Новости за 23.03.2019

ABŞ-nyň kanunçykaryjylary Russiýanyň 2016-njy ýyldaky prezidentlik saýlawlaryna gatyşandygy boýunça derňewi alyp baran ýörite geňeşçi Robert Muelleriň derňewiniň netijeleriniň gysga wagtyň içinde aýan ediljekdigine umyt bildirdiler.   22-nji martda Mueller 22 aýa çeken derňewiň netijeleri boýunça hasabatyny baş prokuror William Barra hödürledi. Barr hasabat boýunça özüniň prinsipial netijesini “şu hepde soňy” hem Kongrese aýan edip biljekdigini aýtdy. Hasabatyň anyk haýsy bölümleriniň ilat köpçüligine ýetiriljekdigini Barr... Читать дальше...

ABŞ resmileri Russiýa we Hytaý bilen owgan parahatçylyk gepleşikleri boýunça “garaýyşlaryny paýlaşdylar” diýip, Döwlet Departamenti maglumat berýär. 22-nji martda ýaýradylan beýanatda bellenmegine görä, 21-22-nji mart aralygynda Waşingtonda geçirilen duşuşykda taraplar “Owganystanda parahatçylygy, abadançylygy we howpsuzlygy ornaşdyrmak boýunça alnyp barylýan bilelikdäki tagallalar barada maslahat edipdirler”. Duşuşygyň netijesi boýunça üç tarap hem gepleşikleriň nobatdaky tapgyryny geçirmek barada ylalaşypdyr. Читать дальше...

ABŞ Eýranyň ýadro we raketa programmalary bilen ilteşiklidigini aýdýan eýranly alymlaryň, hünärmenleriň we kompaniýalaryň 31-ne garşy täze sanksiýalary girizdi. ABŞ-nyň Döwlet Departamentiniň ýaýradan beýanatyna görä, Eýranyň Goranmak boýunça Innowasiýa we Barlag merkezi bilen ilteşikli 14 şahsyýete we 17 gurama garşy gadagançylyklar girizilipdir. Maglumata görä, SPND hem diýlip bilinýän bu merkez Eýranyň ozalky ýadro ýarag programmasynyň başlygy Mohsen Fakhrizadeh tarapyndan esaslandyrylypdyr. Читать дальше...

Müňlerçe alžirli demonstrant paýtagt Alžirde 82 ýaşly prezident Abdelaziz Bouteflikanyň häkimiýetiniň tamamlanmagyny talap edip, protest geçirýärler. 22-nji martda protestçiler, ýagyşly howa hem garamazdan, paýtagt Alžiriň esasy meýdançalarynda toplanyp, Bouteflika we tutuş hökümete garşy şygarlary gygyrdylar. Protestler 22-nji fewralda başlanyp, olar her anna güni geçirilýär. Daşary ýurtly diplomatlaryň maglumatyna görä, “millionlarça” alžirli Bouteflikanyň 20 ýyllyk häkimiýetini uzaltmak planlaryna garşy ýöriş geçiripdir. Читать дальше...