Новости за 25.05.2023

په افغانستان کې د ملګرو ملتونو ادارو له طالبانو سره موافقه وکړه چې د مرستو د سم وېش لپاره به د طالبانو د سرپرست حکومت له ادارو سره د همغږۍ یوه کمېټه جوړه کړي. د طالبانو د بهرنیو چارو د وزارت مرستیال ویاند حافظ ضیا احمد تکل په خپل ټویټر کې د دې کمېټې د جوړېدو خبر ورکړ. دا خبر وروسته تر دې خپور شو چې په کابل کې د بهرنیو چارو په وزارت کې پرون د ملګرو ملتونو ادارو او د طالبانو د سرپرست حکومت د استازیو غونډه جوړه شوه. په افغانستان کې د ملګرو ملتونو د بشري چارو همغږي کوونکي رامز الاکبروف چې د یوناما... Читать дальше...

د افغانستان په اړه د نړيوالو ورځپاڼو تبصرې واشنګټن پوسټ: واشنګټن پوسټ ورځپاڼې کابل ته له بلغاریا د هغو اتلسو افغانانو د جسدونو د لېږدولو په اړه یوه لیکنه خپره کړې چې په فبرورۍ میاشت کې په هغه هېواد کې په قاچاقي توګه نورو اروپایي هېوادونو ته په لار یې خپل ژوند له لاسه ورکړی و. بلغاریایي چارواکو د دغو افغانانو جسدونه پلازمېنې صوفیې ته نږدې د یوې لویې لارې ترڅنګ په یوه پټه خونه کې موندلې وو. د بلغاریا د جنایي تحقیقاتو د ادارې مشر دا په دې هېواد کې د کډوالو اړوند تر ټولو خونړۍ پېښه یاده کړې ده. Читать дальше...

د راک نامتو سندرغاړې 'تینا ترنر' د ۸۳ کلونو په عمر مړه شوه. تينا ترنر چې په امریکا کې زېږېدلې وه، د یوه بزګر په کور کې سخت ژوند پیل کړ او یوه بې‌سارې سندرغاړې شوه. مېرمن ترنر د راک موسیقي ملکه په پنځوسمې لسیزې کې چې راک موسیقي نوې مشهوره شوې وه له موسیقي سره یو ځای شوه. د دې شهرت په اتیایمه لسیزه کې اوج ته ورسېد چې له خپلو اتو لویې جایزو څخه یې شپږ په اتیایمه لسیزه کې ترلاسه کړې دي. مېرمن ترنر پرون وروسته له یوې اوږدې ناروغۍ د سویس په کوز نخت ښار کې سترګې له نړۍ پټې کړې.

په نیویارک کې مېشت د ایران د بشري حقونو مرکز وایي چې د نړۍ پنځه اویا هېوادونو ته یې لیک استولی دی او له هغوی یې غوښتي چې پر تهران فشار زیات کړي، څو د معترضانو له ښکاره غیرقانوني اعدامونو لاس واخلي. د دې مرکز مشر هادي قایمي په یوې اعلامیې کې چې پرون یې خپره کړه ویلي چې د ایران اسلامي جمهوریت له ځوانانو په زوره اقرار اخلي او بیا هغوی اعداموي. همدا راز اقلیتونه د وړو جرمونو په خاطر په نښه کوي چې غږ یې غلی شي. د ایران حکومت په وروستیو کې درې معترضان د اصهفان په زندان کې اعدام کړل. په ایران کې... Читать дальше...

په لسګونو پولنډیان پنجشېر ته تللي دي. په دغه ولایت کې د طالبانو د اطلاعات او فرهنګ ریاست پرون په یوه بیان کې وویل چې په وروستیو کې پنجشېر ته د کورنیو او بهرنیو سېلانیانو ورتګ زیات شوی دی. په دې بیان کې د دې پولنډیانو دقیق شمېر نه‌دی څرګند شوی، خو دا ډله تر دې څو ورځې مخکې هرات ته تللې وه. تر دې مخکې هلمند او غزني څخه د ازادي راډيو خبريالانو يادو ولايتونو ته د بهرنيو سېلانيانو د ورتګ راپورونه ورکړي وو.

د افغانستان او سریلانکا د کرکټ د ملي لوبډلو تر منځ راتلونکۍ اوونۍ د لوبو لړۍ پیلېږي. دواړه لوبډلې به درې یو ورځنۍ لوبې وکړي. د دې لوبو لپاره د افغانستان کرکټ بورډ د حشمت اله شهیدي په مشرۍ خپل ټیم اعلان کړی دی. تر دې مخکې افغان لوبډلې له سریلانکا سره د ۲۰۲۲م کال په نومبر کې دوې لوبې وکړې چې یوه یوه مساوي شوه او درېیمه لوبه د باران له امله ونه شوه.

د پاکستان دفاع وزیر خواجه اصف وایي، حکومت یې پر دې غور کوي چې د مخکیني صدراعظم عمران خان پر ګوند، تحریک انصاف بندیز ولګوي. خواجه اصف د تحریک انصاف ګوند غړي تورن کړي چې د دولت پر تاسیساتو یې بریدونه کړي چې له دې سره په دغه اټومي هېواد کې سیاسي کړکېچ نور هم پسې ژور شي. عمران خان بیا پرون ناوخته په یوه ویډیو پیغام کې له خپلې دې غوښتنې په شا شو چې وار له مخه انتخابات دې وشي. ده وویل چې یوه کمېټه به جوړه کړي چې له حکومت او پوځ سره خبرې وکړي او دا سیاسي بحران پای ته ورسوي. عمران خان په ورته وخت کې پر سترې محکمې غږ وکړ چې پاکستان وژغوري. Читать дальше...

په افغانستان کې یوې نړیوالې موسسې هیله ښکاره کړې چې په څو ورځو کې به طالبان په کندهار کې یوه لنډمهاله لاره چاره ولټوي چې ښځینه کارکوونکو ته اجازه ورکړي، څو په موسسو کې بېرته کارونه پیل کړي. د ناروې د کډوالو د شورا مشر یان ایګلنډ پرون په کندهار کې د طالبانو له چارواکو سره تر لیدو وروسته وویل چې هیله‌من دی په ټول افغانستان کې ښځې کارونو او نجونې زده‌کړو ته ستنې شي او دی به نن په کابل کې هم د طالبانو له چارواکو سره پر دې خبرې وکړي. ایګلنډ پرون په کندهار کې د طالبانو له یو شمېر مشرانو سره تر کتنو... Читать дальше...