Prezident Wladimir Putin Britaniýanyň ozalky içaly Sergeý Skripal hem-de onuň gyzyny harby zäher bilen zäherlemekde güman edýän adamlaryny Orsýetiň anyklandygyny aýtdy. Britan häkimiýetleriniň tersine, ol olaryň siwillerdigini öňe sürdi.
Pakistanyň tussaglykdaky öňki premýer-ministri Nawaz Şarif we onuň gyzy bilen körekeni Şarifiň aýalynyň jaýlanyş çäresi üçin wagtlaýyn türmeden boşadyldy diýlip, Pakistanyň media maglumatlarynda habar berilýär. Olar 12-nji sentýabrda Pakistanyň türme düzgünlerine laýyklykda 12 sagatlyk tussaglykdan boşadyldy, ýöne bu wagt möhleti uzaldyljaga meňzeýär. Begum Kulsum Nawaz bir ýyldan gowrak wagt bäri rak keselinden ejir çekýärdi. Ol 11-nji sentýabrda, 68 ýaşynda Londonyň keselhanasynda aradan çykdy. Читать дальше...
Birleşen Ştatlarda 27 ýaşyndaky owgan bosguny Amerikanyň Nýu-Hempşir ştatyndaky kanun çykaryjy organda orun almak üçin geçirilen ses berişligiň başlangyç – Demokratik partiýadaky bölüminde ýeňiş gazandy. Safiýa Wazir gürrüňi edilýän kanun çykaryjy organda dört möhlet bilen wezipede oturan demokrat bäsdeşi Dick Patteni ozup geçdi. Saýlaw kampaniýasy döwründe Patten “Waziriň bosgun hökmünde syýasy tejribesiniň azlygy onuň saýlawda üstünlik gazanmak mümkinçiliklerine zeper ýetirip biler” diýipdi. Читать дальше...
Türkmenistanyň üstünden tranzit bilen Täjigistana barýan ýük ulaglary türkmen serhedinden howpsuzlyk sebäpli geçirilmeýär. Bu barada türkmen tarapynyň Täjigistan Respublikasynyň Daşary işler ministrligine ugradan resmi hatynda aýdylýar. Täjigistanyň Transport ministrligindäki çeşmäniň 11-nji sentýabrda Azatlyk Radiosynyň Täjik gullugyna (Radio Ozodi) aýtmagyna görä, bu hatda Türkmenistanyň serhedinde, şeýle-de, Türkiýäniň, Özbegistanyň we beýleki ýurtlaryň awtoulaglarynyň garaşyp durandygy habar berlipdir. Читать дальше...
Türk aňtaw agentleri 2013-nji ýyldaky ýowuz bomba hüjümi bilen ilteşikli gözlenýän adamy tussag etdiler we ony soraga çekmek üçin Türkiýä getirdiler diýip, 12-nji sentýabrda türk media serişdeleri habar berdi. Döwlet eýeçiligindäki “Anadolu” habar agentliginiň maglumatyna görä, Türkiýäniň Milli aňtaw edarasy (MIT) türk raýaty Ýusuf Nazigi Siriýanyň Latakia şäherinde tutup, Türkiýä getirdi. Onuň haçan tussag edilendigi baradaky maglumatlar aýdyňlaşdyrylmady. Nazik Türkiýäniň Siriýa bilen serhediniň... Читать дальше...
Türkmen goşunlarynyň hatarynda gulluk edýän ýönekeý esgerleriň azyk ýetmezçiligi problemasy dowam edýär, ilatyň durmuş-ýaşaýyş derejesiniň peselmegi, bazarlardaky gymmatçylyk zerarly ene-atalaram esger ogullaryny goldap bilmeýär.
Owganystanyň gündogarynda geçirilen protest üýşmeleňine edilen hüjümde ölen adamlaryň sany 68-e ýetdi diýip, resmiler aýdýarlar. 11-nji sentýabrda ýurduň Nangarhar welaýatynda janyndan geçen bombaçynyň amala aşyran partlamasynda başga-da 165 adam ýaralandy diýip, welaýat häkimliginiň metbugat wekili Attaullah Hogýani Azat Ýewropa/Azatlyk Radiosynyň Owgan gullugyna beren maglumatynda aýtdy. Nangarharyň Saglyk departamenti hüjümde ölen adamlaryň sanynyň 32-den 68-e ýetendigini tassyklady diýip, Owganystanyň “Tolo News” telekanaly habar berdi.
Russiýanyň prezidenti Wladimir Putin “hiç hili deslapky şertler bolmazdan”, Ýaponiýa bilen Ikinji Jahan urşy baradaky parahatçylyk ylalaşygyna şu ýylyň ahyryna çenli gol goýmagy teklip etdi. Putin bu garaşylmadyk teklibini, 12-nji sentýabrda Russiýanyň Wladiwostok şäherinde geçirilýän ykdysady forumda Ýaponiýanyň premýer-ministri Şinzo Abeniň gapdalynda oturan mahaly etdi. Abe Putine ençeme adanyň eýeçiligi dogrusynda iki ýurduň arasynda onlarça ýyl bäri dowam edýän dawany çözmek we ylalaşyk meselesini ýatladansoň... Читать дальше...
Daşoguz welaýatynda azyk we beýleki harytlaryň bahalary ýene-de ýokarlandy. Azatlygyň regiondaky habarçysy harytlaryň nyrhlary boýunça iň soňky maglumatlary ýetirýär.
Türkmenistanyň Balkan welaýatynda 130-a golaý lukmanyň iş orny boş dur, bu barada welaýat häkimliginiň “Balkan” gazetiniň 6-njy sentýabrda çykan sanynda habar berildi.
