Чүйдөгү Аламүдүн районунун акими болуп Алтынбек Намазалиев дайындалды. Тиешелүү буйрукка премьер-министр Мухаммедкалый Абылгазиев кол койгонун өкмөт кабарлады. Ал буга чейин районду башкарып келген Касымбек Чодуровдун ордун ээледи. 47 жаштагы Намазалиев буга чейин прокуратура тармагында иштеген. Ал Башкы прокуратурада өтө олуттуу иштер боюнча тергөөчү, Жайыл районунун прокурору болуп эмгектенген. (BkA)
Грузияда өкмөткө каршы митинг кайра жанданып, "өлтүрбө" деген чакырык күчөп баратат. Полиция митингди уюштургандардын бири Звиад Куправаны, катышуучулардан дагы үчөөнү "бейбаштык кылды" деп кармап кетти. Тбилисиде эки окуучунун өлүмү менен бүткөн мушташ боюнча 31-майда сот чечими чыккан. Бирок алардын бирин ким өлтүргөнү белгисиз бойдон калган. Буга күйгөн баланын атасы митинг уюштуруп, аны миңдеген адамдар дароо колдоду. Нааразылар өкмөт башчы жолуккандан кийин ага 10-июнга чейин тиешелүү адамдарды жазалап... Читать дальше...
11-июнда эртең менен Кундуз провинциясында “Талибандын” жоочулары көзөмөл бекетине кол салганда ооган коопсуздук күчтөрүнүн 15 кызматкери каза тапты. Бул тууралуу провинциянын жетекчилиги маалымдады. Жергиликтүү кеңештин мүчөсү Аминулла Аяддин аскерлер ооз ачууга отурган маалда чабуул коюлганын билдирди. Анда 10 жоокер жана беш полиция кызматкери өлтүрүлгөн. Ал ортодо Нангархар провинциясынын борборунда да дүйшөмбүнүн таңында кол салуу болуп, жабыр тарткандар канча экени айтыла элек. Чабуул... Читать дальше...
Диний фанатизмдин кесепеттери жана өлкөгө тийгизген зыяны тууралуу жазуучу Мирзахалим Каримовдун ой-толгоосу.
Ала качууга туш болуп, кийин Жайыл райондук милициясынын имаратында өлтүрүлгөн 20 жаштагы Бурулай Турдаалы кызынын өлүмүнө шектүү Марс Бөдөшев ооруканадан чыга элек. Бул тууралуу Ички иштер министрлиги кабарлады. Маалыматка ылайык, учурда ал жаткан палата кайтарууга алынган. Алган жаратына байланыштуу дарыланып чыгары менен камакка алынат. Буга чейин сот аны эки айга камакка алуу боюнча чечим чыгарган. 27-майда Жайыл райондук ички иштер бөлүмүндө Медициналык коллеждин 20 жаштагы студенти Бурулай... Читать дальше...
15 жаштагы Айпери тубаса майып. Талма оорусунан жабыркаган кыздын акыл-эси өспөй калган. Кыргызстанда Айпериге окшогон 71 миңден ашуун акыл оорулуу адам каттоодо турат. Аларды баккан үй- бүлөлөрдүн көбүнүн жашоо-шарты начар. Айрыкча психикалык жактан майып баласын баккан ата-энелердин бирөө сөзсүз иштебейт. Мындай ата-энелерге жана бейтаптарга жардам иретинде 2007-жылдан бери "Менталдык көйгөйү бар жарандарга социалдык жардам" долбоору иштеп, психикалык жактан оорулуу адам жашаган үйдүн шарттарын жакшыртуу ишке ашууда. Читать дальше...
Биринчи орунду 582,5 килограммды көтөрүү менен япониялык спортчу алса, коло медалга 570 килограммды кармап Перу мамлекетинин өкүлү ээ болду.
4-6-июнь күндөрү Улуттук госпиталдын микрохирургия бөлүмүндө Түштүк Кореянын "Vision Care" кайрымдуулук фонду жакыр топторго багытталган акция өткөрдү. Өлкөнүн ар тарабынан келген 529 бейтап акысыз текшерилип, 61 оорулууга көздүн катарактасын алуу боюнча операция жасалды. 100 оорулуунун көзүнө көз айнек тандалды. Операциялардын ийгиликтүү өткөнүн Саламаттык сактоо министрлиги кабарлайт. (BCh)
Жекшембиде Испаниянын курамындагы Басктар өлкөсүнүн миңдеген тургуну өзгөчө акция өткөрүштү. Кол кармашкан кишилердин 202 чакырымга жеткен чынжыры пайда болду. Алар Испаниядан бөлүнүш үчүн референдум өткөрүүгө укук берүү талабы менен чыгышкан. "Биз демократияны, саясий, жарандык жана негизги укуктарыбызды коргош үчүн чыктык" - деди уюштуруучулардын бири. Басктар өлкөсү - Испаниянын түндүгүндөгү автономия. Өз алдынча маданияты, тили бар. Жергиликтүүлөрдүн көбү эгемендик алууну колдобойт. Бирок басктыктар... Читать дальше...
Коррупцияга шектүү катары июндун аягына чейин камакка алынган Бишкек шаарынын экс-мэри Кубанычбек Кулматовдун бөгөт чарасын өзгөртүү боюнча баш калаанын сотуна арыз жазылды. Бул тууралуу анын адвокаты Сергей Слесарев билдирди. Анын айтымында, Кулматовду камакка алуу боюнча Биринчи май райондук сотунун чечими туура эмес болгон. Ошондуктан шаардык сотко экс-мэрди үй камагына чыгаруу өтүнүчү жиберилди. Арыз ушул аптанын ичинде каралышы күтүлүүдө. Быйыл 18-майда Башкы прокуратура козгогон кылмыш ишинин... Читать дальше...
Италиянын жакында эле кызматка дайындалган ички иштер министри Маттео Сальвини Жер ортолук деңизиндеги 600дөн ашуун мигрантты салган кемени Мальта кабыл албаса, ал орто жолдо калган качкындар үчүн өз өлкөсүндөгү бардык портторду жабарын эскертти. Жер ортолук деңизиндеги куткаруучулар тобу "Aquarius" кемеси деңизде калган 629 мигрантты өз бортуна салганын 9-июнда билдирген. Ашынган оңчулдардан турган «Лига» кыймылынын лидери, министр Сальвини жогорудагы билдирүүнү Италиянын транспорт министри Данило Тонинелли менен бирге жасады. Читать дальше...
Жаза аткаруу мамлекеттик кызматы (ЖАМК) кабарлагандай, №27 абакта ачкачылык кармап отургандардын төртөө тамак жей баштады. Бул тууралуу аталган кызматтын басма сөз катчысы Элеонора Сабатарова “Азаттыкка” билдирди. - Ачкачылык кармагандар деле биз берген тамактан баш тартканы менен өздөрү ооз бекитип, ооз ачып, эки маал тамак ичип эле жатышат. Абалы жакшы эле. 8-июнда Чүйдүн Молдовановка айылындагы абакта 60ка жакын соттолуучу ачкачылык жарыялаган. ЖАМКтын кабарына ылайык, алар шартты жакшыртууну талап кылышкан. Читать дальше...
Башкы прокуратура “Ата Мекен” партиясынын камактагы лидери Өмүрбек Текебаевдин ишиндеги жаңы жагдай катары көрсөтүлгөн учурларды карап жатат. Бул тууралуу Текебаевдин адвокаттарынын бири Таалайкүл Токтакунова “Азаттыкка” билдирди. Анын айтымында, ишти прокуратуранын атайын башкармалыгынын тергөөчүсү Алишер Рустамбаев карап жатат. Буга чейин башкы прокурор Өткүрбек Жамшитов Текебаевдин ишиндеги жаңы жагдайлар боюнча арызды кароо боюнча тапшырма берилгенин жана мыйзамдын негизинде караларын билдирген эле. Читать дальше...
Бул тууралуу Жогорку Кеңештин тармактык комитетинде отчет берип жаткан Эсеп палатасынын төрагасы Улукбек Марипов билдирди. Анын айтымында, министрликтин 2016-жылдагы бюджети текшерилгенде 257 млн. сомдук каржылык мыйзам бузуу аныкталган. Бул жалпы каржылык мыйзам бузуунун 20 пайызын түзөт. Эсеп палатасынын буга чейин билдиргени боюнча каржылык мыйзам бузуунун басымдуу бөлүгү жолдорду оңдоодо иштин, материалдын баасын ашыра көрсөтүү менен байланыштуу. Транспорт жана жолдор министрлиги бул дооматтарды четке кагып, соттошорун эскерткен болчу.
“Кыргыз темир жолу” мекемеси кабарлагандай, Боом капчыгайында 11-июндан 15-июнга чейин атайылап таш кулатылат. Түрдүү кырсыктардын алдын алуу максатында ушул күндөрү 9:00дөн 15:00гө чейин жол маал-маалы менен жабылат. Жолдогу чектөөгө ИИМдин Кайгуул-күзөт башкармалыгынын кызматкерлери көзөмөл кылат. Ал эми Ысык-Көл тарапка баруучу автомашиналар айланып өтүүчү жол аркылуу өткөрүлөт. (КЕ)
АКШ менен Түндүк Кореянын делегациялары 11-июнда Сингапурда өтчү президент Дональд Трамп менен Түндүк Кореянын лидери Ким Чен Ын катышкан саммитке даярдыкты аягына чыгарыш үчүн жолугушат. Ак үйдүн басма сөз катчысы Сара Сандерс Кошмо Штаттардын Филиппиндеги элчиси Пхеньяндын делегациясы менен сүйлөшкөн топту жетектээрин билдирди. Трамп менен Ким Сингапурга 10-июнга келишкен. Америкалык жана түндүк кореялык лидерлердин биринчи жолугушуусу шейшембиде Сентоза аралында өтөт. Эки лидер Пхеньяндын... Читать дальше...
Кыргызстан-Кытай мамилеси, кол коюлган келишимдер жана берилген жардамды натыйжалуу пайдалануу боюнча Жогорку Кеңештин депутаты Акылбек Жапаров "Азаттыктын" суроолоруна жооп берди.
2016-жылы 300дөн ашуун айыл өкмөтү текшерилди. Анда 80 млн. сомдук финансылык тартип бузуу аныкталганын бүгүн Эсеп палатасынын иши жөнүндө Жогорку Кеңештин тиешелүү комитетине отчет берип жатып анын жетекчиси Улукбек Марипов билдирди. Маалыматка караганда, 30дан ашык кылмыш иши козголду. Депутат Сайдулла Нышанов текшерүү, кылмыш ишин козгоо туура эмес экенин, андай болсо кийин айыл өкмөттө эч ким иштебей каларын билдирди. Эл өкүлү алардын сабатын, сапатын жогорулатуу боюнча иштерди күчөтүүнү сунуш кылды. Читать дальше...
Улуттук банк “Росинбанктагы” мыйзам бузуу фактыларын 2014-2015-жылдары аныктаган. Бул тууралуу Улуттук банктын төрагасы Толкунбек Абдыгулов билдирди. Анын айтымында, текшерүүнүн жыйынтыгында “Росинбанктагы” мыйзам бузууга байланыштуу 6 миллион сом айыппул салынып, жетекчиликти иштен четтетүү талабы коюлган. Абдыгулов бул талаптар аткарылганын кошумчалады. Буга чейин Экономикалык кылмыштарга каршы күрөш боюнча мамлекеттик кызмат (Финполиция) “Росинбанкта” мыйзамсыз акчаны адалдаштыруу боюнча кылмыш ишин козгогон. Читать дальше...
Жалал-Абад шаарынын мэри болуп Мураталы Тагаев шайланды. Шаардык кеңештин бүгүнкү жыйынында жергиликтүү депутаттар ушундай чечим кабыл алышты. Добуш берүүдө жыйынга катышкан 30 депутаттын 18и Тагаевге, ал эми 11 депутат “Ата Журт” фракциясынан көрсөтүлгөн Шайырбек Ташиевге добуш берген. Бир депутат “баарына каршы” добуш берген. 40 жаштагы Мураталы Тагаев буга чейин Жалал-Абад шаардык кеңешинин төрагасы болуп эмгектенип келген. Анын атаандашы Шайырбек Ташиев да шаардык кеңеште депутат. Ал “Ата... Читать дальше...
Чүйдүн Молдовановка айылындагы №27 колонияда кармалгандар ачкачылык кармоону улантышууда. Бул тууралуу Жаза аткаруу мамлекеттик кызматы (ЖАМК) кабарлады. Маалыматка ылайык, учурда 56 соттолуучу тамактан баш тартып жатат. Алардын арасында оозун төөнөп алгандар да бар. Өткөн аптадан бери ачкачылык кармагандар абактын ичинде тамак жасоого, чөнтөк телефон колдонууга уруксат берүүнү талап кылышууда. ЖАМК мындай талаптар соттолуучуларды кармоо талабына туура келбей турганын билдирген. 9-июнда Акыйкатчы... Читать дальше...
Кытайдын Циндао шаарында өткөн Шанхай Кызматташтык Уюмунун кезектеги саммитинде декларация менен кошо биргелешкен 20дай документке кол коюлду. Жыйында коопсуздук маселеси менен катар мүчө өлкөлөрдүн экономикасын илгерилетүү маселесине басым жасалды.
Улуттук банктын алтын-валюта резервинде 6,9 тонна алтын сакталып турат. Бул тууралуу аталган банктын төрагасы Толкунбек Абдыгулов парламенттин бюджет боюнча комитетинин жыйынында билдирди. Анын айтымында, алтын резервине Кыргызстандан өндүрүлгөн алтын сатып алынат. Абдыгулов 2015-жылы төрт тоннадан ашык алтын болсо, акыркы эки жылда резервдеги алтындын көлөмү көбөйгөнүн маалымдады. Ошондой эле Абдыгулов банк былтыр каржылык интервенциялардын эсебинен 2 миллиард сом киреше тапканын кошумчалады. Читать дальше...
Экономикалык кылмыштарга каршы күрөшүү кызматы Бишкектеги компаниялардын бири салык жашырып жүргөнүн аныктады. Бул тууралуу аталган кызмат кабарлады. Маалыматта айтылгандай, кызмат салык мыйзамдарын аткаруу боюнча текшерүү жүргүзгөн. Анын алкагында, «А.К.» деп аталган жоопкерчилиги чектелген коомдун 53 миллион сомдон ашык салыкты жашырып жүргөнү аныкталган. Бул боюнча Кылмыш кодексинин “Чарба жүргүзүүчү субъекттердин кызмат адамдарынын ири өлчөмдө салыктарды төлөөдөн четтөө» беренеси боюнча иш козголду. Читать дальше...
Кылмыштардын бирдиктүү реестри быйыл жылдын этегине чейин ишке кирет. Бул тууралуу өкмөттүн маалымат кызматынан кабарлашты. Маалыматка ылайык, Кылмыштардын бирдиктүү реестри жана электрондук китепти иштеп чыгуу боюнча өкмөттө жыйын өтүп, атайын жумушчу топ түзүү чечими кабыл алынды. Бул иштерди Башкы прокуратура көзөмөлдөйт. Натыйжада быйылкы жылдын 1-октябрына чейин кылмыштарды каттоого алган электрондук китепти, ал эми 20-декабрга чейин бирдиктүү реестрди ишке киргизүү тапшырмасы берилди. Буга... Читать дальше...
