көрөсүз?” деген суроо коюлган: - Ага жооп бергендердин 74% Кыргызстан светтик мамлекет болушу керек деген. Дээрлик 14% “ислам мамлекетте маанилүү роль ойношу зарыл” десе... Читать дальше...

Кыргызстандыктардын көпчүлүгү өлкө дүйнөбий (светтик) багытта өнүгүшү керек деп эсептейт. Диний кырдаалды изилдөөгө алган социологиялык сурамжылоонун жыйынтыгы ушундай экенин “Азаттык” радиосуна Бириккен Улуттар Уюмунун Өнүктүрүү программасынын адиси Артур Букалаев билдирди. Анын айтымында, сурамжылоодо “Сиз мамлекет менен диндин ортосундагы мамилени кандай көрөсүз?” деген суроо коюлган: - Ага жооп бергендердин 74% "Кыргызстан дүйнөбий мамлекет болушу керек" деген. Дээрлик 14% “ислам мамлекетте маанилүү роль ойношу зарыл” десе... Читать дальше...

«Ак илбирс-2018" улуттук кино сыйлыгына тасмаларды кабыл алуу башталды. Бул тууралуу 31-январда Маданият, маалымат жана туризм министрлигинин басма сөз кызматы кабарлады. Түрдүү жанрдагы фильмдерди Кинематографисттер бирикмеси 1-мартка чейин кабыл алат. Жеңүүчүлөрдү сыйлоо апрелде болот.  Жыл сайын берилчү "Ак илбирс" сыйлыгы 2012-жылы уюшулган. Анын демилгечилери - Кыргызстандын Кинематографисттер союзу, «Айтыш» коомдук фонду, Кинону өнүктүрүү фонду жана Кинематография департаменти. (SE)

«Ак илбирс-2018" улуттук кино сыйлыгына тасмаларды кабыл алуу башталды. Бул тууралуу 31-январда Маданият, маалымат жана туризм министрлигинин басма сөз кызматы кабарлады. Түрдүү жанрдагы фильмдерди Кинематографисттер бирикмеси 1-мартка чейин кабыл алат. Жеңүүчүлөрдү сыйлоо апрелде болот.  Жыл сайын берилчү "Ак илбирс" сыйлыгы 2012-жылы уюшулган. Анын демилгечилери - Кыргызстандын Кинематографисттер союзу, «Айтыш» коомдук фонду, Кинону өнүктүрүү фонду жана Кинематография департаменти. (SE)

Оштун Алай районунда 28-январдан бери дайыны чыкпай жаткан мергенчи изделүүдө. Өзгөчө кырдаалдар министрлигинин басма сөз кызматы билдиргендей, Октябрь айылынын Д.Матишов аттуу тургуну Сары-Күңгөй тоосун көздөй аң уулоого кеткен бойдон келген эмес. Ал акыркы жолу 28-январда кечки саат төрттө үй-бүлөсү менен телефон аркылуу байланышкан.  Дайынсыз жоголгон мергенчини издөө иштери 30-январда башталып, ага Өзгөчө кырдаалдар министрлигинин алты куткаруучусу, милиция кызматкерлери жана туугандары катышууда. Читать дальше...

Жогорку Кеңештин депутаты, "Өнүгүү-Прогресс" фракциясынын мүчөсү Камчыбек Жолдошбаев кызматтык автоунаалардан баш тартуу маселесин журналисттерди катыштырбай талкуулоону сунуш кылды. Мындай пикирин ал 1-февралда парламенттеги жалпы жыйында айтып, депутаттар жана алардын жардамчылары маршруттук кичи автобустарда жүргөнүнө, жумушка жөө каттап жатканына уяларын билдирди. Жолдошбаев кызматтык машинелерден айрым депутаттар баш тартканы менен, ал унааларды башкалар колдонуп, баары бир бюджеттен акча короп жатканын кошумчалады. Читать дальше...

Өзбекстандын президенти Шавкат Мирзиёев Улуттук коопсуздук кызматынын башчысы Рустам Иноятовду 31-январда иштен алды. Ташкент тараткан расмий маалыматка ылайык, ал Мирзиёевге мамлекеттик кеңешчи болуп дайындалганына байланыштуу ээлеген кызматынан бошотулду.

Жогорку Кеңештин депутаты, "Өнүгүү-Прогресс" фракциясынын мүчөсү Камчыбек Жолдошбаев кызматтык автоунаалардан баш тартуу маселесин журналисттердин катышуусу жок талкуулоону сунуштады. Мындай пикирин ал 1-февралда парламенттеги жалпы жыйында айтып, депутаттар жана алардын жардамчылары маршруттук кичи автобустарда жүргөнүнө, жумушка жөө каттап жатканына уяларын билдирди.  Жолдошбаев кызматтык машинелерден айрым депутаттар баш тартканы менен, ал унааларды башкалар колдонуп, баары бир бюджеттен акча коротулуп жатканын кошумчалады. Читать дальше...

Өзбекстандын президенти Шавкат Мирзиёев Улуттук коопсуздук кызматынын башчысы Рустам Иноятовду 31-январда иштен алды. Ташкент тараткан расмий маалыматка ылайык, ал Мирзиёевге мамлекеттик кеңешчи болуп дайындалганына байланыштуу ээлеген кызматынан бошотулду.